دستونک
زاھدہ رئیس راجی

کپوتاں نالگ ءُ الہان کُرتگ
تہارماہ ئیں شپ ءَ دیوان کرتگ

برے گوست ءُ برے ھست ءِ نگیگاں
وت ءَ تھنائ ءَ درشان کُرتگ

ھموشی ٹیلگان ئِےپُرسگ ءَ اَت
دل ءِ اُپّارگ ئِے کربان کُرتگ

جہان ءِ آسر ءَ ، چمّانی دیم ءَ
دمان ءَ زندگی، پیچان کُرتگ

کُجا چم دَپ کنئے ستک ءِ مُرادءَ؟
کہیر ءِ ساھگ ءَ ، بیران کُرتگ

پہ زَھری زندگی وشّی نہ گُزرایت
پمشکا ھرکس اوں وَشّان کُرتگ

اے چونیں نوبتے، راجی ماں زردءَ
گوں اندوھاں دل ئِے درمان کُرتگ