*رم لچہ* تئی گم ۔
*رم لچہ* تئی گم ۔
*مریم یادگاری*
تئی گم
من ءَ را چو سوچن ءَ جِک ءَ
تئی دوری منی چمانی کَل انت
بلے بژن’!
ھزار اپسوز ءُ ارمان انت
ھما واھگ پہ تو من مرادے داشتاں
ھما واھگ ھزار رند ءَ دوبر پروشتاں
ھیال ءُ سرجمیں کسہ
وتی من اندر ءَ داشتاں
ھما وھد ءَ من ءُ تو شپانی پلیں بالشت ءَ
ھمک نیم ءَ گوں مھراں
ھما واھگ کتاں کبرانی دلبند ءَ
ھما کسہ منی زند ءِ تھاریں اوتاک
من ءُ تھنا
ھیال تھنا ءُ تو تھنا
شپانی ھمک پاس ءَ گوں درداں کسھے کاراں
ترا جیڑاں
تئی یاتانی ھمک گپاں کناں دیوان
ترا جیڑاں
منی زند ءِ ھما ارمان کہ پُر بیتاں
منی واھگ شُتاں گواتاں
چراگیں درد نازینتاں ھمک پاساں
تئی گم
من ءَ را چو سوچن ءَ جِک ءَ