دستونک
ملکموت بنیادمانی مھر ءِ ساھاں دُور بارت
چہ ھمُک شھر ءَ دلانی دوزواھاں دُور بارت

کترھے ارس ءِ روانی دیدگاں دروھیت منی
زندگی دروھاپیں زند ءِ ھر تماھاں دُور بارت

مھرمیں اُوستانی اُزر ءَ مہلبیں گواتے بُج اِیت
پہ سمین کئیپانی نوبت مے سماھاں دُور بارت

شپ جتاھیں مولمانی مھپراں دنزین کنت
شیشگیں یاتانی موجے تئی متاھاں دُور بارت

سستگیں پاد ءِ سواساں آپ جن کہ نوں من ءَ
باتن ءِ دردانی دنیا دُراھیں راھاں دُور بارت

دوزاہ ءِ آپبنداں اُمرے ھَو نِدارہ من کناں
داں بہشت ءَ نیکی ے کئیت ءُ گُناھاں دُور بارت

دؤر کُٹّیت زالمانی شادھ ءِ پُلے سرپیت
مئے ھُدا چمّ کُٹیں وھد ءِ بادشاھاں دُور بارت

تو شریفؔ ھرچی کنے پہ آئی ءَ مرچی بَلے
آ چِداں چے تئی وڑیں بازیں نواھاں دُور بارت

شریف مومؔن