{ ماشکے ءِ هنوگیں بمبگواری و ماشکے ءِ شهیدانی نام ءَ }
{ ماشکے ءِ هنوگیں بمبگواری و ماشکے ءِ شهیدانی نام ءَ }
حق لوٹیـانی برورد ،بـمـبـانی چـیـر ءَ گار !
رُژنانی بــرانــز و زیــرّگ ، بَٹاک بنت مهار !
دِرّئــے ڈگار ءِ تـَـل تو ، سـاهـاں بـُن دئــے
زا ئــے په مردماں تو ، شُردانی تو زهـار
جمبور و آس گوارئے ، پـُـلّیں تو ماشکے ءَ
لنگڑ و پادشپاد ءِ ، شـرم انت کنئے شکار
مُلک واجهاں کُشئے تو،مُلکءَ پُل ئے بَرئے
ارزان نہ انت اے کار ، هوش ءَ سـر ءَ بـدار
هِمّت نه انت ساهے،هَتیارئی گِپت کنئے
سسّا نه بنت دارگ ، تـئـی تـوپـک ءِ تــوار
آس انت بلوچ ءِ جان و آس انت بلوچءِ مُلک
دنیا چیا چو واب انت ، پـرچـا نه کنت سار
بیرک بلوچ ءِ لوٹ انت ، بـیـرک دل ءِ مـــراد
آزاتــی ءَ ابــیــد چه ، دارئـــے نه تـو مــزار
پَهراں و زند ءِ جنگ ءَ ، چَکپَد نه بیت جهان
ما هم سراں هوار اوں،بیلاں گُوں سرمچار
« تَهل » ءِ جواب تَهل انت ، بیڑانی بیڑ بیڑ
آسانی بیت آسـے ، زُلمانی بـیـت سَـگار
کریم بلوچ _ تَـهـل
24/10/10
***