مجید عاجز ءِ بچکند گال ۔ منیر مومن ءِ منت ءَ
بچکند گال
مجید عاجز
منیر مومن ءِ منّت ءَ
نِشو پہ چار ءُ پنچ تْرندیں جام بووگی نہ اِنت
تلام بیتّہ پَہمِتہ ، تلام بووگی نہ اِنت
ھما کہ در کپیت دل ءَ ، ھما وڑا گُشان باں
منا چو آدُو ءِ ھَر ءَ لگام بووگی نہ اِنت
پہ شپ چراگیں ھانی ءَ بہ وارت تیر ٹیلگ ءَ
نِپِٹّیں شے مُرید ءَ ، شے رگام بووگی نہ اِنت
گوں زیبلک ءَ چیرکائی سوکَلو ءُ سُلّکے
برے برے بہ بیت ، بلئے مدام بووگی نہ اِنت
کے ءَ بہ پُرسیں ، پیش چہ نبشتہ ءَ ، ماں فیس بُک ءَ
کجام گوچلی بہ بیت ، کجام بووگی نہ اِنت
گنوکیں گپّاں عاجز ءِ کِش ئے چو کُنٹگ ءَ تِج اَنت
ھلاراں کُنٹیں کارچے ءَ ھرام بووگی نہ اِنت