اِ بزاں زیر( i ): اِشکر / دِل

اُ بزاں پیش( u ): اُگبال / مُج

آ/ا ( aa / á ): آساپ / مُلّا

اِی ( ee / í ): اِیلّانچ / تازی

اِے ( ey / é ): ایرَھت / شیپ

اے ( e ): کُج ءِ / اِد ءِ

اُو ( oo / ú ): اُو بابی! / ٹُوھ

او ( ou / ó ): اولاک / کور

او ( o ): او مردماں / دو (2)

اَو ( ao ): اَولاد / دَور

اَے ( ae ): اَیبدار / سَیل

اَؤُ ( aú ): دَؤُت / وَؤُو

اَئی ( aí ): کئی / پَئی

انگریزی ءِ کشّابی توار 20 بنت بلے کشّابی نشان 5 اَنت بزاں u, o, i, e, a. بلے اربی سْیاھَگ ( script ) ءَ پَکّائیں کشّابی نشان ایوکا اَلِپ اِنت. “و” ءُ “ی/ے” ھم کشّاب ءِ رَنگ ءَ کارمرز بنت بلے (IPA(International Phonetic Alphabet
ءِ رِدءَ “و” w ءُ ” ی/ے” y کشّاب نہ اَنت بلکیں جْواناب بزاں consonant اَنت.
وَھدے من بلوچی ءَ اَربی سْیاھَگ ءَ نبشتہ کنگ ءَ باں گُڑا منا اَلِپ ءِ سرا بَزّگ کنت. بیچارگ بلوچی ءِ دْرستیں کشّابانی کشّگ ءَ گون اِنت ءُ “مَلّی ھزار کار ءُ سَد کار ءُ ھِچ کار” اِنت.
سید ھاشمی ءَ راست گُشتگ: “بلوچی زبان ماں اے(بزاں اَربی ) سْیاھَگ ءَ ھِجبر راست ءُ تچک نبیسّگ ءُ وانگ نہ بیت.”