سرگوست ..دیم پہ ملکءَ
ھپتُمی بہر
نعیم حمید

ما تیابءَ وئیل اتیں گونڈو جنین درست جان شودگءَ اتاں من سراجءَ گشت بریں گوادرءِ سنگتاں در گیج ایں ما گران بوتیں ھر نیمگا چارت گوادرءِ سنگت مارا دز نہ کپتاں سک باز مردم اتکگ اَت ما دیمءَ شتیں روڈءِ کشءَ مئے گوادرءِ سنگت چو دلوتءَ کپتگاں یک ءُ دو پاد اتکگ آ درست واباں روچ در اتکگ بلئے سنگت انگت واباں من زانت دوشی سنگت اوور گیج بوتگاں ما گپت یکے پاد کت ٹپگءَ کپت ما ھرکسی دستءَ گِریں پاد کنیں پدا کپنت پہ واری ما پاد کتاں

ائید مبارکی کتاں منءُ سراجءَ پہ مسکرا دراہینت شمئے لاش دوشی لیوزءَ چتگءُ آورتگاں شما سہی نہ ئے یکے دیمءِ کمپانءَ ھرءِ کشءَ واب بوتگ یکےءَ دراہینت مزاک مکن من گشت وللہ لیوز مہ بوتین ھرءَ تی جنازہ چست کتگ اَت ما مزاک مسکرا کنگا اتیں من چَک ترینت داں وارس شُناس انت ٹَپّی ٹوری انت پشک دِرتگ ے گُد چہ ھونءَ دستءُ دیمی ٹپی اَنت من گشت ھاں بچہ تو پرے ھالءَ ئے گشی ھو اڑے انی ما پرپٹءِ سرا کپتگیں من گشت تو بلکں مے سنگتانی وڑا اوور گیج بوتگ ے گوں گشی ناں یار بس ما پرپٹ ٹَن داتگ کپتگیں من دراہینت دوشی ادا بے سُرا این گشندے سوت جتگ گشی من بوتگاں ھو اڑے دوشی من نہ زانتگ چے بوھگ انت ساز کجا من کجا من سِٹ نہ بوتگاں من وت نہ زانتگ من چے الہان کنگایاں ما سنگت رکست کتاں دیما شتیں داں زریپ مروان. ارپان کلیل.منیر.ھمید.. نادر پیداگاں سراجءَ کیمرہ بڈّءَ ات مارا دو سنگتءَ گپت بھاہی ھمارا فوٹو کینچو پھر وٹساپ کرو سراجءَ وٹساپ نمبر زرت ما اے رزا دات دیما شتیں دگے مہاجرےءَ مارا گپت منی اکس بگرے پدا منا وتساپ بکن ات ے من شمارا بیزار کناں یکوہی مسکال دیاں سراجءَ گشت واردءِ کارڈے بدے دیم دیان ے ھمے رنگءَ من اکس گران اتاں سراج وتساپ نمبر زوران اَت سراج گشت شمے ماتءَ من بند کناں سبر لوگا سر باں ما شتیں تمبو کرا من ارپان کلیل کرا پینٹے پچ گپت پینٹ سک لُک اَت بلے نیستیءَ شمبو گِہہ انت تمبو پیتک سامان زرتاں روڈءِ سرا اتکیں گاڑیءَ باز پاٹان آورتگ ات کسان کسانیں بچک کہ سک شوک اتاں یکےءَ مے دیما پینٹ کش ات سراجءَ جت اشارے بچارے مارا اے زناے سرا مہ دنت پٹان ناچءَ لگ اتاں ما اشتات دپ چاپینت کراچی ءِ بیست سنگت رست مے اکس بگرے ما پورا اکس گرییءِ دکانے پچ کتگ اَت ما سجین یکجاہ کتاں اکس گپت بچکاں گشت پکنک کنین نانی مندرءَ رویں سپر پہ دیما بندات کت نزیر نگوریءِ سَرپ گاڑیءَ مارا راہءجواب دات سرپ گاڑیءِ مات بند بوت ارپان پارٹیءَ پرپٹ گون اَت ما نزیرءِ گاڑی روڈءِ کشءَ دؤر دات پرپٹانی گوما پکنکءَ شتیں ما پُولےءِ چیرا ایر اتکیں سک گوات اَت سنگتاں دار چت سراج گوں پارٹیءَ بوتل پچ کت گواتءَ مارا ریک پِر ریتک ما سک بے وار اتیں ما کچک رزواہی ورگ اڑ داتءُ ورگ زرتاں دور ھوٹلےءَ شتیں کہ ادا ٹَرک والا کایاں دوار کناں مے سرءُ دیم چہ ریکءَ سگاروے اتاں ما ڈارک ھوٹلءَ شتیں آپءِ ٹانکیءِ سرا اُرش کت ھوٹل والا گشت زاناں ورگ وراں بلے آپءَ زوراں پرشا کہ آپءِ کمی ات سنگتان گوں گاڑیءَ ورگ آرتاں من نشت ھوٹل والا گشت پلیٹ بیار بزگءَ اورت ما نشت وارت نزیرءِ گاڑی پہ واری ادا ٹوچنگ کت آورت ھمدا ایر کت گاڑیءَ برپ مان اَت ما ھوٹل والاءَ داتاں ارپا کلیل پارٹیءَ سبارگ کت پدا شتاں کنڈ ملیر نیما ما اتکیں روڈءِ سرا گاڑی دست دئیگءَ کسءَ مارا نہ برت کسے کہ اشتات چہ مردمءَ پُر اَت ما یکبرے گشت ھمدا وسپیں مے گوادرءِ ھما سنگت کہ ما دیستاں اے شش یا ھپت پرپٹ اتاں اشاں مارا سلام دات گوستاں اے ھمے سرپد بوتان اے انجواے واستہ اشتاتگاں شہگوستاں مارا پہ واری ازابی مزنیں ٹریلہ ے رست بچکاں گشت مجبوریءَ روین گوں سراج ارپان اُسمان اجاز سک نشہ اتاں جلیل گشت اشاں من زوران گوں بینکءِ منیجرءَ ھم کہ کماشے نزیر ھم کماشے ات بلے آ سے ایں نشہ اتاں آہاں گشت ما ٹریلہ نہ رویں گوں جلیل گشت شما پسنیءِ کراسءَ ایر بیا ات ما دیما روان ایں ٹریلہءِ دیما دو مردمءِ جاگہہ است ات ما پنچ مردم اتیں من نزیر نگوریءُ امجد مراد بُرزا سر کپتیں برزا سک گوات اَت ما کندگا اتیں اے ھم شر بوت مارا گاڑی ے وا رست ٹریلہ روان اَت بُزّی کنڈگءَ سر بوت کوہ سک زیبدار اتاں ما برزا چے کوہءَ ندارگ کنگا اتیں ءُ دلترک اتیں کہ اے دیما شت مکنت ما ھمدا مِریں نزیرءِ دیمءِ پُٹ شتگ اتاں گوات کشگا اَت نزیرءِ پش کپتگیں مود پشتہ شتگ اتاں امجد اکس گرگ ءَ ات ما بزی کنڈگ گوازینت دیما ٹریلہ والا اشتات پہ نمازءَ شُئیب زریپ دیما نشتگ اتان شئیبءَ گشت نئیم بیا دیما نند من رواں برزا منی دلءَ نہ اَت کہ برز سک وش ات زور منءَ دیمءِ برت ڈریور نماز کت اتک من ڈریورءَ گشت برز سک وش بوتگ گشت ے ھو من دیست ٹریلہ دیما نبشتہ اَت میر امداد رند من گشت اے میر امدادءِ ٹریلہ انت پسو دات ے ھو من گشت تو زان ے میر امداد منی چے انت ڈریورءَ گشت چے انت من الکاپین ے زَبرت کہ منی ناکو انت کلینڈرءَ منا ھب چوکیءِ گُٹکا اے راہءَ دلءِ تبء وارینت ما اورماڑہ ھوٹل کرا رستیں داں برزا ٹُکگ انت یکے ڈریورءَ ٹریلہ اشتارینت شئیب شور کنگا اَت بدار ما ایر کاہیں منی سر چکرگ انت واب گرگ انت مے جند کپیت ما ایر اتکیں ڈریورءِ منت گپت ءُ اورماڑہ ھوٹلءِ نیما جُنز اتیں ھمدا پٹرول پمپے است اَت ما یکبرے ھمدا شتیں مارا سنگتاں آپ چاہ کت شئیبءَ گشت ادا باڑہ والا گاڑی رسیت واجہءَ دراہینت ھو من یکے فون کناں آہیءَ یکے فون کت ما گشت دیمءِ ھوٹلءَ رویں بگش ھمدا بیا ما شتیں ھمودا داں مے گوادرءِ سنگت درست ھمدا تاں پرپٹ ایر اَنت شراب ورگایاں اسپیکرانی سرا سوتے پِر کتگ ٹینٹ ناچ کنگایاں من شتاں ھمشانی کرا یار شما سرپدے ما ٹریلہ ےءِ گوما اتکگیں مے گاڑی ھراب بوتگ اودا کہ شما مارا دیستگ ما گاڑی دست دئیگءِ واستہ اُشتاتءَ بوتگیں ما گشت شما نندے ما کمو دیما نندیں مے گاڑی کیت ما یکے گشتگ شما کسے کاے گوں مارا برین ے گوں آیاں گشت ما شپءَ ھمدا داریں سہبءَ در کاہیں…… ما شتیں مزیں گاڑیےءِ کرا تگردے پچ انت ما ھمدا نشتیں نزیرءِ سرا فونے اتک گاڑی پیداگ انت داہ ھزار کلدار لوٹگ انت مے چم در اتکاں واجکارءَ مے ڈس نشان داتگ اَت اتک ھمدا داں سر بوت ھاں شماے گوادرءَ برگ لوٹ ے شئیبءَ اش کتگ اَت کہ داہ ھزار لوٹیت شئیب گشت ناں ما نہ انت مارا گاڑی گون ھمے گاڑی والاءَ مباھل کش ات شُئیبءَ وڑے سرا نزیرءِ مباھل زرتءُ بند کت آہیءَ جت داں نمبر بند انت گاڑی والا شت ھما واجکارءِ نیمگا ما اے تگرد یلہ داتءُ ھوٹلءِ دومی نیما ٹانکی ے است ات ھمشی سرا نشتیں ما گشت بس الم کایاں روین گوں بس ے اتک نزیر شت آہیءَ گشت من تربتءَ رواں بکے گوادرءِ بس الم.کیت ما نشتءُ گوادرءِ بسءِ ودار کت

روان انت