پچیں کاگدے بلوچ لبزانکی اکاڈمی ۏ بلوچ ندکارانی ناما
—
مڑاهداریں واجه ۏ بانۏکاں،
بلوچی زۏبان ې دیمرویا شۏمئی جۏهد ستا کرزیت. شۏمئی نیاما باز کساں وتی همۏک روچی کار یله داتگ أنت ۏ بلوچیا ترقی دیگا إت. دگه لهتے وتی کار ۏ کۏٹما داتگیں وهدا سرچنگ ۏ بلوچیا دیگا إت. بلوچی شاعری ۏ ردانکا شۏمئی جۏهدانی برکتا ردوم زۏرتگ. پمېشا، منی باوَر همېش إنت، هنی ما هما جاگها رستگیں که وتی سیاهَگ ې راهبندا کمۏک شرتر ترتیب به دی ایں.
اے تکا باز کار کنگا رند چیرا داتگیں لهتے گال ۏ نشانانی دروشماں مٹینگ ې شَور دیوں.
—-
• ءَ – گال ې بدلا ‘الف’ ۏ ‘ئا’ زیرگ به بنت (ئا’ ناماں ۏ نمبراں رند، الف دگه جاگهاں).
• ءِ – نشان یا گال ې بدلا نوکیں آب ‘ې’ زیرگ به بیت. اے آب گالانی نیاما زیـر ې توارا هم کشیت. هچنۏش که: جېنگ (بالی مرغ)، بېنگ (نراز، کۏچک). اگر همے دویں گالاں ‘ې’ هوار کنگ مه بیت، بَنگ (نشه کنوکیں قلندری درمان) ۏ جنگ (فساد) گالاں گوں مردۏما اڑین انت.
• ۏ – هوار کنگ ې گال ‘ءُ’ ې جاگها ‘ۏ’ زیرگ به بیت. اے آب گالانی نیاما ‘پیش’ ې کارا هم کنت. هنچۏش که ‘کۏشت، دۏشت، مۏشت، درۏشت. ‘ۏ’ آب ې هوارکنگ ې برکتا گال شرتر گیش أنت.
• ئِـــــے – ناموَڑ گال ې جاگها ‘ېی’ زیرگ بیتگ. کار ېی کۏت (آېیا کار کۏت)، مار ېی کۏشت (آېیا مار کۏشت)
—
شۏمئی دلگوش ې منتوار
ولید گربۏنی