ھلیل پکیر ءِ سپرنامہ

اہرپورٹ ءَ چہ ما لوگ ءَ سربت انت . من استاد سدیر بلوچ لوگہ بتاں . من گوں استاد ءَ گشت استاد شمے ملک سک گرم انت.استاد ءَ کندیت گشت دنیگہ کجیں دیما بچار چے بیت.
سے چار روچ منی پہ دبی ءِ گِندگہءُ سیل سواداں گوست. پدا من ناکوے گوما دکان ءَ شتاں. کسانیں دکان ءَ وردنی سامانانی گہ. ادا اربی زبان گشنتے بقالہ…
مے دکان شارجہ جاگے نام انت نیشنل پینٹ ھمود ءَ .ادا نوک آبادی پیداک اہت. یک دو تیاریں ماڈی است ءَ بس .

ایندگہ دُرُست کپی چنڈی تاں. من ھیران تاں ناکو ادا چیا جنگل ءَ دکان پچ کتگ.مردمی جند نیست. مے کار امیش اہت سوب ءَ دہ بج ءَ دکان ءَ پچ کن شپے یازدہ بج ءَ بند کن. روچ ءِ چاردہ درھم ءِ کچ ءَ ما سودایی کت. بیست درھم ءَ ما سبارگ کت. انگا شام کنگا ما لوگہ شتیں. ھمے وڈءَ دو ماہ گوست ناکو منا چے ءُ من دکان ءَ چہ بیزارتاں. من ناکو ءِ ھمراہ.داری یل کت . لوگانی کش گوراں پہ وتا کار پٹگ بنا کت. بلے مدام.بے سوب بتاں.چہ کہ ھرجاہ من شتاں اربی لوٹیتے ءُ من اربی نزانت. ھمے پیم دگہ دو ماہ گوست. نی منا دبی ءَ سک تکانسر کتگ ءَ چیا کہ بے کاری سک گران انت پدا درملک ءَ. انگہ برے برے منا استاد سدیر ءَ ءُ منی ناکو زتک ایسُپ ءَ سپاری ءَ کارءَ . برے برے آیی گیسٹ کم بتگاں گڈا منا گوں وت برتے گوں. بزاں گڈا آہ روچ منی سک وش بتگ.
استاد روچ ءَ کار ءَ بتگ. بیگاہءَ کمو وپتگ. گڈا مگرب ءَ پد برے برے اگاں پروگرامے مشاعرے بتگ منا برتگے گوں .
بلے چار ماے بے کاری ءَ منا سک تکانسر کتگا من دل ءَ گشت گندے منا کسے ٹکٹے بداں من ملک ءَ رواں. شاباش انت استاد ءُ ایسُپ ءَ منا برے برے زرے داتگے.
یک روچے من مات پون کت وتیی بے کاری بدحالی ءُ بزگی ھال دات انت. من گشت منی مات من کایاں. ماتءَ چو مدامی وڈا گشت منی چک اللہ بادشاے ملک ءَ اچ نیست ملک و تو دیستگ کمو انگہ بچارے.
منی دگہ ناکوے پتے برات انت العین اہت .من گڈا ھمود ءَ شتاں. من یک روچے ناکوءَ گشت ناکو منا ھشکیں نندگہ سک دمبرتگ منی واستہ کارے پٹے گوں من ھرچ وڈیں کار کناں مزدوری ھمالی . ایندگہ روچ ءَ من ءُ منی ناکو شتاں العین ءِ بازار ءَ ھمودءَ ناکوے سنگتے ءَ اگاں من بے ھیال نہ انت منی دل ءَ بوھیر کلانچی اہت. ناکو گشت اے ھلیل انت پکیر ءِ چک انت. واجہءَ مارا باز ازت دات پدا گشتے ھلیل یک کارے است اگاں کنے ءِ من گو من ساڈیاں . گشی بریمی ءَ انت پیش ءَ بریمی العیں بارڈر پچ اہت. دومی روچ ءَ اشاں منا برت ھمے دکان ءَ دکان بنگالی ءِ گہ ڈش پٹنگ ءُ سیٹنگ ءِ گہ. منی کار ھمای دکانے دگہ کاریگرے است اہت ھمای ہلپری ءَ.
ما مدام اربانی لوگ ءَ ڈش پٹنگ ءَ.شتیں. شپا ھمے بنگالیانی کوٹی وپتاں گوں منا بے واب نیتک اشاں ساپ ستراہی نیست ءَ.پدا روچ ءَ شپاہ انچیں ورگ وارت کوٹی نندگی نہ اہت. منا باور کن وتی سرا وت بزگ بییگ ءَ اہت. برے دل ءَ گشت سوچ ھلیل اے نی زندگی ءِ یل کن برو ملک ءَ.بلےمن پشت ءَ وتی مات وتی کسانیں برات گہارانی بزگی دیست گڈا من وتی بزگی بے ھال کتاں. مے دویں ناکواں مے واستہ ھزار شاباش انت. مے پت ءِ مرگ ءَ پد مارا ھچ چیز ءَ گٹ نکتگ. بلے منا یاد انت مے پت ءِ مرگ ءَ پد مے مات ءَ ھچ بر گونی آرت گونی شکر نزرتگ اے نہ انت کہ زر نبیتگ ھمے واستہ نزرتگ کہ کسے مگشیت کہ زر دگرانی ءَ پرچہ نہ زورنت……….
ھمے وڈ ءَ بزگی ھپتگ ءِ گوست ما ڈش ءِ پٹنگ ءَ پد دکان ءَ اتکیں گڈا ھمیے مے اربابیں بنگالی ءَ گشت تی ناکوا پون کتگ ترا لوٹیت. گڈا منا پونے جتے داتے. ناکو ءَ گشت چونیں تی کار من گشت شر انت. گشی بیگاہ ءَ کارہ مروگوں من کایاں تی رندا ایسپ ءَ پون کتگ گشتگے پیپسی کمپنی ءَ ترا کارءَ لوٹتگے شپ ءَ ایسپ کیت تی رندا…….. ….. روان انت