ﺑﻠﻮﭼﯽ ﺯﺑﺎﻥﺀِ ﻧﺒﺸﺘﺎﺭﯼ ﺩﻭﺭ۔ مھمد آسکانی
ﺑﻠﻮﭼﯽ ﺯﺑﺎﻥﺀِ ﻧﺒﺸﺘﺎﺭﯼ ﺩﻭﺭ
ﻫﺮ ﺭﺍﺝ ﻭ ﻗﻮﻣﮯﺀِ ﺟﻬﺪ ﻫﻤﯿﺶ ﺇﻧﺖ ﻛﻪ ﻭﺗﯽ ﺩﻭﺩ ﻭ ﺭﺑﯿﺪﮒﺀَ ﺟﻬﺎﻥﺀَ
ﭘﯿﺶ ﺑﺪﺍﺭﯾﺖ ﻭ ﻭﺗﯽ ﺁﯾﻮﻛﯿﮟ ﭘﺪﺭﯾﭻ(ﻧﺴﻞ) ﺀِ ﻫﻤﮕﺮﻧﭽﯽﺀَ ﮔﻮﮞ
ﺭﺍﺟﯽ ﺭﺳﻢ ﻭ ﺩﻭﺩﺍﮞ ﻣﻬﺮ ﺑﻜﻨﺖ . ﺷﺮﺗﺮﯾﮟ ﺭﺍﻩ ﭘﻪ ﺭﺳﻢ ﻭ ﺩﻭﺩﺍﻧﯽ
ﺍﻧﺘﻘﺎﻝ ﺩﯾﮓﺀَ ﺯﺑﺎﻥ ﺇﻧﺖ . ﺁ ﺭﺍﺟﮯﺀَ ﻛﻪ ﻭﺗﯽ ﺯﺑﺎﻥ ﺯﻧﺪﮒ ﺩﺍﺷﺘﮓ،
ﺁﺋﯽﺀِ ﻧﺎﻡ ﻣﺎﮞ ﺭﺍﺟﺪﭘﺘﺮﺀَ ﺩﺭﭘﺸﯿﺖ ﺑﻠﺌﮯ ﺁ ﺭﺍﺟﮯ ﻛﻪ ﭼﻪ ﻭﺗﯽ ﺯﺑﺎﻥﺀَ
ﻧﺎﺩﻟﮕﻮﺵ ﺇﻧﺖ ﺁﺋﯽﺀَ ﺁﭖ ﺑﺎﺭﺕ ﻭ ﻣﺎﮞ ﺯﻣﺎﻧﮓﺀِ ﺩﻧﺰ ﻭ ﻣﺠﺎﮞ ﮔﺎﺭ ﻭ
ﺑﯿﮕْﻮﺍﻩ ﺑﯿﺖ ﺇﻧﺖ، ﻫﻨﭽﻮ ﻛﻪ ﺳﯿﺪ ﻫﺎﺷﻤﯽ ﮔْﻮﺷﯿﺖ :
ﺭﺍﺟﮯ ﻛﻪ ﺑﺒﯿﺖ ﮔﻨﮓ ﻧﻤﺎﻧﯿﺖ ﻧﻤﺎﻧﯿﺖ ﻣﺎﻧﯿﺖ ﭘﻪ ﺍﺩﺍﺭﻛﮯ ﺑﺰﺍﮞ
ﺯﻧﺪﮒﺀَ ﻣﺮﺩﺍﺭ
ﺯﺑﺎﻥﺀِ ﺩﯾﻤﺮﻭﯼ ﮔﻮﮞ ﻭﺍﻧﮓ ﻭ ﻧﺒﯿﺴﮓﺀَ ﺑﻨﺪﻭﻙ ﺇﻧﺖ؛ ﭘﭽﮯ ﻛﻪ ﺗﻬﻨﺎ
ﮔﭙﺘﺎﺭ ﺯﺑﺎﻥﺀَ ﺯﻧﺪﮒ ﺩﺍﺷﺖ ﻧﻜﻨﺖ، ﺑﻠﻜﯿﮟ ﻧﺒﯿﺴﮓ ﺇﻧﺖ ﻛﻪ ﺯﺑﺎﻥﺀَ
ﺍﺑﺪﻣﺎﻥ ﻛﻨﺖ . ﻫﻨﻮ ﺁ ﺯﺑﺎﻧﺎﻧﮯ ﻛﻪ ﻧﺒﯿﺴﮓ ﻭ ﻭﺍﻧﮓ ﺑﯿﮕﺎﺃﻧﺖ ﻛﻤﺘﺮ
ﺑﯿﮕْﻮﺍﻫﯽﺀِ ﺁﻣﺎﭺ ﺃﻧﺖ .
ﺑﻠﻮﭼﯽ ﺯﺑﺎﻥ ﻫﮟ ﯾﻜﮯ ﭼﻪ ﺩﻧﯿﺎﺀِ ﻛْﻮﻫﻨﺘﺮﯾﮟ ﺯﺑﺎﻧﺎﻥ ﺇﻧﺖ ﻛﻪ
ﺯﺑﺎﻧﺰﺍﻧﺘﯽﺀِﺭﺩﺀَ ﭼﻪ ﻫﻨﺪﯼ ﻭ ﯾﻮﺭﭘﯽ ﻭ ﭘﺪﺀَ ﭼﻪ ﻫﻨﺪ ﻭ ﺍﯾﺮﺍﻧﯽ ﺯﺑﺎﻧﺎﮞ
ﺷﻤﺎﺭ ﻛﻨﮓ ﺑﯿﺖ ﺇﻧﺖ ﻭ ﮔﻮﮞ ﺍﯾﺮﺍﻥﺀِ ﻛْﻮﻫﻨﯿﮟ ﺯﺑﺎﻧﺎﮞ ﺑﺎﺯ ﻧﺰﯾﻜﯽ ﻭ
ﺳﯿﺎﺩﯼ ﺩﺍﺭﯾﺖ .
ﺑﻠﻮﭼﯽ ﭘﯿﺴﺮ ﭼﻪ ﻧﻮﺯﺩﻫﻤﯽ ﺳﺪﯼﺀَ
ﺑﻠﻮﭼﯽ ﺯﺑﺎﻥ ﺗﺎ ﻧﻮﺯﺩﻫﻤﯽ ﺳﺪﯼﺀِ ﮔﮉﺳﺮﺀَ ﻧﺒﺸﺘﺎﺭﯼ ﺯﺑﺎﻧﮯ ﻧﺒﻮﺗﮓ ﻭ
ﺑﻠﻮﭼﺴﺘﺎﻥﺀِ ﺳﺮﻛﺎﺭﯼ ﺯﺑﺎﻥ ﭘﺎﺭﺳﯽ ﺑﻮﺗﮓ . ﺑﻠﻮﭼﯽﺀِ ﺗﻬﻨﺎﺋﯿﮟ
ﭘﺸﺖﻛﭙﮓﺀِ ﺭﺍﻩ، ﺷﻌﺮ ﻭ ﻟﭽﻪ ﻭ ﺑﺘﻞ ﺑﻮﺗﮓ ﺃﻧﺖ ﻛﻪ ﺑﻠﻮﭼﺎﮞ ﺳﯿﻨﮓ
ﭘﻪ ﺳﯿﻨﮓﺀَ ﭘﻪ ﺁﯾﻮﻛﯿﮟ ﻧﺴﻼﮞ ﺭﺳﯿﻨﺘﮓ ﺃﻧﺖ .
ﺍﻟﺒﺖ ﻟﻬﺘﮯ ﺷﺎﻋﺮ ﻭ ﻧﺪﻛﺎﺭ ﻭﺗﯽ ﻧﺒﺸﺘﺎﻧﻜﺎﮞ ﭘﻪ ﺑﻠﻮﭼﯽﺀَ ﻧﺒﺸﺘﮓ
ﺃﻧﺖ، ﺑﻠﺌﮯ ﻫﻨﻮﮔﯿﮟ ﻭﮌﺀَ ﺑﻠﻮﭼﯽ ﻛﺘﺎﺏ ﻫﺮ ﻛﺴﯽ ﺩﺯﺭﺱﺀَ ﻧﺒﻮﺗﮓ .
ﻛْﻮﻫﻨﺘﺮﯾﮟ ﺑﻠﻮﭼﯽ ﻛﺘﺎﺑﮯ ﻛﻪ ﺩﺳﺖ ﻛﭙﺘﮓ ﻋﺜﻤﺎﻥ ﻛﻠﻤﺘﯽ ﺭﻧﺪﺋﯿﮓ
ﺇﻧﺖ ﻛﻪ ﻣﺎﮞ 1763 ﻡﺀَﻧﺒﺸﺘﮓ ﺋﯽ . ﺇﮮ ﻛﺘﺎﺏﺀِﺑﻨﮕﭗ ﺑﺘﻞ، ﺩﺍﺳﺘﺎﻥ
ﻭ ﻟﭽﻪ ﺇﻧﺖ . ﺩﮔﻪ ﻛﺘﺎﺑﮯ ﻣﯿﺮ ﻛﻤﺎﻝ ﺧﺎﻥ ﮔﭽﻜﯽ ﺋﯿﮓ ﺇﻧﺖ ﻛﻪ ﻣﺎﮞ
1872ﻡﺀَ ﻧﺒﯿﺴﮓ ﺑﻮﺗﮓ . ﻫﻨﻮ ﺇﮮ ﺩﻭﺋﯿﮟ ﻛﺘﺎﺑﺎﮞ ﻣﺎﮞ ﻟﻨﺪﻥﺀِ
ﻛُﻬﻨﮓﻛﺪﮒ( ﻣﻮﺯﻩ) ﺀَ ﺇﯾﺮﺃﻧﺖ .
ﺑﻠﻮﭼﯽ ﺯﺑﺎﻥﺀِ ﻧﻮﻛﯿﮟ ﺩﻭﺭ
ﻫﻤﺎ ﭘﯿﻢﺀَ ﻛﻪ ﮔﻮﺷﮓ ﺑﻮﺕ ﺑﻠﻮﭼﯽ ﺯﺑﺎﻥﺀِ ﻧﺒﺸﺘﺎﺭﯼ ﺳِﻨﺪ(ﻋﻤﺮ) ﺑﺎﺯ
ﺩﺭﺍﺝ ﻧﻪ ﺇﻧﺖ . ﮔﻮﮞ ﺑﯿﺴﺘﻤﯽ ﺳﺪﯼﺀِ ﺑﻨﮕﯿﺞ ﺑﯿﮓﺀَ ﺑﺎﺯﯾﮟ ﺑﻠﻮﭺْ
ﻟﭽﻪﻛﺎﺭ ﻭ ﻧﺪﻛﺎﺭﮮﺀَ ﺳﻤﺎ ﻛﭙﺖ ﻛﻪ ﻣﺎﺭﺍ ﻭﺕﺀَ ﺯﺑﺎﻧﮯ ﻫﺴﺖ، ﮔﮍﺍ
ﭘﭽﮯ ﺍﺭﺩﻭ ﻭ ﭘﺎﺭﺳﯽﺀِ ﭼﻤﺪﺍﺭ ﺑﺒﺌﯿﮟ؟ ﺑﻠﻮﭼﯽ ﺯﺑﺎﻥﺀَ ﻛﻢ ﻛﻢﺀَ ﻭﺗﯽ
ﺭﺍﻩ ﮔﯿﺸﯿﻨﺎﮞ ﻛﺖ، ﺑﻠﻮﭼﯽ ﻟﭽﻪﻛﺎﺭﯼﺀِ ﺩﯾﻮﺍﻧﺎﮞ ﺑﻨﮕﯿﺞ ﺑﻮﺕ ﺃﻧﺖ،
ﺑﺎﺯﯾﮟ ﻟﭽﻪﻛﺎﺭﮮﺀَ ﻭﺗﯽ ﻟﭽﻪﯾﺎﮞ ﭘﻪ ﺑﻠﻮﭼﯽﺀَ ﭘﺮﺑﺴﺖ ﺃﻧﺖ . ﺇﮮ ﻛﺎﺭ
ﭘﻪ ﺑﻠﻮﭼﯽﺀِ ﺩﯾﻤﺮﻭﯼﺀَ ﻭﺷﯿﮟ ﻣﺴﺘﺎﮔﮯ ﺃﺕ، ﺑﻠﺌﮯ ﺇﮮ ﻛﺎﺭﺀَ ﺩﻭ
ﺭﺩﯼ ﻣﺎﻥ ﺃﺕ . ﯾﻜﮯ ﺇﮮ ﻛﻪ ﺑﻠﻮﭼﯽﺀِ ﻧﺒﺸﺘﺎﺭﯼ ﺩﻭﺭ ﮔﻮﮞ ﻟﭽﻪﻛﺎﺭﯼﺀَ
ﺑﻨﮕﯿﺞ ﺑﻮﺕ؛ ﯾﻌﻨﯽ ﺑﻠﻮﭼﺎﮞ ﮔﯿﺸﺘﺮ ﻟﭽﻪﻛﺎﺭﯼﺀِ ﻧﯿﻤﮓﺀَ ﺩﻟﮕﻮﺵ ﻛﺖ،
ﭘﻤﺸﺎ ﺑﻠﻮﭼﯽﺀِ ﺭﻣﻜﺎﺭﯼ( ﻧﺜﺮﻧﻮﯾﺴﯽ) ﺑﺎﺯ ﺩﯾﻤﺮﻭﯼ ﻧﻜﺖ ﻛﻪ ﺗﺎ ﺭﻭﭺﺀِ
ﻣﺮﻭﭼﯽ ﺑﻠﻮﭼﯽﺀِ ﺭﻣﻜﺎﺭﯼ ﺩﻝﺀِ ﺗﺒﯿﮟ ﻣﻨﺰﻟﮯﺀَ ﺳﺮ ﻧﺒﻮﺗﮓ .
ﺩﻭﻣﯽ ﺭﺩﯼ ﺇﯾﺶ ﺃﺕ ﻛﻪ ﺑﺎﺯﯾﮟ ﻟﭽﻪﻛﺎﺭﮮﺀِ ﻟﭽﻪﯾﺎﮞ، ﺑﻠﻮﭼﯽ ﺗﺎﻡ
ﻣﺎﻥ ﻧﯿﺴﺖ ﺃﺕ ﻭ ﭼﻪ ﭘﺎﺭﺳﯽ ﻭ ﺍﺭﺩﻭ ﻭ ﻋﺮﺑﯽﺀِ ﮔﺎﻻﮞ ﺳﺮﺭﯾﭻ ﺇﺗﻨﺖ
ﻭ ﺁ ﻟﭽﻪﻛﺎﺭ ﻭ ﻧﺪﻛﺎﺭ ﻛﻪ ﻟﭽﻪ ﻭ ﻧﺒﺸﺘﺎﻧﻚ ﺇﺵ ﺯَﮔْﺮﺗﺮﺇﺗﻨﺖ، ﺁﯾﺎﮞ ﻣﺎﮞ
ﺩﮔﻪ ﮔﭙﭽﻠﮯﺀَ ﻛﭙﺘﮓ ﺇﺗﻨﺖ ﻭ ﮔﻮﮞ ﭘﺎﺭﺳﯽﺀِ ﺳﯿﺎﻫﮓ( ﺭﺳﻢ ﺍﻟﺨﻂ) ﺀَ
ﻭﺗﯽ ﻟﭽﻪ ﻭ ﻧﺒﺸﺘﺎﻧﻚ ﺇﺵ ﻧﺒﺸﺖ ﺃﻧﺖ .
ﻣﻮﻻﻧﺎ ﺧﯿﺮ ﻣﺤﻤﺪ ﻧﺪﻭﯼ ﻭ ﺳﯿﺪ ﻇﻬﻮﺭﺷﺎﻩﺀِ ﺩﻭﺭ
ﺇﮮ ﻧﮕﯿﮕﯿﮟ ﺟﺎﻭﺭ ﮔﻮﮞ ﻭﺗﯽ ﺗﺮﻧﺪﯼﺀَ ﺟﺎﺭﯼ ﺃﺕ ﺗﺎ ﻛﻪ ﻫﺎﻭﻧﺪﺀَ
ﺑﻠﻮﭼﯽﺀَ ﭘﮕﺮﻣﻨﺪ ﻭ ﻣﺰﻥ ﺳﺴﺎﺋﯿﮟ ﺟﻬﺪﻛﺎﺭ ﺑﻜﺸﺎﺇﺕ . ﯾﻜﮯ ﭼﻪ ﺇﺷﺎﮞ
ﺧﯿﺮ ﻣﺤﻤﺪ ﻧﺪﻭﯼ ﻭ ﺁ ﺩﮔﻪ ﺳﯿﺪ ﻫﺎﺷﻤﯽ ﺃﺕ .
ﺇﮮ ﺩﻭﺋﯿﮟ ﺷﻬﺰﺍﻧﺘﺎﻧﯽ ﺯﺣﻤﺘﺎﮞ ﭘﻪ ﺑﻠﻮﭼﯽﺀَ ﻫﭽﺒﺮﺀَ ﺷﻤﻮﺷﮓ ﻧﺒﻨﺖ؛
ﻣﻮﻻﻧﺎ ﺧﯿﺮ ﻣﺤﻤﺪ ﻧﺪﻭﯼﺀَ ﮔﻮﮞ ﺗﺎﻛﺒﻨﺪ( ﻣﺠﻠﻪ »( ﺳﻮﻏﺎﺕ » ﺀِ ﭼﺎﭖ ﻭ
ﺷﻨﮓ ﻛﻨﮓﺀَ ﺑﻠﻮﭼﯽﺀِ ﺭﻣﻜﺎﺭﯼﺀَ ﻭﺷﯿﮟ ﻭﮌﮮﺀَ ﺩﯾﻤﺎﺑﺮﺕ ﻛﻪ ﭘﻪ
ﺑﻠﻮﭺْﺭﺍﺝﺀَ ﻣﺰﻧﯿﮟ ﻣﮉﯼ ﺇﮮ ﺃﺕ .
ﺳﯿﺪﻫﺎﺷﻤﯽﺀَ ﺑﻠﻮﭼﯽ ﺳﯿﺎﻫﮓﺀِ ﺭﺍﺳﺖ ﻛﻨﮓﺀِ ﻭﺍﺳﺘﺎ ﺑﺎﺯ ﺟﻬﺪ ﻛﺖ ﻭ
ﺑﻠﻮﭼﯽ ﺳﯿﺎﻫﮓ ﺋﯽ ﭼﻪ ﺍﺭﺩﻭ ﻭ ﭘﺎﺭﺳﯽﺀِ ﺳﯿﺎﻫﮕﺎﮞ ﺟﺪﺍ ﻛﺖ . ﺇﮮ
ﺑﺎﺭﻩﺀَ ﺳﯿﺪﺀِ ﻛﺘﺎﺏ «ﺑﻠﻮﭼﯽ ﺳﯿﺎﻫﮓﺀِ ﺭﺍﺳﺖ ﻧﺒﯿﺴﮓ» ﺑﺎﺯ ﺳﺘﺎ
ﻛﺮﺯﯾﺖ . ﻫﻤﮯ ﭘﯿﻢﺀَ ﺑﻠﻮﭼﯽ ﺯﺑﺎﻥ ﺋﯽ ﭼﻪ ﻋﺮﺑﯽ ﻭ ﭘﺎﺭﺳﯽ ﮔﺎﻻﮞ
ﺳﺎﭖ ﻭ ﭘﻠﮕﺎﺭ ﻛﺖ . ﺳﯿﺪ ﮔﻮﺷﯿﺖ : ﻣﻦ ﻣﺰﻧﯿﮟ ﺟﻬﺪﮮ ﻛﺖ ﻛﻪ
ﺑﻠﻮﭼﯽ ﻟﭽﻪﻛﺎﺭ ﻭ ﻧﺪﻛﺎﺭ ﻭﺗﯽ ﻟﭽﻪﯾﺎﮞ ﭼﻪ ﺇﮮ ﺭﻧﮕﯿﮟ ﭘﻮﻟﻨﮕﺎﮞ
ﺑﻪﭘﻬﺮﯾﺰﺃﻧﺖ .
ﺳﯿﺪ ﺩﮔﻪ ﺟﺎﻫﮯ ﻭﺗﯽ ﺟﻬﺪﺍﻧﯽ ﺑﺮﻭﺭﺩ ﺇﮮ ﭘﯿﻢﺀَ ﺩﺭﺷﺎﮞ ﻛﻨﺖ :
ﺑﻠﻮﭼﯽﺀِ ﻧﻮﻛﯿﮟ ﻟﭽﻪﻛﺎﺭﯼ ﻛﻪ ﺑﮯﺭﻫﺒﻨﺪﯼﺀِ ﮔﻮﺭﮔﻨﺪﺍﻥ ﺃﺕ، ﺍﻧّﻮﮞ ﭘﻪ
ﯾﻚ ﺍﻧﭽﯿﮟ ﺟﻮﺍﻧﯿﮟ ﺳﯿﻢﺳﺮﮮﺀَ ﺭﺳﮕﯽ ﺇﻧﺖ ﻛﻪ ﺑﺎﺯ ﺯﻭﺕ ﻭﺗﯽ
ﺳﺮﺟﻤﯽﺀِ ﺟﺎﺭﺀِﭘﺮﯾﻨﮓﺀَ ﺩﯾﻢﺀَ ﻛﻨﺰﺇﺕ ﻛﻨﺖ .
ﺳﯿﺪ ﻫﺎﺷﻤﯽ ﺑﻠﻮﭼﯽ ﺳﯿﺎﻫﮓﺀِ ﺭﺍﺳﺖ ﻧﺒﯿﺴﮓﺀِ ﺍﻫﻤﯿﺖﺀِ ﺑﺎﺭﻩﺀَ
ﭘﺮﻣﺎﺋﯿﻨﯿﺖ : ﺇﮮ ﺯﺍﻧﺘﮕﯿﮟ ﮔﭙﮯ ﺩﺍﻧﻜﻪ ﯾﻚ ﺯﺑﺎﻧﮯﺀِ ﻧﺒﯿﺴﮓﺀِ ﺭﻫﺒﻨﺪﺍﮞ
ﻧﻪﮔﯿﺸﯿﻦﺋﮯ ﺁ ﺯﻧﺪﻣﺎﻧﯽﺀِ ﮔﺮﺍﻧﯿﮟ ﺑﺎﺭﺀَ ﺯﺭﺕ ﻧﻜﻨﺖ .
ﮔُﮉﯼ ﮔﭗ
ﺟﯽ ﻫﻮ! ﺑﻠﻮﭼﯽ ﺯﺑﺎﻥ، ﭘﺎﻛﯿﮟ ﺧﺪﺍﺀِﻗﯿﻤﺘﯽ ﺩﺍﺩﺇﻧﺖ ﻛﻪ ﺑﮯ ﻣﺌﯽ
ﻟﻮﭨﮓﺀَ ﻣﺎﺭﺋﯽ ﺑﻜﺸﺎﺗﮓ . ﺇﮮ ﻣﺰﻧﯿﮟ ﻧﻌﻤﺖﺀِ ﺷﮕﺮﺀِ ﺍﺩﺍﻛﻨﮓ ﺇﺷﻨﺖ
ﻛﻪ ﻣﺎ ﻭﺗﯽ ﻣﺎﺗﯽ ﺯﺑﺎﻥﺀَ ﭼﻪ ﺑﯿﮕْﻮﺍﻫﯽﺀَ ﺑﻪ ﭘﻬﺮﯾﺰﺍﯾﮟ . ﻣﻨﯽ ﮔﭗﺀِ
ﺑﺰﺍﻧﺖ ﺇﮮ ﻧﻪ ﺇﻧﺖ ﻛﻪ ﻣﺎ ﻋﺮﺑﯽ ﻭ ﭘﺎﺭﺳﯽ ﻭ ﺩﮔﻪ ﺯﺑﺎﻧﺎﻧﯽ
ﯾﺎﺕﮔﺮﮒﺀَ ﻛﻮﺷﺴﺖ ﻣﻜﻨﯿﮟ، ﺯﺑﺎﻧﺎﻧﯽ ﯾﺎﺕ ﮔﺮﮒ ﺷﺮﺇﻧﺖ، ﺑﻠﺌﮯ
ﭘﯿﺴﺮﺀَ ﺍﻧﺴﺎﻥ ﺑﺎﯾﺪﺇﻧﺖ ﻭﺗﯽ ﻣﺎﺗﯽ ﺯﺑﺎﻥﺀَ ﺷﺮ ﺑﻠﺪ ﺑﺒﯿﺖ؛ ﭘﭽﮯ ﻛﻪ
ﺯﺑﺎﻥ، ﺭﺍﺝﺀِ ﻣﺴﺘﺮﯾﮟ ﭘَﺠّﺎﺭﺇﻧﺖ . ﺍﮔﺎﮞ ﺯﺑﺎﻥ ﭼﻪ ﺩﺳﺖﺀَ ﺷﺖ ﺑﺰﺍﮞ ﭘﻪ
ﺭﺍﺝﺀَ ﺩﮔﻪ ﭼﯿﺰﮮ ﭘﺸﺖ ﻧﻜﭙﺘﮓ .
ﺳﺮﭼﻤﮕﺎﮞ :
-1 ﺑﻠﻮﭼﯽ ﺳﯿﺎﻫﮓﺀِﺭﺍﺳﺖ ﻧﺒﯿﺴﮓ، ﺳﯿﺪ ﻇﻬﻮﺭﺷﺎﻩ ﻫﺎﺷﻤﯽ
-2 ﻋﺒﺪﺍﻟﺴﻼﻡ ﺑﺰﺭﮔﺰﺍﺩﻩﺀِ ﻧﺒﺸﺘﺎﻧﻚ : ﺳﯿﺮ ﺗﺤﻮﻝ ﺷﻌﺮ ﻭ ﺍﺩﺑﯿﺎﺕ
ﺑﻠﻮﭼﯽ
-3 ﻣﺼﻄﻔﯽ ﺩﺍﻧﺸﻮﺭﺀِ ﻧﺒﺸﺘﺎﻧﻚ : ﻛﺘﺎﺑﺖ ﺩﺭ ﺯﺑﺎﻥ ﺑﻠﻮﭼﯽ
محمد آسکانی