اِے بُرو ہمانگو بو۔۔۔(کراچی ءِ یاتانی رو دپتر) . چندن ساچ
اِے بُرو ہمانگو بو۔۔۔
(کراچی ءِ یاتانی رو دپتر)
چندن ساچ
زندگی یک انچیں چکاسے کہ کسہ نہ بیت۔ برے برے انچیں وئیل ءُ واقعہ انسان ءَ گوں دپ کپیت کہ آیانی بابت ءَ جیڑگ ءَ ہم دل نہ گوشیت۔ نبشتہ کنگ وَ انگہ دوریں گپے۔۔۔۔۔ من چو ژاں ژاک روسو ءِ وڑا وَ نبشتہ کُت نہ کناں۔ چیا کہ مئے چاگرد ءِ تب ءُ مزاج چہ روسو ءِ چاگرد ءَ جتا اِنت۔ بَلے پدا ہم مردم چیزکے وَ نبشتہ بہ کنت۔
جواب میں ہم کو حجاب آنے لگا
کچھ امتحان میں ایسے سوال بھی آئے
کراچی ءَ کہ من سر بوتاں تاں مئے لوگ کتابانی جنگلے اَت۔
لبزانک، فلسفہ، راجدپتر، نیکراہ، سیاست، سفرنامہ ءُ سرگوستاں ہوار وڑ وڑیں کتاب منی دیما اتنت۔ ہمدا من بورخیس دیست، کافکا گوں رنگانی کائنات ءَ جیڑگ ءَ دیست۔۔۔۔ گارسیا مارکیز ءُ چیخوف، ٹالسٹائی ءُ فیودر دستوئیفسکی۔۔۔۔ اِے درست مئے لوگ ءِ مردم اتنت۔ ۔۔۔۔۔۔ بلے من چہ درستاں نا آشنا۔۔۔ اوہے نا آشنائی بات۔۔۔۔ بلے ہر آشنائی ءِ سفر چہ نا آشنائی ءَ بندات بیت۔ دگہ کارے نہ نیست ات۔ مُدام ونتگ ات۔۔۔۔ ہمدا من بلوچستان ءِ راجدپتر ونت۔۔۔ مہر گڑھ کوہنیں دودمانی کبرستان۔۔۔۔ ہمدا من چاکر اعظم گوں سردار خان گیشکوری ءِ لبزاں ونت۔۔۔ گوہرام ۔۔۔نلی ءِ جنگ، ھمل کلمتی۔۔۔۔ باریں کئے ءُ کئے ءَ چہ آستو آستو آشنا بُوان بوتاں۔۔۔۔۔۔
تاں 2005 اِنت۔۔۔۔ ماہ دسمبر اَت۔۔۔۔ لوگ ءِ در یکے ءَ ٹُک اِت۔۔۔ در پچ کُت۔۔۔۔ وش رو ءُ صوفی مزاجیں انسانے لوگ ءِ دپ ءَ اوشتاتگ ات۔۔۔۔ اِے مرد ءِ عکس من لبزانک بلوچی ءِ تاکانی تہا دیستگ اَت۔۔۔ من مرد پجہ آورت۔۔۔۔ اِے صبا دشتیاری اَت۔۔۔ گوں گوں وتی بگل جول ءَ منی دیما اَت۔۔۔ یکبرے وتی چمانی سرا بھیسہ نہ بوت۔۔۔ بلے پدا من سما کُت کہ من کلانچ ءَ نیاں۔۔۔۔ کراچی ءَ یاں۔۔۔۔۔ ہمدا پدا صبا دشتیاری ءَ گوں منی پجاروکی بوت۔۔۔۔ صبا دشتیاری ترند مزاجیں انسانے اَت بلے آئی ءِ ترند مزاجی ءِ تہا ہم مہروانی پدر اَت۔۔۔۔ اناگہ ءَ من لبزانک ءِ گپ بندات کُت۔۔۔۔ واجہ من تئی دستونک ونتگ انت۔۔۔۔ من ہم شاعری ءِ شوک داراں۔۔۔ دیر اِنت کہ اے پڑا سر سر جنئگ ءَ یاں۔۔۔ بلے بے راہاں۔۔۔ ہمدا من استاد صبا دشتیاری ءَ وتی چار دستونک پیش داشت۔۔۔۔ واجہ ءَ دستونکانی چارگ ءَ پد یک دستونکے دوست کُت ءُ گُوشت اِے دستونک یک جوانیں دستونکے۔۔۔۔ دیمی ماہ ءَ کتاب جاہ ءَ ڈاکٹر حمید بلوچ ءِ کتاب ءِ دیم درائی دیوان اِنت تو بہر بہ زور، ہمے دستونک ءَ بہ وان۔۔۔۔(ہمے دستونک انگت من ءَ یات اِنت)
اے سہب مروچی اِنت باندات ءَ کُجا سگیت
دل شاگ ءِ تہ ءِ زہگ اِنت شہمات ءَ کجا سگیت
آئی کہ نہ دیستگ شپ آئی کہ نہ دیستگ روچ
آ پُل نہ سگیت ترمپ سرگوات ءَ کُجا سگیت
پدا دیر نہ گوست۔۔۔ ڈاکٹر حمید بلوچ ءِ کتاب ءِ دیم درائی بوت۔۔۔ من ہم دیوان ءَ شتاں گوں۔۔۔۔ ہمے دیوان ءَ من عابد آسکانی گوں سیاہیں چشمہ ءَ دیست۔۔۔۔ اِے چشمہ آئی ءِ پجار اِنت۔۔۔۔ دگہ یک مزن بروتیں مردے دیست۔۔۔ آئی گشت من چہ میر پور خاص ءَ پیداک اوں۔۔۔ ڈاکٹر حمید من ءَ گشت اِے واجہ رحیم بخش آزات اِنت۔۔۔۔ رحیم بخش آزات یک دانش وریں انسانے۔۔۔۔ آئی ءِ علمی زانت مزن اِنت ءُ آئی ءَ مراگش ءَ ڈاکٹر حمید ءِ زند ءِ سرا جوانیں گُشتانکے دات۔۔۔ ہمدا من وش تبیں مردے دیست۔۔۔ پیر اَت بلے آئی ءِ وش تبی انگت برجم اَت۔۔ اِے واجہ لالا لال بخش رند اَت۔۔۔۔ لالا لال بخش رند ءَ گوشت کہ من ءَ اِے گوشئگ بوتہ کہ بیا مراگش ءَ دو گپ بہ جن۔۔۔ دو گپ گوں سلام ءَ ہلاس بیت۔۔۔ من چو نہ کناں۔۔۔ پدا گوشت ئِے کہ ایشاں من ءَ دانش وری ءِ نام ءَ توار کُتگ بَلے من وتی سرجمیں زند ءَ انگہ یک دانشے ہم نہ وارتگ۔۔۔ ہمے دیوان ءَ من حاصل خان بزنجو ءُ یوسف مستی خان ہم دیست اَنت۔۔۔۔ ہمدا من ڈاکٹر ناگمان ءَ گوں ہم آشنا بوتاں۔۔۔ ناگمان من کلانچ ءِ زمانگ ءَ ونتگ ات۔۔۔ ناگمان ءِ آزمانک منزل پہ منزل آ زمانگ ءَ من ءَ سک دوست ات۔۔۔ پدا شعری دیوان بندات بوت۔۔۔۔ مشاعرہ ءِ اولی شاعر من اتاں۔۔۔۔ چندن ساچ۔۔۔۔ حسن علی حسن ءَ منی نام گپت۔۔۔ لہتیناں کند اِت ُٗ لہتیں چو ھبکی من ءَ چارگ ءَ اَت۔۔۔ چیا کہ آیانی واستا منی نام نوک اَت ءُ باز مردم گوشگ ءَ ات۔۔۔ بلکیں ہندوے۔۔۔۔ اِے ساعت ءَ من ناں ہندوانی اتاں نہ مسلمانانی۔۔۔ دست پاد لرزگ ءَ اتنت۔ اِے منی اولی دیوان اَت۔۔۔۔ اسٹیج ءِ سرا عابد آسکانی، ماما انور صاحب خان نشتگ اتنت۔۔۔ ترس ءُ لرز من وتی دستونک ونت
ہو ناز تئی ہلک ءَ ملائی مسیت باز اِنت
اِے ساچ ءِ گنوکیں سر صلوات ءَ کجا سگیت
پدا دیوان ہلِت۔۔۔ اولی مردم اسحاق خاموش ات کہ اتک ءُ من ءَ دلبڈی یے دات۔۔۔ پدا کریم رضا ہم اتک ءُ منا بگل گیر بوت۔۔۔ جوان ورنا جوان۔۔۔۔ اِے سفر اوشت ءِ آماچ نہ بوت۔۔۔۔ نوں من فیصلہ کُتگ ات۔۔۔ کہ مراں زندگ باں لبزانک واناں، شعر نبشتہ کناں۔۔۔ (اِے سفر برجاہ اِنت)
چوری بہ بیت ءُ عشق مہ بیت؟ اِے وَ نہ بوتگیں گپے۔۔۔۔۔۔ بندات ءَ گوں کس ءَ گپ جَت نہ کتگ ات۔۔۔ دل ءِ تہا باریں چے چے گوشتگ ات۔۔۔۔ بَلے دپ ءَ یک دانکے ہم در نہ کتگ ات۔۔۔۔ مزنیں مُدتے ءَ پد من ءَ ہم ہمے نادراہی ءَ گور جَت۔۔۔۔ ھو تاں نوں سن 2013 اِنت۔۔۔ 28 اپریل ءِ روچ اِنت۔۔۔ گوں ہما زیبائیں کاڑ ءَ دیم پہ دیم اتاں کہ رند ءَ منی زند ءِ موسم ایشی ءَ مٹ کُت اَنت۔۔۔ اِے کاڑ ءِ ستا ءَ چے بہ کناں؟
می زند از چشم و بست جوش مئہ
دوش مگر میکدہ ہا خوردہ اِی
پورا ہمے وڑ اَت۔ کجام رخسار ءُ لب۔۔۔ آئی انارکانی سرا گوشئے زاناں شراب ءِ نود شنزگ ءَ اتنت۔ (اڈے یار) آ روچاں مروچی ہم یات کناں تاں جان ئِے پُٹ پاد کایاں۔۔۔ مروچی کہ وتی کراچی ءِ یاتاں نبشتہ کنئگ ءَ یاں۔۔ دل پدا مئیل کنئگ ءَ اِنت۔۔۔
پھر وہی بادِ بہار آنے لگی
جسم و جاں سے بوئے یار آنے لگی
بدلیوں کی چھاوں میں کیا بات تھی
یادِ جاناں بار بار آنے لگی
پیسر ءَ من مہر ءُ محبت بس تامُرانی تہا دیستگ اَت۔ کتابانی تہا ونتگ ات۔۔۔ من گوشتگ ات کہ اِے دروگ اَنت۔ جتائی مُتائی ہچ ارزشت نہ دارنت۔۔ بَلے مروچی زاناں کہ منیر مومن چوش پرچا گوشتگ
عشق راہے کہ دلاں تراول کنت
ہرچی دیستگ اِے مہیم ءَ بس اِنت
واکی عشق دلاں تراول کنت۔۔۔ اِے سفر یک دردناکیں سفرے۔۔۔۔ اِے سفر کجا کجا مردم ءَ بارت۔۔۔ تاں شئے مرید اِنت کہ نشتگ ءُ بھنگ نوشیت
بھنگ انت کہ سیاہ ماری سر اَنت
ایشاں ہما مرد ور اَنت
(کہ) گوں ھالک ءَ سر ماں سر اَنت۔۔۔
پدا جتائی ءِ گرانیں ساعت۔۔۔ واکی ’’شپ جتائی ءِ ائیر دنت چو مرگ ءِ پریشتگ ءَ‘‘ ۔۔۔۔۔
اُس پرندے سے معانی ہجرتوں کے پوچھیے
کانپتی ٹہنی پہ جس نے آشیاں رہنے دیا
مروچاں دیر اِنت کہ اچ من دلگران اِنت۔۔۔ برے برے انگت گیر کیت۔۔۔۔۔ آئی ءَ پد نوں ھاھاھاھا بس یک کندگے۔۔۔ ناں بابا ناں۔۔۔۔ بچہ گنوکی نہ کنئے۔۔۔۔۔
نئے موسموں کی آمد پر نہ خوشبو ہے نہ پروائی
گلو کے عارضوں سے اڑ گئی ہیں تتلیاں ساری
2013 تاں 2015 اِے سالانی سفر یک دردناکیں سفرے۔۔۔ مردم کُجا چہ کُجا اتک۔۔۔۔ ہٹ اڈے۔۔۔ ورنائی
(روان اِنت)