ھیاتیات ءُ آئ ءِ شاہ
ھیاتیات ءُ آئ ءِ شاہ ( شاخ )۔
نبشتہ کار : زاھدہ رئیس راجی
ھیاتیات \ بیالوجی \ بائیولوجی یک انچیں علم یا وانشتے کہ ایشی ءِ تہ ءَ ما جان دار یا ساہ دارانی زندگی ءِ سربُری ، اندری ، کیمیل ءُ مولیکیولر تک ءُ پھناتاں وان ایں ۔ لبز ھیات یا بائیو ءِ مُراد زندگی انت ۔ لوجی یا تیات ءِ بزانت وانگ ءُ زانگ انت ۔
ھیاتیات یا بائیولوجی ءِ پیسرءَ دو شاہ بیتگ انت بلے نوں گیشتر انت ۔
چوشکہ نباتیات یا بوٹنی ، ھیوانیات یا زولوجی ءُ مائکروبائیولوجیءُ دگہ بازینے
نباتیات \ بوٹینی ھیاتیات ءِ انچیں شاہ انت کہ آئ ءِ تہ ءَ درچک ءُ دار ءُ نیبگانی باروا وانگ بیت انت۔
ھیوانیات \ زولوجی ءِ وانشت ءِ تہ ءَ جناورانی زندگی ءِ باروا وانگ ءُ وانینگ بیت انت۔
مائیکرو بائیولوجی ۔ چَہ نام ءَ پدر انت کہ مائیکرو بزاں اُردیں جناورانی زندگی ءِ باورا وانگ بیت انت ۔
مائکرو بائیولوجی ءُ زولوجی ءِ میان ءَ تپاوت ایش انت کہ زولوجی ءِ وانشت ءَ انسان مزنیں جناورانی باروا وان ایت کہ آھاں چم ھم گندایت ءُ آ دست ھم جَنَگ بنت چوشکہ پس ، گوک ، گامیش ، کپوت ، مار ، کُچک
بلے مائکروبائیولوجی ءِ توک ءَ انچیں ارتیں جناور( بیکٹریا ، وائرس ، جراثیم ) انت کہ بید ءِ چَہ مائکرواسکوپ ءِ مشین ءَ گندگ نہ بنت ۔