مزار ءُ مشک
سنگتے سنگت ءِ کار ءَ کا ایت۔
نبشتہ کار: ابدلستار بُگٹی
(چُکّانی داستان-سلیمانی گالوار)
جَلشکان ءِ یک گرمیں روشے وھد ات ءُ مزار ءَ جوانیں ءُ تامداریں سبارگے وارگ ءَ رند بزْیں کھیریں درشکے چیر ءَ نشتگ ات کہ آ مرد ناگمانی ( اناگاہ) واب شتگ۔ وھدے کہ مزار وتی وشیں واب ءِ لزت ءَ ملار(بے ھوش) ات گڑا یک مُشکے تِڑان ءَ (گِسر بوگ) مزار ءِ بلاد ءَ سر بیتگ ءُ آئی ءِ مِیْد ءُ دْراجیں پٹاں لیب کنگ ءُ بریں بریں آئی ءِ جان ءَ چَکّ ءُ گَٹّی دے(ھم) جَنگ ءَ ات بزاں آئی ءِ اَشکامیں واب ءَ پُرشینگ ءَ ات۔
گڑا مزار بے تاھیر بیتگ ءُ واب ءِ ملاراں چہ کڑو (پاد آیگ) بیتگ ءُ باھَندے ءِ لاپ ءَ بزاں کہ کَترہ ءُ دمانے ساھتے ءَ مُشک وتی چَنگُلانی لاپ ءَ آؤرتگ ئِے۔