Mir Askani . میر آسکانی بلوچ ءِ شئر ءُ پربند

[MirAskaniBaluch]

• Tweet

braat ey wa perband ent, chamshaank koja ent?

ھو گوھار تو صحی گوشے : چمشانک مطلپ دگرے : منی مطلب شئرانی وانگ بیتگ.

گوڑا اے فولڈرا حذف بکن یا شری بکن.

[Zahida Raees Raji]

• Tweet

braat agan shoma ijazat daet ma ishiya shome ey dega perbandani goona ham red kanan' chey goshet shoma?

[MirAskaniBaluch]

• Tweet

 

گهوهاراگر ترا موه ؤ فرصت رسیت گوڑا منی پربند چار جاگاہء شنگ انت.
اگر دراھینان ھما اولی جاگاہ ماند دئیت باز منت واران بان.

ؤ من چاران کنان کہ کجام خراب انت ؤ دو برا نبیسگ بیتگ انت یا کہ شر نہ ھنت گوڑا  فرصت رسیت من رپورٹ ٹو اڈمین کنان تاکہ حذف کنگ بہ بنت. 

[MirAskaniBaluch]

• Tweet

گوں  من  وش  گوشتگ  دوشی  ماہ  پریا.
منی   دل   برتگ   ماھین   دلبریا.

گلندام   ؤ   طلاھین   گلپریا.
گلے صوت چو عجیب انت دونلیا.

سرے ھوشی مئ برتگ گلیا.
کہ نشتگ گون منء دیم پہ دیمیا.

تپوکے جنت گلے دیم ھر گھڑیا.
تنکین لونٹ ؤ دنتان پہ ردیا.

جگر سیستگ ؤ دلبند چہ کھڑیا.
نہ بیت راضیگ گلی گون من پرچیا.

[MirAskaniBaluch]

• Tweet

گوں من وش گوشتگ دوشی ماہ پریا.
منی دل برتگ ماھین دلبریا.

گلندام ؤ طلاھین گلپریا.
گلے صوت چو عجیب انت دونلیا.

دوئین ما نشتگ انت دو پہ دوئیا.
دلے راز اؤں وتی گوشت پہ گلیا.

من ئیے دلگوش کتگ پہ حلوتیا.
غمے زنگ ریتکگ انت دل پہ دلیا.

تپوکے جنت گلے دیم ھر گھڑیا.
تنکین لونٹ ؤ دنتان پہ ردیا.

سرے ھوشی مئ برت شاہ پریا.
نہ دیتگ من چوشین گل پہ دلیا.

جگر سیستگ ؤ دلبند چہ کھڑیا.
نہ بیت راضیگ گلی گون من پرچیا.

جوانی روت چو بادا سر سریا.
مکن ناز پہ دو روچی زندگیا.

تکبر ھست ترا پہ مھتریا.
کپۓ روچے زرے جہلانکتریا.

میار ئیگ تو وتے شرمندگیا.
اگر کسے نہ کنت تئ بندگیا.

اگر عبدالوھاب نشتگ پہ غمزدیا.
زانان کسے معلوم نہ ھنت مۓ بزگیا.

[MirAskaniBaluch]

• Tweet

جی  زری   نودان   شما    چہ   جابہارء  دئریچ   ات.
پلئین     بلوچستانے   کھچر   ؤ   آب    بندان   تچ ات.

باغین   سربازی  کوچئگ  ؤ   مات   بندان    ریچ  ات.
مۓ  سلامان   ؤ    غمزد   ایں   احوالان    گوش ات.

زنگ  ؤ  سیاھوکان  شود ات  ؤ  دردان  مۓ  پوچ ات.
ھر چہ  کہ  نامرد انت اشکر ؤ  آسان  شما  سوچ ات.

مھتر  این   مردان   یک    پہ    یکیء    دئرچن   ات.
ناشر    ایں    مردانی     دلء     دراھیناں    پچ    ات.

[MirAskaniBaluch]

• Tweet

مکن     کوکو    کپوت   چوشین.
چیا     سوچے      دلا      ریشین.

مہ   گیج   یادان  چد  و  پیشین.
غمان   چہ    زیادہ   و   گیشین.

گران   انت   گوالگ  دلفروشین.
کواٹے    کار    نہ    انت    نیشین.

خیال  کای  انت   جگر   سوچین.
کدین    انت   ٹپان    سر  پوشین.

جست     کن    مردا   بیھوشین.
چندے      گوشتی      دلگوشین.

زمانگ     رفتگ     دل ھوستین.
نہ   بیت   کس  سنگتے  دوستین.

آسکانی   زندگی   دل    توسین.
شرابا         کموکے         نوشین.

[MirAskaniBaluch]

• Tweet

چدا گوستگ گلی  روچے.
گورای تئ بلوجی دست دوچے.

فونٹ کارا نہ انت

[MirAskaniBaluch]

• Tweet

حقیقت چیرے نہ بیت بلوچ.
شپ پہ تچگ نہ بیت روچ.

جاھلی ھست بادے مروچ.
پمشکا چوسے گڑگا کروچ.

پادا بلوچ کن سار و ھوش.
گوراین ترا لبگی این دوچ.

دشمنی ھست ترپ و موچ.
تہارین شپے بیت باندا روچ.

باطلین فکر و خیالان بسوچ.
ڈکالا بل و بہارگاہا کن کوچ.

آسکانی گپان مجن جوش.
کتابا وان رندا کن دلگوش.

[MirAskaniBaluch]

• Tweet

Baren chun kant font

[MirAskaniBaluch]

• Tweet

گوش کن ات بیلان کسوے کاراں.
پر زبان جوانین گالے قطاراں.

من وتئ عقل و خاطرا چاراں.
پشت قرطاسا حرفان سنگاراں.

یک بلوچ بیتے وشین الگاراں.
پہ گلزمین سر چوٹین نیکو کاران.

پر بلوچستانے پہکین دوست داراں.
ما بلوچ دراھین میر ؤ سرداراں.

اللہ نظر یکے چہ میرن نام داراں.
پرتگی باج چہ گلزمین تواراں.

میر بلوچانی جنگ ؤ پیکار ات.
سرجمین باسک اش ماں گورا گون ات.

ھوش اش ماں سالونکیں سرا سار ات.
شانزدہ ؤ شؤمان تیغ اش خون وار ات.

قاتل اش شش ماھے توشعگا بار ات.
 دولدول اش رونگ راھا تیز ؤ ھوشیار ات.

میر مزعن نامی گئیگ راہ چار ات.
پہ گلزمین دراھین ایر ؤ برزاد ات.

دلجمین ھمراہ اش سئ ؤ چار ات.
ڈیل اش پہ گلزمین غمان غار ات.

مہترین غلام محمد باز مڑا دار ات
اللہ نظر دراھین راجے سردار ات.

گلزمین پہکین راج کمان دار ات.
میر صبا دشتیاری مۓ دفتر دار ات.

‏ گلزمین دراھین باغ ؤ گلزار ات.
مۓ مادگ ؤ میشانی چراگ جاہ ات.

مۓ دپے امبوئین زبان ھار ات.
ھم ردے براتان گپ ؤ گفتار ات.

میر نواب اکبر سیاد ؤ راج دار ات.
قوم مری بالاچ ھمدلین یار ات.

دشمن ؤ بد خواہ باز ؤ بسیار ات.
گلزمین گنجان ھر کس چم دار ات.

آسکانی چرے احوالان شری دار ات.
ھر گورا ھوشیار ؤ خبر دار ات.

[MirAskaniBaluch]

• Tweet

بیا قاصد منئ دوست ھمبلانی.
بدئے دیما بلوچستانء شلانی.

گلین بوستانء باغ و سنبلانی.
کہ درور نیست بلوچء مکرانی.

بہ بعر ماں مجلسء بیل و یلانی.
کہ دیوان انت بلوچان سرورانی.

بہ کن دعرشان مۓ رازء دلانی.
ھما کہ گوعشتگین گال مہترانی

نصیحتاں مہ زیریت دشمنانی.
بہ نیندیت نیمگء مۓ برادرانی.

بازین گوعشتگ ات میرین فلانی.
رسیت مہلت ضروری اشکونانی.

خون اش ریتک انت گلزمین بچانی
کپی دست لوھیگ لھڑے گرادانی.

گلزمین وار کتگ میرین بلوچانی.
ضرور کئیت دعور منی بیڑا گرانی.

چہ آھونڈان بن و بیہا گوعجانی.
بعران ماں تون و تاھاپے کیشانی

آسکانی گونڈ گئر نکرھین گالان زبانی.
گلزمین لجین بلوچی شر گوعشانی.

[MirAskaniBaluch]

• Tweet

واجہان گوش کنیت بلوچی کسوے کاران.
مردے ھست ات کہ نشتگ ات ماں ھاران.

مرد تک و تہنایت چہ مکرانے غم واران.
بزان روچے گیر کت رستر و خون واران.

جوان اش شہید کت شومین بد کاران.
لہتے بلوچ ھمودایت گون وت دلداران.

ھر بلوچے کہ نہ اشکنت گلزمین تواران.
بلوچانی نام چہ بن و بیہا ملیتگ ھاران

[MirAskaniBaluch]

• Tweet

نشتگاں تہنا مں مکرانے سداں.
پہ پلین بلوچستانا گال پرےبندان.

کد کدی بیت و انگہ من گونڈاں.
وھدے کہ گیندان پزور و زنڈاں.

قاصدے گعلینان کونڈ پرآ کونڈاں.
دراھین گلزمین سر شم و کنڈاں.

مکران مردواران گہترین گینداں.
پہ پلین بلوچستانا مصلحت بنداں.

جم جنآں برے زحم جنین مرداں.
چست و اشتاپا من رواں گرنداں.

چیدگ ے بنداں مں برزین ماتبنداں.
ھمبندا دشمن بدواہ رہ سرا بنداں.

سہر کپین تیران پہ دشمناں چنڈاں.
پہکین رستر حون وار سرا سندان.

نئے کہ نادراہ و نئے کہ من ڈعڈاں.
جرند غمان گار و ھوشکین ھڈاں.

گنجین بلوچستان ے غمان بڑاں.
واکؤں نیست انت کہ گران گڑاں.

دل منئ پروشتگ بن بیہا ژنداں.
شہیدان گلزمینے تاسکین گینداں.

پہر نہ جنت آسکانی ترا چنداں.
وپتگ انت برات و تو بئیے کنداں.

[MirAskaniBaluch]

• Tweet

]موسم ھعور سایں کپتاں یادانی.
 مجلس و دیوان ایں دلبر شادانی.
 
 دئنزیں گوامگواھا نمب و نودانی.
 پیادگیں، ماہ گونگ نرمیں پادانی.
 
 صورت ، و رنگء نایافت دادانی.
 قولیگاں ، دلبر تئ نیند و نیادانی.
 
 گل وتء پہر بندی ماھیں دابانی.
 طنز و ٹوکاں کشت مارا سیادانی.
 
 نشتگ اؤں، راھا و گوش توارانی.
 کدی منئ دوست کیت ایں چارانی.
 
 آسکانی انتظارے وعدھاں جانی.
 کہ روچ کدی روت بیتیں ماھکانی