زالءِ نـمـدی پَـہ وَتـی درانـڈیـهـیـں جـود
--------------------------------------
ادَبی هکیم
*******
زوُت کــن ءُ بــیــا کِـہ نـوں تـرا دیــراِنـت
دل مَـــنـــی چَـــولانــی سَـــــرا ایـــــراِنـت
نَـــہ مَــــــن ءَ واب ءُ نَـــہ کِــــہ آرام اِنـت
دل چَــہ تَـــئــی دوُری ءِ گـَـمـاں سـیـراِنـت
زوُت کَـــن ءُ دِیـــم دَے آیَــــگے هــــــالے
زانَـگے تـــو کِـــہ پــــوُرَه اِنـــت ســـــالے
مَـن شـــپ ءِ پــاســاں نِــشـــتَــگ ءُ نـالاں
یـات کـایَــنــت تــئــی گــوَشــتـگـیـں گـالاں
تـو شُـتءُ دیـرکُـت گـوَسـتَـگ اَنـت مـاهـاں
پُــــجّــــــتَـــــــگ اے دل دوری ءِ آهـــــاں
زوُت کــــن ءُ بــیـا کِـہ نـوں تَــرا دیــراِنـت
دل تَــئــی یــاتــانــی سَـــــرءُ چـــیـــــراِنـت
چَــــمّ مُــــدام رَهـچــــاراَنــــت تـــئـی راه ءِ
چـــــــو زِرءِ آپ پَـــہ چـــــــاردَهـــی مـاهءِ
زوُت کــن ءُ بـــیـــا کِـہ نـوں تَــرا دیـراِنـت
دل مَـــنـــی چَـــولانــی سَـــــرا ایــــــراِنـت
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
