Baask- Home of Balochi Language, Literature & Culture

General Diwan => Personal and Social Problems => Topic started by: Adabi Hakim ادبی ھکیم on April 30, 2012, 12:36:52 AM

Title: May molk e haal eshent.
Post by: Adabi Hakim ادبی ھکیم on April 30, 2012, 12:36:52 AM

مئی مُلکءِ هال اِش اِنت
****************
مَردےءَ گَپ جَت آئیءَ گوَشت مَنءَ سَنگَتے هَست کِہ آئیءَ گورُمے هَست اَت پیسَرا مَنی سَنگَتءَ وَت وَتی گورُم کاه ءُ آپ کُرتَگ اَت بَلَے رَندا آئیءَ بَچَکے داشت گوں بَچَکءِ دارَگءَ مَنی  سَنگَتءِ گوکاں پَزورتِر بوُت اَنت آیانءَ گیشتر شیر دات مَنی سَنگتءَ هَمے زانت کِہ بَچَک گوکءِ دارَگءُ ساٹگءَ چَہ مَن شرتر بَلَد اِنت آ باز گـَل اَت کِہ آئیءَ کاروالائیں بَچَکے دَستءَ کَپتَگ یَکّ روچے مَنی سَنگت گوکانی چارَگءَ شُت آئیءَ دیست کِہ بَچَک گوکانی پانَگءَ نِشتَگءُ هیروئن کَشّگءَاِنت مَنی سنگَتءَ سَکّ زَهر آتک آ بَچَکءَ جَتءُ گَلّینت بَلَے دومی روچءَ آئیءِ گوکاں کاهءُ آپ نَہ وارت مَنی سَنگَتءَ نِشتءُ چاراِت آئیءِ سَر دَر نہ شُت کِہ پَرچے آئیءِ گوکاں کاهءُ آپ نَہ وَراَنت نوں گوکاں لاگَر بیاں بوُت اَنت آیانی شیر هُشک بوُت اَنت مَنی سَنگَت سَکّ پریشان اَت  رَندا مَنی سَنگَت شُتءُ دَلوَتانی تَبیبے آورت وَتی گوکانی پیش داشت اَنت تَبیبءَ بازیں جُستءُ پُرسے کُرت رَندا آئیءَ گوَشت واجَه تئی گوک هیروئینی اَنت آ بَچَکءَ تئی گوکانی پانَگءَ هیروئین کَشّتَگ گوکانءَ هیروئین ءِ دوُت بو چتَگ اَنت پَمشا گوکاں باز کاهءُ آپ وارتَگءُ پَزّور بوُتَگ اَنت رَندا کِہ تو بَچَکءَ گَلّینتَگ گوکانءَ هیروئین نَہ رَستَگ نوں تئی گوک پَہ هیروئینءَ تَلوَسَگءَ اَنت تو بُرو هَما بَچَکءَ بیار ادا هیروئین بہ کَشّیت تَئی گوکاں پدا کاهءُ آپءِ وَرَگءَ بُنگیج کَن اَنت  مَنی سَنگَتءَ شُتءُ هَما بچَکءَ آورت بَچَکءَ آس بُن دات ءُ هیروئینءِ کَشّگءَ لَگ اِت دیرے ءَ رَند گوکاں کاهءِ وَرَگءَ بُنگیج کُرت مَنی سَنگَت هَیراں بوُت کِہ اَے هُدا نوں مَن چوں بہ کَن اوں اے گوکاں نوں چَہ مَنی دَستءَ شُتَگ اَنت گُڑا رَندا  مَنی سَنگَت آ گوکانءَ گوں کَسابےءَ بُها کُرت اَنت کَسابءَ بُرتءُ کُشت اَنت نوں شُما وَت پگر بہ کَن اِت کِہ مئی مُلکءِ دَلوَت هَم هیروئینی بوُت اَنت بَلَے انگَتءَ ماں مئی گوشاں مورے هَم نَہ گوَزیت .
ادَبی هَکیم.