Baask- Home of Balochi Language, Literature & Culture

Balochi Literature بلوچی ادب => مردم شناسی Precious Baloch Personalities => Topic started by: Adabi Hakim ادبی ھکیم on May 12, 2013, 08:55:06 PM

Title: وتـــن ءِ دوســتـــی
Post by: Adabi Hakim ادبی ھکیم on May 12, 2013, 08:55:06 PM
وَتَـنءِ دوسـتـی
----- ادَبـی هَـکـیـم -----
وتَـن انـسـانءِ بُـنـدَرجـاه اِنـت انـسـانءِ لـوگ اِنـت تـاں روچـے کـہ اِنـسـان مـاں وَتـی وَتـنءِ تـهـا زنـدگ اِنـت وَتَـن مـاں آ انـسـانءِ دلءِ تـهـا زنـدَگ اِنـت.
وَتَـن دوسـتـی انـسـانءِ وَپـاداریءِ شَـهـوُر(احسـاس) اِنـت پـرچـا کـہ وَتَـن آ انـسـانءِ شَـرَپ ، ازّت ، روزیـگ ءُ زنـدَگـیءِ جـاگـاه اِنـت اے جـاگـاهءَ مـاں انـسـانءِ دلءَ مَـزَنـیـں کـدرے هَـسـت.
وَتَـن دوسـتـی انـسـانءِ پـاکـیـں شَـهـوُر اِنـت انـسـان پَـه وَتَـنءَ وَتـی دوسـتـی ءُ مـهـرءَ کـَـولـیـگ کـنـت .
وَتَـن دوسـتـی انـسـانءِ دلءِ سـٹـگ اَنـت انـسـانءِ ارواه گـوں وَتَـن ءِ هَــد ءُ کـسـاسءَ بَـسـتَـگ.
وَتَـن دوسـتـی مُـلـکءِ کـارءُ بـار ، راجءِ آبـادیءُ دیـمـرَویءِ دیـمـا بَـروک اِنـت مُـلـکءِ دود ءُ راجءِ رُبـیـدَگءِ داروک اِنـت ، راجءِ بُـنءُ مـالءُ آئـیءِ نَـپءُ سـوُتءِ داروک اِنـت.
وَتَـن دوسـتـی راجءَ یـکـجـاهءَ مُـچّ کَـنَـگ ءُ آرا تُـپـاکـیءِ سَـپءَ اوشـتـاریـنَـگ اِنـت تـاں نـاتُـپـاکـیءِ نـادراهـی آرا یَـکّ ءُ یَـکّ ءَ درانـڈیـہ مَـہ کَـنـت .
وَتَـن دوسـتـی راجءَ چَـہ کُـٹـمـی ، سـیـاسـی ، دیـنـی جَـنـجـالانـی رَکّـیـنـوک اِنـت.
وَتَـن دوسـتـی مُـلـکءِ بُـنـرهـبـَنـد ءُ آئـیءِکـانـوُدءِ داروک اِنـت.
وَتَـن دوسـتـی وتَـنءِ مـهـرءَ مـاں راجءِ آیـوکـیـں نـسـلانـی دلاں نَـکـش کـنَـگ اِنـت.
وَتَـن دوسـتـی مُـچـی ءُ هَـشَـرءِ کـار کَـنَـگ اِنـت مُـلـکءُ راجءِ دیـمـا بَـروک اِنـت.
وَتَـن دوسـتـی راجءِ یـکـجـاهـیءُ یَـکّ راجـکَـمـاشـےءِ پُـشـتءَ اوشـتَـگءُ آئـیءِ گَـپءَ مَـنّـگ اِنـت.
وَتَـن دوسـتـی راجءِ پَـرزاِنـت ءُ مُـلـکءِ تَـهـا پَـہ ایـمـانـداری کـار کَـنَـگ ءُ مَـهـلـوُکءِ هَـکّ رَسـی کَـنَـگ اِنـت.
وَتَـن دوسـتـی انـسـانءِ دل سَـپـائـی اِنـت ءُ انـسـانءَ پَـہ شَـرّیـں رَسـم ءُ رَواجءِ کـار کَـنَـگءَ پَـرمـائـیـنـیـت.
وَتَـن دوسـتـی راجءِ یـکـجـاهـی ءُ مُـچّـی اِنـت وَت مـاں وَتءَ هـورءُ اَوارءَ زنـدَگی کـنَـگ اِنـت یَـکـپـارُگـی پـادایَـگءُ یَـکـپـارَگـی نـنـدَگ اِنـت .
آ کـہ وَتـنءِ دوسـتـیءَ مَـہ زانـت آ وَتَـنءِ گَــدّاراِنـت وَتَـنءَ تَـبـاهءُ بَــربــاد کَـنَـگءِ شـوهــازءَاِنـت گــوں زوراکـاں هـور ءُ اواراِنت ءُ وَتــی وَتَـنءُ راجءَ بُـهـا کَـنـگ اِنـت.
[/b]