چَـہ دُزّاں دگـے مَـسـتـریـں دُزّ هَــســت
رجـانـک : ادبـی هَـکـیـم
---------------------------------------
چـار دُزّ بـانـکےءِ جَـنَـگءَ شُــت اَنـت سَـئـیـں دُزّ یَـکّ ءُ یَـکّءَ مـاں بـانـکءَ گـوسـت اَنـت چـارُمـی دُزّ دَرا مـوٹـلءِ تَـهـا نِـشـت ءُ راهـچـار بـوُت بـانـک چَـہ مَـهـلـوُکءَ پُـرّاَت دُزّانءَ هَـم اِشـتـاپ اَت پَـہ یَـک بَـرءَ دُزّانءَ جـار جَـت کـَـسے چَـہ وَتـی جـاه ءَ مَـہ سُـرایـت مـا پَـہ زَرّءِ دُزّیءَ آتـکـگ اِیـں مَـردُمءِ کـُـشَـگ مـارا ازکـار نَے اِنـت هَـر کـَـسءَ کـہ وَتـی سـاه دوسـت اِنـت آ زُمـیـنءِ بـاهـوٹ بـہ بـیـت کـَـسے مـارا مَـہ چـارایـت کـہ مـا چـے کـن ایـں مَـهـلـوُکءَ وَتـی ساه دوسـت اَت درُهـا زُمـیـنءِ بـاهـوٹ بـوت اَنـت دُزّانءَ بـانـکءِ پـیـتـی پَـچ کـُرت اَنـت لَـهـتـے زَرّاِش کـَـش اِت ءُ مـاں پـیـلَـگـاں کـُـرت ءُ بُـرت اَنـت دُزّ کـہ وَتـی جـاهءَ شُـت وَشّـیءَ سَـر بـوُت اَنـت چَـہ آ دُزّاں یَـکـّے وانِـنـدَهے اَت آئـیءَ گـوَشـت بـیـا اِت زَرّانءَ هُسـاب کـن اِیـں چـارایـں چُـنـت لَـکّ اَنـت دُزّانـی مَـسـتِـرءَ گـوَشـت مـا پَـرچـا وَتءَ مُـپـتءَ سـیـَـہ دِل بـہ کـَـن ایـں اِنـشَـپـی مـاں وَتـگِـنـدءِ سَـرهـالءَ گـوَش اَنـت کـہ چُـنـت لَـکّ دُزّگ بـوُتَـگ اودءَ بـانـکءِ مَـسـتـرءَ بـانـکءِ هُـسـابـدار جُـسـت کـُـرت اَنـت شـمـا بـچـاراِت کـہ چِـیـنـچـو زَرّ دُزّانءَ بُـرتَـگ آیـانءَ گـوَشـت 700 لَـکّ ڈالَـر بَـرَگ بـوُتَگ بـلَـے زوُت کـن اِت پُـلـیـسءَ گـوانـک بـہ کـَـن اِت بـانـکءِ مَـسـتِـرءَ گـوَشـت اِنـّـاں شـمـا یَـک بَـرے پُـلـیـسءَ گـوانـک مَـہ کـَـن اِت شـمـا اوَل سَـد لَـکّ چـہ آدگـے پـیـتـیءِ زَرّاں بـہ کـَشّ اِت ءُ یَـک جـاهـے ءَ چـیـر بـہ دَئـیـت مـا پُـلـیـسءَ گـوَش ایـں اے زَرّ هَـم دُزّی بـوُتَـگ اَنـت پَـدا آ پـیـسَـریـگـیـں 200 لَـکّ کـہ مـا ءُ شُـمـا مـاں پـاریـگـیـں سـالءَ چـیـر داتَـگ اِتـنـت آیـانءَ هَـم هَـمے دُزّانـی سَـرا بـہ جَـن اِت رَنـدا هُـسـاب بـہ کـن اِت سَـرجَـمـی چُـنـت لَـکّ بَـنـت کـہ دُزّان بُـرتَـگ اَنـت گـڑا پُـلـیـسءَ گـوانـکـو بـہ کـَـن اِت پُـلـیـس هَـم هَـمـے دُزّانـی وَڑءَ اَبـدال اَنـت رَنـدا اَبـدال اَبـدالءِ رَنـدءَ کـپ اَنـت مـا ءُ شـمـا نِـنـدایـں مَـوج کـن اِیـں آسَـرءَ دُزّاں نـشـتءُ وَتـگِـنـدءِ سَـرهـالءَ چـاراِت وَتـگِـنـدءِ سَـرهـالءَ گـوَشـت مَـروچـی چَـہ پـلاں بـانـکءَ 1000 لَـکّ ڈالَـرءِ دُزّی بـوُتَـگ بَـلـے شَـمـا پـگـر مَـہ کـن اِت پُـلـیـس دُزّانـی رَنـدءَ کـپـتَـگ اَنـت رَنـدا دُزّانءَ وَتـی زَرّ هُـسـاب کـُـرت اَنـت آ 200 لَـکّ ڈالَـراِتـنـت گـڑا دُزّانءَ زانـت کـہ چَـہ آیـاں دگـے مَـسـتِـریـں دُزّ هَـسـت کـہ چَـہ آیـانـی جُـهـداں مَـسـتـریـں نَـپءَ چـسـت کـنَـگءَ اَنـت.
[/b]