Baask- Home of Balochi Language, Literature & Culture

Balochi Literature بلوچی ادب => بلوچی شئیر ءُ پـِربَـنـد Balouchi Poetry => باسکانی دیوان ءِبلوچی شائر Baask's Poets => Topic started by: Zahida Raees Raji on April 10, 2014, 10:14:55 AM

Title: صادق مری ءِ شعر ءُ پربند ندر پہ باسک ءِ وانوکاں
Post by: Zahida Raees Raji on April 10, 2014, 10:14:55 AM
تە ریک اے بستگیں ماڑی کتگ وتی میراث
 نیں جھڑگا اے زمانگ ترا را گار نە کنت
 اے سرپدی اوں گنوکا نی ترانگے صادق
 اےزانت و زانگ درماں مناں کە سار نە کنت
 صادق مری
Title: Re: صادق مری ءِ شعر ءُ پربند ندر پہ باسک ءِ وانوکاں
Post by: Zahida Raees Raji on April 10, 2014, 10:17:37 AM
میں ایکوی اے ساھگے تھنا نە بیت پدا
اے روش آزمانا چو سھرا نە بیت پدا
گواتانی دست اواریں شف اے کلپیں نیت آ
مھر اے چراغ مرتگیں رژنا نە بیت پدا
صادق مری
Title: Re: صادق مری ءِ شعر ءُ پربند ندر پہ باسک ءِ وانوکاں
Post by: Zahida Raees Raji on November 01, 2018, 02:12:30 PM


(صادق مری)


لوڑگمیں روشانی دستا زیندھ بے پندھا نہ انت
کڑز کورانی بھران انت سیوتی پیدا نہ انت


چے کنوں کہ آس ء ڈولا تفسغیں ناں گلزمیں
چے کنوں کہ وزتانی دل وثی ھندا نہ انت


مارا تی اے راھسراں بے مزلی ء رولثہ
گام نیں پندھاں اوار انت دیم پہ دگا نہ انت


بے ترا گیر انت مناں کہ بے ترا کوڑی شموش
بے ترا میں جند گار انت ایکوی ایکا نہ انت


جند ء آس ء روژنا انت شف تھاری ء چراغ
واژہ انت دل جوفوانی کس پہ کسا نہ انت


عشق تہ بے کیل و کچیں راھسرے پہ جزغاں
راھی ء کہ بژن گون انتاں دلا مونجھا نہ انت


کیے ترا پجھارغیں بے دروشمیں صادق مری
آف دہ اوشیشیں چماں داں سری سہرا نہ انت



Title: Re: صادق مری ءِ شعر ءُ پربند ندر پہ باسک ءِ وانوکاں
Post by: Zahida Raees Raji on November 01, 2018, 02:13:05 PM


(صادق مری)


صورت چلویں ریشانی ، کنڈھی ایں بروت مڑدانی ، وھش انت میے بلوچی دیوان
ایکیں دروشم ء دا چماں ، سیرمغ زھرنیں چمانی ، وھش انت میے بلوچی دیوان


نوخ آف کلیاں ساڑتین انت ، تام اش گون منی ڈیھانی ، تنی ایں دلاں بواڑتین انت
زڑدیں کاک بنت گندیمیں ، سجی پکغیں ونگانی ، وھش انت میے بلوچی دیوانی


سدری گوں بلوچی نشکاں ، پاغ میے عزتی سہرا انت ، ھتیار انت جلشکوخین انت
توپک کوفغان گوں بنداں ، جابھہ بستغیں سرینانی ، وھش انت میے بلوچی دیوان


نیخ و سیوتیں ایمان انت ، کاراش پہ رواجاں جوان انت ، دروھیں قصواں دیمپان انت
ساداییں بلو چی کار انت ، حال و مجلس انت لیوانی ، وھش انت میے بلوچی دیوان


بیا انت کہ شفا شنگینوں ، گیرآروں ابد مانین آں ، کہنیں قصو و دستاناں
ناڑی گوں وثی سری ء ، ساز و زیمر انت شیرانی ، وھش انت میے بلوچی دیوان