Baask- Home of Balochi Language, Literature & Culture

Balochi Literature بلوچی ادب => بلوچی زبان و ثقافت Language, Culture, Tradition => Topic started by: Zahida Raees Raji on September 21, 2014, 09:33:14 AM

Title: " آئرا وشھال کس ءَ نہ دیت کہ کٹّی نوزدہ ءُ ھرچی بیست " .
Post by: Zahida Raees Raji on September 21, 2014, 09:33:14 AM
بتل:
" آئرا وشھال کس ءَ نہ دیت کہ کٹّی نوزدہ ءُ  ھرچی بیست " .
آ مردم کہ ھرچی  چہ آمدنی ءَ گیش بہ بیت  ھچبر وشھال نہ  بیت ءُ آئی کہ کٹّی نوزدہ ءُ ھرچی بیست بہ بیت آ سرجمیں زند ءَ وامدار ءُ پریشان بیت بزاں چہ زند ءِ گَلگ ءَ پشت کپیت ءُ اڑ ءُ جنجالانی آماچ بیت .
ھر کس زانت کہ بے زرّ ءُ مال ءَ دنیائی زند ءِ گوازینگ نہ بیتگیں  گپّے .
 اے بتل ترا ھرچ ءَ چہ آمدنی ءَ کم کنگ ءِ سُکین ءَ دنت ءُ پیش دارایت کہ وتی سرجمیں کَٹّ ءَ یکپارگی مہ چَٹّ بلکیں "  پُگے بور ءُ پگے پہ لُنٹاں مُش " بزاں پہ دیمءِ  آیوکیں سکّیں روچاں چیزے ایئر بکن . اشی ءِ مانا بھیلی یا کنجوسی نہنت . اگہ اللہ ءَ ترا باز داتگ باز بور بلے  یاد بکن کہ تئی ھرچ ءُ آمدنی ھمکیل یا گیش مہ بیت .
بلوچی بتل زندمان ءِ نمیرانیں  مڈّی انت اگہ آیانی سرا عمل بہ بیت ما ھچبر ءُ ھچّ جاہ کم نیارایں  ءُ زند ءِ ھرپڑا سوبین  بیں . امید انت کہ ھنچش کن ات .
کزوری پہرہ .