Baask- Home of Balochi Language, Literature & Culture

Balochi Literature بلوچی ادب => بلوچی شئیر ءُ پـِربَـنـد Balouchi Poetry => باسکانی دیوان ءِبلوچی شائر Baask's Poets => Topic started by: شے سید on February 20, 2015, 09:22:07 AM

Title: نوکیں پربندے ندر پہ باسک ءَ
Post by: شے سید on February 20, 2015, 09:22:07 AM
جوکْ ــــ
ــــــــ
کئے ءَ گُمان کُرتگ اَت ـ
کہ شئر ءِ زندگی وتی رباباں کوکو یے بکنت؟
ھیال ءِ دل کہ درِکگ یے بہ جَنت ـ
من بُست کناں ـ
اے آس درنزیں نَد وتی مـَساں ھلاس کنت چیا ـ
من چی نبشتہ کت کناں؟
اے درد چو کہ مُورے ءَ دلانی شھداں نوش کنت  ـ
مں روح کدّھے کتگ ـ
ءُ نشتگاں مچاچ ءِ ساھگ ءَ ـ
مں چمّ چو کہ برپے ءَ گلاس ءَ مان کرتگ اَنت ـ
ءُ نوش اِتگ ـ
کمار انچو بیتگیں ـ
کہ ھرش ءُ آزمان ھم گشیگاں ناچ کنت  پہ من ـ
ما مَست اَت ایں ـ
بلے گـیاب تـُستگ اَت ـ
ما انگہ مست اَت ایں بلے ـ
تہ چَول تپاک بوتگ اَت ـ
زرانی دامن ءَ کدوھے آگھـ اَت ـ
اِے کلّـرانی ایوکی ـ
اے مَوج چو کہ ھارے ءَ کدوھے واب گیتکگ اَت ـ
تو واب ءَ چی چی دیستگ اَت؟
ما دسیتگ اَت کہ مھرمیں گُمان ءِ ھلوتے وتی نگاہ ءَ دنت پاھو ئِے ـ
ما ساد پاھوءِ دل ءَ گوں بَست ـ
ءُ ساد رمیزاں لوگے کُرتگ اَت ـ
دلوں زئیپ تـَرّ اِتگ ـ
ھلاس بوتیں یکبرا ـ
نہ مَنتْ ھچّ پہ منءَ ءُ پرترا ـ
ــــــــــــ
شے سید
Title: Re: نوکیں پربندے ندر پہ باسک ءَ
Post by: Hameed Maoj حميد موج on June 07, 2015, 12:09:05 PM
baz vash sobin baty
Title: Re: نوکیں پربندے ندر پہ باسک ءَ
Post by: Zahida Raees Raji on June 07, 2015, 04:32:59 PM
باز جوانیں  پربندے گوں جُھلیں پگرے ءَ بندوک انت۔ ستا کرزایت  برات شے سید۔