Baask- Home of Balochi Language, Literature & Culture

Balochi Literature بلوچی ادب => بلوچی لبزانک، چمشانک ءُ ﺁزمانک => باسکانی دیوان ءِِِِِ بلوچی نبشتہ کار Balochi writers of Diwwan => Topic started by: Adabi Hakim ادبی ھکیم on August 04, 2015, 10:01:51 PM

Title: نـیـزگـاری چـی یـے ءُ چـہ کـُـجـا آتـکـگ؟
Post by: Adabi Hakim ادبی ھکیم on August 04, 2015, 10:01:51 PM
نـیـزگـاری چـی یـے ءُ چـہ کـُـجـا آتـکـگ؟
ادبـی هـکـیـم
----------------------------------------
نـیـزگـاری یَـک آپَـتے آ مـاں دُنـیـاءِ جـانءَ پَـچ رَوان اِنـت ، چُـش کـہ یَـک مَـزنـیـں ءُ کـُـشـوکـیـں نـادراهـی یـے ، زُمـیـنءِ سَـرءِ هَـرچ نـزورےءَ جَـنـت ءُ تـاچـیـن ایـت ءُ کـُـش ایـت ، هَـرچ پَـٹ ءُ پـولـے کـہ مـاں تـیـوَگـیـں دَنـیـاءَ کـنَـگ بـوُتـگ دَنـیـگـا آ نـیـزگـاریءِ گـار کـنَـگءَ سـوبـمَـنـد نـہ بـوُتـگ اَنـت ، هَـیـرانـیـں گـپ اِش اِنـت کـہ مـروچـی دُنـیـا گـیـشـتـر سِـیـر بـوُتـگ زانـت ءُ زانِـشءَ زُمـیـنءِ چـیـرءِ هَـزانَـگ دَرا دَر کـُـرتَـگ اَنـت ءُ مـردُمـانـی دَسـتءَ داتـگ اَنـت بـلـئے پَـدا هَـم نـیـزگـاری چَـہ گـوریـچـاں دیـم پـہ نَـمـبـیـگـاں رَوَگءَاِنـت ءُ چـہ رودَراتـک دیـم پـہ روایـرنِـشـتءَ رَوَگءَاِنـت .
نـیـزگـاریءِ سَـوَب چـی اَنـت؟
وَهـد اِنـسـانءَ مَـدَت کـنَـگءَ نـہ اِنـت ، نـاتـپـاکـی اِنـسـانءَ یَـکّ ءُ یَـکّ کـُـرتـگ اِنـسـانءِ هَـکّ بـاز اِنـت بـلـئے آ اِنـسـان کـہ نـزوراِنـت آئـیءَ کـَـمّ دے اَنـت ، رَدیـں سـیـاسَـت ءُ اِنـسـانءِ زورانـسَـری ءُ دگِـرءِ هَـکّ ءِ نـہ مَـنّـگءُ آئـیءِ هَـکّءِ هَـسـتـیءَ پـہ جـاهِـلـی گـار کـنَـگ هَـم یَـک سَـوَبـے ،  زُمـیـنءِ جُـگـراپـیءَ رَد بَـهـر کـنَـگ ءُ یَـک راجـےءَ چـہ آئـیءِ وَتـی زمـیـن ءِ آبـاتـیـں نـیـمَـگءَ بـے بَـهـر کـنَـگ ءُ یَـک راجـے وَتءَ چـہ دگـے راجـےءَ شـرتـر ءُ الـکـاپـتـر زانَـگ ءُ آدگـے راجءِ سـرا زَهـر وَرَگ ءُ آئـیءَ چـہ وَتـی هَـکّ ءَ بـے بَـهـر کـنـگ هـم یـک سـوَبـے بـوُت کـنـت ، چُـش کـہ مُـلـکءِ یَـک هَـنـدے ءِ مَـهـلـوُکءِ هَـیـالءِ دارَگ ءُ یَـک هَـنـدے ءِ مـهـلـوکءِ هَـکّءَ دَر رَمـبـیـنَـگ ، پـہ اے پَـیـم آ هَـنـد کـہ آئـیءِ مَـهـلـوُک کـَـمّ اَنـت آ سـیـر ءُ آبـات بَـنـت ءُ آ هَـنـد کـہ آئـیءِ مـهـلـوُک گِـیـشـتـراَنـت آ نـیـزگـار ءُ وار بَـنـت.
 هـاکـُـمءَ ایـوَکءَ وَتـی هُـکـمءِ پـگـر هَـسـت اے پـگـر آئـیءِ اِنـسـانـی مـارِشـت ءَ گـار کـَـنـت ، آئـیءَ دگِـرانـي دَردءِ مـارشـت نـہ بـیـت چُـشـیـں پـگـرءِ هـاکـُـم بـے سُـدّ ءُ بـے سَـمـا بَـنـت ، مـروچـی مـاں مـئے مُـلـکءَ زانـت ءُ زانِـشءِ دیـمـا بَـرَگ هَـم یـک نـیـزگـارےءِ واکے نـہ اِنـت آئـیءِ هَـرج ءُ تَـرج سَـکّ بـازاَنـت نـیـزگـارءِ چُـکّ چـہ بـے وَسـی وَتـی زانـتءُ زانِـشءَ دیـمـا بُـرت نـہ کـن اَنـت ، یَـک گـپے اِش اِنـت کـہ هَـزگـار ءِ چُـکّ مـاں سـیـرءُ آبـاتـیـں لـوگےءَ رُداَنـت آ مـاں هَـمـا لـوگءَ رُداَنـت کـہ چـہ آ لـوگءِ مَـردُمـانءَ کـَـسـےءَ نـیـزگـاریءِ مـارشـت نـہ بـوُتـگ آ نـیـزگـارانءَ شـاشـک ءُ مَـکِـسـک گِـنـداَنـت آیـانءَ هَـنـچُـشـیـں دَلـوَت گِـنـداَنـت کـہ اللهءَ پـہ آیـانـی هِـزمَـتءِ کـنـگءَ هـاتِـرا جـواں کـُـرتـگ اَنـت.
لَـهـتے مَـردُم جـار جَـنـت ءُ گـوَش ایـت مـن چـہ درُهـا زانـتـکـارتِـراں ، مـن چـہ درُهـا وَشّـرَنـگـتِـراں ، مـنـی دود ءُ رُبـیـدَگ (فـرهَــنـگ)چـہ آدگِـراں شـرتـراِنـت ، اے یَـکّ گـَـبـروُنـی یـے ( تـکــبّـرے )  ، لَـهـتے گـوَش ایـت مـنءَ وَتـی سَـرا بـیـسـہ هَـسـت اے گـَـپ چـہ بُـنءَ رَداَنـت پـرچـا کـہ اے مـردءَ وَتـی مـارشـت گـار کـُـرتَـگ کـہ دگِـرےءِ مـارشـتءَ سـرپَـد بـہ بـیـت اے مَـردءَ ایـوَکءَ وَتـی جـنـدءِ پـگـراِنـت ، دگـے لَـهـتے جـار جَـنَـگءَاَنـت کـہ جـانـوَراں دوسـت بـہ داراِت آیـانـی سَـرا زُلـم مـہ کـن اِت بـلـئے آئـیءَ  وَتـی بـراتءُ گـُـهـارانـی پـگـر ءُ مـارشـت نـیـسـت اِنـت .
اگـاں نـیـزگـارےءِ چُـکّ وانَـگءَ آسَـر بـہ کـَـنـت رَنـدا آ کـار کـنَـگءُ سـیـر کـنَـگ بـہ لـوٹ ایـت اے گـپ سـیـریـں مـردُمـانءَ وَشّ نـہ بـیـت پَـرچـا کـہ آ هَـمـشءَ پَـهـم اَنـت کـہ وانَـگءُ زانَـگ ءُ شَـرّیـں کـارانـی سَـرا نـنـدَگ ایـوَکءَ سـیـریـں مـردُمـانـی هَـکّ اِنـت ، اے پـیـمـیـں مـردُم سَـتَـر دیـنـدار بـہ بَـنـت سَـتَـر زانـتءُ زانِـشءِ کـانـوُدءَ بُـوان اَنـت بـلـئے مُـلـکءِ تـهـا هَـمـسَـنـگـی( بـرابـری) ءِ کـانـوُدءَ ایـر کـُـرت نـہ کـن اَنـت پَـرچـا کـہ اِشـانءَ دگِـرءِ مـارشـت نـیـسـت ، هَـمـسَـنگـی (بـرابَـری) ءِ واهَـگءُ لـوٹ درُهـيـں راجـانـی واهِـش اِنـت پَـرچـا کـہ هَـمـسَـنـگـی(بـرابَـری) هـاکـُـم ءِ هُـگـمءِ بُـنـدَراِنـت ، بـلـئے مـئے مُـلـکءِ هـاکـمـانـی هُـگـم جـاهِـلـی ءُ بے زانـتـی ءُ زانِـشـی اِنـت ، هـاکـُـم وَت مـاں کـَـلاتـاں نـشـتَـگ اَنـت آیـانءَ کـُـڈانـی تـہءِ نِـنـدوکـیـں مَـردُمـانـی مـارشـت نـیـسـت ، هـاکـُـمءِ گـورا هَـمُـکّ چـیـزّ هَـسـت اَنـت بـلـئے آ نـہ زانـت کـہ نـیـزگـاریـں مَـردُم پـہ یَـکّ چـیـزّے ءِ دَرگـیـجَـگ تـلـوَسـگءَاَنـت ، وَهـدے کـہ مُـلـکءِ وَزیـر ءُ وَکـیـل هـاکـُـمءِ بـے مـارشـتـیءَ گِـنـداَنـت آ هَـم هَـنـچُـش کـن اَنـت.
 مـئے هـاکـُـم هَـمـا شـائِـراِنـت کـہ آئـیءَ وَتـی دوسـت چـہ وَتـی دوُریءِ گـَـمـاں کـُـشـتَـگ ، نـوں آ نـہ زانـت کـہ آئـیءِ دوسـت مُـرتَـگ آ نِـشـتَـگءُ پـہ وَتـی مُـرتـگـیـں دوسـت دَسـتـونـک پـربَـنـدایـت .
نـیـزگـاریءِ گـار کـنَـگءِ راه چـی اِنـت؟
بـوُت کـنـت کـہ تـو نـیـزگـاریءَ گـار کـُـرت مـہ کـن ئَے یـاں تـو نـہ لـوٹ ئَے کـہ نـیـزگـاریءَ گـار بـہ کـن ئَے ، تـو هَـمے پـگـرءَ کـن ئَے کـہ اگـاں نـیـزگـاری گـار بـہ بـیـت رَنـدا اِنـسـانـانـی رِد ءُ بَـنـد گـار بـیـت ، تـو هَـمے پـگـرءَ کـن ئَے کـہ اگـاں نـیـزگـاری گـار بـہ بـیـت کـَـس کـَـسےءِ هِـزمَـتءَ نـہ کـنـت ، بَـلـئے اے گـپءَ بـزاں کـہ نـیـزگـارانـی دِلان ءَ پـہ سـیـریـنـاں بُـگـزّ مـاں نـیـسـت آ لـوٹ اَنـت کـہ سـیـریـں مَـردُمے ءِ بُـت (مـجـسـمـه)ءَ پـہ یـات ءِ کـنَـگ جـواں بـہ کـن اَنـت ، آ لـوٹ اَنـت کـہ سـیـریـنـانءَ نـیـزگـارانـی مـارشـت بـہ بـیـت ، آ نـیـزگـارانـی هَـیـالءَ گـوَر بـہ کـن اَنـت ،  اے کـار پـہ سـیـریـنـانـی نَـپ اِنـت ، هـاکـُـم هَـم نـیـزگـاریءِ گـار کـنَـگءِ جَـهـدءَ بـہ کـن اَنـت ، هَـنچُـش کـہ اِسـلامءَ آیـانءَ نـیـزگـارانـی سَـراں رَهـم کـنَـگءِ هُـگـم داتـگ ، هَـنـچُـش کـہ " حـضـرت عـلـی کـرم الله وجـهـه " گـوَشـَـگ اگـاں نـیـزگـاری مَـردُمے بـہ بـوُتـیـں مـن آئـیءَ کـُـشـتـگ اَت .
[/b]