Baask- Home of Balochi Language, Literature & Culture

Balochi Literature بلوچی ادب => بلوچی لبزانک، چمشانک ءُ ﺁزمانک => باسکانی دیوان ءِِِِِ بلوچی نبشتہ کار Balochi writers of Diwwan => Topic started by: Adabi Hakim ادبی ھکیم on December 08, 2016, 02:40:58 AM

Title: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on December 08, 2016, 02:40:58 AM
اَگـاں مَـنـی گـپ ءَ کـَـسـے سَـرپَـد بـہ بـیـت.
ادبــی هَـکـیـم
او بـلـوچ ، بـیـا  آجـوئـی ءِ واب ءَ گِـنـدایـں ، آجـوئـی یَـک ڈولـداریـں گـالـے ، یَـک بُـهـارگـاهـی پُـلّـے ، بَـزّگـیـں دِلانـی چـاڑ(عـشـق) اِنـت ، آجـوئـی هَـمـا گـال اِنـت کـہ پـہ آئـی ءِ هـاتِـرءَ بـاز کـَـس شَـهـیـد ءُ شَـهـمـیـر بَـنـت ،  مـا آجـو پـیـداگ بـوُتـگ ایـں مَـردُمـاں مـارا گـُـلام کـُـرتَـگ ، شُـمـا زان اِت کـہ مـا پَـرچـا گـُـلام بـوُتَـگ ایـں ؟ شـمـا زان اِت کـہ مـئـے واجَـهـی پَـرچـا چـہ دَسـت ءَ شـتَـگ ؟ آجـوئـیـں دُنـیـا ءِ تـہ ءَ مـئـے جـاگـَـہ کـُـجـا اِنـت ؟ زانـا آجـوئـی اِیـوَک ءَ یَـک گـالـے کـہ شـائـر ءَ پـہ وَتـی دَسـتـونـک ءِ زیـبـدار کـنَـگ ءَ پِـربَـسـتَـگ ؟ مـئـے گـوَرا آجـوئـی ءِ بـزانـت چـی اِنـت؟ آ پـہ مـا چـے کـُـرت کـَـنـت ؟ آجـوئـی ءَ بَـنـدیـگـجـاه هَـسـت ، کـَـے آ بَـنـدیـگـجـاهـانـی واجَـہ اِنـت ؟ آجـوئـی  هَـسـت ءُ آ مـئـے دَسـت ءَ کـَـپ ایـت ؟!!!... 
آ چـیـزے کـہ مـئـے آجـوئـی لـوٹـگ ءِ سَـوَب بـہ بـیـت آ مـئـے هَـکّ ءِ لـوٹ اِنـت  مـئـے اِنـسـاپ ءِ لـوٹـگ ءِ مـارِشـت اِنـت ، بـے اِشـانـی لـوٹـگ ءَ گـڑا مـا وَتـی دژمـن وَت ایـں ، آجـوئـی هَـرچـکـَـس ءِ هَـکّ اِنـت آ دادبَـکـشـی یـے نـہ اِنـت کـہ چـہ زوراکـانـی نـیـمَـگ ءَ مـارا بـہ رَس ایـت ، آجـوئـی هـاوَنـد ءِ یَـک دادے کـہ آئـی ءَ پـہ وَتـی درُهـیـں اِنـسـانـاں بَـکـشـاتَـگ ، پـہ هَـمـے هـاتِـرءَ کـہ اِنـسـان پـہ آرامـی زنـدگـی کـُـرت بـہ کـَـنـت  ، پـہ آرامـی ءُ وَشّـهـالـی هـاوَنـد ءِ اِبـادَت ءَ کـُـرت بـہ کـَـنـت ، زانـت ءُ زانِـش ءِ وانَـگ ءُ زانَـگ مـئـے هَـکّ اِنـت کـہ مـا هـاوَنـد ءِ جـواں کـُـرتَـگـیـں دو جـهـان ءِ شَـرّ ءُ سِـلّ ءَ چـہ وانَـگ ءُ زانَـگ ءِ کِـتـابـاں سَـرپَـد بـہ بـیـں .
وَهـدے کـہ مـا آجـو بـیـں مـارا گِـچـیـن کـنَـگ ءِ مـوه رَس ایـت مـا پـہ وَت هَـرچ چـیـزے کـہ بـہ لـوٹ ایـں جـواں کـُـرت کـن ایـں ، آجـوئـی ءِ بـزانـت اِش اِنـت کـہ مـارا  وَتـی پَـرز ءُ  سُـنّـتـانـی زانَـگ ءِ مـوه بـیـت ، مـا وَت وَتـی پـگـر ءُ واهَـگـانـی مُـراد ءَ دَرگـیـتـک کـَـن ایـں ، چـو نـہ اِنـت کـہ دگِـراں مـارا پـہ وَتـی پـگـر ءُ واهَـگـانـی دَرگِـپـت کـنَـگ ءَ بـے وَس ءُ مَـجـبـوُر بـہ کـن اَنـت ، آجـوئـی ءِ بـزانـت اِش اِنـت کـہ مـارا هِـچّ تُـرسـے ءِ وَدار مـہ بـیـت ، وَهـدے کـہ مـا وَتـی هُـبّ ءُ واهَـگ ءَ دَرشـان بـہ کـَـن ایـں هِـچّ دَسـتـے مـئـے دَپ ءَ مـہ دارایـت ، کـَـسـے مـارا پـہ مـئـے وَتـی واهَـگ ءِ لـوٹ ءَ شِـزا مـہ دَنـت .
یَـک آجـوئـیـں راجے وَت ءَ چـہ گـُـلامـیـں راجے گـیـشـتِـر نَـپ ءُ سـوُت دات کـَنـت پَـمـش ءَ کـہ آجـوئـیـں راج وَت وَتـی مُـلـک ءِ دیـمـرَوی ءِ زمـہ وار بَـنـت ، گـُـلامـیـں راج مُـدام دِلـپـروش ءُ دلـپَـدَرد ءُ نِـزور ءُ نـیـزگـار بَـنـت دَسـت اِش گـوں زوراکـان نـه رَس ایـت وَت مـاں وَت مُـدام جَـنـگ بَـنـت .
آجـوئـی ءِ مـارِشـت چـو کـہ یَـک وَشـیـں وابـے ءِ مـارِشـت اِنـت تـرا هَـنـچـو مـاراِشـت بـیـت کـہ تـو تـیـبَـگـیـں جـهـان ءِ واجَـہ ئـے ، هُـجّـے نـہ اِنـت کـہ تـرا بـاز مـال ءُ دَولَـت بـہ بـیـت تـو گـوں نـیـزگـاری وَتـی زِنـد ءَ پـہ آرامـی وَشّ وَشّ ءَ گـوازیـنـت کـَـن ئـے .
گـوں آجـوئـی ءِ آیَـگ ءَ تـو وَت وَتـی مُـلـک ءُ وَتـی لـوگ ءُ وَتـی کـار بـارءِ هُـدابُـنـد بـئـے ، هَـرچ وَهـد ءُ هَـرچ دَمـان ءَ تـو هَـمُـک جـاه ءَ شُـت ءُ آتـک کـن ئـے ، مـاں وَتـی مُـلـک ءَ تَـرّ ءُ تـاب کـُـرت کـن ئـے ، وَتـی مـال ءَ پـہ وَت هَـرج کـُـرت کـن ئـے ، هَـرچ گـَـپـے ءَ گـوں هَـرچ کـَـس ءَ گـوَشـت کـن ئـے ، وَتـی وَشـهـالـی ءُ وَشـتـبـی ءَ کـارمَـرز کـُـرت کـن ئـے ،  هِـچّ کـَـسـے تـرا راجـی ءُ دیـنـی ءُ نـیـزگـاری ءِ تَـنـزّ ءُ شِـگـان نـہ جَـنـت ، هَـرچـکـَـس تـئـی وَتـی دوسـت ءُ دوزواه بَـنـت کـَـس تـرا گِـر ءُ بَـنـد نـہ کـَـنـت ، تـو آجـو بـئـے .
 اِے پـیـم ءَ تـو پـہ وَت یَـک آجـوئـیـں پَـدریـچـے جـوان کـن ئـے ، کـَـسـے تـئـی چُـکـّـاں پـہ زور گـلام نـہ کـَـنـت ، مُـلـک ءِ کـانـوُد ءُ رَسـم ءُ رَواج تـئـی وَتـی دَسـت ءَ بَـنـت ، وَهـدے کـہ تـو آجـو بـہ بـئـے گـڑا دُنـیـا تـرا اِزّت ءُ شَـرَپ بَـکـش ایـت ، دُنـیـا تـئـی راسـتـیـں پَـجّـارءَ زانـت رَنـدا تـو هَـم دُنـیـا ءِ پَـجّـار ءَ زان ئـے ، دُنـیـا تـئـی آجـوئـی ءِ کـَـدر ءَ کـَـنـت ءُ تـرا چـہ آجـوئـیـں راج ءُ آجـوئـیـں مُـلـکـے زانـت ، آ وَهـد ءَ تـئـی راه ءِ شَـنـک چـسـت بَـنـت تـو دُنـیـا ءِ هَـمُـک جـاه ءَ شُـت ءُ آتـک کـن ئـے ، اود ءِ مَـردُم تـرا پـہ شَـرَپ ءُ اِزّت وَشّ آتـک کـن اَنـت آ هَـم مـاں تـئـی مُـلـک ءَ آیَـگ لـوٹ اَنـت ، گـوں تـو سَـوداگِـری ءُ بـاپـاری کـنَـگ ءِ واهَـگ کـن اَنـت ، تـو دیـمـا رَوئـے ، تـئـی راج دیـمـا رَوت ، تـئـی مُـلـک دیـمـا رَوت ، تـئـی زانـت ءُ زانِـش دیـمـا رَواَنـت ، تـئـی پَـدریـچ زانـتـکـار بَـنـت ، وَتـی مُـلـک ءِ دارَگ ءِ سُـدّ ءُ سَـمـاه اِش کـَـیـت ، پـہ وَت جـوانـیـں زِنـدے جـوان کـن اَنـت.
گـوں آجـوئـی ءِ آیَـگ ءَ مَـردُم وانِـنـدَه ءُ زانـتـکـار بَـنـت ، راجـی زَهـر ءُ کِـیـنَـگ گـار بَـنـت ، نـازانـتـی ءُ بـیـکـاری گـار بَـنـت ، نـیـزگـاری چـہ تـئـی سَـرءَ بـال کـَـنـت ءُ هَـزگـاری تـئـی سَـر ءِ تـاج ء بـیـت .
گـوں آجـوئـی ءِ آیَـگ ءَ تـئـی مُـلـک ءِ دروشُـم بَـدَلّ بَـنـت ، چـہ یَـک بَـنـدیـگـجـاهـے وَتـی رَنـگ ءَ بَـدَلّ کـنـت ءُ یَـک بـهـارگـاهـیـں کـَـهـچَـرے ءِ رَنـگ ءَ بـیـت ، کـوه ءُ کـوُچَـگـانـی رَنـگ چـہ هُـشـکـی ءَ بَـدَلّ بَـنـت ءُ سَـبـز بَـنـت.
تـو وَتـی اَگـل ءَ پـہ آرامـی کـارمَـرز کـُـرت کـن ئـے ، وَتـی راجـدَپـتـر ءُ وَتـی دود ءُ ربـیـدَگ ءُ وَتـی مـاتـی زبـان ءِ واجَـہ بـئـے ، وَتـی مـاتـی زبـان ءَ گـوں آسـانـیـں راه ءُ رَهـبَـنـدے جـهـانـی کـُـرت کـن ئـے ، هِـچّ کـَـسـے تـئـی دَسـتءَ داشـت نـہ کـَـنـت ، هِـچّ کـَـسـے تـئـی دَپ ءَ پـہ گـوَشـگ بَـنـد  نـہ کـَـنـت .
مَـروچـی تـو پـہ وَتـی چُـکّ ءَ یَـک نـامـے اِیـر کـُـرت نـہ کـن ئـے بـلـئـے آجـوئـی ءَ رَنـد تـو آ چُـکّ ءِ زِنـد ءَ بَـدَل کـُـرت کـن ئـے ، مَـروچـی زوراک تـئـی پَـجّـار ءَ گـار کـُـرتَـگ بـلـئـے آجـوئـی ءَ رَنـد جـهـان تـئـی پَـجّـار ءَ زانـت ، مَـروچـی تـئـی زبـان زوراک ءِ دَسـتءَاِنـت بـلـئـے آجـوئـی ءَ رَنـد تـئـی زبـان تـرِکّ ایـت ءُ سَـبـز بـیـت ، مَـروچـی زوراک تـئـی راجـدَپـتـر ءَ دُزّاِتَـگ ءُ چـیـر داتَـگ بـلـئـے آجـوئـی ءَ رَنـد آئـی ءَ کـارایـت ءُ تـئـی دَسـتءَ دَنـت.
او بَـلـوچ هِـمّـت کـن ءُ دیـم ءَ بـہ کِـنـزّ ، تـو آجـو بـئـے ، گـیـشـتـر زور بـہ جَـن کـہ زوُتِـر دیـم ءَ شُـت بـہ کـن ئـے.
ادَبـی هَـکـیـم
[/b]
Title: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on March 27, 2017, 01:31:15 AM
اَگـاں مـنـی گـپ ءَ کـَـسـے سَـرپَـد بـہ بـیـت.
شَـپ سَـتَـر وَتـی سـیـاهـیـں چـادَرءَ مـئـے سَـرءَ دَور بـہ دَنـت ءُ مـئـے چـاگِـرد ءَ تـهـار بـہ کـَـنـت بـلـے مـئـے چَـمّ پَـچّ نـہ بَـنـت کـہ مـا تـهـاری ءِ راسـتـيـں دروشُـم ءَ بـہ گِـنـدایـں !!!... روچ سَـتَـر وَتـی بـرَمـشـاں مـئـے سَـرءَ بـہ تـاپ ایـت ءُ مـئـے چـاگِـرد ءَ روژنـا بـہ کـَـنـت بـلـے مـئـے چَـمّ پَـچ نـہ بَـنـت کـہ مـا وَتـی چـاگِـرد ءِ سِـلّـیـں دروشُـم ءَ بـہ گِـنـدایـں !!!... مَـرگ سَـتَـر وَتـی بـیـمّـنـاکـی ءَ مـارا پـیـش بـدارایـت ءُ مـارا بـہ تُـرسـیـن ایـت بـلـے مـئـے چَـمّ پَـچ نـہ بَـنـت کـہ مـا مَـرگ ءِ تُـرسـنـاکـیـں دروشُـم ءَ بـہ گِـنـدایـں !!!... زِنـدَگـی سَـتَـر وَت ءَ ڈولـدار ءُ زیـبـدار پِـیـش بـدارایـت بـلـے مـئـے چَـمّ پَـچ نـہ بَـنـت کـہ مـا زنـدَگـی ءِ ڈولـدار ءُ زیـبـداریـں دروشُـم ءَ بـہ گِـنـدایـں !!!... اِے کـُـجـام واب اِنـت کـہ مـا پـہ وَت گِـچـیـن کـُـرتَـگ؟!!!...
ادَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 21, 2017, 01:29:12 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
بـاز بَـژن اِنـت کـہ مـارا مـروچـی پـہ بـلـوچـی زبـان ءِ سـیـاهَـگ ءِ دِیـمـا بَـرَگ ءَ هَـپـتـاد ءُ هَـپـت سَـیَـد اَزکـار اِنـت کـہ آ جـاهِـل ءُ کـاهِـلان ءَ بـلـوچـی زبـان ءِ راسـتـیـں سـیـاهَـگ ءِ رَهـبَـنـد ءِ مَـنـانِـکـاں پـیـش بـہ دار اَنـت .
ادَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 21, 2017, 01:33:06 PM
اَگـاں مـنـی گـپ ءَ کـَـسـے سَـرپَـد بـہ بـیـت.
لَـهـتـے مَـردُم چـو ڈل ءُ ڈوک بـوُتـگ اَنـت اَگـاں یـکـجـاه اِش مُـچّ بـہ کـن ئـے بـلـے پـدا هَـم اِے نـیـمَـگ ءُ آ نـیـمَـگ ءَ شِـنـگ بَـنـت !!!...
ادَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 21, 2017, 01:34:23 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
وَپـاداریـں دوسـتـانـی وَپـاداری ءِ گـنـد ءُ گــدار ایـوَک ءَ وَت مـاں وَت ءَ هَـمـبـاز کـنَـگ ءُ وَشّ آتـک کـنَـگ نَـہ اِنـت....! وپـاداریـں دوسـتـانـی دوسـتـی زَهـیـرانـی یَـک لـوٹے کـہ آئـی ءِ مِـهـر ءِ بـازی چَـہ زُمـیـن ءِ دراجـی ءُ پَـهـنـات گِـیـشـتِـراِنـت پَـرچـے کـہ مـاں وَپـاداریـں دوسـتـانـی گـنــد ءُ گــدار ءِ دیـوان گـوں یَـکـدِگـر ءَ پـریـشـانـی ، گـَـم ، نـادراهـی ءُ وامـداری ءِ گِـلَـگ ءُ شِـکـاهَـت نـیـسـت اَنـت.
اَدَبـی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 21, 2017, 01:35:13 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـنـی هَـیـال ءَ مَـروچـی آ روچ آتـکـگ کـہ هَـر اَگـاں بـار ءِ نـیـمَـگ ءَ نـہ رَوت گـڑا بـار هَـر ءِ نـیـمَـگ ءَ بَـرَگ بـہ بـیـت ءُ آئـی ءِ سـرءَ لَـڈگ بـہ بـیـت.
ادَبــی هَـکـیـم
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 21, 2017, 01:36:45 PM
اَگـاں مـنـی گـَـپ ءَ کـَسـے سَـرپَـد بـہ بـیـت.
اگـاں شُـمـا چـیـزے نـبـشـت گـڑا هَـنـچـیـں چـیـزے بـہ نـبـیـس اِت کـہ یَـکـّے ءَ چـہ شـمـئـے نـبـشـتـانـک نَـپـے بـہ رَس ایـت .
ادَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 21, 2017, 01:40:26 PM
اَگـاں مـنـی گـپ ءَ کـَـسـے سَـرپَـد بـہ بـیـت.
یَـک بَـرے دِلـریـشـیـں گـَـجَـرے ءَ هـاوَنـد بـہ زانـت کـہ کــےءَ کـُـشـتـگ اَت آ وَهـد ءَ مـئـے مُـلـک ءِ درُهـیـں مُـلّا تـاں یَـک سـالـے چـو کـُـکـُـڈ ءِ پَـیـمـا کـُـڈاسک کـُـڈاسـک کـُـرت ، نـوں کـہ گـَـجَـر ءُ پـوکـسـتـان ءِ کـاپـریـں لـَـشـکـَـر هَـوار اَنـت ءُ هَـمُـک روچ بَـلـوچ ءِ چُـکـّـاں بـے گـُـنـاه ءُ مَـیـار ءَ کـُـشـگءَاَنـت بَـژن اِنـت کـہ مـئـے مُـلـک ءِ یَـک مُـلّایـے ءَ تَـنـیـگـا یَـک کـُـڈاسـکـَـگـے هَـم نـہ جَـتَـگ !!!.....
ادبـی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 21, 2017, 01:45:59 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
اَگـاں مَـروچـی مـا گِـنـدَگءَایـں کـہ بـلـوچ بـلـوچـسـتـان ءِ لاهِـک نَـہ اَنـت گـڑا اِشـی ءِ سَـوَب چـہ بـلـوچ ءِ نـالاهِـکـیـں راجـکـَـمـاشـاں بـوُتَـگ کـہ آیـان ءَ سَـد سـال ءِ تَـهـ ءَ جُـهـد نـہ کـُـرتَـگ کـہ یَـک لاهِـکـیـں راجـے جـواں بـہ کـَـن اَنـت کـہ آ مَـروچـی اِے گـَـنـجـهـاتـیـں مُـلـک ءِ واهُـنـدی کـَـنَـگ ءَ بـہ کـَـرزایـت.
اَدَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 28, 2017, 02:54:30 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـئـے مُـلـک ءِ لَـهـتـے وَرنـا ءِ کـار سـهـب ءَ چـہ واب ءَ پـادآیَـگ ءُ چـہ لـوگ ءَ دَر کـَـپَـگ اِنـت نـيـمـروچ ءَ پَـدا لـوگ ءَ واتَـرّ کـنَـگ ءُ وَرَگ ءُ وَپـسَـگ اِنـت ءُ پَـدا بـیـگـاه ءَ چـہ واب ءَ پـادآیَـگ ءُ چـہ لـوگ ءَ دَرکـَـپَـگ اِنـت پَـدا بـامـگـاه ءِ وَهـد ءَ لـوگ ءَ واتَـرّ کـنَـگ ءُ وَرَگ ءُ وَپـسَـگ اِنـت.
اَگـاں تـو آئـی ءَ جُـسـت بـہ کـن ئـے کـہ مـروچـیـگـیـں روچ ءَ تـو چـے کـُـرتَـگ آ وَتـی سَـرَگ ءَ هـاریـن ایـت ءُ گـُـوَش ایـت نـہ زان آں !!!....
بَـژن اِنـت کـہ مـئـے وَرنـایـاں آ گـَـپ ءَ شَـمـوشـتَـگ کـہ پـیـسَـریـگـیـں کـَـمـاشـاں گـُـوَشـتَـگ چـہ بـیـکـاریـں نِـنـدَگ ءَ نـاه ءِ گـَـڈگ کـَـنَـگ شـرتـراِنـت.
ادَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 28, 2017, 02:55:47 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
هـاکـُـم بـشـیـر الـشـهـابـی ءَ وَتـی نـوکـَـر تَـوار جَـت ءُ گـُـوَشـت مَـروچـی مـنـی دِل بَـٹـاگ ءِ وَراک لـوٹـگءَاِنـت.
نَـوکـَـرءَ چـو پَـسّـو دات :
بَـٹـّاگ وَراکـانـی سَـرداراِنـت.
بَـٹـّاگ بـے پـیـگـیـں گـُـوشـتـے.
بَـٹـّاگ بـے کـُـجَـلـیـں مـاهـیـگـے.
بَـٹـّاگ اِشـکـَـرانـی سَـرءَ پَـچَـگ ءَ سَـکّ وَشّ اِنـت.
بَـٹـّاگ مـاں روگِـنـانـی تَـهـ ءَ سُـهـر کـنَـگ ءَ سَـکّ وَشّ اِنـت.
بَـٹـّاگ ءَ دگـے چـیـزّ مـاں بـہ کـن ئـے وَرَگ ءَ سَـکّ وَشّ اِنـت.
بَـٹـّاگ ءَ هَـرّام بـہ کـَـن ئـے ءُ بـہ وَرئـے سَـکّ وَشّ اِنـت.
هـاکـُـم ءَ گـُـوَشـت بـلے مـن هَـپـتَـگے ءَ پـیـش وارت مـنـی لاپ ءَ دَردے گِـپـت!!!...
نـوکـَـر ءَ گـُـوَشـت بَـٹـّاگ؟!!!...
بَـٹـّـاگ ءَ بـہ سُـوچ بـٹـّاگ نـوں وَراکـے .
پـہ لاپ ءَ یَـک گِـرانـیـں بـارے هَـزَم نـہ بـیـت.
بَـز اِنـت ءُ لاپ ءَ گـُـوات دَنـت.
ڈول ءُ ڈیـل ءَ ڈولـدار نـہ اِنـت.
رَنـگ ءُ دروشُـم ءَ سـیـاه اِنـت.
هـاکـُـم ءَ گـُـوَشـت اِے چـوں پـیـسَـرا تـو بَـٹـّاگ ءِ تـاریـپ ءَ کـُـرت ءُ رَنـدا تـو بـٹـّاگ ءَ اِیـر جَـت ؟!!!...
نَـوکـَـر ءَ گـُـوَشـت هَـو واجَـہ بـلـے مـن واجَـہ ءِ نَـوکـَـرآں بَـٹـّاگ ءِ نَـوکـَـر نـہ آں !!!...
هَـرچـے کـہ واجَـہ بـہ گـُـوَش ایـت هَـو مـن گـُـوَش آں هَـو.
هَـرچـے کـہ واجَـہ بـہ گـُـوَش ایـت نـہ مـن گـُـوَش آں نـہ .
چـہ واجَـہ ءُ نَـوکـَـر ءِ اِے گـَـپ زانَـگ بـیَـگءَاِنـت کـہ مـئـے راج ءِ سَـے بَـهـر واجَـہ ءِ نَـوکـَـراَنـت ءُ آسَـرءَ گـوں بَـٹـّاگ ءَ تـپـاکـی نـہ کـن اَنـت.
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 28, 2017, 02:56:52 PM
اَگـاں مـنـی گـَـپ ءَ کـَـسـے سـرپَـد بـہ بـیـت.
اَگـاں شُـمـا لـوٹ اِت کـہ دیـمـا یَـک تـپـاکـیـں بـلـوچ راجـے جـواں بـہ بـیـت گـڑا شـمـا پـیـسـرءَ بـلـوچـسـتـان ءِ مُـلایـان ءَ وَت مـاں وَت تـپـاک ءُ یَـک راه بـہ کـَـن اِت رَنـدا آ وَت بـلـوچ راج ءَ تـپـاکـی ءِ نـیـمَـگ ءَ کـَـشّ اَنـت ءُ بَـراَنـت.
ادَبـی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 28, 2017, 02:57:39 PM
اَگـاں مـنـی گـَـپ ءَ کـَـسـے سـرپَـد بـہ بـیـت.
نـیـکـیـں نـیـکـمَـرد هَـمـا کـَـس اِنـت کـہ آ چـہ الله ءِ بـیـمّ ءَ تُـرس ایـت ءُ الله ءِ هَـکّـیـں گـَـپ ءَ چـہ شَـیـتـان چـیـر نـہ دَنـت آ مُـدام نـاهَـکّ ءِ دیـمـا اوشـت ایـت ءُ هَـکـدار ءِ مَـدَت ءَ کـنـت سِـلّـیـں نـیـکـمَـرد هَـمـا کـَـس اِنـت کـہ آ چـہ شـیـتـان ءِ بـیـمّ ءَ تُـرس ایـت ءُ الله ءِ هَـکـّـیـں گـپ ءَ گـوں شـیـتـان گـُـوَشـت نـہ کـَـنـت آ مُـدام هَـکـدار ءِ دیـمـا اوشـت ایـت ءُ نـاهَـک ءِ مَـدَت ءَ کـَـنـت.
ادَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 28, 2017, 02:59:09 PM
اَگـاں کـَـسـے مـنـی گـپ ءَ سـرپَـد بـہ بـیـت.
زوراکـاں مـارا گـُـلام نـہ کـُـرتـگ مـا وَت وَت ءَ زوراکـانـی گـُـلام کـُـرتـگ اِے گـَـپ ءِ مَـنـانِـک اِش اِنـت کـہ زوراک ءِ وَتـی مُـلـک 700 مـیـل ءَ گِـیـش چـہ مـئـے مُـلـک دوُر اِنـت اِیـوَک ءَ آئـی ءَ لَـهـتـے وَتـی مَـردُم مـئـے سَـر ءَ زوراکـی کـنَـگ ءَ دِیـم داتَـگ اَنـت نـوں شـمـا هـسـاب بـہ کـَـن اِت کـہ مـئـے وَتـی مُـلـک ءِ چـیـنـچـو مَـردُم آیـان ءَ پـہ مـئـے سَـرءِ زوراکـی کـنَـگ ءَ مَـدَت کـنَـگءَاَنـت ؟!!!... سَـردار ءُ نـواب پـہ هِـچّ نـہ گـُـوَشـگ ءِ هـاتِـرءَ چـہ زوراکـاں چـانـوُگ گِـرَگ ءَ وَرَگءَاَنـت!!!... مُـلـک کـَـهـدا ءُ مُـلّا پـہ زوراک ءِ وَشّ آتـک گـُـوَشـگ ءُ تـاریـپ کـَـنَـگ ءُ نـیـکـیـں دُوا کـنَـگ ءَ چـانـوُگ گِـرَگ ءُ وَرَگءَاَنـت !!!... مُـلـک ءِ مَـردُم گـوں زوراک ءِ لَـشـکـَـر چـاشُـکـی ءُ پـلـیـنـڈی کـَـنَـگ ءُ وَتـی راج ءِ دَسـت ءُ پـاداں گـُـڈگءَاَنـت !!!... مـاں مـئـے مُـلـک ءِ تـهـ ءَ کـَـے وار اِنـت ءُ کـَـے آبـات اِنـت ؟ هَـمـا کـَـس واراِنـت کـہ آ گـوں زوراکـانـی زُلـم کـنَـگ ءَ هَـوار نـہ اِنـت ءُ آ کـَـس کـہ گـوں زوراکـانـی زُلـم کـنَـگ ءَ هَـوار اِنـت آ کـَـس سِـیـر ءُ آبـات اِنـت !!!... شـمـا هَـرچـکـَـسـے وَتـی شَـهـر ءِ مـردُمـاں بـہ چـاراِت یَـکـے ءَ زیـگـیـں روچ هَـرے نـیـسـت اَت کـہ سَـوار بـہ بـیـت بـلـے مَـروچـی آ پَـراڈوئـے سَـواراِنـت !!!... اِے پَـراڈو چـہ کـُـجـا آتـکـگ ؟ کـَـے ءَ داتَـگ ؟!!!... هَـرچ کـَـسـے پـہ یَـک وَڑے گـوں زوراکـاں هَـوار اِنـت ءُ آیـان ءَ مـئـے سَـراں پـہ زُلـم کـنَـگ ءَ مَـدت کـنَـگ ءَاَنـت !!!... مـروچـی کـَـے آجـوئـی لـوٹـگءَاَنـت ءُ کـَـے آجـوئـی نـہ لـوٹـگءَاِنـت؟ هَـمـا کـَـس آجـوئـی لـوٹـگءَاِنـت کـہ آ پَـهـک ءُ پَـلـگـاریـں بـلـوچـے تـنـیـگـا آئـیءَ گـَـدّاری ءِ گـُـوات نـہ لَـگ اِتَـگ ، هَـمـا کـَـس آجـوئـی لـوٹـگءَاِنـت کـہ آئـیءَ زُلـم ءِ دَرد مـارِشـت بـوُتـگ ، هَـمـا کـَـس آجـوئـی لـوٹـگءَاِنـت کـہ نـوں آ سَـرپَـد بـوُتَـگ کـہ اِے مُـلـک ءُ اِے راج آئـی ءِ وَتـیـگ اَنـت ءُ زوراک دَرآمَـداَنـت ، زوراکـاں پـہ وَتـی نَـپ ءَ مـارا نِـزور کـُـرتَـگ تـاں آ مـئـے مُـلـک ءِ گـَـنـجـاں بُـرت بـہ کـَـن اَنـت ، آ کـَـس کـہ گـوں زوراکـاں هَـواراِنـت آ کـَـس سِـیـر ءُ آبـات اِنـت گـَـدّاری ءَ مـاں آئـی ءِ جـان ءِ رَگ ءُ ریـشّـگـاں جـاگـَـہ کـُـرتَـگ نـوں آ چـو یَـک رَسـتَـرے بـوُتَـگ ءُ آ هَـمُـک نـیـزگـار ءُ هَـمُـک هَـکّ گـُـوَش ءَ یَـک پَـزّوریـں پَـسـے پـہ وَرَگ گِـنـدَگءَ اِنـت .
مَـن زانـاں کـہ شُـمـا پـہ مـنـی گـُـوَشَـگ سَـرپَـد نـہ بَـے اِت بـلـے مـن چـوں بـہ کـَـن آں هَـکـّـیـں گـَـپ ءِ گـُـوَشـگ مـنـی پَـرزاِنـت.
ادَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 02, 2017, 12:09:39 AM
اَگـاں مـنـی گـپ ءَ کـَـسـے سَـرپَـد بـہ بـیـت.
وَهـدے کـہ هـاوَنـد مـارا یَـک زَهـگـے دَنـت گـڑا مـا هَـمـش ءَ زان ایـں کـہ هـاوَنـد ءَ مـارا یَـک مَـزَنـیـں سَـوگـاتـے داتَـگ بـلـے نـہ مـا هـاوَنـدءِ داتَـگـیـں سَـوگـات ءِ کـَـدر ءَ زان ایـں ءُ نـہ وَتـی زَهـگ ءِ رُودیـنَـگ ءَ زان ایـں !!!!....
سـالـے ءَ رَنـد وَهـدے کـہ مـئـے زَهـگ رُدَگ ءَ بُـنـگـیـج بـہ کـَـنـت :
--» اَگـاں آ مـہ وَپـس ایـت گـڑا مـا آئـی ءَ تُـرسـیـن ایـں ءُ واپـیـن ایـں۔
--» پـادایَـگ ءِ هـاتِـرءَ اَگـاں آ یَـک چـیـزے دَسـت بـہ جَـنـت گـڑا مـا آئـی ءَ تُـرسـیـن ایـں ءُ گـُـوَش ایـں اِے چـیـزّ ءَ دَسـت مـہ جَـن آ تـئـی سَـر ءَ کـَـپ ایـت .
--» وَهـدے کـہ آ پـاد گـام ءَ کـَـپ ایـت مـا آئـی ءَ گـُـوَش ایـں مـہ تَـچ تـو کـَـپ ئـے.
--» وَهـدے کـہ آ وَردِش بـہ کـَـنـت ءُ بـہ تَـچ ایـت مـا آئـی ءَ گِـرایـں ءُ دارایـں .
--» وَهـدے کـہ آ دِیـر بُـوَپـس ایـت مـا آئـی ءَ هَـکـّـل کـن ایـں ءُ پـہ زور واپـیـن ایـں ءُ وَهـدے کـہ آ مـاهَـلّـہ چـہ واب ءَ بُـسـت بـہ کـَـنـت مـا پَـدا آئـی ءَ گِـرایـں ءُ واپـیـن ایـں.
--» تـیـبَـگـیـں روچ مـئـے گـُـوَشَـگ اِش اَنـت ، بَـچَـک اِشـیءَ دَسـت مـہ جَـن ... بَـچَـک وَتـی بـرات ءَ مـہ جَـن ... بَـچَـک آپـاں مـہ رِیـچ ... بَـچَـک دَروازَگ ءَ پَـچ مـہ کـَـن ... بَـچَـک دَروازَگ ءَ بَـنـد مـہ کـن ... بَـچَـک اےِ کـارءَ مـہ کـن ... بَـچَـک آ کـار ءَ مـہ کـن ... تـاں روچـے کـہ آ مَـزَن بـہ بـیـت .
--» رَنـدا کـہ آ رُشـت بـہ کـنـت ءُ مَـزَن بـہ بـیـت نـوں آ هِـچّ نـہ زانـت کـہ چـے بـہ کـَـنـت ، نـہ زانـت کـہ چـے رَد اِنـت ءُ چـے درُسـت اِنـت ، نـوں آ وَتـی جـاه ءَ بـہ نِـنـدایـت یـاں بـه مُـوکـَـلّ ایـت ، دیـمـا بُـروت یـاں پُـشـت ءَ بـہ کِـنـزّایـت ، اِ کـار ءَ بـہ کـَـنـت یـاں مـہ کـَـنـت نـاهَـکّ ءَ بـہ جَـنـت یـاں مـہ جَـنـت سُـدّ ءُ سَـمـاه بـہ بـیـت یـاں واب بـہ بـیـت سـهـب ءَ چـو یَـک گـُـوکـے چـہ واب ءَ بُـسـت کـَـنـت اَگـاں شُـدیـگ بـہ بـیـت بـانـژّایـت ءُ اَگـاں سِـیـر بـہ بـیـت زُمـیـنّ ءَ سَـر ءُ چـیـر کـَـنـت.
ادَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 07, 2017, 11:25:44 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
دُنـیـا ءِ آدگـے مَـردُم وَتـی وَهـد ءَ پـہ وَتـی زِنـد ءِ آبـات کـنَـگ ءُ وَشّـهـال کـنَـگ ، وَتـی زانـت ءُ زانِـش ءَ دیـمـا بَـرَگ ءُ وَتـی مُـلـک ءَ کـامـیـات کـنَـگ ءَ گـُـوازیـنَـگءَاَنـت بـلـے بَـژن اِنـت کـہ مـنـی مُـلـک ءِ مَـردُم وَتـی وَهـد ءَ پـہ وَتـی زِنـد ءِ سـرءَ اَڑ ءُ جَـنـجـال ءِ جـواں کـنَـگ ، وَتـی زانـت ءُ زانِـش ءَ پُـشـت ءَ دَور دیَـگ ءُ وَت ءَ جـاهِـل کـنَـگ ، وَتـی دود ءُ ربـیـدَگ ءِ لَـپـاشَـگ ءُ شـیـرچـیـنَـگ ، زَهـر ءُ کـیـنَـگ ءِ دَرگـیـجَـگ ءُ رُودیـنَـگ ، دَرآمَـد ءَ مَـدَت کـنَـگ ءُ دِلـبَـڈی دیَـگ ءَ گـُـوازیـنَـگءَاِنـت !!!....
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 12, 2017, 01:31:25 PM
اَگـاں مـنـی گـَـپ ءَ کـَـسـے سَـرپَـد بـہ بـیـت
آ درَچـک کـہ آئـی ءِ آهُـنـڈ هُـشـک بـوُتَـگ اَنـت  :''(، مـنـی هَـیـال ءَ آ درَچـک ءِ آپ مـیـن کـنَـگ یَـک مَـزَنـیـں بـے اَگـلـی یـے :)():( ، شُـمـا اِشـی ءِ بـارَوا چـے گـُـوَش اِت ؟.
ادَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on June 03, 2017, 02:57:37 AM
اَگـاں مـنـی گـپ ءَ کـَـسـے سَـرپَـد بـہ بـیـت.
هَـزاراں سـال گـُـوَسـتَـگ ءُ شُـتَـگ کـہ بـلـوچ وَت مـاں وَت نـاتـپـاک بـوُتـگ ، رَنـدا آ مـاں وَت مـاں وَتـی اَڑ ءُ جَـنـجـالاں کـپـتَـگ ، رَنـدا آ ٹـکّ ٹـکّ بـوُتـگ ، رَنـدا آ یَـکّ ءُ یـکّ بـوُتـگ ءُ دَرانـڈیـهـ بـوُتـگ ، بـلـے بَـژن ءِ گـپ اِش اِنـت کـہ تـنـیـگـا کـَـسـے ءَ اِے پـگـر هَـم نـہ کـُـرتَـگ ءُ مـروچـی هَـم کـَـسـے اِے پـگـرءَ کـنَـگ ءَ نـہ اِنـت کـہ چـہ اِے نـاتـپـاکـی ءَ بـلـوچ ءَ کـَے ءَ تـاوان داتَـگ ءُ کـَـے ءَ نَـپ ءُ سـوُت دیَـگءَاِنـت ؟ نـوں شـمـئـے هَـیـال ءَ مَـروچـی هَـم بـلـوچ ءِ سَـرگ ءَ چُـشـیـں اَگـلـے مـان نـیـسـت کـہ آ وَت ءَ هَـمـے جُـسـت ءَ بـہ کـنـت ءُ پـہ وَت یَـک پَـسّـوے دَر بـہ گـیـج ایـت ؟!!!...
ادَبــی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on June 07, 2017, 02:40:56 AM
اَگـاں مـنـی گـپ ءَ کـَـسـے سـرپَـد بـہ بـیـت .
یَـک روچـے کـَـیـت کـہ هـاوَنـد مـئـے پَـدریـچ ءِ هَـکـّـاں چـہ مـا جُـسـت کـنـت اِے پَـدریـچ ءَ مـا پـیـداگ کـُـرتـگ هـاوَنـد ءَ پـہ مـئـے پَـدریـچـاں یَـک آبـاتـیـں سـرزمـیـنـے جـواں کـُـرتـگ بـلـے مـا وَتـی پَـدریـچ ءِ سـرزمـیـن بُـهـا کـُـرتـگ ءُ وَتـی پَـدریـچ ءِ زنـدگـی چـو وار کـُـرتَـگ ، تـنـیـگـا وَهـد هَـسـت کـہ مـا وَتـی بـے وَسـی ءَ یَـکّ کِـرّے دَور بـہ دئـیـں ءُ وَتـی پَـدریـچ ءِ سـرزمـیـن ءَ بـہ مُـوک ایـں ءُ چـہ هـاوَنـد ءِ آ روچ ءِ اَزاب ءَ بـہ رَکّ ایـں .
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on October 27, 2017, 12:20:30 PM
اَگـاں کـَـسـے مـنـی گـپ ءَ سـرپَـد بـہ بـیـت.
مـئـے راج ءُ دُنـیـا ءِ آدگـے راجـانـی پـگـر ءِ دگِـری چـی اَنـت ؟!!!...
آیـاں هَـمـے گـپ ءَ مَـنّ اِت کـہ اَگـاں یَـک تـرَمـپـے ءِ سـرءَ دگِـے یَـک تـرَمـپـے بـہ رِیـچ ایـت گـڑا یَـک مَـزَنـیـں دَریـایـے جـوانِ بـیـت ، آیـاں هَـنـچـو کـُـرت ءُ دیـمـا شُـت اَنـت .
مـا هَـمـے گـپ ءَ مَـنّ اِت کـہ پـیـسَـرءَ مـا یَـک مَـزَنـیـں دَریـایـے جـواں بـہ کـن ایـں تـاں كـہ چـہ آ مـزَنـیـں دَریـا تـرَمـپـے تـرَمـپـے بـہ چِـکّ ایـت ، مـا هَـنـچـو کـُـرت ءُ پُـشـت ءَ پَـشـت کـَـپـت ایـں.
نـوں آ وَ سـرپَـد بـوُتـگ اَنـت کـہ چـوں آ تـرمـپـے ءِ سـرءَ تـرَمـپـے رِتـکـگ ءُ یـک مَـزنـیـں دریـایـے جـواں کـُرتَـگ بـلـے مـا تـنـیـگـا سـرپَـد نـہ بـوُتـگ ایـں کـہ پَـرچـے مـا یَـک مَـزنـیـں دریـایـے جـواں کـُـت نـہ کـُـرتَـگ کـہ مَـروچـی چـہ آ تـرَمـپـے تـرَمـپـے بـہ چِـکّ اِیـت ؟!!!...
اَدبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on October 27, 2017, 12:21:49 PM
اَگـاں کـَـسـے مـنـی گـپ ءَ سـرپَـد بـہ بـیـت.
گـرمـاگ ءِ مـوسُـم زُمـسـتـان ءِ ڈوکـیـں بَـرپ آپ بَـنـت ءُ زمـسـتـان ءِ مـوسُـم گـَـرمـیـں تَـلار سـارت بَـنـت ، چِـلّـگ ءِ مـوسُـم ءَ درَچـک وَتـی تـاکـاں ریـچ اَنـت ءُ گـوں بُـهـار ءِ آیَـگ ءَ یَـک نـوکـیـں پـوشـاکـے گـوَر ءَ کـن اَنـت ءُ وَت ءَ جَـلـوَنـاک ءُ زیـبـدار پـیـش داراَنـت بـلـے نـہ زان آں کـہ مـا بـلـوچ ءَ وَتـی تَـب ءِ پـوشـاک پـرچـے بَـدلّ نـہ کـرتَـگ ؟!!!... کـَـرنـانـی کـَـرن گـوَسـتَـگ ءُ شـتـگ اَنـت بـلـے بُـگـزّ ءُ کـیـنَـگ مـاں بـلـوچ ءِ سـیـنَـگ تـنـیـگـا جـاگـَـہ کـُـرتـگ ، زَهـر مـاں هـون ءِ شَـهـرَگ چِـبّـگ گِـپـتَـگ اَنـت ءُ دِل ڈوک بـوُتـگ اَنـت ، سَـر ءِ اَگـل آپ بـوُتـگ اَنـت ءُ مـاں نـازانـتـی ءِ کـَـوراں رُمـبَـگءَ اَنـت ، تـپـاکـی ءِ کِـشـار مُـرتَـگ ءُ نـاتـپـاکـی ءِ رون ءُ مُـوش اِنـت .
جُـسـت : کـَـدیـں مـا وَتـی تَـب ءِ پُـوشـاک ءَ بَـدَل کـُـرت کـن ایـں ؟!!!...
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on October 27, 2017, 12:22:45 PM
اَگـاں کـَـسـے مـنـی گـپ ءَ سـرپَـد بـہ بـیـت.
اَگـاں کـُـرد راج ءِ آجـوئـی کـامـیـات نـہ بـوُت گـڑا زوراک دگـے هِـچّ گـُـلامـیـں راجـے ءَ پـہ سَـر ءِ چـسـت کـنَـگ ءَ نَـیـل اَنـت ، کـُـرد راج ءِ آجـوئـی درُهـیـں دُنـیـا ءِ گـُـلامـیـں راجـانـی کـامـیـاتـی اِنـت.
ادبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on October 27, 2017, 12:24:05 PM
اَگـاں کـَـسـے مـنـی گـپ ءَ سـرپَـد بـہ بـیـت.
مـئـے راج ءُ دُنـیـا ءِ آدگـے راجـانـی پـگـر ءِ دگِـری چـی اَنـت ؟!!!...
آیـاں هَـمـے گـپ ءَ مَـنّ اِت کـہ اَگـاں یَـک تـرَمـپـے ءِ سـرءَ دگِـے یَـک تـرَمـپـے بـہ رِیـچ ایـت گـڑا یَـک مَـزَنـیـں دَریـایـے جـوانِ بـیـت ، آیـاں هَـنـچـو کـُـرت ءُ دیـمـا شُـت اَنـت .
مـا هَـمـے گـپ ءَ مَـنّ اِت کـہ پـیـسَـرءَ مـا یَـک مَـزَنـیـں دَریـایـے جـواں بـہ کـن ایـں تـاں كـہ چـہ آ مـزَنـیـں دَریـا تـرَمـپـے تـرَمـپـے بـہ چِـکّ ایـت ، مـا هَـنـچـو کـُـرت ءُ پُـشـت ءَ پَـشـت کـَـپـت ایـں.
نـوں آ وَ سـرپَـد بـوُتـگ اَنـت کـہ چـوں آ تـرمـپـے ءِ سـرءَ تـرَمـپـے رِتـکـگ ءُ یـک مَـزنـیـں دریـایـے جـواں کـُرتَـگ بـلـے مـا تـنـیـگـا سـرپَـد نـہ بـوُتـگ ایـں کـہ پَـرچـے مـا یَـک مَـزنـیـں دریـایـے جـواں کـُـت نـہ کـُـرتَـگ کـہ مَـروچـی چـہ آ تـرَمـپـے تـرَمـپـے بـہ چِـکّ اِیـت ؟!!!...
اَدبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on October 29, 2017, 12:05:59 AM
اَگـاں کـَـسـے مـنـی گـپ ءَ سـرپَـد بـہ بـیـت.
اِے مـئـے مُـلـک اِنـت کـہ اِشـی ءِ تـهـا گـوں جَـنـیـنـے ءَ مِـهـر ءِ کـنَـگ یَـک مَـزَنـیـں گـُـنـاهـے بَـلـے جَـنـیـنـے ءِ دَسـت ءَ پـہ زور گِـرَگ مَـردانَـگـی یـے ،  دگِـرے ءَ پُـلّ دَسـتَـگـے دَسـت ءَ دیَـگ مَـزَنـیـں آرے (عـیـبـے ) بـلـے دگِـرے ءِ نـاراز کـنَـگ وَشّـنـامـی یـے ، گـوں دگِـرے ءَ بـچـکـَـنـدَگ مَـزَنـیـں بـے ادَبـی یـے بـلـے گـوں دگِـرے ءَ مـوُرک ءِ مُـجـیـنَـگ هِـیـلـے ، دگِـرے ءِ کـَـنـدیـنَـگ ءُ وَشـهـال کـنَـگ اَبـدالـی یـے بـلـے دگِـرے ءِ گـریـوائـیـنَـگ دوسـتـی یـے ، چـہ دگِـرے ءَ پَـهِـلّـی لـوٹـگ بـے اِزّتـی یـے بـلـے دگِـرے ءَ بَـد گـوَشَـگ سَـرمَـچـاری یـے ، مَـسـتـریـن ءِ کـَـدردانـی ( احـتـرام ) کـنَـگ کـَـسـانـی یـے بـلـے مَـسـتـریـن ءِ بـے اِزّت کـنَـگ شـان ءُ شَـوکـَـتـے  ، کـَـسـتـریـن ءِ دوسـت دارَگ وَت ءَ کـَـسـان پـیـشـدارَگـے  بـلـے کـَـسـتـریـن ءِ جَـنَـگ ادَب دیَـگـے ، دگِـرے ءَ نَـپ ءُ سـوُتـے ءِ دیَـگ نـازانـتـی یـے بـلـے چـہ دگِـرے ءَ نَـپ ءُ سـوُت ءِ کـَـشّـگ چـالاکـی یـے ، زَهـریـنـے ءِ وَشّـان کـنَـگ نـابـوُدی یـے بـلـے وَشّـانـیـنے ءِ زَهـر بَـرائـیـنَـگ واجَـهـی یـے ، درآمَـد ءَ اِزَت ءُ شـرَپ بَـکـشَـگ مـهـمـانـداری ءُ مَـڑاداری یـے بـلـے  وَتـیـگ ءِ اِزّت ءُ شـرَپ ءِ سَـودا کـنَـگ بـلـوچـی یـے !!!!...
پَـدا هَـم مـا وَت ءَ چـہ جـهـان ءِ راجـاں شـرتِـر ءُ مُـسُـلـمـانـتِـر لـیـکـگءَ ایـں.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 03, 2017, 01:05:57 AM
اَگـاں مـنـی گـپ ءَ کـَـسـے سـرپَـد بـہ بـیـت.
پـہ مـئـے گـریـوَگ ءُ زار ءِ جَـنَـگ ، نـالَـگ ءُ مُـوتـک ءِ کـارَگ ، زاه ءُ بَـد دُوا ءِ دیَـگ ، اَرس ءُ لِـمـپ ءِ ریـچَـگ ، وَتـی سَـرءَ هـاک ءِ پـر ریـچَـگ ، چَـمّـاں جَـهـل کـنَـگ ءُ زُمـیـن ءَ کـُـوچَـگ ، یَـکـدگِـرءَ ڈوبـارَگ ، یَـکـدگِـرءِ سـرءَ تُـهـمَـت ءُ بُـهـتـام ءِ جَـنَـگ زوراک گِـیـشـتِـر وَشّ بَـنـت آ هَـرچـے کـہ مـارا بَـزّگـتـر ءُ بـے وَسـتِـر بـہ گِـنـداَنـت گـیـشـتِـر وَشّ بَـنـت ءُ مـئـے سـرءَ کـَـنـداَنـت ، اَگـاں مـا بـہ لـوٹ اِیـں کـہ آیـانـی دلاں آس مـاں بـیـت ءُ آیـانـی سـیـنَـگ چـہ تـهـا بـہ سُـچ اَنـت ، مـا وَت مـاں وَت تـپـاک بـہ بـیـں ءُ آیـانـی سـر ءَ اُرُش بـہ کـن اِیـں ، آیـاں چـہ وَتـی مُـلـک ءِ سـیـمـسَـر بـہ گـَـلّـیـن اِیـں گـڑا مـا بـچـاراِیـں کـہ آ چـوں بـہ گـریـواَنـت ، آه ءُ پـریـات بـہ کـن اَنـت ، چـو کـوکـواں بـہ نـال اَنـت.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 19, 2017, 09:06:17 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
آ هَـم یَـک روچـے اَت کـہ هَـشَـرءَ مـارا یَـکـجـاه مُـچّ کـُـرتَـگ اَت ءُ دریـگـَـتـے هَـمـا روچ وَتـن ءِ بـارَوا گـَـپ جَـنَـگ بـہ بـوُتـیـں بـلـکـیـں آ روچ پـہ آجـوئـی ءِ واهَـگ ءَ یَـک مَـزَنـیـں هَـشـرے جـواں بـوُتـگ اَت.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 19, 2017, 09:07:02 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـاں مـئـے مُـلـک ءَ هَـر بـہ سَـرّاَنـت ، گـوک بـہ گـانـژاَنـت ، کـروس بـانـگ بـہ دی اَنـت ، کـُـچَـک بـہ راش اَنـت ، تـولَـگ بـہ کـوُلاّ اَنـت ، بـلـئـے بـلـوچ هِـچّ مـہ گـوَش اَنـت !!!....
اَگـاں اِے زوراکـی یـے نـہ اِنـت گـڑا چـی یـے ؟!!!...
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 19, 2017, 09:08:14 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـاں اِے روچـاں اَگـاں ڈوکـے چـہ آزمـانءَ مـاں مـئـے مُـلـک بـہ کـَـپ ایـت رَنـدا مـئـے مُـلـک ءِ درُهـیـں مُـلاّ ءُ سـوُپـی ءُ هـاپـز ءُ دَربـیـش ءُ تَـبـلـیـگـی ءُ کـلَـنـدَری چـہ وَتـی لـوگـاں دَرکـایَـنـت ءُ گـوَش اَنـت نـوں دُنـیـا آسَـر بـوُتـگ واز کـن اَنـت ءُ تَـبـلـیـگ کـن اَنـت رَنـدا مـئـے مُـلـک ءِ درُهـیـں چَـرسـی ءُ مَـوالـی ءُ شـرابـی ءُ بـے نُـمـاز ءُ بـیـکـار چـہ وَتـی لـوگـاں دَرکـایَـنـت ءُ تـوبَـہ کـن اَنـت رَنـدا مـئـے مُـلـک ءِ رَهـشـون ءُ سَـردار ءُ جَـهـگـیـر ءُ کـهـدا چـہ وَتـی لـوگـاں دَر کـایَـنـت ءُ مـئـے مُـلـک ءِ سَـرمَـچـارانـی سـرءَ مَـیـار لَـڈ اَنـت رَنـدا مـئـے مُـلـک ءِ درُهـیـں پَـوج ءُ پُـلـیـس ءُ کـازی ءُ کـانـوُد ءِ وَکـیـل چـہ وَتـی لـوگـاں دَرکـایَـنـت ءُ آ ڈوک ءِ کـَـپَـگ ءَ یَـک مَـزَنـیـں اَڑ ءُ جَـنـجـالـے کـن اَنـت رَنـدا مـئـے مُـلـک ءِ پَـدگِـر ءُ کـُـچَـک ءُ مِـنـڈ ءُ تـولَـگ ءُ هَـپـتـار ءُ روبـاه چـہ وَتـی هُـونـڈاں دَر کـایَـنـت ءُ ڈوک ءِ رَنـد پَـد ءَ گِـراَنـت ءُ ڈوک ءَ بُـو چِـن اَنـت رَنـدا مـئـے مُـلـک شـائـر ءُ نَـدکـار ءُ اَدیـب چـہ وَتـی لـوگـاں دَر کـایَـنـت ءُ ڈوک ءَ پـربَـنـد پـر بَـنـداَنـت ءُ ڈوک ءِ بـارَوا گـَـپ جَـن اَنـت ءُ نـبـیـسّ اَنـت رَنـدا مـئـے مُـلـک ءِ درُهـیـں زَرّگـَـر ءُ کـُـمـبـار ءُ اُسـتـا ءُ دارتـراش چـہ وَتـی لـوگـاں دَر کـایَـنـت ءُ ڈوک ءِ پَـجّـار ءَ کـن اَنـت رَنـدا مـئـے مُـلـک ءِ درُهـیـں بـاپـار ءُ سَـوداگِـر ءُ گـازائـیـل کـَـشّ ءُ مَـواد بُـهـاکـَـنـوک چـہ وَتـی لـوگـاں دَرکـایَـنـت ءُ آ ڈوک ءِ سَـودا ءَ کـَـن اَنـت بـلـے سَـد بـلـوچ ءِ لاش زُمـیـن ءِ سـرءَ بـہ کـَـپ ایـت بَـژن اِنـت کـہ چـہ اِے مَـردُمـاں یَـکـے چـہ وَتـی لـوگ ءَ دَر نـئـیـت ءُ جُـسـت نـہ کـنـت کـہ اِے مَـردُم کـئـے بـوُتـَـگ اَنـت ءُ کـے ءَ کـُـشـتَـگ اَنـت ءُ پَـرچـے کـُـشَـگ بـوُتـگ اَنـت.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 22, 2017, 10:37:07 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـاں یَـک شـیـپـے رَمَـگـے سَـیـد هَـسـت اَت یَـک روچـے تـولَـگـے ءَ یَـک سَـیـدے جَـت آدگِـے سَـیـداں اوشـتـات ءُ سَـیـل چـاراِت رَنـدا آ تـولَـگ شـیَـرَک بـوُت هَـمُـک روچ آئـیءَ یَـک سَـیـدے جَـت ءُ وارت تـاں کـہ آ شـیـپ ءِ سَـیـد کـُـٹ اِت اَنـت . بَـژن اِنـت کـہ مَـروچـی گـوں بَـلـوچـی زبـان ءِ تًـچـکـیـں سـیـاهَـگ ءِ نـدکـاراں هَـمـے داب بـیَـگءَاِنـت ءُ آدگـے نَـدکـار اوشـتـاتَـگ ءُ سَـیـل چـارَگءَاَنـت.
ادبـی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 29, 2017, 02:49:47 AM
اَگـاں مـنـی گـَـپ ءَ کـَـسـے سـرپَـد بـہ بـیـت.
دو سـَـنـگـَـت کـَـورے ءِ کـَـش ءَ رَوَگءَاِت اَنـت اَنـاگـَـہ گـانـڈوُیـے چـہ آپ ءَ دَرآتـک ءُ یَـکـّـیـں سَـنـگـَـت ءِ پـاد ئِـے دَپ ءَ کـُـرت آدگـے سَـنـگـَـت ءَ جـار جَـت ءُ گـوَشـت گـانـڈوُ ءَ یَـلـہ کـَـن ءُ بـیـا سَـنـگـَـت ءَ گـوَشـت مـن وَ گـانـڈوُ ءَ نـہ داشـتَـگ بـلـے گانـڈوُ مـن ءَ یَـلَـہ کـنَـگ ءَ نـہ اِنـت.
مـئـے زوراک هَـم چـو هَـمـے گـانـڈوُ ءِ ڈولءَاَنـت آ مـارا چـو یـلـہ نـہ کـن اَنـت تـاں کـہ آ جَـنَـگ ءُ گـَـلّـیـنَـگ مـہ بَـنـت.
ادبـی هَـکـیـم
ربما تحتوي الصورة على: ‏‏‏‏شجرة‏، و‏نشاطات في أماكن مفتوحة‏‏ و‏طبيعة‏‏‏
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 29, 2017, 02:51:08 AM
اَگـاں مـنـی گـَـپ ءَ کـَـسـے سـرپَـد بـہ بـیـت.
مَـسـتـریـں ڈکـّـالـی وَ هَـمـش اِنـت کـہ آ مـاں روایـرنِـشـتـی بـلـوچـسـتـان ءَ پـیـداک اِنـت اود ءِ نـوکـیـں پَـدریـچ نـہ مـاں وَتـی لـوگـاں پـہ اَلـکـاپ رودیـنَـگ بـوُتـگ اَنـت ءُ نـہ آ مـاں وانَـگـجـاهـاں پـہ اَلـکـاپ وانـیـنَـگ بـوُتـگ اَنـت ، بـزاں کـہ نِـیـم گـَـجَـر بـوُتـگ اَنـت !!!...
ادبـی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on February 18, 2018, 02:34:20 PM
اَگـاں مـنـی گـَـپ ءَ کـَـسـے سـرپَـد بـہ بـیـت.
بَـژن ءِ گـَـپ اِش اِنـت کـہ تَـنـے گـَـت ءَ مـا اِے گـَـپ ءَ سـرپَـد نـہ بـوُتـگ ایـں کـہ مـئـے سَـر ءَ مـئـے مُـلـک ءِ هَـکّ چـی اَنـت ءُ مـئـے مُـلـک ءِ سـر ءَ مـئـے هَـکّ چـی اَنـت ، بَـس هَـنـچـو گـُـوکـانـی داب ءَ مـا وَتـی سَـر جَـهـل کـُـرتـگ اَنـت ءُ رَوَگءَایـں!!!...
ادَبـی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on March 26, 2018, 01:29:42 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
آ بـلـوچ کـہ وَت ءَ ءُ وَتـی راج ءَ بـے وَس ءُ نِـزور گِـنـدَگءَاَنـت آ هَـمـا بـلـوچ اَنـت کـہ آیـانـی سَـرءِ اَگـل مُـنـڈ اَنـت بَـلـوچ اَگـاں بـہ لـوٹ اَنـت آ هَـرچ کـارے کـُـرت کـَـن اَنـت الله ءَ بـلـوچـانـی جـان ءَ سَـکـّـیـں تـوانـے مـاں کـُـرتـگ بـلـے بَـژن اِنـت کـہ بـلـوچ چـو گـُـرک ءِ داب ءَ  وَتـی زور ءِ هـال ءَ سَـرپَـد نـہ اَنـت.
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on March 26, 2018, 01:31:47 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
آ بـلـوچ کـہ وَت ءَ ءُ وَتـی راج ءَ بـے وَس ءُ نِـزور گِـنـدَگءَاَنـت آ هَـمـا بـلـوچ اَنـت کـہ آیـانـی سَـرءِ اَگـل مُـنـڈ اَنـت بَـلـوچ اَگـاں بـہ لـوٹ اَنـت آ هَـرچ کـارے کـُـرت کـَـن اَنـت الله ءَ بـلـوچـانـی جـان ءَ سَـکـّـیـں تـوانـے مـاں کـُـرتـگ بـلـے بَـژن اِنـت کـہ بـلـوچ چـو گـُـرک ءِ داب ءَ  وَتـی زور ءِ هـال ءَ سَـرپَـد نـہ اَنـت.
اَدَبـی هَـکـیـم
[/b]
Title: Re: اَگـاں مـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on March 26, 2018, 01:32:49 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
زوراکـان ءُ زوراکـانـی چـانـوُگـواراں دُنـیـا ءَ بـلـوچ راج ءِ دود ءُ ربـیـدَگ ئِـے زیـبـداریـں نِـدارَگ ءَ هَـراب پـیـش داشـتـگ نـوں مـئـے ءُ شـمـئـے پَـرزاِنـت کـہ دُنـیـا ءَ وَتـی دود ءُ ربـیـدَگ ءِ راسـتـیـن ءُ زیـبـداریـں نـدارَگ ءَ اَلـکـاپ پـیـش بـدارایـں.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 06, 2018, 01:20:24 AM
اَگـاں مـنـی گـَـپ ءَ کـَـسـے سَـرپَـد بـہ بـیـت
کـوَهـنـیـں زَمـانَـگ ءِ بـلـوچـاں بـتَـلـے گـُـوَشـتـگ : زَنـگـی ءَ بـاز زور مـاں بـلـے نـہ کـہ پـہ وَت .
گـُـوَش اَنـت یَـک هـاکـُـمـے کـَـلات ءِ سـرءَ وَشّ واب اَت ءُ آئـی ءِ آبـدارچـی زَنگـی کـَـلات ءِ دَروازَگ ءِ دَپ ءَ وَپـتـگ اَت شـپ ءِ نـیـم ءَ هـاکـُـم چـہ زَنـگـی ءِ بَـزّگـیـں جـار ءُ پـریـات چـہ واب ءَ جَـہ سِـرّاِت ، هـاکـُـم ءَ چـہ کـَـلات ءِ تـاگ ءَ وَتـی سَـر کـَـشّ اِت ءُ چـاراِت اِے تـوار آئـی ءِ آبـدارچـی زَنـگـی ءِ تـواراَت آ تُـنّـگ اَت جـار ءُ پـریـات کـنـگءَاَت ، تُـنـگ آں ، تُـنّ ءَ کـُـشـت آں ، هـاکـُـم هَـبَـکـّـہ بـوُت ءُ چـاراِت آپـانـی مَـشـک وَ آبـدارچـی زَنـگـی ءِ کـَـش ءَ درَتـکـگ گـڑا بـزاں زَنـگـی ءَ تَـورایـت کـہ آ وَت بـہ جُـنـزّایـت ءُ آپ بُـوارت ، هـاکـُـم ءَ جـار جَـت آبـدارچـی زَنـگـی جَـگـے چـہ آپ ءَ پُـرّ کـن ءُ بـیـار ، هَـمـا دَمـان ءَ زَنـگـی جُـنـزاِت ءُ جَـگـے آپ هـاکـُـم ءِ گـُـوَرا بُـرت ، هـاکـُـم زَنـگـی ءِ سـرءَ زَهـر گِـپـت ءُ گـُـوَشـت تـو سَـکّ تُـنّـگ ئـے ؟ تـرا تُـنّ ءَ کـُـشـت ؟ نـوں بـہ نِـنـد اِدا ءُ اِے آپـاں پَـهـک بُـوَر ، تـرا کـَـهـرے چَـکّ ءَ بـہ کـَـپـات کـہ تـو مـنـی واب چـہ سـرءَ بُـرت.
مـنـی گـُـوَشـگ ءِ بـزانـت اِش اِنـت کـہ مـئـے راج هَـم هَـمـا آبـدارچـی زَنـگـی ءِ داب ءَ راه ءِ سـرءَ نـشـتـگ ءُ راهـچـاراِنـت کـہ دگِـرے بـہ جُـنـزّایـت ءُ آئـی ءِ آجـوئـی تُـنّ ءَ بـہ پـروش ایـت.

[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 20, 2018, 06:21:09 PM
اَگـاں مـنـی گـَـپ ءَ کـَـسـے سَـرپَـد بـہ بـیـت
مـن گـوں دُنـیـا ءِ بـاز راجـاں گِـنـد ءُ نِـنـد ءُ گـَـپ ءُ گـال کـُـرتَـگ بـلـے آ چـو بَـلـوچ راج ءَ نَـہ اَنـت آ هِـچـبَـر وَتـی سَـر ءَ زُلـم ءِ کـنَـگ ءَ نـہ مَـنّ اَنـت ءُ مُـدام زالِـم ءِ دِیـمـا پـاد کـایَـنـت بـلـے بَـلـوچ وَتـی سَـر ءَ زُلـم ءِ کـنَـگ ءَ مَـنّ اَنـت ءُ زالِـم ءِ مَـدَت ءَ هَـم کـَـن اَنـت ءُ وَت هَـم لـوٹ اَنـت کـہ وَتـی سَـر ءَ زالِـمـانـی داب ءَ زالِـم بـہ بَـنـت .
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 25, 2018, 11:57:08 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
اِے سـوچـکـے نَـہ اِنـت یَـک سـوچـوکـیـں سـوزمـانـے کـہ مَـزَنـیـں راجـے پـہ یَـک مَـردے ءِ وَدارءَ بـہ نِـنـدایـت پـہ هَـمـے اُمـیـت ءَ کـہ آ مَـرد چـو یَـک پـریـشـتَـگـے چـہ آزمـان ءَ اِیـر بـہ کـَـپ ایـت مـئـے دَژمِـنـاں بـہ جَـنـت ءُ چـہ مـئـے مُـلـک ءَ بـہ گـَـلّـیـن ایـت ، مـئـے مُـلـک ءَ چـہ بَـدواهـیـں سَـردار ءُ مُـلّا ءُ زوراکـانـی داشـتَـگـیـں رَهـشـونـاں سَـپـا بـہ کـَـنـت ، مـئـے مُـلـک ءِ چـاگِـرد ءَ چـہ زوراکـانـی آورتـگـیـں گـَـنـد ءُ گـَـسَـڈاں سَـلّـہ بـہ کـَـنـت ، مـئـے مُـلـک ءِ تـیـبَـگـیـں جـاوَر ءَ بَـدَل بـہ کـَـنـت ، مـئـے مُـلـک ءَ آبـات بـہ کـَـنـت ءُ رَنـدا بـہ نِـنـدایـت ءُ مـئـے رَهـشـونـی ءَ بـہ کـَـنـت ، مـئـے راج اِے گـَـپ ءَ هَـم زانـت کـہ هُـدا ءَ وَتـی پَـیـگـامـبَـر چُـشـیـں سـوب نـہ داتَـگ اَنـت !!!..
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 27, 2018, 04:16:12 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـئـے راج ءِ مَـردُمـاں تَـنـیـگـا هَـمـیـنـچـو سـار نـیـسـت کـہ بـہ زان اَنـت وَت ءَ چـہ دگِـراں کـَـسـتِـر کـنَـگ ءُ چـہ دگِـراں پَـهِـلّـی لـوٹـگ " عـیـبـے " نَـہ اِنـت یَـک پَـهـرے !!!..
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on April 30, 2018, 02:14:10 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
یَـک مَـردے گـوں مَـن گـوَشـت : مـن وَتـی وَرنـائـیـں زَهـگ ءَ سَـرپَـد کــنَـگءَآں کـہ مَـروچـاں مـئـے مُـلـک ءِ جـاوَر سَـکّ هَـراب اِنـت تـو بـاز تَـرّ ءُ تـاب مـہ کـن ، تـو چـو مـنـی داب ءَ کـاهُـکـے بُـوَر ءُ راهُـکـے بُـرو ، گـوں کـَـس ءِ کـار ءَ کـار مَـدار ، تـرا چـے کـار هَـسـت کـہ مـئـے مُـلـک ءِ جـاوَر هَـراب اِنـت؟!!!... بـلـے نِـگـبَـهـت مـنـی گـَـپ ءَ نـہ زوُرایـت !!!...
مـن گـوَشـت تـو کـاهُـکـے وارتَـگ ءُ راهُـکـے شُـتَـگ ئـے ، نـوں تـو گـَـل ئـے کـہ تـو زِنـدَگ بـوُتـگ ئـے؟!!!... تـو وَ چـہ مـئـے مُـلـک ءِ مُـردَگـاں هَـم مُـردَگـتِـر بـوُتـگ ئـے ، چـہ تـو مـئـے مُـلـک ءِ کـُـچَـک پـہ وَتـی مـیـتَـگ ءَ وَپـادارتِـر بـوُتـگ اَنـت اَگـاں یَـک دَرآمَـدے مـئـے مـیـتَـگ ءِ نـیـمَـگ ءَ آیَـگ ءَ بـوُتـگ آئـی ءِ سَـر اِش راش اِتَـگ ءُ آئـی اِش مـئـے مـیـتَـگ ءِ نـیـمَـگ ءَ آیَـگ ءَ نـہ اِشـتَـگ !!!... رَنـدا مَـرد مَـن ءَ روک روک چـارَگ ءَ لَـگّ اِت پَـدا آئـی ءَ هِـچّ نـہ گـوَشـت ، نـوں نـہ زان آں کـہ آ مـنـی گـَـپ ءَ سَـرپَـد بـوُت یـاں آئـی ءَ هَـمـے پـگـر کـُـرت کـہ اِے کـَـمـاش هَـم مـنـی زَهـگ ءِ داب ءَ یَـک گـَـنـوکـے !!!..
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 11, 2018, 10:11:47 PM
اَگـاں مـنـی گـَـپ ءَ کـَـسـے سَـرپَـد بـہ بـیـت۔
پـیـسَـریـگـیـں زَمـانَـگ ءَ مـئـے مُـلـک ءِ مَـردُم پَـس بـوُتـگ اَنـت مُـلّا آیـانـی شـپـانـک بـوُتـگ اَنـت ءُ سَـردار مُـلـک ءِ کـَـسـاب بـوُتـگ اَنـت شـپـانـک ءَ پَـس یـکـجـاه ءَ مُـچّ کـُـرتـگ اَنـت کـَـسـابـان ءَ هَـمـا پَـس کـہ دوسـت نـہ بـوُتـگ اَنـت آیـان اِش دَرچِـتَـگ کـُـشـتـگ ءُ دَور داتَـگ آ هَـمـا پَـس بـوُتـگ اَنـت کـہ آیـان ءَ نـہ وَتـی مُـلـک ءِ شـپـانـک ‏ءُ کـَـسـاب پَـسُـنـد بـوُتـگ اَنـت ءُ نـہ آیـانـی کـانـوُد اِش مَـنّ اِتـگ اَنـت ، آ دگـہ پـگـر ءِ پَـس بـوُتـگ اَنـت آیـان ءَ پـہ وَتـی مُـلـک ءِ مَـردُم زانـت ءُ زانِـش لـوٹ اِتـگ ، آیـان ءَ چـو دُنـیـا ءِ مَـردُمـاں پـہ وَتـی مُـلـک دیـمـرَوی لـوٹ اِتـگ.
بـلـے بَـژن اِنـت کـہ تـاں مـروچـی مـئـے مُـلـک ءِ کـانـوُد تــنـیـگـا هَـمـا کـانـوُد اِنـت !!!... اَگـاں چـیـزے بَـدَل بـوُتـگ آ اِش اِنـت کـہ زوراک درمـیـان ءَ آتـکـگ اَنـت شـپـانـک وَ هـمـا پـیـسَـریـگـیـں شـپـانـک اَنـت ایـوَک ءَ سـردار بَـدَل بـوُتـگ ءُ زوراک ءِ دَلار بـوُتـگ اَنـت ءُ آیـانـی جـاگـَـہ ءَ زوراک کـَـسـاب بـوُتـگ اَنـت بَـلـے پَـس تـنـیـگـا هَـمـا پَـس اَنـت ءُ آ هِـچّ بَـدَل نـہ بـوُتـگ اَنـت !!!....
ادَبـی هَـکـیـم

[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 11, 2018, 10:13:03 PM
اَگـاں مـنـی گـَـپ ءَ کـَـسـے سَـرپَـد بـہ بـیـت۔
بـلـوچـسـتـان ءَ نـوُه ءِ دابـیـں یَـک تـوُپّـانـے آرَگ لـوٹ ایـت بـلـوچ راج ءَ یَـک رَهـشـونـے جـواں کـنَـگ لـوٹ ایـت کـہ آ نـوُه ءِ بـوجـیـگ ءِ دابـیـں یَـک بـوجـیـگـے جـواں بـہ کـَـنـت ءُ چـہ هَـمُـک دابـیـں شـرپـدار ءُ اِزتـدار ءُ گـیــرَتـداریـں بـلـوچـاں یَـک ءُ یَـک جُـپـت مـاں آ بـوجـیـگ ءَ سـوار بـہ کـَـنـت ، تـوُپّـان چـل روچ ءِ تـوک ءَ بـلـوچـسـتـان ءَ چـہ زوراکـاں ءُ زوراکـیـں بـلـوچـاں پَـهـک ءُ پَـلـگـار بـہ کـنـت تـاں دگـے یَـک جـوانـیـں راجـے مـاں بـلـوچـسـتـان پـیـداگ بـہ بـیـت کـہ آ بـلـوچـسـتـان ءِ کـَـدرءَ بـزانـت ءُ بـلـوچـسـتـان ءِ هِـزمَـت ءَ بـہ کـَـنـت.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 11, 2018, 10:18:51 PM
اَگـاں مـنـی گـَـپ ءَ کـَـسـے سَـرپَـد بـہ بـیـت۔
کـوَهـنـیـں زَمـانَـگ ءِ بـلـوچـاں بـتـلـے گـوَشـتـگ : هَـرچـکـَـس کـہ وَتـی هـارَگـاں بـجـائـیـت بُـن سَـنـگ اِش کـَـمّ کـَـنـت .
اِے بَـتـل ءِ بـزانـت اِش اِنـت : آ کـَـس کـہ هـارَگ بُـهـا کـَـنـت اَگـاں آ وَتـی هـارَگـان ءَ وَت بُـوارت رَنـدا آئـی ءِ هـارَگـانـی وَزن کـَـمّـتِـر بَـنـت.
مـنـی گـوَشـگ ءِ بـزانـت اِش اِنـت : مـئـے راج ءِ مَـردُم هَـرچـے وَتـی مُـلـک ءُ راج ءِ سـرءَ گـَـدّاری بـہ کـن اَنـت آ وَتـی مُـلـک ءُ راج ءَ وار ءُ بَـزّگ کـن اَنـت.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 11, 2018, 10:20:01 PM
اَگـاں مـنـی گـَـپ ءَ کـَـسـے سَـرپَـد بـہ بـیـت۔
کـوَهـنـیـں زَمـانَـگ ءِ بـلـوچـاں بـتـلـے گـوَشـتـگ : مـن جَـنـاں ٹـیـهـ ءَ مـن مَـیـاریـگ آں ، ٹـیـهـ مـن ءَ جَـنـت مـن مَـیـاریـگ آں .
مَـروچـی مـاں مـئـے مُـلـک هَـمـے دابءَاِنـت ، زوراک مـارا بـہ جَـنـت مَـردُم مـارا مـیـاریـگ کـن اَنـت !!!!... مـا زوراک ءَ بـہ جَـن ایـں هَـم مَـردُم مـارا مَـیـاریـگ کـن اَنـت !!!!....
چـونـیـں جـوانـیـں راجـے مـئـے مُـلـک ءَ مـان اِنـت !!!!....
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 11, 2018, 10:21:41 PM
اَگـاں مـنـی گـَـپ ءَ کـَـسـے سَـرپَـد بـہ بـیـت۔
مـئـے زِنـد پـیـر بـوُت بـلـے مـا یَـک رَهـشـونـے نـہ دیـسـت کـہ آئـی ءِ گـوَشـتَـگـیـں گـَـپ راسـت بـہ بَـنـت ، مـا یَـک زانـتـکـارے نـہ دیـسـت کـہ آ مـارا زِنـدَگ مـانَـگ ءِ دِلـبَـڈی بـہ دَنـت ، مـا یَـک مُـلّایـے نـہ دیـسـت کـہ آ مـارا جَـنّـت ءِ گـُـلـبـاگ ءَ رَوَگ ءِ وَشّـهـالـی ءَ بـہ دَنـت ، درُهـا مـارا چـہ هُـدا ءُ شـیـتـان ، چـہ واجَـهـی ءُ گـُـلامـی ، چـہ واری ءُ بَـزّگـی تُـرسـیـنَـگءَاَنـت ، بَـژن اِنـت کـہ کـَـس ءَ گـوں مـا وَشـتَـبـی ءُ وَشّـهـالـی ، دوسـتـی ءُ تـپـاکـی ، آجـوئـی ءُ آبـاتـی ءِ گـَـپ ءَ نـہ جَـت ، نـوں آ هَـمـے داب ءَ مـئـے چُـکـچـیـن ءَ تُـرسـیـنـگءَاَنـت!!!...
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 11, 2018, 10:22:46 PM
اَگـاں مـنـی گـَـپ ءَ کـَـسـے سَـرپَـد بـہ بـیـت۔
بـلـوچ هَـرچ چـیـزّ ءُ هَـرچ کـَـس ءِ پَـٹ پـول کـنَـگ ءُ دَرگـیـجَـگ ءَ زانـت بـلـے آ وَتـی جـنـد ءِ پـٹ پـول ءُ پَـجّـار کـنَـگ ءَ نـہ زانـت بـلـے آ روچ کـہ بـلـوچ وَت ءَ پـٹ پـول بـہ کـنـت ءُ وَتـی پَـجّـار ءَ بـزانـت مـن جَـزم آں کـہ مـاں آ روچ ءَ بــلـوچ سَـکّ بـاز بَـژن وارت ءُ سَـکّ پَـشـومـانِ بـیـت.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 11, 2018, 10:24:19 PM
اَگـاں مـنـی گـَـپ ءَ کـَـسـے سَـرپَـد بـہ بـیـت۔
مـا وَتـی هَـرچ چـیـزّ ءِ دُژمِـن وَت ایـں ، یَـک روچـے مـن راهـے رَوَگءَاَت آں مـن چـاراِت یَـک مَـزَنـیـں آسـے بُـن اِنـت نَـزّیـکـتِـر ءَ شُـت آں مـن چـاراِت وَرنـایـے ءَ کِـکـدَرے بُـن داتـگ ءُ وَت بُـرزَگـے ءِ سـرءَ اوشـتـاتَـگ ءُ آس ءِ نِـدارَگ ءَ سَـیـل چـارَگءَاِنـت !!!... مـن جُـسـت کـُـرت وَرنـا تـو اِے کِـکـدَر ءَ پَـرچـے بُـن داتَـگ ؟ وَرنـا ءَ پَـسّـو دات مـن اِے کِـکـدَر ءَ پَـمـش ءَ بُـن داتـگ کـہ بـچـارآں اِے کِـکـدَر ءَ چـونـیـں جـانـوَر مـان اِنـت ءُ آ جـانـوَر چـونَـکـا سُـچ اَنـت ءُ چـہ آس ءَ دَرکـایَـنـت ءُ تَـچ اَنـت!!!... مَـن گـوَشـت اَگـاں زوراک یَـک روچـے تـئـی مـیـتَـگ ءِ لـوگـاں بُـن بـہ دَنـت گـڑا تـو هَـمـے داب ءَ نِـنـدئـے ءُ وَتـی مـیـتَـگ ءِ آس ءِ نِـدارَگ ءَ سـیـل چـارئـے کـہ چـونـکـا تـئـی مَـردُم سُـچـان بَـنـت ءُ چـہ آس ءَ دَرکـایَـنـت ءُ تَـچ اَنـت !!!... چـو مـہ کـن وَرنـا تـو اِشـانـی سَـرءَ زُلـم کـن ئـے الله دگـہ یَـک زالِـمـے کـارایـت کـہ آ تـئـی سـرءَ زُلـم بـہ کـَـنـت تـاں کـہ تـو چـہ وَتـی کـُـرتـگـیـں رَدی ءَ سـبَـک بـہ زوُرئـے اِے دَرَچک ءُ دار ءُ اِے جـانـوَر تـئـی مُـلـک ءِ هَـسـتـی اَنـت ، تـو اِے درَچـک ءُ دارانـی سـبـزی ءِ نِـدارَگ ءَ سَـیـل بـچـار ، تـو اِے جـانـوَرانـی وَشـهـالـی ءِ نـدارَگ ءَ سَـیـل بـچـار ، چـہ اِشـانـی سـوچَـگ تـرا هِـچّ کـَـٹ ءُ نَـپـے نـہ رَس ایـت بـلـے چـہ اِشـانـی مـانَـگ تـرا ءُ تـئـی مُـلـک ءِ مَـردُمـاں نَـپ رَس ایـت ، اِے کِـکّ ءُ کـاش ءُ کـاه مـئـے مُـلـک ءِ مُـرگ ءُ دَلـوَتـانـی وَراک اَنـت ، مـئـے مـاتِـیـں وَتَـن ءِ زیـبـداریـں پـوشـاک اَنـت.
مـن وَتـی گـَـپ جَـت اَنـت ءُ شُـت آں وَرنـا ءِ سَـر جَـهـل اَت ءُ آ وَتـی سَـرَگ ءَ هـاریـنَـگءَاَت رَنـدا نـہ زان آں کـہ آ مـنـی گـَـپ ءَ سـرپَـد بـوُت یـاں نـہ .
--» کِـکـدَر هَـمـا جـاه ءَ گـوَش اَنـت کـہ اودا بـاز کِـکّ ءُ کـاش بـہ رُدایـت.
ادَبـی هَـکـیـم

[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 12, 2018, 12:46:33 PM
اَگـاں مـنـی گـَـپ ءَ کـَـسـے سَـرپَـد بـہ بـیـت۔
مـاں دُنـیـا ءِ تـوک ءَ چـہ بـلـوچ ءَ بَـزّگـتـر ءُ بـے اَگـلـتـریـں راج مـن نـہ دیـسـتَـگ اِشـی ءِ مَـنـانِـک اِش اِنـت کـہ بـلـوچـسـتـان ءَ بـلـوچ ءِ گـَـم پـراَنـت بـلـے بـلـوچ ءَ بَـس کِـشـمـیـر ءُ پـلـسـتـیـن ءُ چـیـچـان ءُ بـوُرمـا ءُ شـام ءِ گـَـم پـراَنـت ‏ءُ وَت مـاں بـلـوچـسـتـان ءِ تـوک ءَ چـو دَرآمَـدانـی داب ءَ نِـشـتَـگ.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 14, 2018, 03:00:51 PM
اَگـاں مـنـی گـَـپ ءَ کـَـسـے سـرپَـد بـہ بـیـت.
هِـچّ زوراکـے پـہ بَـد دُوا ءِ دیَـگ ءَ نـہ مُـرتـگ اَگـاں مُـرتَـگ گـڑا آ چـہ نِـزور ءِ اَنـاگـَـتـیـں پـادآیَـگ ءُ هِـمّـت کـنَـگ ءَ دِلـٹـوپ بـوُتـگ مُـرتـگ .
اَدَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 18, 2018, 10:01:29 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
الله ءَ مـئـے درُهـیـں مُـلّا مـاں گـوادَر ءُ چَـهـبـار ءِ دَریـا ءَ بـہ رِتـکـیـن اَنـت ءُ آئـی ءَ مـارا " عـمـر مـخـتـار " ءِ دابـیـں یَـک مُـلایـے کِـزمَـت بـہ کـُـرتـیـں کـہ آئـی ءِ تـوک ءَ دانِـشـوَری ءُ گـَـیـرَت ءُ ایـمـانـداری ءُ وَپـاداری ءُ اَمـانـت داری ءُ مَـردُم دوسـتـی ءُ وَتَـن دوسـتـی مـاں بـوُتـگ رَنـدا مـا درُهـیـں بـلـوچـاں وَت ءَ پـہ آئـی ءِ سـرءَ کـَـولـیـگ کـُـرتـگ اَت.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 18, 2018, 10:02:36 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
بـلـوچـسـتـان چـہ بـلـوچـانـی بـے مِـهـری ءِ تُـنّ ءَ مِـرَگءَاِنـت آ مـاں سَـکـَـرات ءِ مَـرگ ءَ بـے هـوش اِنـت اَگـاں کـَـسـے آئـی ءَ مِـهـر ءِ هـون دات کـَـنـت گـڑا زوُت بـہ کـَـنـت کـہ رَنـدا بـاز دیـر گـُـوَزایـت.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 18, 2018, 10:03:31 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـاں مـئـے مُـلـک ءِ تـہ ءَ اَگـاں یَـکـّے مـیـزّانـیـں رَواجـے بـہ رَوت مـئـے مُـلـک ءِ مَـردُم گـوَش اَنـت اِے مَـرد بَـگـایـے ءُ اَگـاں دَرمـیـانـی رَواجـے بـہ رَوت گـوَش اَنـت اِے مَـرد شُـلّـگـے ءُ اَگـاں تـیـزّیـں رَواجـے بـہ رَوت گـوَش اَنـت اِے مَـرد گـَـنـوکـے ، نـوں شـمـا مـن ءَ بُـگـوَش اِت مـئـے مُـلـک ءِ مَـردُم جـاهِـل نـہ اَنـت چـی اَنـت ؟!!!..
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 18, 2018, 10:04:31 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
وانَـگ ءُ زانَـگ ءَ دُنـیـا ءِ بـار سُـبَـک کـُـرتـگ اَنـت ءُ بـے وانَـگ ءُ بـے زانَـگ ءَ مـئـے بـار گِـران کـُـرتـگ اَنـت بـلـے کـَـسـے ءَ اِے گـَـپ ءِ مـارِشـت نـیـسـت.
ادَبـی هَـکـیـم
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 18, 2018, 10:05:23 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـا زِنـدَگ ءِ وَشّـهـال کـنَـگ ءِ کِـتـاب تـنـیـگـا نـہ وَنـتـگ بَـس مُـردَگ ءِ کـَـلّ کـنَـگ ءَ بـلـد بـوُتـگ ایـں .
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 18, 2018, 10:06:40 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
الله ءَ کـَـس ءَ نِـزور ءُ بـے وَس نـہ کـُـرتـگ راسـتـے کـہ زوراکـاں وَت ءَ چـہ نِـزور ءُ بـے وَسـاں زورمَـنـدتِـر ءُ زوراکـتِـر گِـنـداَنـت بـلـے هَـرچ وَهـدے کـہ زوراک نِـزور ءُ بـے وَسـانـی هِـمّـت ءِ زور ءَ چَـکـّـاس اَنـت گـڑا آ وَت ءَ چـہ نِـزورءُ بـے وَسـاں نـابـوُدتِـر ءُ نِـزورتِـر گِـنـداَنـت.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 18, 2018, 10:08:27 PM
اَگـاں مـنـی گـَـپ ءَ کـَسـے سَـرپَـد بـہ بـیـت.
گِـچـیـنـی ءِ وَهـد ءَ لَـهـتـے رهـشـون ءَ وَتـی آرت ءِ چـانَـگ گِـرد گِـرد ءُ مَـزَن مَـزَن ءَ تـانـت اَنـت ءُ لَـهـتـے ءَ وَتـیـگـاں سَـکّ دراج دراج ءَ تـانـت اَنـت ءُ چُـش اِش هَـم زانـت کـہ تَـریـن ءِ نـاں پَـچ سَـکّ کـَـسـان اِنـت ءُ چُـشـیـں تـانَـگ ءِ نـگـَـنـاں سـوچ ایـت !!!... بـلـے آ چـے بـہ کـَـن اَنـت مـئـے راج ءَ کـہ سـوچـکـالـیـں نَـگـَـن ءِ وَرَگ هِـیـل کـُـرتـگ!!!....
ادبـی هَـکـیـم
أ
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on May 28, 2018, 11:20:56 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
آ راج کـہ آئـی ءِ مَـردُم بـے سُـدّ ءُ بـے سَـمـاهـیـں پَـس بـہ بَـنـت ءُ آئـی ءِ رَهـشـون جـونـواریـں گـُـرک بـہ بَـنـت مَـن جَـزم آں کـہ آ راج هِـچـبَـر دیـمـا نـہ رَوت.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on October 15, 2018, 03:29:49 PM
اَگـاں مـنـی گـَـپ ءَ کـَـسـے سَـرپَـد بـہ بـیـت
مـا وَتـی مُـلـک ءُ راج ءِ بـاروا بـہ نـبـیـس ایـں زوراک مـئـے سـرءَ زَهـر گِـراَنـت ءُ مـئـے وَتـی راج هَـم مـئـے سـر ءَ زَهـر گِـرایـت !!!... جَـنـیـن ءِ بـارَوا بـہ نـبـیـس ایـں جَـنـیـن ءُ مَـردیـں مـئـے سـرءَ زَهـر گِـراَنـت!!!... مَـردیـن ءِ بـارَوا بـہ نـبـیـس ایـں مَـردیـن مـئـے سـرءَ زَهـر گِـراَنـت!!!... دیـن ءُ دُنـیـا ءِ بـارَوا بـہ نـبـیـس ایـں مُـلّا مـئـے سـر ءَ زَهـر گِـراَنـت !!!... کـوه ءُ درَچـک ءُ دار وَ هُـشـک اَنـت !!!... گـڑا مـا چـی ءِ بـارَوا بـہ نـبـیـسّ ایـں ؟!!!!.....
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 22, 2018, 01:52:37 AM
اَگـاں مـنـی گـَـپ ءَ کـَـسـے سَـرپَـد بـہ بـیـت
یَـک روچـے مـنـی گـُـوَنـڈوُیـں زَهـگ ءَ چـہ مـن جُـسـت کـُـرت مـنـی پـت وَهـدے کـہ مـا نـادراه بـیـں داکـتـرءِ گـُـوَرءَ رَوایـں ءُ داکـتـر مـئـے اِلاج ءَ کـَـنـت بـلـے اَگـاں داکـتـر نـادراه بـہ بـیـت آ کـئـی گـُـوَرءَ رَوت ءُ وَتـی الاج ءَ کـنـت ؟ مـن پَـسّـو دات داکـتـر وَت یَـک داکـتـرے آ وَت وَتـی الاج ءَ کـَـنـت بـلـے مـئـے راه گـاراِنـت!!!... گـُـوَنـڈوُ ءَ هـیـرت هـیـرت ءَ مـنـی بَـژنـیـں دیـم چـاراِت ءُ گـوَشـت مـنـی پـت گـڑا مـن شَـرّ وانـاں ءُ داکـتَـرے بـاں ، رَنـدا مـن وَشّـهـال بـوُت آں کـہ گـُـوَنـڈوُ مـنـی گـَـپ ءَ شَـرّ سَـرپَـد بـوُتـگ.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 22, 2018, 01:53:53 AM
اَگـاں مـنـی گـَـپ ءَ کـَـسـے سَـرپَـد بـہ بـیـت
نـوکـیـں پَـدریـچ وَتـی تَـیـاری ءَ کـنَـگءَاَنـت بـلـے شـمـئـے دِلـبَـڈی اِش پَـکـاراَنـت هُـشـتِـر وَت وَتـی بـارءَ بـارت بـلـے هَـیـکـارَگـے لـوٹ ایـت.
اَدبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 22, 2018, 01:55:19 AM
اَگـاں مـنـی گـَـپ ءَ کـَـسـے سَـرپَـد بـہ بـیـت
آ نَـدکـار کـہ کِـتـاب چـامـپ ءُ شِـنـگ کـَـن اَنـت بُـهـا کـنَـگ ءِ وَهـد کِـتـاب زوُروک ءَ یَـک پـیـپـسـی ءِ بـوتَـلـے مُـپـت ءَ بـہ دی اَنـت اِے داب ءَ بَـلـکـیـں بـلـوچ پـہ مُـپـتـیـں پـیـپـسـی ءِ هـاتِـرءَ کِـتـاب بـہ زوُراَنـت.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 22, 2018, 01:56:56 AM
اَگـاں مـنـی گـَـپ ءَ کـَـسـے سَـرپَـد بـہ بـیـت
بـلـوچ یَـک هَـنـچـیـں نـادراهـے کـہ هِـچّ داکـتَـرے آئـی ءِ اِلاج ءَ کـُـرت نـہ کـَـنـت پَـرچـے کـہ بـلـوچ وَت نـہ لـوٹ ایـت کـہ آ وَشّ ءُ جـانـدراه بـہ بـیـت.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 22, 2018, 01:58:08 AM
اَگـاں مـنـی گـَـپ ءَ کـَـسـے سَـرپَـد بـہ بـیـت
جـانـواریـں گـُـرک مـاں رَمَـگ ءِ تـہ ءَ یَـلـہ اِنـت ، شُـپـانـک مـاں وَتـی لـوگ ءَ واب اِنـت ، پَـسـانـی واهُـنـد شـهـر پـہ شَـهـر تَـرّگ ءُ وَتـی گـاریـں پَـسـاں شـوهـاز کـنَـگءَاَنـت!!!.... اِے داب ءَ گـُـرک ءِ دیـمـا کـَـے دارایـت؟.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 22, 2018, 01:59:47 AM
اَگـاں مـنـی گـَـپ ءَ کـَـسـے سَـرپَـد بـہ بـیـت
مـئـے مُـلـک ءِ مُـلّا مـاں یَـک هَـنـچـیـں وَهـمـے زنـدَگـی کـنَـگءَاَنـت کـہ پـہ آیـانـی گـُـمـان ءَ سَـرجَـمـیـں دُنـیـا مـاں آیـانـی کـیـتـو ءِ تـہءَاِنـت پَـرچـے کـہ تَـنـے وَهـد ءَ نـہ آ شَـهـیـد ءُ ٹـپّـیـگ کـنَـگ بـوُتـگ اَنـت ءُ نـہ بـیـگـواه ءُ دَرپَـدَر کـنَـگ بـوُتـگ اَنـت.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 22, 2018, 02:01:55 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
اِے داب ءَ کـہ بـلـوچ ءَ وَت ءَ آسـکـے لـیـک اِتَـگ زوراک ئِـے وَراَنـت .
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 23, 2018, 01:52:30 PM
اَگـاں مـنـی گـَـپ ءَ کـَـسـے سَـرپَـد بـہ بـیـت
مـنـی گـَـپ تـوم اَنـت اگـاں کِـشـت اِش بـہ کـن اِت رُداَنـت ءُ سَـبـز بَـنـت اِے گـَـپ ءِ مـنـانـک (دَلـیـل) اِش اِنـت کـہ یَـک روچـے مـن گـوں یَـک مـولـوی یـے گـَـپ جَـت مـن گـوَشـت واجـہ شـمـا مـروچـی گِـنـدَگءَاِت کـہ مـئـے نـیـزگـاریـں راج ءِ سَـرءَ زُلـم بـوئـگءَاِنـت دُژمِـن چـہ هَـرچ نـیـمَـگ مـئـے راج ءِ سـرءَ اُرُش کـنَـگ ءُ بـے گـُـنـاه ءُ بـے مَـیـار آئـی ءَ کـُـشَـگ ءُ دَور دیَـگءَاَنـت شُـمـا زالِـم ءِ سـرءَ پَـرچے جـهـاد نـہ کـَـن اِت ؟ واجَـہ ءَ پَـسّـو دات تـاں مـئـے مُـلـک ءِ هـاکـُـم مـارا جـهـاد کـنَـگ ءِ هُـکـم ءَ مـہ دَنـت مـا جـهـاد کـُـرت نـہ کـن ایـں مـن پَـسّـو دات واجَـہ اِے داب ءَ اَگـاں شـمـا عـمـران خـان ءِ گـُـلام اِت گـڑا هِـچـبَـر عـمـران خـان شـمـارا هُـکـم نـہ دَنـت کـہ شـمـا آئـیءِ سَـرءَ جـهـاد بـہ کـَـن اِت!!!... رَنـدا مـولـوی ءَ بـچـکـَـنـداِت ءُ وَتـی پُـشـتـی نـیـمَـگ ءَ چـارَگ ءَ لَـگّ اِت!!!....
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 23, 2018, 01:54:01 PM
اَگـاں مـنـی گـَـپ ءَ کـَـسـے سَـرپَـد بـہ بـیـت
اَگـاں شُـمـارا وَهـد رَس اِت گـڑا شُـمـا وَتـی چـاگِـرد ءِ هـال ءَ گـوں مـنـی چَـمّـاں بـہ چـاراِت رَنـدا شُـمـا وَت ءَ گِـنـداِت کـہ چـیـنـچـو پـرُشـتَـگ اِت.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 23, 2018, 01:55:14 PM
اَگـاں مـنـی گـَـپ ءَ کـَـسـے سَـرپَـد بـہ بـیـت
مَـنـی وَتـی هِـکـمَـت مـن ءَ گـُـوَشـگءَاِنـت کـہ یَـک وَتَـنـدوسـت ءُ راجـدوسـتـےءَ اَگـاں هَـزار ءَ چـہ گِـیـش سَـنـگـَـت بـہ بـیـت گـڑا آ سَـنـگـَـت دو تَـهـر ءِ سَـنـگـَـت بَـنـت یَـک تَـهـرے سَـنـگـَـت آئـی ءِ جُـوانـیـں گـَـپ ءُ کـارپَـدانـی هـال ءَ چـو پـریـشـتـگـانـی داب ءَ بَـراَنـت ءُ راج ءِ دَسـت ءَ دی اَنـت ءُ آئـی ءِ آسَـرءَ شَـرّ کـن اَنـت ءُ یَـک تَـهـرے سَـنـگـَـت آئـی ءِ گـَـپ ءُ کـارپَـدانـی هـال ءَ بَـراَنـت ءُ شَـیـتـانـانـی دَسـت ءَ دی اَنـت ءُ آئـی ءِ دُنـیـا ءُ آهِـرَت ءَ بَـربـاد کـن اَنـت.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 23, 2018, 01:56:25 PM
اَگـاں مـنـی گـَـپ ءَ کـَـسـے سَـرپَـد بـہ بـیـت
وَهـدے کـہ الـجَـزائـرءِ راج ءَ زوراکـیـں پـرانـس چـہ وَتـی مُـلـکءَ گـَـلّـیـنـت گـوں اوَلـی چَـول ءَ سـیـاسـی ءُ سَـرمَـچـار ءُ زانـتـکـار ءُ مُـلّایـان ءَ وَتـی وَسّ کـُـرت بـلـے آ دَر نَـیـاتـک بـلـے گـوں دومـی چَـول ءَ درُهـیـں راج ءِ مَـردُم یَـکـپـارُگـی سَـرمَـچـار بـوُت اَنـت ءُ آئـی ءِ سَـرءَ چـوں گـُـوَمـزانـی داب ءَ پـر رِتـک اَنـت دِهـکـانـےءَ اَگـاں سَـرتَـنـگـے بَـڈءَاَت آئـیءِ سَـرتَـنـگ ءَ پـسـتـولـے مـان اَت هَـرچ پَـوجـی یـے کـہ آئـیءِ دیـمـا آتـک آئـی ءَ جَـت ءُ تَـتـک مُـلّایـے مَـسـیـت ءَ رَوَگءَاَت آئـیءِ پـاگ ءِ تـوک ءَ پـسـتـولـے مـان اَت زَهـگـے وانَـگ ءَ رَوَگءَاَت آئـیءِ کـتـابـانـی تـہ ءَ پـسـتـولـے مـان اَت جَـنـیـنـےءَ سَـپـتـے سـرءَاَت آئـیءِ سَـپـت ءِ تـہ ءَ پـسـتـولـے مـان اَت چـہ هَـرچ نـیـمَـگ ءَ پَـرانـس ءِ پَـوجـی جَـنَـگ بـوُت اَنـت آسَـرءَ بـے وار بـوُت اَنـت تَـتـک ءُ شُـت اَنـت پَـرچـے مـئـے راج هَـمـے داب ءَ نـہ کـَـنـت ؟ چـہ هَـمُـک روچ ءِ مِـرَگ یَـک بَـرے ءِ مِـرَگ شَـرَپـدارتِـراِنـت.
ادَبـی هَـکـیـم

[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on November 23, 2018, 01:57:58 PM
اَگـاں مـنـی گـَـپ ءَ کـَـسـے سَـرپَـد بـہ بـیـت
زَمـانَـگ ءَ بَـتَـلـے اِش گـوَشـتـگ : اَگـاں روگِـن گـوں راسـتـیـں لَـنـکـُـک ءَ دَر نَـیـاتـک گـڑا وَتـی لَـنـکـُـک ءَ چـوٹ بـہ کـن ءُ آئـیءَ بـہ کـَـشّ ، مَـنـی گـَـپ ءِ بـزانـت اِش اِنـت کـہ زوراک ءَ مـئـے پَـنـچ هَـزار مَـردُم بـیـگـواه کـُـرتـگ اَنـت ءُ مـئـے پـریـات ءُ گـریـوَگ ءُ نـالَـگ ءَ گـُـوش نـہ کـَـنـت گـڑا پَـرچـے مـئـے راج ءِ هَـرچـکـَـسـے وَتـی لَـنـکـُـک ءَ زَد ءِ سـرءَ چـوٹ نـہ کـَـنـت ءُ زوراک ءَ یَـک شَـرّیـں سَـبَـکـے نـہ دَنـت؟.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on December 17, 2018, 02:11:09 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
آ راجـے کـہ وَتـی پـیـسَـریـگـیـں راجـدَپـتـر ءَ مـہ زانـت آ راج مـروچـی وَت ءَ دَرگِـپـت هَـم نـہ کـَـنـت ءُ وَتـی بـانـدات ءَ هَـم جـواں کـُـرت نـہ کـَـنـت.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on December 17, 2018, 02:12:29 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
بَـلـوچ ءِ زِنـدَگـی ءَ یَـک شـان ءُ شَـوکـَـتـے مـان اِنـت ءُ آ شـان ءُ شَـوکـَـت ءَ یَـک وَشّـیـں تـامـے مـان اِنـت بـلـے بَـژن اِنـت کـہ مَـروچـیـگـیـں بـلـوچ نـہ آ شـان ءُ شـوکـَـت ءَ زان اَنـت ءُ نـہ آئـی ءِ تـام ءَ چَـش اَنـت ءُ نـہ آئـی ءِ کـَـدر ءَ زان اَنـت.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on December 17, 2018, 02:13:32 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـال ءُ زور ءُ چُـک الله ءِ داتَـگـیـں ءُ جـوانـیـں داد اَنـت اَگـاں اِنـسـان آیـانـی دارَگ ءَ بـہ زانـت ءُ آیـاں شـرّ کـارمَـز بـہ کـَـنـت آ یَـک مُـلـکـے ءَ گـوں مَـردُمـاں آبـات ءُ وَشـهـال کـن اَنـت بـلـے اَگـاں شَـر کـارمَـرز کـنَـگ مـہ بَـنـت آ جـهـانـےءَ گـَـهـیـن اَنـت آئـی ءِ مَـردُمـاں دِلـرِیـش کـن اَنـت.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on December 17, 2018, 02:14:38 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـئـے مُـلـک ءِ جـاوَر سَـکّ نَـگـیـگ اِنـت ءُ پـریـات کـنَـگءَاِنـت بـلـے بَـژن اِنـت کـہ لَـهـتـے بـلـوچ ءَ وَتـی چَـمّ هـاک مـاں رِتـکـَـگ اَنـت ءُ لَـهـتـے بـلـوچ ءَ وَتـی گـُـوش سـرُپ مـاں رِتـکـَـگ اَنـت کـہ آ وَتـی مُـلـک ءِ جـاوَرءِ بَـربـادی ءَ مَـہ گِـنـداَنـت ءُ آئـی ءِ پـریـات ءَ مـہ اِشـکـُـن اَنـت.
ادَبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on December 17, 2018, 02:15:49 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
تـرا سـیَـهـمـارے بـہ مِـچـات او بـلـوچـسـتـان ءِ مُـلّا ، کـہ تـو پـہ وَتـیـگـاں مُـلّا یـے بـوُتـگ ئـے ءُ چـہ وَتـیـگـاں پُـنـڈتـگـیـں وَراک لـوٹ ئـے بـلـے پـہ دَرامَـداں کـازی یـے بـوُتـگ ئـے ءُ آیـانـی هَـکـرَسـی ءَ کـنـگ ئـے !!!....
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on January 08, 2019, 01:46:23 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
شـمـا وَتـی مُـلـک ءُ راج ءِ راجـدَپـتــر ءَ هِـچّ پَـٹ پـول مـہ کـَـن اِت وَتـی سـیـنَـگ ءِ تـہ ءَ بـچـاراِت راجَـدَپـتـرءِ درُهـیـں نـبـشـتـانـک مـاں شـمـئـے سـیـنَـگـانـی تـہ ءَ نَـکـش اَنـت شـمـا وَتـی مُـلـک ءُ وَتـی راج ءِ بَـربـادی ءِ راسـتـیـں نِـدارَگ ءَ بـچـاراِت آ وَت گـوں شـمـا گـَـپّ جَـن اَنـت ءُ راجَـدَپـتـر ءِ دَردنـاکـیـں کِـسّـہ ءَ گـوں شـمـا کـاراَنـت بـلـے هَـنـچـو کـہ شـمـا سَـرپَـد بـہ بـت !!!....
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on January 08, 2019, 01:47:21 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
پـیـسَـریـگـیـں زَمـانَـگ ءِ هَـمُـک وَرنـا پـہ شَـرَپ ءُ اِزّت ءِ زِنـدَگ دارَگ ءَ مُـدام سَـرمَـچـار بـوُتـگ اَنـت مُـلّایـانـی دیـمـرَوی کـنَـگ ءَ ءُ رَنـد اِے رَسـم ءُ رَواج کـَـمّ کـَـمّ ءَ گـار کـنَـگ بـوُتـگ اَنـت.
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on January 08, 2019, 01:48:58 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
سَـک بـاز دیـر اِنـت کـہ بـلـوچ راج ءَ وَسـواس ءِ نـادراهـی ءَ گِـپـتـگ ءُ گـَـنـوک اِنـت ، بـرات ءَ پـہ وَت دُژمِـنـے زانـت ءُ دُژمِـن ءَ پـہ وَت دوسـتـے گِـنـدایـت !!!...
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on January 19, 2019, 02:01:28 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
وَت بـلـوچ ءَ اَوار جَـن اَنـت ، وَت بـلـوچ ءَ کـُـش اَنـت ءُ مـاں راهـاں چَـگـَـل کـن اَنـت ، لَـهـتـے بـلـوچ ءَ ڈمـبّ چـن اَنـت ءُ گـار کـن اَنـت ، لَـهـتـے بـلـوچ ءَ یَـلـہ کـن اَنـت ءُ راج ءِ دیـمـا وَت ءَ وَژنـام کـن اَنـت ، پَـمـش ءَ بـلـوچـسـتـان اِش وَتـی هـیـرامَـنـڈی کـُـرتـگ کـہ راج ءِ پُـوک کـنَـگ ءَ شَـرّ بَـلَـداَنـت.
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on January 19, 2019, 02:02:28 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
تـیـبَـگـیـں مُـلـک زوراکـانـی بَـنـدیـگ بـوُت ، تـیـبَـگـیـں راج گـُـلام کـنَـگ بـوُت ، بـلـوچ ءِ ازّت ءُ شَـرَپ گـوں هـاکـاں هَـوار بـوُت بـلـے تـبـلـیـگـی تـنـیـگـا دَزنـمـاز گِـرَگ ءِ تـبـلـیـگ ءَ کـنـگءَاَنـت!!!...
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on January 19, 2019, 02:03:28 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـئـے آیَـگ ءَ ءُ پـیـش بـاز کـَـس ءَ وَتـن ءِ پَـهـریـزَگ ءُ راج ءَ چـہ واب ءَ پـاد کـنَـگ ءِ جـارءَ جَـتـگ بـلـے پـیـسَـر کـہ مـئـے راج آیـانـی گـَـپ ءِ مـول ءُ مُـراد ءَ سَـرپَـد بـہ بـیـت یـاں آیـانـی گـَـپ ءِ سـرءَ کـار بـہ کـَـنـت جـار جَـنـوک یـاں وَت وَتـی مَـرگ ءَ مُـرتـگ اَنـت یـاں زوراکـانـی دَسـت ءَ کـوشـاریـنَـگ بـوُتـگ اَنـت اِے گـَـپ ءِ بـزانـت اِش اِنـت کـہ مـئـے راج ءَ مـورمـانـٹـی کـنـگ چـہ بُـنـدَرءَ هِـیـل کـُـرتـگ.
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on January 19, 2019, 02:04:14 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـئـے وَتَـن یَـکـے ءُ مـئـے راج یَـکـّـے ءُ آ گـَـپـے کـہ مـئـے راج ءِ بـلـوچـی ءَ نـاتـپـاک بـہ کـَـنـت شـمـا چـہ آ گـَـپ ءِ جَـنَـگ ءَ پَـهـریـز بـہ کـَـن اِت ، اِے گـَـپ ءَ شَـرّ بـہ زان اِت کـہ مَـروچـیـگـیـں روچ تَـوتَـو ءُ مَـن مَـن ءِ وَهـد نـہ اِنـت .
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on January 19, 2019, 02:05:19 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
ایـوَک ءَ پَـنـجـاپـی بـلـوچ ءَ جَـت نـہ کـن اَنـت بـلـے بَـژن اِنـت کـہ جـانـوَریـں پـٹـان ءُ شُـدیـکّـیـں سِـنـدی ءُ لَـهـتـے لَـگـوریـں بـلـوچ پـہ بــلـوچ ءِ کـُـشَـگ ءُ گـار کـَـنـگ ءَ پَـنـجـاپـی ءَ مَـدَت کـنـگءَاَنـت.
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on February 13, 2019, 02:07:43 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
نـیـزگـاری ءُ هَـزگـاری وَت جـواں نـہ بـوُتـگ اَنـت مـا وَت جـواں کـُـرتـگ ءُ رودیـنـتَـگ اَنـت.
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on February 13, 2019, 02:09:22 AM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مـئـے راج ءِ پُـشـت ءَ پَـشـت کـَـپَـگ ءِ یَـک مَـزَنـیـں سَـوَبـے اِے بـوُتـگ کـہ مـا جَـنـیـن ءَ پُـشـت ءَ دَور داتـگ ءُ مـا آئـی ءَ زانـتـکـار نـہ کـُـرتـگ مـا اِے گـَـپ ءَ نـہ زانـتـگ کـہ جَـنـیـن مـئـے راج ءِ رودیـنـوک ءُ مَـزَن کـَـنـوک اِنـت ءُ مـا اِِے گـَـپ ءَ هَـم نـہ زانـتـگ کـہ جَـنـیـن ءِ لـوگ وَت یَـک وانَـگـجـاهـے .
ادَبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on February 20, 2019, 08:02:09 PM
اَگـاں مـنـی گـَـپ ءَ کـَـسـے سَـرپَـد بـہ بـیـت
کـئـی اِلاج ءَ پـہ چَـنـدَه کـُـرت کـن اِت ؟ مـئـے مُـلـک ءِ نـادراهَ سَـکّ بـازاَنـت!!!... کـئـے ءَ چـہ پـاهـو ءِ دیَـگ ءَ رَکّـیـنـت کـَـن اِت ؟ مـئـے راج ءِ بَـنـدیـگ سَـکّ بـازاَنـت !!!.. کـئـی لـوگ ءِ آس ءَ کـُـشـت کـَـن اِت ؟ مـاں درُهـیـں بـلـوچـسـتـان ءَ آس روک اِنـت !!!... شُـمـا وَت کـہ یَـکّ ءُ یَـکّ اِت کـئـی دَسـت ءَ داشـت کـن اِت؟ وَهـدے کـہ زوراک وَت مـاں وَت تـپـاک اَنـت!!!...
اِے مَـزَنـیـں اَڑءُ جَـنـجـال ءِ دَرمـان مـئـے راج ءِ تـپـاکـی اِنـت.
ادبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on February 20, 2019, 08:03:52 PM
اَگـاں مـنـی گـَـپ ءَ کـَـسـے سَـرپَـد بـہ بـیـت.
مُـلـک ءِ تـوک ءَ هَـرچ هَـرابـی یـے گِـنـدئـے چَـمّـاں مُـچّ کـن ءُ بُـرو تـرا کـار نـیـسـت ، نـوں اَگـاں اِشـی ءَ بـے هَـیـائـی نـہ گـوَش اَنـت گـڑا اِشـی ءَ چـی گـُـوَش اَنـت ؟!!!...
ادبـی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on March 05, 2019, 12:44:51 AM
اَگـاں مَـنـی گـَـپ ءَ کـَـسـے سَـرپَـد بـہ بـیـت
بـلـوچـی دود ءُ ربـیـدَگ سَـکّ نـاجـوڑ اِنـت اَگـاں یَـک ءُ دو سـال ءِ تـوک ءَ آئـی ءِ اِلاج کـنَـگ مـہ بـیـت مِـرایـت ءُ گـار بـیـت.
رَنـدیـگـیـں پَـشـومـانـی کـَـس ءِ دَرد ءَ نـہ وارت.
ادبــی هَـکـیـم
[/b]
Title: Re: اَگـاں مَـنـی گـپ ءَ کـَـسـے سَـرپَـد بـہ بـیـت
Post by: Adabi Hakim ادبی ھکیم on March 13, 2019, 02:40:42 PM
اَگـاں مـنـی گـَـپ ءَ کـَـسـے سَـرپَـد بـہ بـیـت
مـئـے مُـلـک ءِ پَـرمـانـبَـردارتـریـں گـُـلام مُـلّا ءُ مُـولـوی اَنـت ءُ آیـاں وَتـی گـُـلامـی ءِ پَـرز ءُ سُـنّـت ءَ هَـمـا داب ءَ اَنـجـام دیَـگءَاَنـت کـہ یَـک زالِـم ءُ زوراکـے چـے آیـاں گِـلَـگ مـہ کـَـنـت.
ادَبـی هَـکـیـم
[/b]