Baask- Home of Balochi Language, Literature & Culture

Balochi Literature بلوچی ادب => بلوچی لبزانک، چمشانک ءُ ﺁزمانک => باسکانی دیوان ءِِِِِ بلوچی نبشتہ کار Balochi writers of Diwwan => Topic started by: Zahida Raees Raji on January 15, 2017, 07:39:44 AM

Title: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 15, 2017, 07:39:44 AM
یاتانی دپتر !اولی بھر
"پت ءِ دلبڈّی بے درور اَنت "

رمس 1980گپ اِنت کہ من وانگجاہ ءَ وانگ ءَ اِت آں۔ سک کسان اِت آں۔ منی اولی زانشت جاہ۔ بنداہ اُدار جیکیگور اَت۔ مئے استاد ءِ نام موسی نوری اَت۔ کسان اُمری سوب ءَ وانگ جاہ ءَ من رجسٹرڈ نہ بیت آں
من ءَ گیر رسمی بزان کچھی کلاسی ءَ نادینگ بیت آں ءُ نندگ ءِ رزا دات اِش۔ رسمی بندات اولی کلاس ءَ چہ بندات بیت۔ من ھمک سُھب بس وانگ جاہ ءَ شُت ءُ اتک آں پت ءُ مات باریں من دل سیاہ کتگ بیتگ اَنت۔ یا آھانی واھش بیتگ کہ منی ھُبّ ءُ واھگ پہ زانشت نیمگ ءَ بہ بیت۔ من وھد ٹیل انتگ یات.کنگی چیز ھاسین نہ بیتگ بنداتی لھتے درس بیتگ اَنت بلے من لھتے شیر یات کُتگ بیتگ آ اے وڑ انت
اے زنبور طلائی
نیش می زنی بلای
زمستانھا خوابیدہ ای
خواب بھار را دیدہ ای.
پاشو پاشو دوبارہ
گل آمدہ بھار ای

وھدے کہ ما وانگ ءَ اِت ایں من سما کُت مدیر ءُ.زانشتی مستر چُکّانی واھگ ءُ ھُبّ ءِ دلبڈّی .سکین .بیدار کنگ ءِ ھاتر ءَ آپ.ٹایم ءَ کیک بسکٹ بھر کن اَنت کسانین چُک کہ گیشتر گریبانی چک انتآھان پیکٹ منی ھم نہ رس اِتگ ءُ گون اِش نہ بیتگ آ وھدء ما پیکٹ منی واب ءَ ھم نہ دیستگ نہ.چوشین رسمے بیتگ ۔ گیشترین گونڈل ما ھمے کیکانی ءُ چیزانی سوب ءَ وانگجاہ ءَ اتکگ اِنت بیت کنت یہ رسم انگت برجم.انت ھدا بزانت

دومی چیز کہ وھدے چکاس بہ اَنت رسمی گونڈوان کہ لمبر آورتگ یا بھر اِش زُرتگ 100 زرّ تومن ٹکّی ءُجایزہ اِش داتگ اَنت ۔ چکاسان من.ھم بھر زرت منی لمبر ھر کتاب ءَ تاں پنچ کلاس ءَ نوزدہ ءَ کمتر نہ بیتگ اَنت ھساب ریازی ءَ ھپدہ ءُ ھشدہ بیتگ اَنت شر بزان اِت مسترین لمبر 20بیتگ
منی ھساب ءِ پیپر کمو نزور بیتگ ۔چکاسان پد جایزہ بھر بیت اَنت .رسمی ءُ چکاس ءِ سوبمندین بچکان زر جایزہ دیگ بیت ۔من ءَ ھچ نہ رس اِت
من گریوان لوگ ءَ شُت آں من ءَ تپ ءَ گپت۔ شپ ءَ کہ منی دیدگانی سارت کنوکین کماش اتک ۔من دیست مات گون کماش ءَ ھلوت ءَ سرجمین کسّہ ءَ گوشگ انت۔ دومی روچ ءَ من ءَ استاد (مدیر ) ءِ نیمگ ءَ کلوہ اتک بیا تئی جایزہ پشت کپتگ بہ برے من باندات ملک ءَ روگ ءَ آں
من گل ءَ بال بیت آں۔ تپ ءِ ھیال ءَ نیا آں .درک ءَ یک پاد ءَ مدیر ءِ کرّءَ شُت آں۔ مدیر ءَ 500تومن من ءَ دات گوشت ئے یہ زرّ تئیگ انت ھاسین  ۔ جایزہ انت تو گیر رسمے بیتگ ئے ھمینچو جھد کتگ تو اولی لمبر اتکگ ئے من ترا وانگجاہ ءَ نہ داتگ انت آ دگر چُک زھر کن اَنت کہ تئی زر پنچ ۔ بروبر انت چیزے وھد ءَ پد من سھیگ بیت آں اے زرّ منی کماش ءَ مدیر ءَ داتگ اَنت تو بدے اِش تا وانگ ءَ دلپروش مہ بیت
آئی باندات ھراب مہ بیت

مرچی من ھمے سما کتگ کہ اگاں کماش ءَ یہ بے دروریں پیل مہ ساچت انت من کور اِت آں منی چمّ مرچی روژناہ نہ بیتگ اَنت منی دست ءَ کتاب نہ اَت تگاری دست ءَ اَت بارین منی زند چون بیتگ اَت دوھزاریں گاڑی.ھمّالی.یا درملکی مزدوری
    آ وھد ءَ 500تومان ءَ ارزشت بیتگ بلے پت ءِ یہ بے دروریں کار پہ چکّانی پتانی ءِ واست ءَ سکین یے کہ چوشین کُربانی.کار بازین چُکّ ءِ زندمان روژناہ کنت آھان منزل شون دنت منی ھر دوکیں زانشتی ءُ نسبی پت سلامت بات اِت کہ منی چم پچ کنگ ءِ ھاتر ءَ یہ بے دوروین پیل
شما ساچ اِتگ .

ناکو مُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 15, 2017, 08:01:50 AM
یاتانی دپتر !

دومی بھر

"چیدگ پھازگ لوٹ انت"
کسانی ءَ بازین چیز دل ءَ نکش بہ انت
من ءَ گیر کا اَنت الکاری (نان)کہ جنین آدمے کہ چلگ بیت الکاری بھر اِش کُت الکاریانی من دیوانگے بیتگ آں دومی کسانوکین تاسُوک ءِ تہ ءَ تیل انت کہ چلگی ءَ پد یکے ءَ گون انت ھال رسانی واست ءَ جنین آدم چمے تیلان کموک مودان موش اَنت مئے گونڈوانی نام پیروک ھاجی دلمراد ھاجی مھمد رزا ءَ بستگ ءُ ایر کتگ اَنت مئے دوار جاہ بنداہ ادار باپتان بیتگ مئے کھول ءِ سرکماش ھاجی دلمراد بیتگ ھاجی دلمراد ءِ چونائی ءَ پجّارءِ بازیں زلورت نہ انت ھر کس ءَ کہ سید ھاشمی ونتگ سیدھاشمی ءِ نزّ آورتگین کتاب شھلچہ کار کہ ملاپازل ءِ شیرانی دپتر انت تاکی لیٹ انتگ اَنت ئے واجہ سید ءَ لھتے شیر چہ ھاجی دلمراد ءِ دپ ءَ اِش کُتگ ءُ نبشتگ انت آ کجام شیر انت شمارا شھلچہ کار وانگ لوٹ ایت ھاجی دلمراد اودار باپتان نبشتگ ھاجی دلمراد منی بلوک ءِ آرپین پت بیتگ بزان مات ءِ پیروک بیتگ گپ ءَ گونڈ گران ھاجی دلمراد مئے کھول ءِ مستر بیتگ آئی ءَ مستری ءُ سرکماشی یے ھک ادا کُتگ پیروک ءَ واجہ ھدا ءَ انچین بیّمیے داتگ بیتگ کہ سوال پیداگ نہ بیتگ کہ مئے دوار ءِ تہ ءَ زھر پونزھری یے بہ بیت یا وت مان وت ءَ دلرنجی ءُ نارازی یےبہ بیت مرچان لوگانی جیڑگ سک باز انت آپ ءُ دیوالی جیڑگ ھمسایگی یے یہ سرکماشی نہ بوھگ ءِ سوب ءَ بنت کہ سرکماش بیمناک مہ بیت یا پاور پُل مہ بیت بلے سرکماش ءِ تہ ءَ درد ءُ گمانی مارگ جراسیم بہ بنت ھمک سھب پیروک چاہ ءَ پد چُک ءُ نماسگانی ھال گیری ءَ ھر کسی لوگ ءَ شُتگ کے چی کنگ انت ! کے نادراہ انت ! دوشیگ کس ویلی ءَ نافرائی ءَ نہ گپتگ ! کئی لوگ ءَ دال ءُ ڈلگ ھست! گوگ ءُ دلوت اِش آپ داتگ اَنت! پس رمگ ءَ روان اِش داتگ اَنت! ڈگار ءُ مچّانی ھیالداری ءَ مرچی کے شتگ ! کئے لوگ ءَ نوکیں ریل ءُ نوار چہ در ملکان اتکگ ! کئے ءَ مرچی شھر ءَ روگی انت ! کے ءَ تلاوت کتگ ! بزان ھر چیز گم مئے لوگ وشکوش ڈگار ءَ کمو برز تر بیتگ پیروک ءِ لوگ کوہ ءِ ٹُلّ ءَ بیتگ
پیری ءُ کماشی ء باوجود َ وتی یکین رند لازم داتگ ئے من دو چیز مار اِتگ مارا پیروک ءِ ترندی دوست نہ بیتگ پورو ما بندیگ بیتگ ایں
نرونڈگوکائی وت ماں وت ھم بیتگ بلے وھدے کہ پیروک وتی گُڈّی منزل ءِ راھی بیت وھد گوازان بیت انت نرونڈوکانی پاھار در اتک انت ھو دلمراد تو کجا شُت ئے
تو بیران مہ بیت ایں تئی جاہ ءَ من بیت ایں آں  ھیر نی دلمراد پشت نہ کپت ناں واتر کنت لھتے کماش کہ دنیا گند انت آ وتی کماشی ءُ مستری دوران ءَ لھتے ترندی کن اَنت
کہ آھانی بیم ءَ کس ساہ نہ کشّ ایت چہ اے ترندیان ما دلگران ایں نرونڈ پرونڈ کن ایںوت ءَ بندیگ سرپد بہ انت  یہ زاھری دروشم انت
بلے من تو سرپد نہ انت کہ ترندیان من ءَ ترا چہ دری ءُ کھولی ءُ چاگردی اڑ ءُ جنجالان کجام ھدّ تک پھاز اِتگ دُزّ ءُ ڈیک منی تئی مُچّی ءُ یکدستی ءَ ترس انت ءُ میتگ ءُ کھول ءِ سر ءَ اِیر نہ دے انت
من ءُ تو ترندی ءُ اڑ ءُ جنجالان وت ماں وت تول بہ کن انتمن ءَ ترا ترندی ءُ سکتی. ھچ گندگ نہ اِت تول کنگ ھوش لوٹ ایت آئی سما ھما وھد ءَ بیت کہ راج ءُ کھول ءِ چیدگ سرءَ ایر بہ کن انت
ھدا ءَ بچار اِت ماحضر نہ کردیم شماحضر بہ کنید

وتی راجی ءُ کھولی ءُ چاگردی چیدگان بہ پھاز اِت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 15, 2017, 08:07:51 AM
یاتانی دپتر!
سیمی بھر
"نان.مھمان داری"

من کسانی ءَ گیشتر بلوک ءُ پیروک ءِ لوگ ءَ بیتگ آں .بے تمبلی ءُ بے کاری بازین گونڈوانی تہ ءَ بیت من کسانوکین بے تمبلوکے بیتگ آں
من ءَ ھمے مھمانانی آپ ءُ تام کنگی کاراں ھچ واک نہ بیتگ

پدءَ مھمان ھم دو تھریگ بیتگ اَنت ءُ ھست اَنت یکے سیاد پجّا آروک .درملکان چہ اتکگیں وارس دومی ناشناسین مردم تو ھجبر ڈیّک نہ وارتگ اَنت نان تئی رپت آمد آھانی لوگاں ھست نہ ترا گوں آیاں گرز ئےاولی تھر ءِ مھمانان من مھمان سرپد نہ بہ آں نہ مھمان گوشگ بنت
البت مرچیگین دور چوں کہ متلب دور انت ھرچ چیز گوں بدل ءَ ھمگرنچ انت تو من ءَ چار ےِ من تئی گِندوکان کا آں تو منی چارگ کُتگ من ھم تئی درد ءِ ور آں من ءَ اولی تھر ءِ مھمانانی آپ ءُ تام باز نہ تور اِتگ پرچا کہ گپ ءُ تران بیتگ . کندگ ءُ ٹاک .شناسایی ترا وت ھُبناک کنت من ھمے سر پد بہ آں نان ترا وار نہ کنت پہ تو برات مردم جوڑ کنت منی پیروک وا جہ ھاجی مھمدرزا ءَ سبارگ تاں سے بج
شام تاں نو ءَ پیسر ھجبر نہ کُتگ سبارگ ءُ شام ءِ آھری وھد ءَ لازم مسیت ءُ وت شُتگ یا نماسگے روانی داتگ بہ چار مساپرے نیاتکگ کہ ھم شام و سبارگ مہ بیت وھدے کہ یکیم بیتگ کہ کس نیست رند ءَ سبارگ یا شام وارتگ ئے آ ھم من چار اِتگ کہ پورو شودیگ نہ انت
بلے من ءَ سما بیتگ کہ پہ زور چوش کنگ انت چیا کہ بلوک دایم ورگان پد گوشتگ ئے پشت کپتگینان ایر کن بلکیں مساپر ءِبے وھد اتک
.شُد لاپ ءَ بزگ وپت نہ کنت

پیروک بیران بیت دہ دوازدہ سال ءَ پد مئے وارسانی ءِ دوھزاریں گاڑی ءِ دُزگ بیت ھال رس اِت کہ گاڑی آھُرّان ءَ انت لھتے مردم پہ رندگیری ءَ شُت اَنت منی کسترین ناکومرادھاس اِش ھم گوں وت برت اِش گوں وھدے کہ آ ھُرّان سر بنت کس گاڑی یے گواھی ءَ نہ دنت
دو روچ ءَ کہ ڈنّی مردم کہ یک میتگی ءَ یا بازاری ءَ ھلکی ءَ بہ بنت ھر کس جست اِش کنت چونین مردم انت پہ ھیری اتکگ انت
رندگیرین مردم گسش انت ما نشتگ اِت انت یک مردک ءِ اتک وش اتکی کُت دراہ ھیری بیت جستی کُت اچ کُج ءَ
ما وتی پجّار کُت سر گوست گوشت آھگ ءِ سوب گوشی شما اودارک مردم ئے من ءَ واجہ ءِ ھست شما جاھی یار اِت ما گوشت واجہ نامی کہ ایں پیروک ءِ نام گپت ئے
ھمراھان یکی ءَ دست ناکو نیمگ ءَ ٹال دات
یہ تئی واجہ ءِ چُک انت مردک پاد اتک ناکو بگل گیری کُت ئے بزان شما منی واجہ چک اِت شما بہ نند اِت من یا ھوں
کمو دیر نہ گوست ما دیست کہ مردم رُمب رُمب ءَ ٹولیانی شکل ءَ پیداگ انت
مردک بزان ھلک ءِ کھدا انت . دیوان بیت
مردک ءَ دیم دیوان ءِ میتگ ءِ مردمانی نیمگ ءَ کُت ءُ گوشت یہ واجھانی گاڑی اشانی نہ انت منیگ انت
من یہ مرد ءِ کماش ءِ لوگ ءَ یک زمستانی شپ ءَ نان وارتگ آ ھم سک بے وھد من ھجالت بیتگ آں پیرمرد شام وت آورتگ اَنت
بیت کنت گونڈل واب بیتگ انت .دگہ کسترین نہ بیتگ گاڑی ھر کسی کرّ ءَ اِنت بیار اِت ئے درگیج اِت ئے
انچوش دنت یے شگر ءَ بہ گر اِت
پہ شھم دنیا بیار اِت ئے اگاں جنگ لوٹ ایت وت ءَ کوشایں اِت گاڑی بیار اِت من ءَ گاڑی ھر پیم ھر کیمت لوٹ ایت نبا کن اِت ھالیگین دست ءَ کا اِت دومی شپ ءَ بے وھد مئے گاڑی آرگ بیت . ھمراہ گوش انت ما گوشتگ مھمد رزا گنوگ ئے
ھمک روچ مساپر ءُ مھمانانی کتار ایں نی ما زانت کہ نان چوں تاکت ور ایں
مھمان داری ءُ نان ءِ آسر چی انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 15, 2017, 08:14:52 AM

یاتانی دپتر!
چارمی بھر ءِ (اولی بھر)  "پُرشتگیں پُول ءُ ناکونیلسن منڈیلا!


من ء منی ُ مھروانین سنگت کپایت کیپی ءَ شور کُت کہ آھری کوچ ءَ در کا اِنت روین ملک کہ ائید نزیک انت ھیر ما ٹکٹ کُت دیم پہ ملک وھدے کہ ما لیاری بیلہ ءَ کہ گوست ایں کمو دیم ءَ کوچ ءُ گاڑی اُشتاتگ اَنت مارا یہ مالوم بیت کہ بیلہ ءَ ھور بیتگ پول ءِ کش ءُ کرّ پُرشتگ اَنت استاد ءَ گوشت نی ھر چے بیت سھب ءَ .سھب ءِ نماز ءَ پد کور راہ دیگ وڑ ءَ نہ اَت
من وتی چادر پچ کُت ءُ چپّبو سر ءِ چیر ءَ کُت اَنت ءُ تچک بیت آں واب کپتان پورو شاھی پلنگ ئے
من سما کُت یکے من ءَ ناولّگ اِنت من چم پچ کُت چار اِت کپایت انت
ھاں کیپی ھیر انت
ھاک ھیر انت تو انسان ئے بشر ئے ترا ھچ سُدّے گمے پر نیست
من چم لتار اِت اَنت ءُ من دیست کیپی سک پریشان انت
من گوشت ترا گوانکوے اتک یا تئی کارگو لانچ بُڈّ اِتگ
گوشی یار باندات ائید اِنت تو وپتگ ئے مردم کور ءَ مان دیگ ءَ اَنت آ دیم ءَ گاڑی ھست کم سے کم شپ تک مردم لوگءَ سر بیت
من پسّو دات کیپی راست ءَ راست من ترا گپّ یے کن آں منی واب ءَ ھم ھراب مہ کن
اگاں کوچ ءَ راہ رس اِت من تو وتی منزل ءَ سر بہ ایں
اگاں واتر بیت ترا ھم کراچی ءَ لوگ ھست من ءَ ھم
اگاں ترا گُڈّی منزل ءِ زھیران گپتگ تو دوشی بہ گوشت اِنت ما ترا کور ءَ سر دست کُتگ اَت
بچکندت یے گوشی یار تو ھچ سرپد نہ ئے من وام داران وانگ جاہ وام دار انت
باندات ائید انت ائید وانینگی انت پوستانی ترتیب دیگی انت کم سے کم ڈکّے بند بیت
ات چُک ایش ءُ آ من پسّو دات نی تو اتک ئے اسل مُدّا ءِ سرءَ من موسم ءُ ھور ءُ ارّگان چہ انجوائی کنگ لوٹ آں
کیپی ءِ ملوری ءُ پریشانیان کہ گِندان زھر پیداگ انت ھاس کر ھمے نماز ءَ پد ءِ واب ءَ لک کلدار بَھا
واب ءَ پاد کنگ ءُ ءُ واب ءِ پروشگ سر ءِ برّگ انت کیپی پدءَ منی دیدگ انت ساہ انت ھچ گوشگ نہ بیت
نی من پاد اتک ءُ نشت آں ءُ دیم پہ کیپی ءَ کُت من گوشت کیپی اگاں تئی گوشان پُکّی مان در اِش کن
ترا لھتے مُروارین دانک ءُ یک کسّہ یے گوش آں اگاں تو اے دانگ وتی چادر ءِ لمب ءَ بست اَنت گڑا تو وتی زند ءَ دیمروئی کن ئے ءُ اگاں تئی دیم ءَ ڈنگر ھم ایر کنگ بہ بیت تو وت ءَ گیش اِنت ھم کن ئے من دیست کہ کیپی سنجیدہ بیت گوں سنجیدیں انداز ءَ دلگوش گوں من اِنت ئے ھر وھدے کہ تو دیست کہ دیم ءِ مردم ءِ دلگوشی گوں تو اِنت گپ ھم گوش دار ایت تئی گپّان ھم بستارے بیت
من گوشت من دو گپ جن آں دو کسّہ کار آں آ ھم کتابی انت مزن نامین واجہ انت آھاں کُتگ پیش داشتگ ءُ آھاں دنیاگ ءَ منوگر ھم ھست
۔ مھلوک آھان پالو کنت ۔ مھتر ابوزگپّاری واجہ ھُدا چہ آئی ءَ رازی بہ بیت


آجوئی چیدگ نیلسن منڈیلا


کیپی : یار تو جلدی کن مردم چن ءُ لانچے کنت
من پدءَ تچک بیت آں من گوشت کیپی بال کنگ وا نہ بیت
گپ تو گوش نہ دارئے من وپت آں
کیپی ءَ شور ءِ توار کہ اِش کُت
پاد اتک گپّانی گوش دارگ ءََ پیش من گوشت تو روے یا اگاں من وتی گپّان بہ گوش آں ءُ کسّہ ءَ سر جم بہ کن آں
رھادگ گپت ءُ گوشگ ءَ لگّ اِت ویٹ کن من ھالے گران ءُ کا آں
سنگتان کیپی ءِ واتری تک شما ھم ودار کن اِت


روان


ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 15, 2017, 08:33:18 AM
یاتانی دپتر!
چارمی بھر ءِ (دومی بھر)"پُرشتگیں پُول ءُ ناکونیلسن منڈیلا"

دیر نہ گوزت کہ کیپی ءَ واتر کُت گوں رسگ ءَ کیپی ءَ گوشت وتی ھبران سرجم کن
من گوشت گپ ھما وھدءَ تام دار اِنت ءُ اش کُنگ وش انت کہ گپّ ءِ ردم مہ پروش ایت
 ترا گوں گپّان ھچ انٹرسٹ نیست مپت ءَ منی واب ءَ ھراب کن ئے راہ پچ بیت روئیں
بلّ کہ من وپس آں
کیپی ءَ گوشت ناکو اے وپسگی جاہ ئے من پسّو دات نرم ءُ نمبیں سِکانی وپسگ ءَ من پھر بند آں
یہ مئے زند ءِ بھر انت
نی گوش دار تو پریشان ئے کہ ائید چون بیت
بزان ترا مالی پریشانی ھست وام دار ئے
شر اِش کن منی ایمان اِنت روزیگ رسان واجہ ھدا اِنت
مھتر ابوزر گپّاری گوشتانک انت ءُ آئی ءَ ھما مردم کہ یک وھدے یے ءِ شپ ءِ شام بیتگ اِت ءُ ارزبند ءِ واست ءَ چیزے پشت گیجتگ ئے
آھانی سر ءَ واجہ زھر گپتگ ءُ گوشتگ انت ئے پشت گیجتگینان دگہ ھمشام ءَ بدے اِت
ھما ھدا ءَ کہ شمارا شام داتگ آ ارزبند ھم شمارا دنت اے چیز ایمان ءِ نزوری نشانی انت

من گوشت تئی مورگ ءَ من گندگ ءَ آں تو انچو وت ءَ پریشان کتگ پورو تئی بوجیگ بُڈ اِتگ یا تئی سرءَ آزمان گپتگ
کیپی تو وتی ھلک ءَ سے ڈبّہ زرتگ یا ڈبّہ ترا دیگ بیتگ اَنت آھاں کہ ڈبّہ دیگ بیت باید چو نزور مہ بنت

من گوشت تو کہ ادء جنگل ءَ چوش ئے گڑا لوگ ءَ تو ھم ھمے وڑ ئے گوشت ئے ھو یار
من گوشت گوش دار جاور ھر کسی نگیگ بنت برزی جھلی زند ءِ بھر انت
بلے ھما کس جاوران گوں گور چیل بیت کنت ءُ جاوراں ڈگار ءَ دنت آ وتی نگیگی ءُ جنجالان وتی چھرگ سر ءَ میار اِت
تو وتی کمپان ءُ لوگ ءِ مستر ئے
سھب ءَ کہ بُست کنے تگرد ءِ سر ءَ نشتگ ئے چاہ تئی دیم ءَ بہ بیت
تئی دیم ءَ شانزدہ گرچک پر بہ بیت تو وانگ بہ بہ ئے
چُک چوریگ مات مردم مار انت مات پریشان بیت کہ منی بچ پریشان انت
ولاتقل لھما اُف (قرآن) مات ءُ پت ءِ دیم ءَ اُوپّ ھم مہ کن اِت . ابن اباس تپسیر ءَ نبشتگ اوُپّ ءِ متلب اِش انت
کہ چُک اگاں سھب ءَ بروت تلار کپ بہ کنت سنگ بہ پروش ایت
شپ ءَ کہ کیت تھت ءِ سر ءَ لوٹ ایت سرین ءَ تچک بہ کنت برے چہ گیشین دردان یا جندی ءَ اُوپّ درد نارگ ءِ توار اناگت ءَ در کیت آئی ھم مہ کن کنگ بیت پرچا مات ءِ دل ءَ درد چست بیت منی بچّ ءَ مرچی باز کار کتگ آئی نادراہ اِنت چیر دیگ انت باریں سرین نہ پروشتگ
وھدے کہ واجہ ھدا ءَ مات ءِ ھک چو پھاز اِتگ
گڑا من تو وتی چھرگ ءِ تاسراتانی ھیال داری ءَ بہ کن ایں
پرچا کہ منی تئی مورال کہ بُرز بیت لوگ ءِ مردمان ھوسلہ ملّ ایت دلبڈّی رس ایت
ھمے پیما تئی میتگ ءِ نیکرائی ڈبّہ ءُ ھمے پیما تئی وانگ جاہ

کیپی مارا سیافے ھست اَت سک پروشتگ اَت سک وام دار بیت بلے وت ءَ زاھری نہ کُت شُت کراچی رینٹءَ پراڈو گاڑی یے زُرت ئے دیم پہ شال ءَ شُت سودای جت شش کروڑ کلدار ئے ھان ءَ زاھری دروشم دیست گپ ءَ ترانی دیست اَنت سامان وامی دات
مردءَ زاھری دروشم چار اِت ھپتاد لکھ سواری سوار انت چار گارڈی گوں اِنت مھلوک ءَ زھر کیت نوں ھمے وارس لکّانی تہ لیب کنگ انت آباد انت من گوشت کیپی اے نزوری ایوک ءَ تو ناں ھر کس ءَ کشگ لوٹ انتآ اَگاں جاورانی آماچ انت
مستر لیڈر اگاں وت دل پٹ بہ بیت وتی زیر دستانی .کارمندانی.لوگ ءُ راج ءَ ھجبر بڈ ءَ نہ بند ایت ناں آ اشان ءَ را چست کُت کنت نہ آپسری ءَ سر کُت ئے کنت جاوران گوں ھر کس دوچار کپ ایت
ھمائی یے یکدار لنگر ءَ جنت کہ آ چولان بَیے مہ کنت ءُکُمار,اِش مہ کنت گڑا,آ,وت ءَ رکّین کُت کنت
من گوشت من نیلسن منڈیلا ءِ یک سر گوست ئے ونتگ اَت
کہ مردک ءَ نبشتگ اَت مردگ نبشتگ کہ من جھاز ءَ سوار اِت آں کپٹن ءَ جار جت کہ انجن ھرابی سوب ءَ جھاز کپ ایت ءُ کرش بیت وتی سیٹانی چیر ءِ ھپازتی ٹوب ءُ سامان بہ زور,اِت ءُ بند اِت اِش مھلوک ءِ گریوک چست بیت اَنت
ھر نیمگ ءَ شور چست بیت تچ ءُکائی بندات بیت مردک گوشی من دیست یک پسینجرے وتی جاہ ءَ نشتگ کوپ ءِ چاہ ءِ دست اِنت ئے
چاہ ورگ ءَ انت ھالتاک ءَ ھم وانگ اِنت من دست جت واجکار تو جار نش کُت کَرّ تو نہ ئے
مئےھیدے روت ھیدے کیت تو لوگ کتگ نشتگ ئے ھچ سھیگ نہ ئے کہ جھاز کریش بوھگ اِنت .من ءَ ھمے سما بیت مردک
پورو زمین جنبد نہ جُنبد گل محمد نہ جُنبد بسات آورتگ واجکارءَ چک ترّ انت گوشت ئے نان من کرّی آں
من جار اش کُتگ گریوگ کوکار دست پاچہ بزان گھبراینگ بزدل ءُ جنینی کار اَنت
مردین ءُ بھادری کار نہ اَنت ناں کہ راجی مسترانی ساھتوک ءَ پد جار جنگ بیت واجہ ھدا ءَ رھم کُتگ ترسگ ءِ زلورت نہ انت انجن پدء کار ءَ لگ اِتگ وھدے کہ ما بالی پٹّ ءَ ایر کپت اِیں من دیست ھمے واجکار ءِ دیم ءَ ھزاران مردم اتکگ
من چہ یکے ءَ جُست کُت کہ یہ واجکار کے اَنت من ءَ گوشگ بیت ناکونیلسن منڈیلا

نی من زانت راج ءُ کھول ءَ چوشین مستر ءُ لیڈر بہ بیت کہ آ جاورانی دیم ءَ تلارانی پیما اُشت ایت کس آھان پروشت نہ کنت
آ وت ءَ راج ءَ رکّین اَنت پہ وت ءُ کھول ءُ راج ءَ نامے پشت گیج اَنت

یکے ءَ توار پر دات ملاھان شما کرّ اِت گوش گران انت آرن توار ءَ نش کُن اِنت من چک ترّ انت
کہ کلینڈر انت توار اِنت بیا اِت آپ راہ انت ما شپ ءِ ھشت ءَ وتی میتگ ءَ سر بیت ایں

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 15, 2017, 08:43:04 AM
یاتانی دپتر! پنچمی بھر
!.مری ھوٹل.!

یہ گپ تہ ءَ ھچ شک نیست تاں وھدے کہ اووڈ زندگ انت مستر اَیش ءُ نیش بہ کن اَنت ھاس کر گَل ءُ پاٹیانی تہ ءَ اُوڈانی ءُ سادگیں باسکانی سک زلورت انت.یہ تبکہ ترا ھر گل ءُ پاٹیانی تہ ءَ بے کچّ ءُ کساس ءَ دست ھم کپ ایت بی آر سی تربت ءِ اسٹوڈنٹ آں ھُدا بزان چے کُتگ
مارا مئے پاٹی سروکان مست ءُ کھیر کُت بیا اِت کہ پاگ ءُ ریشے ءِ توھین کنگ بیتگ
زھرشانی کنگ لوٹ ایت یہ کمیونسٹانی ھما پشت کپتگیں جراسیم انت کہ زندگ بوھگ اَنت اشانی دیم دارگ مہ بیت دیم تر ءَ اے ھری اسپی کن اَنت نی مارا کے دار ایت
مابمب کھیر ایں کہ باندات سروک کا اَنت شیڈول تیار بیت ھاک ءُ ھاک شانی بیت
نوک نوک مزھبی پاٹیانی نزیکی ھم بیتگ اَت کیچ ءِ مزھبی پاٹیانی سروک ھال دیگ بیتگ اَنت
باندات اے درگت ءَ نند ءُ نھادے ھست دومی روچ بیت مری ھوٹل ءَ پاٹیانی سروک اتک انت
نند ءُ نھاد ءِ وھد ءَ کمو وھد پشت کپتگ اَت ھر کس وتی کوٹی ءِ تہ ءَ نشتگ گوں عتی سنگتان چاہ ءُ آپ کنگ اِنت وھد گوست کس یک دومی کوٹی یے آھگ ءَ تیار نہ انت ھر کس گوش ایت نشست منی کوٹی ءَ بہ بیت بزان ھر کس گوشی من نہ کُشتگ ھلار نہ انت یک دومی کوٹی روگ ءُ یک جاہ کنگ ءَ مئے پادان ھم جواب دات روچ شُت ما یک ءُ یک بیت ایں دومی روچ ءَ ھرکس ءُ وتی پیما زھرشانی کُت
من ھما روچ ءَ یہ گپ ءِ سر بیت آں وت دل ءَ جیڑ اِت مارا کار بند اَنت پہ اسلام نام ءَ وتی جماداری ھاترا
اسلام درد اشان پر نیست یہ جیڑہ دین یے بیت انت وت پیسر اِت اَنت ءُ نی
ما وت ءَ کجام لسٹ ءَ بہ کن ایں سادگ یا برزے گوشتگیں من زانت کہ یہ گل پہ دین ءِ پھازگ ءِ ھاترا کم
پہ وتی سرکماشی ءُ مستری ھاترا گیش جوڑ کنگ بیتگ اَنت بی آر سیءَ کہ بُت جوڑ کنگ بیتگ اَنت نان تالبانی مول اِش بیتگ کہ اسلام ءِ چیدگ(ریش) مزاک کنگ بہ بیت
پرچا یہ اے گپ ءَ اسلام ءَ دین ءَ کُپر ءَ ھمگرنچ کنگ بیت
تان روچ مروچی منی مجگ ءَ نئیتملاھانی ھمے آس ترندی انت کہ ھر نیمگ ءَ اسلام ملامت کنگ بوھگ انت
ھر جاہ ما جُستانی دیم پان اِیں ھمے چست ءُ ایر اَنت کہ مارا یک جاہ بوھگ نیل اَنت مئے میامجی ءَ دوری یے ھست اے چیز مارا جیڑگ پرما اَنت دوازدہ سال ءَ پد من آگاھان نادرجاہ ءَ کتابےِ زرت
"ایک سیاست کئی کہانیان"
ھمے جیڑہ یے یک بھترین پسّوے یے من ءَ رووپ کلاسرا ءِ کتاب ءَ ایسوب گیلانی ءِ بنگپ ءِ تہ ءَ رس اِت
سیاسی باسک ھمے کتاب ءَ لازم بہ وان اَنتاگاں نان یہ سادگی ءُ دلپھکی ءُ ............مارا گار کنت
مئے پُشت ءَ اَیش ءُ نیش واجہ کن اَنت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 18, 2017, 09:16:33 AM
یاتانی دپتر! ششمی بھر

"اللہ ءُ ملاءِ جنگ "

2000ءَ کہ مئے وانگ سرجم بیت ما گل ءَ بال اِت اِیں کہ وانگ سرجم بیت .نی مردم اَیش کنت ترّ ایت زندءِ وشّیانی تہ ءَ بیت ما ھچ سرپد نہ اِت اِیں کہ زندءِ وشّیانی ءُ آرام روچ ما گوازینتگ اَنت نی لوگ ءُ چُک چاگرد.کھول.راج.میتگ ءِ اڑانی دیم پان بیّگ لوٹ ایت
وھد گوازن بیت ما مان اڑان بیت ایں .مسترین واجہ ءُ آلمان دیست یہ سادگین جوان انت اشان کار بند ما دلپھک ءُ مکلس ایں ھر کس ءَ وشین ھبرے کُت مئے مھار گپت آ دیم ءَ ما پُشت ءَ ماھمے سرپد بیت ایں کہ کازے واست ءَ اچ ما کار گرگ بوھگ انت
ھالد ولید سیپی ءَ نشت ءُ کلینڈر بھاکُت ھالتاک ءَ نبشتانک نبشت ئے
من مند ءُ تربت شُت ءُ اتک آں مٹینگ اٹینڈ کُت اَنت
سلاھ دین سلپی ءَ ھمک روچ شش ھالتاک زُرت ءُ ھمک روچ یک جارے شنگ کُت ئے
ما روچان تیلانک دیگ ءَ لگّ اِت ایں
یکے ءَ چیرٹی کار ءِ بندات کُت گل رنگ ءِ پی سی او ءَ گوانکو کنگ بیت کہ سیپی ءُ ناکو مئے مردم نہ انت شمارا کار دیگی انت گڑا کار وتی مردمان دیگ بہ بیت .کار اولی ماہ ءَ بند بیت دیم مردمان نان گوں ما کار کُت ناں کہ گوں گوانکو کنوکان
ھالد ولید سیپی ءَ ھاپز باکی کرّء پچیس پرپٹے پنچ ھزار ءَ وام کُت ءُ َ زرت
چندہ کُت ھزار پنچ سد سنگتان دات ھاپز ٹوہ اِنت
پچیس ایں پرپٹ تربت شھر ءَ مئے سواری انت
ھالد کہ کلینڈر ءُ ھالتک ءَ گوں ھمگرنچ ات سے ھزار آھاں دات یک گپّ ءِ سر ءَ سیپی ءَ واجہ ءِ گپ نہ گپت
سیپی زرّ دارگ بیت اَنت
یک روچے من ءُ سیپی ءُ سلپی تان دیر ءَ نشت ءُ دیوان کُت
مگرپ ءَ پد پیسلہ بیت روین سیپی لوگ ءَ
سیپی ءَ گوشت گڑا ارزبند واست ءَ ھیک شر انت
من گوشت شپ ءِ واست ءَ سیپی پتکگین وانگڑ وش انت
پٹان دکان ءَ ماشُت ایں شش ھیک ءُ کیلوے وانگڑ زُرت
چوش کہ مئے زرّانی توک ءَ پرک نہ بیتگ
ما ھرکس ءَ وت دل ءَ ھمے گوشتگ ات کہ زرّ پلانی گورا بیت
کیسگان دست جن ایں گوں ھشتانہ مشتانیان پہ مشکل وانگڑ ءُ ھیکانی زرّ پورو بیت انت
سیپی پرپٹ ءَ کک جنت ساہ در اتک یے پرپٹ اسٹارٹ نہ بیت
من گوشت نی شپ تھار ایں سوار بئے دکّہ دے ایں من دکّہ دات ءُ ھرسئیں سوار بیت انت دیم پہ ڈنّوک ءَ
چاہ سر کشک ءَ روان انت لائٹ پنچ ھزاری پچیس ءَ پیر نیست اَت سیپی گپ جنگ انت کہ اناگت ءَ جمپ اتک نی بریک جنے شر نہ جنے شر
پچیس ءَ سٹ کُت سلپی کپت
گوں پاد آھگ ءَ گوشت ئے اللہ منی ھیک
ھیک پروشت انت ھیکانی پروشگ بے ارزبندی نشانی اَت
من سیپی گوشت تاں کدی ما اے پچیس ءَ سوار بہ ایں
دو روچ پیسر جولائی ماہ روچان تو بازار ءَ روگ ءَ بیتگ ئے سلانسری در اتکگ تو نہ زانتگ من پرپٹ ءَ بہ دار آں یا سرانسر ءَ چست کن آں
ھمت کن تیل بیار ڈیلّیّ جن ایں بُنی دے ایں
سیپی ءَ گوشت ناکو نی گاڑ ی ءَ ابید نہ بیت سیارہ لازمہ
من گوشت مئے سجین کشکانی سر ءَ مئے مستر ڈنگر جنگ ءَ انت
سیاست بہ بیت یا دینی کار
ھالتاک بہ بیت یا روزگار

اشانی ترس چے انت ھدا بزانت
بلے مارا گوں دلجمی ءَ میدان ءَ در آھگی انت
واجھان بلّ کہ ھرچہ دل اش لوٹ ایت کن اَنت
بلے جھد ءَ مھنت ءَ ابید کس ءَ نام نہ کش,اِتگ
تو پہ کس ھراب مہ سوچ
واجہ ھُدا پہ تو راہ کش ایت
واجہ ھُدا ءَ کسی سر ءَ بد نئیت نان کہ واجہ ھدا ءَ
زھر کیت
واجہ ھُدا ءَ دنیا پہ وتی مھلوک واست ءَ پیداگ کُتگ

سیپی پاد اتک ءُ نشت گوشت ئے
ناکو من تئی گپّان تپاک کن آں
ءُ یک گپّے گوش,آں
" نی اللہ ءُ ملاءِ جنگ اِنت "
من پسّو دات واجہ ھُدا گیش بیت ملاھان ڈگار ءَ دنت
مرچی یہ گپ سابت انت
واجہ ھدا ءَ مئے کد ءَ گیش مارا داتگ

شگر اِنت
واجہ ھُدا تئی داتگیں گنجانی

ھمت مردان مدد خُدا
جذبہ کوہ کھنی ھو تورکاوٹ نھیں بنتے کوھسار
عزم سنگین ھوں تو سنگینی حالات کوئی بات نھیں

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 18, 2017, 09:20:47 AM
یاتانی دپتر!ھپتمی بھر

" ملاڈنگر "

وھدے کہ انسان سپر کنت آئی دیم ءَ باز چیز گوز ایت .لھتے مردم ءِ پوچ ءُ پوشاک ءِ زاھری دروشم ءَ مردم گِندایت. آئی پوچانی استری ءُ ساپ ءُ سَلّی مردم ءَ مجبورکنت کہ آئی سپائی ءِ توسیپ ءُ تاریپ ءَ مردم بہ کنت بلے مئے ملا برادری سپائی بابت ءَ نزور انت
ھمے واجہ کہ ممبر سرءَ نند ایت وش گُٹّی ءَ واز کنت
الطھور شطر الایمان

النظافۃ من الایمان
سپائی نیم ایمان انت
سپائی چے ءَ گوش انت , سپائی جسمانی بہ بیت یا روھانی کنگ المّی انت
.پرچا کہ ساپ ءُ سلّہ بوھگ ءَ چہ دومی مردم ءَ سکون رس ایت .جان بو کنت مردم کش نندگ نہ بیت
ما دو سگنت گوادر ءَ شُت اِیں من بازار ءَ شُت آں واتر کُت من دیست کہ یک سنگت ءِ لونس گوات انت . من گوشت ھیر انت گوشی ھو من پلانی ٹوال چست کُتگ آئی ءَ ٹوال منی دست ءَ چہ پچ گپتگ . من گوشت سک شرّ کُتگ ئے مئے ملاھانی ریکارڈ اے بابت ءَ شرّشرّ نہ انت من ءَ شرّین ملائیں سنگتے ءَ گوشتگ اَت ناکو ما مردم نہ بیتگ ایں.
من گوشت چوں ؟
گوشی ما پوچ دو دو ھپتگ بدل نہ کُتگ اَنت کہ مئے اَندر ءَ پھریزگاری کیت .
من گوشت چلّ ءُ پھریزگاری یہ اسلام ءِ رھبندانی ھلاپ انت . اسلام گوش ایت النظافۃ من الایمان
من دایم کہ کیچ ءُ گوادرءَ سپر کتگ دو سہ جوڑا پوچ گوں وت زرتگ گوں سنگت زھر بیتگ اَنت تو وت ءَ میر یے کن ئے
ھداءِ کنگ منی ء ھمے سنگت ءِ سر ملاڈنگر ءِ جاہ ءَ کپت ما نشت ایں کہ واجہ ملا کیت بازار ءَ اِنت
تاں دیر ملا اتک گرماگی روچ انت . ملا ءَ گوں آھگ ءَ ٹوال زُرت وتی ھیدانی ھُشک کنگ ءَ لگ اِت منی چم ملا ءَ سکّ انت
من سنگت اشارہ کُت کہ واجہ ءَ بچارملاءَ ھیدانی ھشک کنگ ءِ وھدءَ پشک کش اِت کہ گرم انت . ٹوال بزّگ پریات ءَ لگّ اِت
من دست ءُ دیم ھُشک کنگ ءِ واست ءَ جوڑ کنگ بیتگ آں .دومی منی کارمرزی وھد جان ءِ شُودگءَ پد اِنت,  جان ءِ ھُشک کنگ ءَ من ءَ کارمرز کن اِنت شما من ءَ ملاڈنگر ءِ دست ءَ داتگ آ بے جان شودگ ءَ وتی ھیدان پھک کنگ اِنت من ءَ وتی بگلانی باگیچہ ءِ ندارگان ھم پیش دارگ انت ھیر منی سنگت ءَ گوشت من ءَ گرم ءَ بے وار کتگ من پریش بہ آں جان ءَ آپ تُشے پر ریچاں
ملا ڈنگر :گُڑا ٹوال ءَ بر گوں
. من ءَ کندگ اَتک من وتی دل ءَ گوشت اڑے ناھار! جان .دیم. دست. ھیدانی ٹوال آ ھم پوروین گرماگ ءَ شودگ ءِ شگلی پر نیست
اشی ءَ مھمانان شھار دیگ بیتگ مھمان ءَ توار جن گوں پھری ءَ ٹوال ءَ برگوں واجہ تو کجام کرن ءِ مردم یے ئے
پد ءَ ھمے واجہ یہ ھلک ءَ دیم دیگ بیتگ کہ دین ءَ تالان کنت مئے واست ءَ پگری مردم جوڑ کنت
سنگت ءَ ھم ھمے کنڈ ءِ آپ وارتگ اَت ٹوال بڈ ءَ کُت ئے بلے منی نیمگ ءَ دروازگ بند کنگ ءِ وھد ءَ نیم چمّ ءَ چار اِت ئے
من زانت کہ ملاڈنگر ءِ دل وشّ کنگ ءِ ھاتر ءَ زرتگ ئے یوز نہ کنت یے

ملاڈنگر ءِ کہ ما اجازت کُت سنگت ءَ گوں بچکندگ ءَ گوشت ناکو تو راست بیتگ ئے پوچ ءُ ٹوال ءُ سپری سامان دایم ترا گون انت
اگاں مئے دین ءِ رھشون کہ ملاڈنگر انت گڑا تو چی گوشے؟

من گوشت گوشگ نہ لوٹ ایت ملا نی باز انت , من ءَ وتی لاپ تل کنگی نہ انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 18, 2017, 09:26:56 AM
یاتانی دپتر!
ھشتمی بھر
"سُروپ ءِ مٹینگ"
وھد کشگ .وھد دیگ المّی انت
دنیاگ ءَ چوشین کارے نیست کہ آئی ءَ وھد مدے ئے آ پروشت ءُ پروش ءِ آماچ مہ بیت
باگ وھد لوٹ ایت
دُکاں وھد لوٹ ایت
کاربار وھد لوٹ ایت
زند وھد لوٹ ایت
لوگ وھد لوٹ ایت
چُک وھد لوٹ ایت
دوئیں ٹالیں مودان ھم وھد مدے ئے بالی پٹ جوڑ بیت
وھدانی تہ ءَ چکانی وھد دیگ المّی انت کہ تئی آھوکین زندمان انت
دومی لیڈر ءَ وتی راج وھد دئیگی انت
پاٹی ءُ گل ءِ مستران ھم پہ وتی باسکان وھد کشگ ءُدئیگی اِنت
ھر وھد ےکہ تو دیست کہ گل ءُ راجانی مستر ءِ ویلیو کم بوتگ,گڑا تو شرّ بزان کہ ایشی تہ ءَ باسک ءِ وھد نہ دیگ ءُ آھان مان نیارگ  ءِ مزنین دستےھوار انت. پرچا کہ باسک چہ مستر ءَ زندگ بوھگ ءُ زانت ءُ سوج ءِ آکسیجن زور ایت .آئی ھمت گیش بہ ایت آئی جزبھان مارشتے رس ایت منی دید شاھد اِنت کہ مئے پاٹی ءِ مستر ءِ دیم ءَ گیشترین باسک کہ آلم ءُ ملاّ بیتگ اَنت با ادب نشتگ انت آئی یک کلوھے ءَ ما وت ءَ سر کُتگ انچین روچ بیتگ کہ مارا توار جنگ ءَ باوجود وھد دیگ نہ بیتگ یک روچے من مری ھوٹل ءَ گوں واجکار ءَ ءُ سیپی ءَ نشتگ ءُ دیوان اِت انت . من کمو ڈنّ ءَ پہ کاری ءَ در اتک آں من دیست کہ سے سنگت پینچانی سرء نشتگ من سلیمان گوشت واجھان چاہ ءُ آپ کن بارین ھیری شما اتکگ ئے گوشت اِش ھو واجہ ءَ پہ ما کلوہ دیم داتگ من گوشت گڑا شما,واجہ ھال داتگ .پسو دات ئے جی ھو کاسد ءَ گوشتگ یے ودار کن اِت
تاں چار ءَ سنگت پدء گوں ارسیگین چمّان واتر دیم پہ وتی ھلک ءَ بیتگ انت واجکار گوں سنگتان دوچار نہ کپتگ
ھمے میامجی ءَ پاٹی ءِ گوستگین جنرل سکیڑیری بے برمش ءُ توار ءَ مئے کمرہ ءَ پُتر اِت
انگت ءَ سلام نہ داتگ اِت یے واجہ ءَ گوشت ھاسین مٹیینگ ءِ بوھگ انت, کمو ڈنّ ءَ ودار کن ترا توار کن ایں
ھیر مٹینگ کج انت ما اللہ بکش ءَ پنجاہ کلدار داتگ اَت برو بازار ءَ سُروپ پمّا بہ زیراللہ بکش جُست ءَ اَت واجہ ایرانی سروپ
یا کندھاری بزان مئے مٹینگ سُروپانی تھر ءِ سر ءَ اَت
چیز ءِ وھد نہ گوست من دیست واجکار باسک ءُ سنگتان انچو یل داتگ آ تلوسگ انت کہ سنگت بیا اَنت دیوان ءُ مجلسے گوں من بہ کنت اَنت ھما سنگت ءُ باسک بیتگ اَنت کہ آ دو دو روچ دروازگ دپ ءَ اُشتاگ انت آھان پہ دیوان ءَ کاسد دیم دیگ بیت نی آ وھد ءِ نیمون ءَ کار اَنت اے نزوری ھر گلانی تہ ءَ ھست , ھر لوگ ءِ تہ ءَ ھست , مستر وتی چُکّان وھد بدے انت, اگاں نان وھد بے رھمین منسپ ئے
پدءَ گلگ مہ کن اِت ناکو ءَ مارا ھال نہ دات

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 25, 2017, 07:38:05 AM
یاتانی دپتر!
نھمی بھر

" کاشوک "

لھتے ھَندی ءُ دمگی گال مردم ءَ سک مان گیش ایں انت برے برے ھجالتی ءِ سوب بن اَنت اگاں چُشین گالے مردم ءَ اِش کُت مردم باید مان مہ اڑ ایت۔ یک سپرے ءَ من ءَ کیچ ءَ چہ کال اتک ناکو تو تیار بئے سراوان ءَ روگی ایں۔ سپرءَ پیش مردم باید ھلک ءِ مزاج ءُ موسم ءَ بہ زانت ءُ آئی یے تیاری ءَ ھم بہ کنت .۔
ھیر سنگت اتک انت . دست گروک ءُ میزان مئے دیم ءَ اتکگ اِت انت۔ ما سراوان سر بیت اِیں یک دو روچ ءَ کہ ما آھودءَ اِت انت مئے کد ءُ بالاد ءَ چہ گیش بلوچی رسم ءُ دود ءِ متابک مئے ھزمت اِش کُت بلے من یک چیزے ھمراھانی دلگوش کُت۔ ارزبند ءَ یہ ھودوناک نہ انت
من دو گپ مار اِت یا کہ یہ ارزبند ھیلدار نہ انت یا کہ یہ ارزبند تا دیر ءَ کن انت
جست ھم من نہ کُت اَنت
ناکو ءَ ملائی رگے ماں اَنت آئی ءِ مھدہ میڈن ملا اَت ۔آ وھد ءُ پاسانی بندیگ نہ ات ھرچہ اتک بسم اللہ کُت ءُ وارت ئے
یک سھب ءِ اربند آرگ بیت انت، پرزونگ پچ کنگ بیت
ھیک .کرہ.پنیر.گزرگ مربہ.آرگ ءَ پد میزبان ءَ توار جت
چُکّاں کاشوکان بیار اِت ۔گوں کاشوکانی توار ءَ منی ھمراھان آکسیجن رس اِت
کموک ءَ من لگت بہ کن اَنت
من دیست مرچیگ اشانی دیم روژناہ انت وت ماں وت سُک سُک ءَ لگّ اِت اَنت
وھدے کہ کاشُک آرگ بیت انت اشانی دیم یے بتّی تھار بیت انت
ڈولداریں سینیی ءَ چاکو چمچ ءُ چنگال انت
مگربی بلوچستان ءَ کاشوک چمچ ءُ چنگال ءَ گوش انت
ما کاشوک ماھیگ ءَ گوش ایں بزان سنگت ارزبند ءَ ملک ءَ کاشوکءُ لوجّر ءُ ماھیگ ءَ ھیلدار انت
ھمے دومنٹی ری پلے ھیالان ھم مردم ءَ لجّے دنت

کاشوک ءِ گال ءَ "چکّان کاشوکان بیار اِت" سنگت رد داتگ انت

اشان شاید چد پیش سپر آ نیمگ ءَ نہ کُتگ اَت من ھما روچ ءَ مار اِت کہ ھلکی گالوارانی پھمک مردم ءِ واست ءَ المّی انت
برے برے مردم ءَ رد دے انت برے برے ھجالت کن انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 25, 2017, 07:50:41 AM
یاتانی دپتر!

دھمی بھر

"شَور"

انسان ھر کچّ یے اگل ءُ زانت ءِ واھوند بہ بیت انچین وھد آئی سرءَ کیت آ پیسلہ کُت نہ کنت ءُ نزانت کہ من یہ گام ءَ چست بہ کناں پمّن شرّ انت یا ناں ۔ چُکّانی سیر ءُ سانگ بہ بیت یا کار ءُ روزگار آ شور ءِ مھتاج انت۔ شور انسان ءَ دلبڈّی دنت، سکین دنت، ھمتّ دنت
مردمان چہ گیشین شگان ءُ پگانان رکّیں ایت
اَلْاِسْتِشَارَةُ عَیْنُ الْہِدَایَةِ وَ قَدْ خَاطَرَ مَنِ اسْتَغْنٰی بِرَأیِہ۔

مھتر الی گوستانک انت: شور راستین کشگ انت ھدایت راہ انت ھدایت جند اِنت
ھترہ ءُ جنجالانی تہ ءَ ھما مردم کپ ایت آ شور ءَ سر گوز بہ کنت

دنیا ءَ شور ءُ سلاہ واست ءَ کمیٹی جوڑ انت
ھر کمپنی ءَ ھم شور ءُ سلاہ ءِ باسک ھست مجلس ءُ دیوان ھست
اسلام شور مجلسانی واھگ دار انت .دین ءِ دپتر ءَ پچ کن ھر تاک ءَ ترا شور ءُ سوجی دانک رس ایت
زند ءِ پڑ ءَسنگت ءُ دوستانی تہ ءَ شور ءُ سلاہ بیت
منی زاتی تجربگ انت کہ شور دیگ ءَ تو ھجبر پیش مہ کپ۔ اگاں ترا دپی سلاہ جت اِش
پہ ملامتی رکّینگ ھاتراگڑا تو بس تپاک بہ کن بےارزشتین شور مدے

دومی توک ءَ ھم دور مہ جن ءُ کُپ مہ کن ءُ شور مدے

من ءَ دوستین سنگت ءِ ھست انت آئی آدت انت ھر گپ ءَ اچ ما سوج گیپت شور کنت
بلے کنت ھما کہ ھمائی دل لوٹ ایت۔ یا آئی لوگ ءِ شوری نند ایت ءُ آئی ءَ نوکین سوجے دنت
آھانی شور ءُ سلاھاں گیشتر نُکسان ھم وارتگ یے بلے آدتان مجبور انت
اچ مارا شور ءُ سلاہ پمیشک ءَ کنت کہ مئے دپ بند بہ بیت
جی پور (g4) ھاس چار سنگتانی یک گلے نام انت جی پور دیوان ءِ درّ ءُ دوچی مجلس ءَ منی ردیانی آپریشن مہ بیت ءُ من بنگپ من مہ بہ آں ۔ من یہ سنگت ءَ دیر انت نوٹ کنگ ءَ آں۔ یک روچے کال کُت ئے ناکو تو کج ءَ ئے۔ من گوشت کہ کیچ ءَ۔ گوشت ئے من سک پریشانان ءُ پسّ اِتگ آں۔ من ءَ ارجنٹ گوں تو شورے کنگی انت
تو کج ءَ ئے من پیداگ آں۔ من گوشت تو ھر کج ءَ منی مھدہ ءِ ھیالداری ءَ کت کن ئے من ھمودءَ سر بہ آں
شاپور ھوٹل ءَ اتک۔ من دیست سنگت واکی سک پریشان انت
وتی گپّ جت انت ئے۔ من گوشت سنگت تو گوں من ھپتاد رندءَ شور کُتگ۔ پدء ھما کُتگ ءُ تئی دل ءَ گوشتگ یا کہ تئی لوگ ءِ شوری ءَ
پسّو دات ئے یار آ گپّان یل کن۔ من ھم گوشت شر من آ سجین گپ بے ھال کُتگ انت
بلے من ترا یک شرت ءَ سوج دات کن آں۔ تو سر ءُ سوجانی دزمزّ ءَ بزان پیس من ءَ بدے ئے۔ پنجاہ ھزار دات کن ئے من ترا کشک ءِ سوج دے آں۔ تئی کار بیت۔ اگاں نان تو بزان ئے ءُ تئی کار۔ پرتات ءُ زاری ءَ پد سی ھزار ڈنّ بیت
بیست من کیش گپت دہ پونشیگین ودار ءَ۔ منی داتگین سوجانی سرءَ شُت نیم کلاک ءَ پد کاری اوکے بیت
اگان ناں یازدہ لک کلدار گوات ءِ برتگ اَت۔ سی من ءَ رس اِت، لک ھما دیم مردگ ءَ لوٹ اِتگ اَت۔ نو لک ھپتاد پشت کپت پہ سنگت ءَ

وتی سوجان بے ارزشت مہ کن اِت۔ مرچان بے بُن مالین سرمایہ کاری آئیڈیاز انت۔ چوش ھم نہ انت شما نی ایشی ءَ کاربار جوڑ بہ کن اِت کہ مارا ناکوءَ یہ سوج داتگ

نیکین سوج ھم راجی کھولی ھزمت ئے

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 25, 2017, 08:03:13 AM
یاتانی دپتر!

یازدھمی بھر

"گُنگ ءِ زبان ءَ گُنگ ءِ مات زانت"

مساپری ءُ بے زرّی سک گِران اِنت پدءَ ھما مردم ءِ واست ءَ کہ آئی ءَ ھچ ڈک ءُ در مہ بیت
پمیشک ءَ کتابان نبشتگ انت کہ مالدارین مردم اگاں مساپری ءَ کنگلا بیت پہ آئی زکات ءِ زیرگ ھم روا اِنت
رھمانیہ مدرسہ ءِ وانگ ءِ سال ءَ مئے سرءَ بے زرّی ءِ ڈُکّال اتک۔ من سیپی ءُ انکلابی، ھر سئینانی زرّ چہ ملک ءَ نیاتکگ اِت انت
سے روچ بیتگ اَت ارزبند ءُ چاہ ءُ کیک ھم کینٹین والا ماما بند کُتگ اِت انت کہ نی من چد ءُ گیشتر وام دات نہ کن آں
ما شور کُت چی بہ کن ایں۔ پیسلہ بیت روین ھشت چوک ءُ لیمارکیٹ ءَ بلکین جاہ آروک ءِ ڈیک وارت وام ءُ شامے کنیں
ھیر دہ کلدار سنگت ءِ کرّء بدل زرت ءُ سی ون سی بس ءَ سوار بیت انت دیم پہ لیمارکیٹ ءَ
ھشت چوک لوگ ءَ اتک انت جان مان شُشت ءُ پیسلہ کُت۔ نی لیمارکیٹ ھشت چوک ءَ جتا جتا ایر دے اِت
جاہ آروگ ءِ شوھاز کن اِت بدل باندات کن اِت سھب ءَ وانگ ءَ روگی انت واپسی نول ھم گوں نیست اِنت
ما ءُشما سبارگ ھم نہ کتگ ءُ شُد ءَ ھم سک گپتگ ۔ما ھر سے جھلاد بیت ایں
کلاک ءَ پد گوں ارسیگین چمّان واتر کُت کس ءَ گوں ڈیک نہ وارت
نی دست سرءَ کُت انت کہ آھر بہ کنین چی۔ سھب ءَ چون مدرسہ ءَ سر بہ بی ایں
مارا مدرسہ ءَ کم سے کم دال رس اِتگ اَت۔ من سیپی گوشت بیا ھشتانیانی کلوک ءِ ھست
سیپی چم روژناہ بیت انت ھیرما کلوک پروشت زرّ ایلّت ءُ بلا کد ءِ شپ شام ءُ نول بیت انت
شام کُت آرام کُت سھب ءَ روگ ءِ وھد ء شور کُت پلان سنگت چی درد وارت ھرچ وھدء چہ ما بدل باندات کنت
وت ھچ درد نہ وارت سیپی ءَ گوشت بزگ ءَ ھپتگ یے سد کلدار دے انت
من گوشت بلے تو ھجبر دیستگ دست کیسگء برتگ ئے
ھر وھد جُستی کن۔ یک اُزر ءُ بھانہ یے کنت۔ انکلابی ءَ گوشت آ تلاشی گرگ بہ بیت ڈینجر پارمولہ
ڈینجر سے رکنی کمیٹی بیتگ من سیپی.انکلابی۔ دومی روچ ءَ ما ھما سنگت گوشت پلانی سد کلدار بہ دے گو. کینٹین وامان دے ئیں پسّو دات ئے۔ یہ منیہ الماری کیلیت ءُ یہ منی بٹوایہ منی جیب
انکلابی گوشت اشان یک کرّ ءَ کن ما ترا پٹّ ایں
سیپی ءُ انکلابی گپت واپینت نیپگان چہ دوسدیگ پیڑینتگ ءُ مان اَت
زرّانی در آھگ ءَ گوشت ئے "گُنگ ءِ زبان ءَ گُنگ ءِ مات زانت" زرّ ما ماما کینٹین والا ءَ دات انت مئے کھاتہ دوبارگ پچ بیت
چیزے روچ ءَ پد مئے وتی زر اتک انت

باز سنگت چوشین وھداں کہ زر دوست بیت یا مردگ زمیر ءُ بے اھساس دومی سنگت ءِ تکلیپ ء
َ ھچ کُمار نہ کنتاچ چشین زر دوست ءُ بے اھساس ءَ گستایی گھتر انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 25, 2017, 08:22:07 AM
یاتانی دپتر!

دوازدھمی بھر !

"اھساس ترا نیست"

من ءَ ءُ کیپی ءَ یک دو سنگت ھست اِنت کہ آھانی مارگ ءِ جراسیم کول ءِ کیپیگ ءَ مرتگ انت بارین چے ءَ

آ سنگت بلے چیزے سال اچ مئے سوسائٹی ءَ سستگ بیتگ انت یک روچے سُھب ءَ ھپت ءَ موبایل ءَ رینگ وارت
من چست کُت چد پیسر من سنگت ءُ لوگ ءَ ءُ ملک ءَ گوشتگ بیتگ کراچی ءِ سھب دہ ءَ پد کال کن اِت کہ بازار چد ءُ رند پچ بیت
چست کنگ ءِ سوب دو اِت اَنت مارا ڈاکٹر ھشت ءَ ٹیسٹانی وھد داتگ اَت کہ ارزبندء مہ کن اِت بیا اِت .
ءُ سھب ءِ سر ءِ کال
ھیری کال نہ بنت من گوشت بیت کنت سنگت مشکلی ءَ کپتگ
چوناہ ءَ من موبایل ءَ سائلنٹ ءَ کن آں اتکیگین مس کالانی سرءَ پدء کال کن آں ھما کہ لمبرانش بہ زان آں
دراہ درھباتی ءَ پد من گوشت ھیر انت سھب ءِ سرء تو کال کتگ
گوشت ئے منی گاڑی ھراب انت لھتے سامان لوٹ ایت تربت ء سامان گران انت تو پلازہ ءَ برو ریٹان جست اِش کن بہ زیر ءُ روان اِش دے من سامانانی نام میسج کُتگ انت۔ من گوشت شرّیں کمو دیر لگّ ایت پرچا کہ من ءَ مات گوں اِنت من نادراہ جاہ ءَ روگ ءَ آں ۔ ناراہ جاہ ءَ ۔  گیش آں گُڑا پلازہ ء رواں ۔ساھت دوازدہ ءَ کال کُت ئِے من گوشت من انگت ءَ ھمدَء آں۔ ساھت دو ءَھم کال اتک ئِے من ھمے پسّو دات
چارنیم ءَ من ھمے پسّو دات ۔ زھر گپت کہ ترا اھساس جِند نیست من سوزوکیانی سرءَ لوگ ءَ رواں کا آں، ترا سھبگین انت من کال پہ کال یے پشت ء کتگ تو اینچوکین درد یے نہ ور ئے .نادراہ جاہ ءَ رول ئے۔
من گوشت تئی ھبر راست انت پھل کن۔ من ء مات گوں انت مات کیسنر نادراہ انت۔ میموگراپی لمبر ءَ ما نہ گیش اتگ ایں
تو دو روچ انت کہ بے اولاک ءے مرچی من گیش آں تا ھشت ءَ پلازہ پچ اِنت تئی سامان ترا رس انت
ھیر من پنچ نیم ءَ گیش اتاں ۔ مات من لوگ ءَ روان دات ءُ وت پلازہ ءَ شُت آں سامان ءِ آرڈر دات انت ءُ پے منٹ کُت۔
پدءَ رکشہ کُت ءُ ٹرانسپورٹ ء سر کُت انت آزاد دشت ءَ من ھال دات من پلانی ء داتگ انت تو بزان ءُ تئی کار اے لمبر انت ئے دومی روچ ءَ کہ ھما گاڑی ءَ کہ روان دات انت آئی لمبر ھم گوانکو ءِ سرءَ ماں کلوہ ءَ دیم دات۔
پنچ روچ پد سنگت گوانکو کنگ ءَ اَت ناکو سامان گار اَنت من مروچی نپر راہ داتگ پہ جُست ءَ ۔ یار تو سکین گیر زمہ دار ئے
نی منی اوپار ءَ جواب داتگ اَت من گوشت کہ آ روچ ءَ من ءَ تو گوشت ترا اھساس نیست من پیادگ آں
مرچی گیر زمہ داری ءَ  گپ ءَ ئے
تو بہ گوش تئی گاڑی تئی سامان ءِ ارزشت گیشتر اِنت یا مات؟ من ءَ چہ مات ء تو دوستر نہ ئے سامانان جھندم کن
بلے من سنگتی ءِ اھترام کُتگ ترا جواب نہ داتگ
من آ روچ ءَ ھم مات ءِ نام گپتگ ات کہ کینسرءِ نادراہ اِنتءُ آپریشن بیتگ ئِے بلے تو دپی جُستے ھم نہ کُت کہ چون انت۔
دمانے ءَ رند آ گوشگ ءَ لگ ات، پہل بہ کن من سہی نہ بیتگ آں ۔ نی چون انت دراہ انت ھالان کن۔
اھوال گیری ءَ یک کِرّّے ءَ کن ، ترا اگاں اھساس بیت انت تو من ء یک کارے ءِ ڈبّہ نہ داتگ اَت
اگاں داتگ ات تئی گالور ءُ گپتار چو ترند نہ بیتگ اَت تو گوشتگ ات ھر وھدے کہ پارگ بہ ئے تراموہ رس اِت منی سامانی جست ءَ کن من ءَ لازم انت۔
آ روچ ء تو پیادگی گپ جت ، مروچی پنچ روچ ءَ رند سامانی ھال من ترا داتگ کہ ٹرانسپورٹ ء کَپتگ اَنت دست ءِ بہ گر۔
اگں گیر زمہ داریءِ گپ بہ بیت گڑا پنچ روچ ءَ جست نہ کنگ گیر زمہ داری ءَ وت پدّر کنگ
نہ سوری نہ ھجالتی ٹکگ ءَ گوانکوئِے بند کُت ۔

من چار اِتگ مردم وتی کارانی باروا ھند کنت اشتاپ کنت بلے دومیگ ءِ دستگٹیان ھچ دیم ءَ نیار ایت شگانءُ سوچاکین گپ جنگ ءَ ھم ھچ چک پد نہ بیت

شما بہ گوش اِت من رد بیتگ آں۔ اھساس ءُ گیرزمہ دار بیتگ آں۔ من ءَ کبول انت، اگاں من میاریگ آں
من مرچی ھم چہ آ سنگت ءَ پھلی لوٹ آں
من مات یل دات نہ کتگ ءُ دیر کتگ فیتی سوب ھم شمے دیم انگ پدءَ ھم دیرءَ سامانی جست ءَ شُتگ آں
ھما روچ ھم پھلی لوٹ اِتگ مرچی ھم من ءَ پھل بہ کنت

اے سجین چیز ءُ ردی گیشتر دیوان ءُ مجلسانی ءُ سھبت ءِ داد اَنت۔ نزور پگریں دیوان مجلسانی نزوری انت مردم سما نہ کنت آھان مردم زور ایت۔ کتابان نبشتہ انت ترا اگاں مردمے باروا سرپدی لوٹ ایت
گڑا ھم نھادانی بچار ءُ اندازگ بہ جن کہ مردم کجام کیٹیگری مردم ئے

مچ مچءَ گند ایت رنگ زیر ایت

صحبت صالح تُرا صالح می کند
صحبت طالع تُرا طالع می کند

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 25, 2017, 08:41:26 AM
یاتانی دپتر!
سیزدھمی بھر.

"نیکی گوں نِھنگان"

من کیچ ءَ اتکگ اِت آں سیپی ءَ گوشت تو پلانی چارگ ءَ شُتگ ئے آ چہ نادراہ جاہ ءَ بوتگ ءُ اتکگ آئی چُک ءَ نوکین زندے ملّ اِتگ
من گوشت واجھیں سیپیمن ھم زان آں کہ مسلمان ءِ ھکّان چہ یک ھکّے ھمیش انت نادراہ ءَ برو بچار
بلوچ ءِ دودانی تہ ءَ ھم ھست انت۔ واجکار ءِ چارگ ءَ روگ۔ مزاج پرسی دراہ بات کنگ۔ روگ ءَ بے ازتی ءُ بے شرپی کنگ
منی سرءَ گوستگ تو ھم شاید ئے اگاں ترا یات بیت
من نہ رواں البت من اے گرانین ساھت ءَ واجکار گوانکو کُتگ بیتگ ۔سلاہ ھم جتگ پمّن کارے ھست ھازر آں گوشت کن ئے
بلے لوگ ءِ روگ ءِ باریگ ءَ من ءَ منی پاد نہ بر انت۔ بیا ترا یاتان گیجان
کسّہ چوش انت کہ کراچی ءَ مئے سنگتانی دیوان اَت مارا ھال ءَ گپت کہ مئے ھمے سنگت ءِ چُکّ نادراہ جاہ ءَ داھل انت .چد پیش واجکار ءِ چکّ ءِ نادراھی ءِ ھال کسءَ مارا نہ داتگ اَت
ھما دمان ءَ من ءُ سیپی ءَ رکشہ کُت ءُ نادراہ جاہ ءَ سر بیت اِنت۔  سیپیءَ گوانکو کُت واجکار ءَ دراہینت کہ آ وت جَہل ءَ پیداگ انت کہ بُرز ءَ لوگ ءِ مردم ئِے پہ گندوک ءَ اتکگ اَنت۔  ھیر ما ودار ءَ نشت انت۔
وھدے کہ واجہ کار جھل ءَ اتک من دیست چیزے کش گورءَ شوھاز کنگءَ انت بلے اے دراہ ءُ دراہ باتی یے نہ اَت۔
 پنچ شش منٹ ءَ پد سنگ ءِ دیم ئِے لیٹینت ءُ گوشگ ءَ لگ ات شما دو روچ لیٹ اِت شمارا کجام گوات ءَ نوں یاورتگ
ھُدائی من سک ھجالت بیت آں ۔ من وتی آھگ زانت روگ نہ زانت
نی واجکار ءَ مارا دراہ باتی کُت ۔ بیست منٹ ءَ پد من پاد اتک آں
واجکارءَ اجازت کُت رھادگ بوھگ ءَ پد من سیپی ءَ گوشت نیکی گوں نھنگان شر اِنت
منی گوں واجہ ءَ اولی ءُ آھری انت۔ مئے کجام کار گوں واجہ بندیگ اَت
ما ھال گیری ءَ اتک ایں بلکین ھون ءُ زرّ دگے زلورت یے بیت ئے
بلے مارا تئی سنگت ءَ کم شرپ کُت۔ تئی نزکین سنگت انت کم سے کم تئی وَ ھیال کُتیں

سیپی گوشئے ھما دمان ءَ ھوش ءَ اتک گوشگ ءَ لگ ات ھو ھو ھو نی من ءَ یات اتک  ۔ ھیر من سیپی ءَ گوشت کہ اے ھما مرد انت ترا اگاں چارگی انت تو برو من رواں تئی دپتر ءَ نند آں۔ پد ءَ سیپیءَ گوشت شر کُتگ نہ شُتگ ئے
واکی ایشی مرچی وتی ناپگ ءَ سند ایت ءُ مزنین سنگے چست کنت ءُ دیم ءَ لیٹ این ایت ۔ھُودء واَ مزنیں سنگ ئِے نہ رس اتگ۔

نادراہ چارگ ءَ واجہ ھُدا وش بیت، نادراہ ءُ آئی کھول ءَ دلبڈّی رس ایت
یہ دود زندگ کنگی انت پشت گیجگی انت، دست رس ایت کمک اِش بہ کن
اگاں دست نہ رس ایت جان دراھی دوا ءَ بہ لوٹ ئے

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 25, 2017, 08:44:34 AM
یاتانی دپتر! چاردھمی بھر

"ازرائیل"

مردم نام کہ زیر ایت دوستانکین نام بہ زیر ایت
چہ نام اِش کنگ ءَ مردم ابکّہ ءُ ھیران ءُ دلپٹ مہ بیت
مسینجرانی دور ءَ من کبلہ ءَ شُتگ ات آں
من ازرائیل گوانکو کُت ھال گپت من ءَ گوشت ئے مرچی ءُ باندات من پارگ ءَ آں بیا روئیں سنگتان گندوکے کن ایں
من گوشت شرّ ات بھادین دیر انت گوشگ انت بیا اِت سراوان
بلے من ءَ ھمراہ نہ بیتگ بیا گڑا بسم اللہ کن روے اِیں
ناکو کمو ودار کن پُشت ءَ یکے کال کنگ انت
کمو دیر نہ گوست ازرائیل ءَ پدءَ کال کُت
ناکو تیار بئے من کُنرچنڈ ءَ چار آن ءُ گوں وت زیریں ئے
راہ ءَ مردم ءَ دلگوش کنت
کلاک ءَ پد ازرائیل اتک ما چہ راسک در کپت اِیں
میر بھادین من ھال داتگ اَت ما مگرپ ءَ پد سراوان
سر بیت اِیں
میربھادین بازار ءَ اتکگ اَت مئے دیم ءَ
مارا سوج دئیگ انت دست چپ راست مستکیم دست چپ لب نھر چپ
من گوشت ترا اگاں مارا جیل ءُ بندیگ جاہ ءَ روان دیگی انت ما یکے جُست کن ایں اگاں ناں نی ما ھچ نہ ٹکّ ایں بیا ما بالی گراب چوک ءَ اوشتاگ ایں اے چپ راست مستکیمان روئیں ھمے دوئیں چوکاں چہ نہ گوز انت
بھادین ءَ من گوشت تو پیادگ وا نہ ئے ناں تئی اولاک ھرے
نیکبھت بات ئے بیا ما اوشتاتگیں بھادین اتک ما آئی دوارا سر بیت ایں وش اتک ءُ دراہ باتی ءَ پد بیلوکس ءِ سنگتانی دپتر پچ بیت انت
گپ گپ ءَ تکمچنڈ ءُ راجپھاز ءُ راز دار ءِ نام اتک انت
بھادین ءَ گوشت واجہ ر بلوچ ھم اتکگ ھمدءَ اِنت
من گوشت گڑا تئی گورا کئی کئی لمبر ھست اِنت باندات مردم واجھان گندوک کنت اگاں موہ رس اِت
بھادین ءَ گوشت منی گورا بس رازدار لمبر ھست
ر بلوچ ءِ لوگ ءَ من زان آں
ءُ آدگرانی لمبر ھم نیست انت ناں من اِش جاہ کار آں
اینچو زان آں سراوان نشتگ انت
ازرائیل ءَ گوشت واجہ ناکورازدار لمبر ءَ بدے
ازرائیل ءَ واجہ راز دار کال کُت


رازدار شما واجہ
ازرائیل. من ازرائیل آں شما کجائے ترا من شوھاز ءَ آں
گوں ھلو ھلو آں من زانت ازرائیل پجّار ءَ واجہ ءِ تبیت ھراب بیتگ واجہ بی پی ءُ دل ءِ نادراہ انت
بھادین ءَ گوشت ناکو تاں سھب ءَ دراہ بہ بیت ڈیک وریں پرچا کہ واجہ لوگ من دیستگ منی رپت ءُ آمد ھست
سھب ءَ ما بازار ءَ شُت اِیں واجہ راز دار ءِ ھال ءِ گرگ ءَ مارا مالوم بیت واجہ دوشی ایمرجنسی نادراہ جاہ ءَ برگ بیتگ
من زانت کہ ازرائیل ءِ گوانکو ءَ واجہ نادراہ جاہ ءَ سر کُتگ
ما کہ ھود ءَ سر بیت ایں مارا گوشگ بیت کہ واجہ آرام کنگ ایں
من راہ ءَ ازرائیل گوشتگ ات وتی پجّار ءَ نی نہ کن وتی جبد ءِ نام ءَ بہ گوش ترا راز دار پجّا کار ایت شرّ یا نیار ایت شرّ


من چُک ءَ را گوشت واجہ ھر وھدے چم پچ کُت انت بہ گوش ئے ناکومُراد ءُ بھادین اتکگ انت
ما کہ پُشت پر کُت ءُ در اتک ایں پُشت ءَ یکے توارءَ انت کہ واجہ رازدار شمارا یات کنگ ایں
ماکہ واجہ دیست سرپد بیت ایں کہ ھالی نہ وش ایں ناتاھیر ایں بازین گپ گنجایش پشت نہ کپتگ نیکبھت بات ازرائیل
سلام ءَ پد واجہ پجّار کنگ ءَ گوشت. ازرائیل ءَ گوشت من اوں ازرائیل من دیست واجہ ءِ چم پدءَ بند بیت انت نزّ آورت انت ئے
من گوشت واجہ یے تبیت سِٹ سِٹ نہ انت بہ رویں پدء واجہ ھال گرگ ءَ دوبارگ کا ایں
ما نشتگیں مردم اجازت کُت انت ءُ گوں درآھگ ءَ من گوشت ازرائیل تئی نک نیم آئی ڈی ءَ ناکو آئی سی او رس اِنتگ
وتی نک نیم ءَ ربّ چار بدل کن
گوشت ئےِ ھو من وتن دوست ءَ زور آں
نی من وتی پجّار ءَ بم کُت نہ کن آں
من چار اِت بازین نام واکی مردم ءَ دل پٹ کنت
شرین نام مردم پجّار دنت
سوشل میڈیا ءَ وتی نام ءُ آئی ڈیان شر ءَ چہ شرتر بہ کن ات
شمئے نام شمئے سنگینی ءِ نشانی اَنت


ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:17:27 AM
یاتانی دپتر!

پانزدھمی بھر

"وی آئی پی"
ناکومُراد

من وتی وانگ جاہ "دارالعلوم کراچی"ءَ دو سال ءَ پد استاد ءُ سنگتانی چارگ ءَ شُت آں لھتے مئے گوادری ءُ تربتی نودربر وانگ ءَ اِت اَنت .ما چمن ءَ گوں ھمے نودربران نشتگ اِت ایں
سنگت ءُ دوست سھی بیت انت دراہ باتی ءَ اتک انت ابدالکریم چوکیدار ھم تچان ءُ اتک تربتی بیا منی گریبی نان ءَ ور
ھمے وھدءَ مزن نامین استاد مولانا ازیرالرھمان سواتی چہ دیر ءَ زاھر بیت من واجہ ءِ دراہ باتی ءَ پاد اتک آں منی ھمراہی ءَ یک نودربرے ھم اتک گوں
گوں واجہ ءَ درھباتی بیتواجہ ء کماش جُست کُت ءَُ ھلک ءُ زند باروا جست پرس کُت ءُ گوشت ئے من جاہ یے ءَ روگ ءَ آں من ءَ اشتاپ انت ترا یکے ھوالہ دے آں ازھر نامین سنگت ءِ توار جت ئے
تربتی منی مھمان انت واب جاہ مسترءَ بہ گوش یک کمرہ یے
ءُ سے روچ مھمانی بندوبست ءَ بہ کن ئے . تالب ءِ پہ ھزمت ءَ ھم
تربتی تو سے روچ ھمد ءَ ئے ترا روگ ءِ رزا نیست
باندات نان منی گورا انت
من جی واجہ کُت ءُ واجہ شُت وتی کارانی نیمگ ءَ کہ روگی اِت ئے
من ءُ ھما نودربر پدءَ چمن ءَ اتک ءُ سنگتانی گورا نشت انت
من ءَ ھمے نودربر گوشگ ءَ لگّ اِت
ناکو ترا یک جستے بہ کن آں
من گوشت بسم اللہ

نودربر..ناکو من دو کلاک بیت تئی ھمراہ آں
ترا استاد .نودربر.کینٹین والا.چوکیدار بزان
وانگ جاہ ءِ چُک چُک زانت تئی یک پجّار یے ھست
ترا ازت دے انت
من پسّو دات .ازت بدے ازت بہ زیر
اے واجھانی وتی شرّی انت من آنم کہ من دانم
نودربر.ناکو تو سیپی ءُ انکلابی ملک ءَ شُت اِت دوسال بیت
شما سک مزن بیتگ اِت ھر کس شمارا ازت دنت پرٹوکول دنت وی آئی وڑا
من پسّو دات
برات بیواں دلگوش ءَ وانگ نیمگ ءَ کن کابیلت پیدا کن کرد پیش دار ترا ھر کس سر ءِ بان ءَ کنت
اے وی آئی پی چکر ءَ یل کن
اگاں نان کس ترا سلام ھم نہ دنت وھدے کہ تئی تہءَ ھچ نہ بیت .شر بزان مردم بود ءَ سلام کن انت زانت ءَ سُجدہ کن انت
کرد ءَ سرے بان ءَھچ کس ھشکین سرگ ءَ پیش سلام نہ بیت نودربر ناں ناں منی مول اِش نہ انت

من گوشت من تئی مول ءِ ھبر ءَ نہ آں ۔ بلے من ءَ سما بیّگ ءَ اِنت تئی ارادہ نیک نہ انت
ھدا مہ کن تو چو کُت سک پشت کپ ئے جھان ءِ رپتار ءَ من تو شُت. نہ کن ایں
دو سال نہ گوزت کہ ھما بیت کہ من سما کُتگ اَت
اشتاپین کار ءَ مردم پلاران مان گیش ایت ھمے بودربر مزن نامی ءِ نادراھی ءَ گور جت ءُ وانگ یل دات ئے
من مرچان واجہ ءَ گند آں
پیزبک ءَ نشتگ ءُ اکس شنگ کنتءُ وتی نام ءِ دیم ءَ وت ساب نبشتگ کنت
ھرچیز پہ وھد ءُ بھت وھد ءُ بھت ءَ گوں کسی دست نہ رس ایت نہ جنگ کنگ بیت

Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:20:49 AM

یاتانی دپتر!


بھر16


"راڈوگڑیال"


وارس وارسے ءِ دیمروی ءُآبادی ءَ باز کم ایر بُرت بہ کنت ھدا بزانت کہ یہ ابرمی نزوری یے کہ تو برات ءَ آباد دیست نہ کن ئے ءُ ترا زھر کیت کہ پلانی منی ناکوزتک انت یا پیروک زتک انت پرچا سیر انت آباد انت منی مال انگت ء ھما َ اُشتر اِنت
گیشتریں وارس کہ آھانی شھور ءُ سسّا پراہ ءُ شاھگان نہ انت
آ وارس ءُ برات ءِ سیر ءُ آباد بوھگ ءَ ایر بُرت نہ کن اَنت
البت اگاں تئی سر ءَ مسیبت ءُ مشکلے بئیت اِنت
لانک بند انت
گیشتر وارس مسیبتان گوں تو ھمکوپگ انت
بلے تئی سیر ءُ آبادی ءَ دیست نہ کن انت
کینگ ءِ آماچ بنت ترا نزور کنگ ءُ نکسان دیگ ءَ پندل ھم ساچ انت ھمے چیز ءِ آسر زھر پون زھری ءَ بندات بیت ءُ تاں کُشت ءَ کوش ءَ سر بیت
ایرت ایرت ءَ بچار ئے
اشان در اسل ءَ تئی سر ءَ زھر نہ ئے
واجہ ھُدا یے بھر ءُ بانگ ءِ سر ءَ اھتراز ھست اِنت ئے


منی کماش وتی کھول ءِ تہ ءَ آبادیں مردمے اَت
نود ءَ پد کار ءُ بار تہ ءَ اوشت اتک
نود چار تاں نود ھپت ءَ کارءُ بار یکدم اوشت ءِ آماچ بیت
بس روچ تیلانک دات انت .وتی پردگ داشت زاھری ءَ وت ءَ چیدگ نہ کُت ہرچا کہ جھان تئی زند ءَ کُچّل کنت
یک روچے منی نزکین وارسے ءَ من ءَ دیست
دراہ درھباتی کُت ئے
من واجہ ءِ مول گوں سلام ءَ زانت
جُستی کُت چون گوزگ ءَ انت روچ
من گوشت واجہ ھدا ءِ شگر انت
روچان تیلانک دیگ ءَ اِیں
تاں مردم بے پردگ مہ بیت
تو لوگ ءِ مردم یے سھی ئے کہ
کار ءُ بار نیست
کنگلایی انت
منی دست ءِ راڈو گڑیال چار اِت ءُ گوشت ئے
تو گوش ئے کہ روچان تیلانک دئیگ ءِ اِیں
ترا انگت راڈو گڑیال دست ءَ اِنت


ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:27:37 AM
یاتانی دپتر!

بھر 17

" کھنک ءِ مسیت "

من کہ وتی وانگ سرجم کُت ءُ ملک ءَ شُت آں
آ وھد ءَ ملاھانی میڑ دیگ ءِ رواج کموک ھست اَت .آمین گوں توار ءَ گوشگ یا آھستو. دستانی بندگ
یک روچے من وتی کتاب جاہ ءَ نشتگ اِت آں لھتے ملا منی گورا اتک ءُگوشگ ءَ لگّ اِت انت کہ تو ونتگ ءُ اتکگ ئے تئی زانت ءِ بالاد اچ ما گیش اِیں کھنک مسیت ءَ چیزے مردم اھل ھدیس بیتگ ءُ آمین کنگ ءَ انت
اگاں اِش سرپد کنگ مہ بنت مند ءَ بر اَنت ءُ مند سجین اھل ھدیس بیت
تو تیاری کن ترا گوں اشان گپ جنگی ایں
اشانی اُنڈال چہ بُن ءَ در کنگی انت کہ پدءَ سر مہ کش اَنت
من گوشت شما منی گورا اتکگ اِت
لھتےگپ گوں شما گوش آں بلے گوشاں پچ کن اِت ءُ گوش بہ دار اِت
اول .من مسلکی جنگ ءِ منوگر نہ آں
شما راہ رد کُتگ
من اگاں وتی دلگوش ءَ گوں اے چیزانی نیمگ ءَ بہ کن آں من چہ دگے کاران کپ آں

دومی گپ اش اِنت..شمئے ھیال ءَ مند ءَ دگہ نیکراھی کار شمئے نزّ ءَ نیست ءُ مسترین زلورت شمبے ءُ نواب ءَ آمین کنگ ءَ نیلگ ءُ مہ کن کنگ پشت کپتگ ؟؟
من ھمے سرپد بہ آں شما ھچ زھم نہ جن اِت بس ھمے کن اِت کہ شمبے ءُ نواب ءَ کہ اَنّی نماز کنگ ءَ انت ءُ مسیت ءَ آھگ ءَ اَنت
شمئےکروس جنگی ءَ وھدے شمبے ءُ نواب گِند انت نماز ءَ ھم پیچ انت ءُ یل کن اَنت منی نزّ ءَ ھزار شاباش اِیں ھماھاں کہ مسیت ءَ آورتگ اَنت اِش

ءُ گپ پشت کپ ایت کہ
دست ءَ کُج ءَ بہ بند انت بند انت یا یلو کن انت
آمین ترند ءَ گوش انت یا آھستو
چہ بے نمازی ءَ گِھتر انت
شما وتی ءَ وت زان اِت

سیمی گپ..
اے چیزانی وھد گوست اَنت نہ نی اے چیزانی دیم دارگ بنت البت من شمارا دل سدک ءَ یک گپ ءِ گوش آں
اگاں
نیت اِش ھکّ بہ بیت
داوت ءِ کارے ءِ وڑ پیم راست بہ بیت ئے
گپ اِش ھم راست ءُ ھکّ بہ بنت

آ گیش ءَ چہ گیش بوھان بنت
ترہن شماآھانی کشگ ءَ دیوال بہ بند اِت

ودار کن اِت وھد وت پیسلہ کنت

ھدا ءَ چار اِت ملا شما دو سے اِت
وت ءَ ماں وت گورجیگ ماں گورجیگ مہ بی اِت

اے جنگ ءُ اکتلاپان مارا کاریگ نہ کتگ ما ءُ شما یک دومی ھلاپ ءَ, ایرجنگ ءَ
ھمینچو باوست ءُ تران (مناظرہ) کتگ
بے کساس ءَ کتاب نبشتگ
کہ آھاں چک ماں چک ایر بہ کن ایں
آزمان ءَ ھم ڈُکّ ور انت
اگاں لائین ءَ ایر اِش بہ کن ایں
جھان ءِ دومی کُنڈ ءَ رس اَنت
اے سجین ھزمت انسان. نیکرائی ءُ انسانیت ءِ پھازگ ءُ پایدگ ءِ واست ءَ بہ بیت ایں اَنت
مروچی چاگرد ءَ اڑ اکتلاپ نام
کس ءَ نہ زانتگ اَت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:29:59 AM
یاتانی دپتر!

بھر 18

"لھتے سکین ءُ دلبڈی رَمیز جوڑ بنت"

انسان انسان اِنت آئی دست ءَ المّ ءَ ردی بیت
تُریں آئی ءَ میری پوستے گورا بہ بیت یا ملائی !
وھدے کہ تئی کرّء کسترین ئے
باسک ئے
کیت واجہ پلانی ءَ پلاں گُوہ وارتگ
ردی کُتگ ئے
ما رو ایں آئی ءَ شون دار ایں
ردے لٹ گر ایں ئے
ءُ آئی تچک کن ایں
یا کہ یک زدی کن ایں
شرّ بزان اِت اے ساھت ءَ چوشین جاوران
مستر ءُ کماش وت دیم ءَ بہ کنز ایت ءُ ردی کنوکین برات ءَ کماش ءَ واجکار ءَ سر ءُ سوج بہ کنت
پرچا کہ ھر ردی یے الاج سرجری نہ انت ناں کہ لٹ ءُ کُٹ اِنت
اگاں چاگردءَ لٹ کُٹّی بدھت بندات بہ بیت آ چاگرد ءَ ایمنی جنازہ چست بیت
من یک روچے وانگجاہ ءَ نشتگ اِت آں دو مجاھد ٹیپیں تالب منی گورا اتک
من ءَ گوشت ئے واجہ ناکو اچ ترا مارا شورے کنگی انت
من گوشت یک کرّءَ
گوشت ئے جی ھو
من زُرت اَنت ءُ شُتاں دپتر ءَ
ھال کن اِت
من ءَ گوشت ئے واجہ اچ تو گپ چیر نہ انت
پلان ملا ءَ آدینگ نماز ءَ چوشین گپّے جتگ
ملا سک سلّ انت
ما شور کُتگ ھپتگے بیت ایں
ما ملاءِ جنگ ءِ سر ءَ ایں
الکاپین ردے لٹ دے ایں تا کہ دوبارگ چوش مہ کنت
من گوشت شما واجہ ءَ نپر کتگ
گپ جتگ گوں
مسترین واجہ یے پہ سر ءُ سوج ءَ دیم داتگ
پسّو دات اِش ناں ناکو
من گوشت گڑا بسم اللہ کن ات
من ءَ ردے لٹ گر ات
اگاں شمارا ملا ءِ پاد پروشگیگ انت منی پادان پروش ات

اے گُوہ ءَ ما نہ ور ایں واجہ ناکو
من گوشت من ھم ملاے آں
مرچی آئی ءَ ردے لٹ گرگ ءَ شما لانک بستگ
باندات اچ من ردی یے بیت گڑا شما من ءَ ھم سر نہ گوز اِت بھتر انت تاں باندات ءِ ودار ءَ مرچی وتی کار ءَ بندات کن اِت
پرچا کہ شمئے پگر ءِ تہ ءَ نشتگ ھر ردی کنوک کابل گردن زنی انت. کُشگی اِت شمئے دماگ ءَ یہ گپ نادینگ بیتگ
ھر ردی کنوک ردے لٹّ ءِ ھکدار انت
اے وڑ ءَ کہ شما بِی بَہ اِت
یا کہ شمئے پیمین دگہ دو مردم
شمئے پیمین سوچ ءُ پگر ءِ واھوند
یا کہ گل ءُ جنزانی مردم
انسان ءَ شما زمین ءَ ترّگ ءَ نیل اِت ہرچا کہ شمئے دماگ ءَ نشتگ ردی کابل مھاپی ءُ بکشگ نہ انت
ھالانکہ ھر نادراھی الاج سرجری نہ انت

من دیست کہ واجکار شرمندگ انت
پھلیی لوٹ اِت پاد اتک انت
وتی شور اِش کوتاہ کُت

شر یات بہ کن اِت ردی کنوک تئی مھالپ بہ بیت یا برات
ھجبران ھجبر چوشین دلبڈّی ءُ سکین وتی کستر ءُ باسکان مہ دے اِت کہ یہ رسم تئی چاگرد ءَ رمیز پیم ءَ وارت.

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:34:12 AM

یاتانی دپتر !

بھر 19

" بے باورانی چیرمین "

مارا سنگتے ھست .سنگت کسے ء کہ سنگتی کنت بزان کہ پہ متلب
سلام الیک بیت بزان پہ لاپ
آئی پہ لاپ ءِ ھاترا نہ بیتگین سین پاٹ کنت
ءُ بے باوری ءَ آئی ایوارڈ دیگ لوٹ ایت
بیسہ.اھتماد.اوست مزنین چیز انت اشانی ارزشت باز انت من دایم گوشتگ کہ تو وت بے اوست ءُ بے باور یے دیگران وتی شایم ءَ مہ تور
بلے کَنت ھما کہ آئی دل بہ لوٹ ایت
یک روچے آدینگ ءِ روچ ات من ءَ کال کُت ئے بیا روئیں سنگتی ءَ مارا نان ءَ لوٹ اِتگ
من زانت واجہ آدینگ روچ ءَ بریانی شوکین انت
ھیر ما ٹیکسی کُت دیم پہ ھما سنگت ءِ لوگ ءَ
روگ آھگ ءَ 1200کلدار ھرچ بیت
من بے باور گوشت تو گوش ئے منی اگل ءُ ماسگ ءُ رم کس ءَ گوں نہ اِنت بلے منی نزّء بے اگل ترین مردم یے ھست تو ھما لڑ ءَ گوں ئے
تو وت گوش ئے سنگت پیریگ تئی چارگ ءَ اتکگ
گریبیں سنگتے نان ءِ جاہ نیست ئے نیزگاری تو نہ چار اِتگ دپ وت گوشتگ کہ نان پر کن آ ھم بریانی ما کا ایں
پدءَ تو نرونڈگ ءَ ئے اگاں من اسٹوڈنٹ بریانی ءَ سیر ءَ بہ وارتین اِنت من ءَ 500کلدار ھرچ نہ بیتگ اَت
تئی بے زانگی ھدّ تمام انت بزگ ءِ سرءَ ھم نہ کپ ئے پدء وت گوش ئے مرد ءِ داوت ھم شر نہ ات نوں نرونڈگ ءَ ئے
من گوشت کہ
گریب گوں گنجایش
بلوچان گوشتگ چادر ءَ بچار پادان شھار دے

آئی ءَ وتی گنجایش ءِ نان جوڑ کتگ ترا داتگ تو کہ مرد ءِ سرء نہ کپ ئے

دگہ رندے گوادرءَ چار کس ءَ کال کنت ایں من سبارگ ءَ پیداگ آں پمّن جوانین گُور ماھیگ ءِ سرگ ءِ بریانی جوڑ کن اِت
یکے ءَ گوشتگ واجہ ھوارینگ جوڑ بیت بریانی من مرچی تئی دپ ءَ اش کنگ آں
مھماندار شتگ انت گور ءِ سرگ ءِ شوھاز ء
َ دو ءَ ماھیگ والا ءِ گورا ڈیک وارتگ
ماھیگ والا ھمشان گوشگ ءَ اِنت واجہ گوانز سارم سرگ منی گورا در کیت ءُ ھست اِنت گور ءِ سرگ کمو پیسر بیتگ بلے واجھی ءَ برتگ انت
ھمشان وت ماں وت گوشتگ بلکین ترا پلانی کال کتگ
ھر دو یک دومی ءَ چارگ ءَ لگ اِتگ انت تو چون زانت

گوشت اِش گور ءِ سرگ ءَ مھمان پدّری کتگ

اڑے اے بے باور ءَ بزان مئے سرء ھم اوست نیست چو کہ ماھیگ والا ئے گپ انت دگہ دو مردم ھم گوشتگ ئے
ماھیگ والا گپّان گوش دارگ ات
ھو ھما واجھانی گوشگ ءِ رد ءَ شمے مھمان کیچءَ چہ پیداگ انت
آھاں گوشتگ اَت کہ کیچ ءِ مھمان ءَ کڈّن کتگ گور ءِ سرگ بزور ات
بریانی جوڑ کن اِت
دوئینان وتی سبارگ شور کوتاہ کُت دیم پہ لوگاں شت انت
ھمشان چہ یکے کسّہ کنت ما ھالیگ دست لوگ ءَ اتک ایں
کہ آ دگہ واجھانی گورا واجہ سبارگ ءَ روت

سے نیم ءَ گاڑی یے آرن جنگ ءَ اِنت
گونڈوے گیٹ پچ کنت
ءُ کیت من ءَ گوش ایت ترا پلانی لوٹگ اِنت
آپ کُت انت گونڈو روان دات انت کہ نان واجہ واست ءَ شوھاز کن اِت بیار اِت
سرتگیں ءُ پشت گپتگین نان آرگ بیت انت
من دل ءَ گوشت ترا
تئی بے باوری ءُ بے اوستی ءَ
مرچی ھمسبارگ کتگ
اچ من ھچ گلگ مہ بووو

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:37:02 AM

یاتانی دپتر !بھر 20

" کارگُشادی ءِ آسر زھری اِنت؟؟؟ "

کسے کارءَ تو گُشاد کنگ لوٹ ئے آ کار گُشادی وھد ءَ وتی نپ ءُ پایدگ ءَ چار ایت دگر تُرین کنڈ ءَ بہ کپ ایت آئی ءَ سما ھم نیست ءُ نان زانگ ءُ پدءَ زھر ھم بیت دیم ءَ تھار کنت ھر جاہ ترا نام دپ کنت اے نزوری مئے چاگردءَ سک باز ترا گِندگ کیت من اشانی رکّگ ءِ ھاترا دایم سے لمبر یوز کتگ ملک ءِ لمبر ملک ءَ کہ ملک ٹینشن ھمود ءَ بسّ انت بلے لھتے ھنچین کار ھم دیم ءَ اتکگ باید لمبر پچ بہ بنت سنگت دلگران بیتگ انت ناکو تو پرچا چو کن ئے آئی گیشترین سوب اِش بوتگ انت
من یک رندے شال ءَ شُتگ اِت آں کساس بیست روچ من ءَ وتی کار ءِ سرجم کنگ ءَ لگّ اِت
ائید ء َچار روچ پشت کپتگ بجٹ چٹ دیم پہ ھلاسی نیمگ ءَ روگ ءَ اَت بس ھمینچو پشت کپتگ اَت
چُکّانی پوچ ءُ چمپل ءُ واتری ءِ نول بمشکل بہ بنت من جناھ ٹاون ءَ داشتگ اَت مشکہ سنگتی ءَ کال کُت
ناکو منی زامات شال ءَ اتکگ وتی کاری کُتگ انت واتری ءِ نولی گوں نیست ئے تو ھزار کلدار بدے ئے کہ ٹکٹ بہ کنت ملک ءَ سر بہ بیت من تئی لمبر ءَ دے آں ئے بلے لازم زرّی بہ دے
من گوشت ھیر تو کہ کال کتگ روانی دے زامات ءِ کال اتک من ڈس ءُ نشان دات انت نیم کلاک ءَ پد زامات منی جاہ ءَ سر بیت
من پٹان ھوٹل ءَ چاہ ءُ آپ کُت من گوشت تئی ناکو ءَ کال کُتگ کہ ترا زرّ بدے کہ تو بتّہ باڑو کن ئے ملک ءَ رو ئے من پہ زانت جُست کُت
چینچو زرّ ترا پہ کار انت زامات ..ھو من ءَ شاپنگ کنگی انت چکانی پوچ زورگی انت
مولوی زھگانی واستء ھم سامان زیرگی انت پانزدہ ھزار. ءِ کچّ ءَ منی کار بنت
منی ٹیلگ در اتک انت من گوشت تئی ناکو ء نول ءُ باڑو گپ جتگ ترا یک لسٹے گون اِنت
زامات..گڑا دہ ھزار ءَ کم زرّ منی درد ءَ وَانہ ور انت
من گوشت من ءَ ھزار کلدار تئی ناکو ءَ گوشتگ تو یہ دوھزارینان ءَ بہ زیر
زامات ءَ دوین ھزار شانک دات انت زانان من پنڈگ لوٹگ ءَ اتکگ آں پُشت پر کُت ئے ءُ شُت
شُت نیم کلاک نہ گوست اَت سنگت ءِ کال اتک ناکو ترا چہ ما اے امیت نہ کشّ اِتگ من گوشت تئی گوشتگینان چہ من ھزار گیش کتگ ءُ داتگ
سنگت ءَ لمبر کٹ کُت واجکار زھر بیت

دومی روچ ءَ سھب ءِ ھپت ءَ مند ءَ چہ کال اتک من گالوار چت کہ کسانی ءِ سنگت پلانی انت ناکو تو
شال ئے من اش کُتگ پمّن چار گرمین شال زمستانی ءُ سے جنینی کیمتی گردچادر دوچی بیار گوں من زرّان ترا ملک ءَ دے آں
من ایشی ءَ چہ چیر نہ دات من گوشت منی پشت کپتگین زرّ اینچُوک انت تئی چیزانی کیمت ھشت ءُ دہ بنت تو منی اکاونٹ ءَ زرّان مان کن من زیر آں ئے
ھساب ءُ کتاب پدءَ ھمود ءَ کن ایں
سنگت..شما اینچوکین دردے نہ ور اِت اولی رند انت من ترا توار جتگ
من گوشت تو راست گوش ئے من ءَ بیست روچ بیت شال ء اتکگ آں ھشت روچ کراچی ءَ بیتگ آں من کہ لوگ ء در اتکگ آں من ء سی ھزار گوں بیتگ
تئی ھیال ءَ من کاہ وارتگ زرّ ھچّ ھرچ نہ بیتگ شگرین کہ من من ھوٹل ءَ نہ داشتگ
گوانکو سنگت ءَبند کُت تاں سے ماہ واجکار زھر بیت
من لوگ ءَ شُت آں وش کُت
مرچگین دور ءَ ھر کس وتی کار گشادی باروا جیڑ ایت ءُ اشتاپ کنت تو مر یے یا زندگ بہ ئے
واجکار ءِ کار کنگی انت کس دومی ءِ دزگٹی ءَ نہ چار ایت ھر کس گوشی ھیّا منی کار
کار کہ بیت پدء سالے ھم ترا کال نہ کنت
اگاں کارءَ گون نہ کپت ئے آ دومیگ ءِ گون نہ کپگ ءِ  سوب ءَ دزگٹّی ءَ دیم ءَ نیار ایت
سر ءَ سُتکگ دیم آرگ ءُ دزگٹّی ءِ سوب ءِ زانگ بلے بمے زھری منی سمج ءَ پگر ءَ ڈن اِنت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:38:49 AM

یاتانی دپتر !

بھر. 21

" اساک ھیروینی "

سلامت بات ئے اساک پُلّ

من اُدار باپتان ءِ وانگ جاہ ءَ وانگ ءَ اِت آں
پنچمی کلاس ءَ مئے استاد موسی نوری ءُ ابراھیم
ملک ءَ چہ واتر بیتگ اِت انت آھایان موسم یے
زانگ ءِ ھاترا کہ سردی ءُ گرمی کجام کساس ءُ کچّینت
ٹمپریچر ءِ یک اوزارے گوں وت گون اَت
ما نہ زانتگ اَت چے ئے
چو ھم نہ زانت کہ گرمی ءُ سردی چون زانگ بیت
من بلوچ.اساک.مجیب ھم درس اِت انت
من دایم چار اِت ھمے اوزار ءِ تہ ءَ شیشگ ءِ سُورین ھون رنگیں نشانی ھمک روچ جھل کیت برزءَ ھچ نہ روت
من گوشت پرچا چوش انت
استاد ءَ گوشت وھدے کہ سور رنگیں جھل ءَ کیت بزان جھل ءِ آھگ سردی ءِ گیشگ بوھگ ءِ نشانی انت اگاں برز شُت
گُرا ٹمپریچر گیش بوھان بیت ءُ موسم گرم بیت
یک روچے کلاس ءَ ھلوت ات
بلوک ءِ باکس من چیروکائی کیسگ ءَ کُتگ ءُ آورتگ اَت من ڈیلے جت ھمے اوزار سورین رنگ چیر ءَ دات من دیست سوریں لکیر تچان انت بُرز ءَ روگ انت
من ٹیل دیر نہ کُت ٹپگّ ءَ شیشگ ترّک اِت
من ھُشک بیت آں کہ استاد گوں آھگ ءَ ھمیشی ءَ چار ایت منی رنگ چہ ترس ءَ بدل اِت
ھُشک ترّ اِت آں سیچینے بجن ترمپے ھون ھم جان ءَ در نئیت
استاد ءَ گوں پترگ ءَ چمّی ھما نیمگ ءَ کُت
دیست یے کہ اوزار ءِ ستیا ناس بیتگ
زھر گپت
من دیست کہ استادے پورو پت یکے ءَ کُتگ
کلاس ءَ کس ءَ پریسگگ نہ کُت
استاد کے ءَ پروشتگ
من وس کن آں کہ بہ گوش آں من
بلے کرینگ ءِ بیار پاد آھگ نہ بیت
اساک پاد اَتک من
من دیست استاد ءَ نِھر کُت گون لٹّان مانی بست ئے
اساک ءِ گریوگ ارش ءَ شُت انت
بلے استاد بسّی نہ زانت
تاں دِیر ءَ استاد سرت ءُ کپت

من شرمندگ بیت آں اساک ءَ وتی سنگت ءِ واست ءَ کُربانی دات
اولی رند ءَ من ءَ سرپدی رس اِت سنگت پہ سنگت ءَ جان دنت
سنگت ھکّین پہ سنگت ءَ تیرانی دیم پان بیت
َ لٹّانی دیم ءَ سینگ ءَ مکّ کنت
ءُ گوش ایت تاں
من زندگ ءَ آں کس منی سنگت ءَ دست جت نہ کنت
ھُدا زانت ءُ منی دل زانت
سی سال ءَ بُرز انت کہ من انگت ءَ اساک ءَ کہ گِندان ھما ترانگان کپ آں
من دل ءَ شرمندگ بہ آں

ناکومُراد



Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:40:19 AM



یاتانی دپتر!

بھر. 22

"پگران شاھِگان کن اِت "

ھر کس کہ وانگ جاہاں وان ایں وانگ جاہ کجام پگر ے بہ بنت ھر کس وتی نودربرانی دماگ ءَ ھما پگر ءَ جاہ دنت کہ آ وانگجاھانی مزاج انت
ھمے سوب ءَ لھتے پگری نادراھی مارا گور جن اَنت
کینک نادراھی .. ھپوگی
ملا ءُ ماسٹری
ھر یک ءِ دومی ءِ پگر ءِ ھلاپ بیت
ملا پگرہن مردم دنیاوی وانگ ءِ ھلاپ وتی دہوان ءُ مجلسان کن انت.
ھمے پیما ملا دومہ ملا کہ گوں آئی ءَ نزہکہ ھست ئے دومی واجہ ئے مزاجانی پرگ انت
دومہ نیمگ ءَ ماسٹر وتی ھم ھیالانی مجلس ءُ دیوان ءَ دینی وانگ ءِ نہ منوک انت آ ایشی یے ھلاپ ء کنت

مرچان لھتت ملاھانی پگر کموک شاھگان تر بیتگ انگریزی وانگ ءِ ھوالہ ءَ
پرچا کہ مدرسہ بورڈ ءَ میٹرک وانگ لازمک کتگ
من وتی ھلک ءَ یک مدرسہ ءِ مستر آں

ُلھتے پگری نادراھی منی دیم ءَ گوستگ
گوش انت کہ
ھپوگ ءَ ھپوگ ءِ سر ءَ زھر کیت

من آدینگ ءِ نماز ءِ وانینگ ءَ روگ ءَ اِت آں
گوانکو اتک من پلانی آں من مدرسھےِ نوک کش اِتگ ءُ بندات کُتگ پمّن چندہ ءِ جار ءَ بہ جن
من گوشت شرّ واجہ
آدینگ چندہ من چونائی ءَ پیسرءَ یکے ءَ لبز داتگ ات

نماز وانیت ءُ چندہ کُت زرّ ھساب کُت انت ءُ دات انت ھمینچو زرّ من چہ وت لبز داتگیں مدرسہ والا ءَ ھم
دات
ھمے واجہ واستءَ کہ من جار جتگ اَت
آئی من لھتے رھل ءُ جُز,سیپارگ کُران ءُ چار ڈانٹ دات

من گوشت دگرے زلورت یے بیت من ءَ بہ گوش
تو شرّیں کارے بندات کُتگ ءُ
یہ نوکین وانگ جاہ ھم منی میتگ ءَ نوک پچ کنگ بیتگ اَت
ما کہ سبارگ ءَ گیش اِت ایں
منی مدرسہ ءِ استاد ءَ من ءَ دیم ءَ کُت ءُ مان بست

کلاکی ءَ گپ جت ئے تو نہ زان ئے دومی مدرسہ پندل کےءَ ساچ اِتگ
من گوشت تئی گپ سجین راست انت من پندل ساچ ءَ ھم زان آں
منی ھم دو گپ انت گوش اِش دار
اولی گپ یہ وانگجابے جوڑ بیتگ ِ ساکی ھانھے نہ انت

دومی مئے میتگ ءِ چُک وان انت منی ءُ آئی مول یک انت چُکان ونت پایدگ منی میتگ ءَ رس ایت منی میتگ ءِ چکانی چم پچ بنت

ہک رندے جلال آباد ھردگی ءَ ماسٹر مھبوب ساب ءَ نودربر پابند کُتگ بیتگ انت
چی راست چی دروگ
آ کہ بیگاہ ءَ مدرسہ روت ءُ وان ایت سھب ءَ وانگجاہ ءَ مئے اِت من آئک ءَ نہ دار آں
یہ گپ یکے ءَاتک ءُ پمّن سر کُت کہ شست گونڈو کہ بیگاھان مدرسہ اتکگ کساس بیست پیداگ انت باکی ماسٹر ءَ مہ کن کتگ انت ءُ گون وت کش اِتگ انت
ماسٹر مدرسھانی دژمن انت روس زھن اِش گوں
آ دین دژمن انت
مزنین گپی ءَ پد من تسّلہ دات ءُ گوشت واجہ ھُدا ھیر کنت
چار روچ ءَ پد ءَ اتک ءُ نُرونڈگ ءَ لگّ اِت توماسٹر ءَ کلوہ روان دات
سرپد کُت
من واجکار سارت کُت ءُ گوشت
بچار تئی گپ راست انت باید ماسٹر چوش مہ کنت

شما یک منٹ ءَ مدرسہ ءُ وانگ جاہ ءِ چُکّان یک کرّ کن
منی جست اش انت بازار ءَ دگہ نہ وانوکیں ءُ یلہ ایں چُک ھست کہ نیست
پسّو ...ھست انت مُچ انت

من گوشت منی مول چکانی وانینگ انت منی دلی ھُبّ ءُ واھگ دینی وانگ نیمگ انت یہ ابرمی واھش ئے
من ھب ءُ واھش ءَ در کُت نہ کن آں
بلے من چہ نہ وانگ ءَ چُکّانی بے زانتی ء
ُ بے زانشتی ءَ
چکانی وانگ ءَ دوست دار آں ترین آ وانگجاہ ءَ برو انت بیوان انت
من یک نیمگ ءَ نودربران زور بدے آں پہ وت بہ کشّ,آں
دومی نیمگ ءَ ماسٹر ساب آھانی سر ءَ اُجّ کنت ءُ پہ وت کش ایت ئے
یہ مئے وت مان وتی جنگ ءَ چکانی وانگ زوال بیت
ءُ چکانی مات ءُ پت سھی بنت کہ ملا ءُ ماسٹر جنگ انت
ما کس ءَ ناراز کُت نہ کن ایں سر گوستگ انت چُک چوشین تالیم ءَ کہ اشان ونتگ انگت ءَ میراس اِش بھر نہ بیت
چُک وانگ ءَ یل بہ کن انت
برو انت پوچان نشہ بہ کن انت
مئے شمئے دل سارت بیت
اشانی ھکّانی جست چہ کے ءَ بیت
اشانی بے تالیمی زمّہ وار کے بیت

آ کہ وانگ ءَ نہ انت
کار ءَ نہ انت
ھچ کسّ ءَ آھانی پگر ءَ نہ کنت
.
پگرانی جنگ

چکانی ناوانندھی انت

یہ ھم راج دوستی گوشگ نہ بیت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:43:46 AM

یاتانی دپتر !

بھر 23

"ھوشاپ ءِ ھوٹل "

یہ گپ ءِ تہ ءَ ھچ شک نیست ھر گپ ءَ ھو کنگ .جی واجہ
واجہ راست گوش ایت
ھزمت کنگ .آئی مھالپانی پسّو دیگ ءَ پد المّی ءَ
ترا آئی ءِ مُزّ رس ایت
مرچگیں راجکاری ءَ ھمے بوھگ انت
ھر کس کہ کُت کنت ئے ء
ُ آئی ءِ تہ ءَ جراسیم ھم جی واجھیءُ ھزمت کنگے بہ بیت
یہ
2003 ءِ گپ انت من ءَ مدرسھانی بورڈ (وفاق المدارس العربیہ پاکستان)چکاسانی گرگ ءِ ڈبّہ دیگ بوت
من ءَ پنجگور ءَ دیم اِش دات
ھپتگ ءِ چکاسانی وھد اَت من چکاس گپت انت
ءُ چکاسانی پیپر ٹی سی ایس کُت انت ء
ُ ملتان ءَ دیم دات انت
ھمے روچ ءَ واجہ مولانا مھمد ھان شیرانی ساب اتکگ ات پنجگور سنٹرل کمیٹی ءَ تران کُتگ اِت ئے
من سھب ءَ آدینگ ءِ گاڑی ءَ پہ وت سیٹے گپتگ ات
من ءَ واجہ ڈاکٹر ازمایل بلیدی ءَ گوشت
ناکو تو گوں ما بیا گوں من ایوک ءَ آں
باندات ھشت ءَ تربت ءَ واجہ شیرانی روگ ءِ وھد انت
من بالی ٹکٹ گپتگ پنجگور ءَ دو روچ بالی نیست
من گوشت شر
من ءَ شر یات انت ما مگرب ءَ پد چہ پنجگور در اتک ایں
دیم سیٹ ءَ واجہ شیرانی ساب بیت
پُشت ءِ سیٹ ءَ من ءُ ڈاکٹر نشت ایں
سے نودربر گوں ما ھم اتک انت گوں
پُشت ءَ ڈبل ڈور گاڑی ءَ سوار بیت انت
مولابکش بالگتر ءَ ایر اتک کہ بالگتری ات
پنجگور ءَ وانگ ءَ ات
مسلم ءُ ابد الھک مھم زئی زامران ءَ نشتگ ات انت اتااللہ مھم زئی یے یکے برات ات ءُ دومی ناکو زتک
ھیر گاڑی رواں گپت
تاں دیر ءَ
َ گاڑی ءَ ھوشاپ ءِ ھوٹل ءَ داشت کہ نماز وانگی اَت
دم کنگی ات چاہ ءُ آپ کنگی اَت
تگرد پچ اِت انت
ما ایر کپت ایں ءُ تگردانی سر ءَ نشت ءُ کمو پاد تچک کُت انت
واجہ شیرانی ھم اتک ھمے تگرد ءِ سر ءَ نشت
نودربر گوں ایر کپگ ءَ آپ دستی ءَ شُت اَنت
انچو کہ واجہ شیرانی ءَ پاد شھار دات انت
من دیست ڈاکٹر ساپ گُوشاد گوشاد ءَ پاد اتک ءَ واجہ شیرانی پادانی پرنچگ ءَ لگّ اِت
واجہ ءَ کمو منی نیمگ ء نیم چمَّ چار اِت
ناں ناں ڈاکٹر ساب توار من اش کُت
دیم من دگے نیمگی ءَ کُت ءُ وت ءَ کرّ کُت
ھدائی من کمرزانی بستگ ات
من چوشین کاران نزور آں ھُدا بزان
منی تہ ءَ اے جراسیم جی واجھی نیست انت
منی مزاجی رودش ھم جی جی واست ءَ نہ بیتگ
واجہ ھدا بھتر بزانت
تاں دیر ءَ پد مسلم اتک ڈاکٹر ءَ توار جت بیاکموک واجہ ءِ پادان پرنچ
مسلم واجہ ءِ پادانی پرنچگ ءَ لگّ اِت
ھیر من آ وھد ءَ پاد پرنچی یے سوب ءَ شر پوہ نہ بیت آں
بلے پد ءَ چیزے وھد ءَ پد کمو مجگ کہ کار کنگ ءَ لگ اِت نی من زانت پادانی پرنچک یک ھکمتے بیتگ ءُ یہ پادانی پرنچک بے مُزّ نہ اِنت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:45:58 AM

یاتانی دپتر!

بھر 24

" گُوران ءِ کنڈگ "

مزنین ائید ءَ سے روچ پشت کپتگ اَت ما (سیپی.انکلابی.اُمرمندر.آدم گواک. من)پرس نامہ یے ءَ پنجگور ءَ شُت ایں
سواری مئے البیلہ پُٹوھار گاڑی اَت
روگ ءِ وھد ءَ مئے گاڑی ٹاھر در اتک سیپی ءَ گوشت مئے گاڑی ءِِ ٹاھر چہ ما پیش کپتگ بہ گر اِت ئے
نٹ ءُ بولٹ ما اڑ دات انت ءُ تاں وھدی ءَ ما پنجگور ءَ سر بیت ایں سھب ءَ ما گاڑی سٹ کنگ ءَ دات ءُ وت
سنگتے زُرت ءُ پرس نامہ شُت ایں ءُ پرس نامہ کُت

سبارگ ءَ پد واتر بیت ایں دیم پہ کیچ
بھشتیں رھیم جان ڈیک دات ءُ یہ ڈیک ورگ ھم آھری ات چیزے روچ ءَ پد مگرب ءِ نماز ءَ رند رھیم جان ھم جنگ
بیت
واجہ وتی بیکری ءَ لھتے کیک ءُ آپ ءُ پیسی مارا
دات کہ سپر شمئے دیر ایں کشک ءَ زلورت بنت
واجہ اجازت کُت ءُ رھادگ بیت ایں
گپ جنان ءُ تاں ما گوران کنڈگ ءَ سر بیت ایں
ایر کپی ءَ من دیست گاڑی دو دست ایں
من بریک جت بریک کار نہ کنت
دستی بریک کش اِت
گیر یک ءَ کُت
بریک پمپ دات
کمک گیر جت
گاڑی دارگ نہ بیت
من سنگت ھال دات انت کہ گاڑی بریک کار ءَ نہ انت
من چار ات کہ یک نیمگ ءَ دہ سر ءِ کنڈ انت ءُ شیپ
دومی نیمگ کوہ انت
من گوشت وتارا سنبال ات من گاڑی ءَ کوہ ءَ جن آں
انکلابی ءَ گوشت بہ جن ئے
آدگران تُکگ نہ کُت
من گاڑی کوہ ءَ جت گاڑی مردمے سرے کد ءَ سٹ کنگ ءَ پد لیٹ ات ءُ پد ءَ دگے لیٹے وارتے
چاریں ٹاھر بُرز ءَ بیت انت ئے
اگاں دگہ لیٹے بہ واتیں یے
گڑا ما کنڈ ءُ شیپ ءِ تہ ءَ ات ایں
من چی شیشگ جاہ ءَ ءَ در اتک آں
اول ءَ انجن چار ات کہ وایران شاٹ نہ کتگ ءُ
بُن نہ گرگ ءَ انت پیٹرول ریچگان انت گاڑی بُن مہ گیپت
پدء سنگت توار جت انت ھیر انت شمارا ھچ نہ بیتگ
سنگتان پسّو دات ما سلامت ایں
من گوشت گڑا آھستو آھستو در بیا اِت سیپی در اتگ پدءَ
یک یک ءَ
اُمر مندر
انکلابی
آدم گواکی در اتک انت
سیپی ءَ در آھگ ءِ وھد ءَ ھیال نہ کُت تیزین شیرّی ءَ دست بُرّ ات
ھونین بیت
کنڈگ ءَ لھتے بس والا ءُ ٹرک والا نشتگ ات انت مئے گاڑی کپگ ءَ تچان ءُ وت ءَ سر اش کُرت
گوں سر بوھگ ءَ یکی ءَ گوشت واجھان شمانند ات
شمے ھون گرم انت درد دور انّو شمارا سما نہ بنت
تاں ھون سارت مہ بیت
گاڑی اش تچک کُت
آئیل اِش مان کت گاڑی سلپ جت ئے اسٹارٹ بیت
ما سوار بیت ایں دیم پہ کیچ ءَ روگ ءَ لگّ ات ایں
من چارگ ءَ آں کہ سیپی چیزے شوھاز انت
ھاں سیپی
سیپی ناکویار تئی کاران چار بیکری ءِ کیک ءِ بلوک تو بند کتگ
سجین کیک بُریتگ
من پسّو دات ترا کیک ءِ پگر انت
مکران مرچی پُرسیگ بیتگ ات کہ پنچ ملا یکجا
واجہ ھُدا ءَ وتی مال بہ کُتیں
شگر ءَ گر ھیرات کن نیکبھت
گوش ایت ناکو اے کیک من ءَ سک وش بیت

ھیر گوران ءِ رسگ ءَ پد ھوشاپ دارگ ءُ دومی نیم روچ ءَ تربت ءِ سر بوھگ ءِ داستان باز انت آھاں یل کن

بلے من ھمے مار ات
سنگتانی ھوش ءِ یکجا بوھگ چوشین وھدان
سک کار مند بیت
وھد ءِ سر ءِ پیسلہ ءَ مارا مزنین ویل ءُ آپتی ءَ رکّ انت
یہ واجہ ھُدائے وتی شان اَت
دومی اچ ما یک ردی یے یہ بیت کہ وش نیوز ما سرپد کُت
آئی ءَ گاڑی کلٹی بوھگ ءِ ھال شنگ کُت
لوگ ءِ مردم پریشان بیت انت
ما کس ءَ ھم وتی لوگ ءَ کال نہ کُت ءُ ھال ھم نہ دات
مئےارادہ ات کہ دوازدہ ءَ کیچ ءَ سر بہ ایں
گُڈّی پشیمانی درد نہ وارت
ما نکردیم شماحضر بہ کنی

چوشین وھدان وتی ھوش ءُ پگران یک جاہ کن ات
پگرانی یک جاھی ترا ردی کنگ ءَ نیل ایت
ءُ چہ مزنین نُکسان ءَ رکّیں ایت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:46:56 AM

یاتانی دپتر !

بھر 25

" ساہ دوست اِنت "

شش ماھی چکاس بوھگ اِت انت من ءَ کیپی ءَ گوشت ناکو تو تماشہ کُت من گوشت چوں
گوشی مرچیگین چکاس واجہ نھمت اللہ کرّ ءَ انت
تو زان یے کہ ِ آ میدانی دژمن انت من ء جُستی کُتگ
کئے ملک ءَ روگ انت
من تئی نام داتگ
من واجہ ڈیک دات وتی ملک ءِ روگ ءِ شور دیم ءَ ایر کُت
گپ اِش اَت تاں واجہ چُٹّیانی واست ءَ تپاک مہ کنت
سے روچ ءَ گیش چُٹّی نہ رس ایت
من تپاکی لیٹر گپت دہ روچ چُٹّی رس اِت منی مید ھم رکّ اِت انت چہ تراشگ ءُ کُوٹّ کنگ ءَ
ملاجان ءَ ٹکٹ کُت چہ جھاو آواران ڈنڈار کشک ءَ دیم پہ سلتنت مند شریپ ءَ
بلے گریب شاہ بسانی جاہ ءَ چورو چورو اَت مرچان دُزّ بسان پُلگ ءَ انت
ھیر ما سوار بیت ایں
بیلہ ءَ شام کُت دو لیویز مئے بس ءَ آواران ڈسٹرک ءِ بنداتی چوکی ءَ سوار بیت
بزان اے دیم آ دیم بسان دو دو لیویز سوار کن انت کہ دُزّ بسان مہ پُول انت بلوچستان ءَ آ دگہ نیمگ ءَ کانوائے(جیکب آباد تا جھل مگسی) جوڑ بیت
ھیر ما کہ لک کنڈگ ءَ کہ ایر کپت ایں دیمتر ءَ چار بس
دُزّان داشتگ اِت انت بسان پولگ ءَ اِت انت
مئے بس ءَ چہ ھمے لیویزان یکے ءَ تپنک کاک کُت پہ ھیلّت بلائے تپنگ کاک بیت
آئی دو تیر آس دات
دُزّان آ بس یل دات انت دیم اش مئے بس ءِ نیمگ ءَ کُت
تیرانی توار چُٹّ اِت انت
اناگت ءَ تیر یے مئے بس ءِ کانچ ےَ لگّ اِت
لیویز ءَ توار پر دات مردمان سنبال کن اِت
سنبالی گپ کہ منی گوشان کپت
منی رم ءَ کار نہ کُت
من پردگ جھل کُت
کہ پیسر ءَ من پردگ بُرز کتگ ات
تاں دیر ءَ بس رھادگ بوت انت
مئے بس ءَ منی دیم سیٹ ءَ کماشی ءَ تیر وارت
ءُ یک لیویزے ءَ ھم

من وھدے کہ پردگ ءِ جھل کنگ ءِ ترانگ ءَ کپ آں
من ءَ وتی ساہ دوستی ءُ نادانی یات کا انت
مرچیگین وھد ءَ دُزّ بدل بیتگ انت
بلے اناگتی ءَ چوشین جاور سک پیش کیت
مردم وتی پھازگ ءِ وڑ پیم ءَ باید بہ زانت
آئی ءَ چی کنگی انت زمانگ ءَ سک دیمروئی
کتگ
زمانگ ءِ لوٹ ءِ ھساب ءَ مردم چیزے سرپدی
لازم بہ زیر ایت

ءُ منی روچ پشت کپتگ بیتگ انت .
پردگانی جھل کنگ یا چمّانی بند کنگ
رکّینگ ءِ ھکمت املی گوشگ نہ بیت
بابُلان

ناکومُراد


Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:49:09 AM

یاتانی دپتر!

بھر 26

" ایل جی موبایل "

لھتے مردم ءِ تہ ءَ بدیں ھیل ھست آ ھر کس ءَ ھمے شایم ءَ تور اَنت .چوشین مردمان گستا بوھگ پہ ھرکس ءَ بھتریں گام ئے
مگرب ءَ پد واجھی ءَ کال کت کہ پمّن ایل جی ماڈل190موبایلے. برو
انّی بزیر ءُ کسر ناز ءَ سر کن ئے
بانداتگیں بالی ءَ منی برات پیداگ انت
کیمت 9200کلدار انت ئے
تئی زرّان یک دو روچ ءَ گون کنان
من کازی شاھوانی زُرت ءُ پرپٹے پچ گپت
ھور ھم کم کم بوھگ انت دیم پہ موبایل مارکیٹ ءَ
موبایل زُرت ءُ کسرناز ءَ سر بیت ایں
واجہ ءِ برات ھال گیپت
کاونٹر والا ءَ گوشت واجہ نیاتکگ آئی دایم آھگءَ پیش ھال دنت ءُ کیت کہ پمّن کمرہ یے ھالیگ کن اِت
من کاونٹر والا گوشت بیا کہ آئی ءِ برات ء گوشتگ کہ برات اتکگ ءُ کسرناز ءَ داشتگ ئے
کاونٹر والا ءَ پسّو دات دنیگ ءَ سر نہ بیتگ
من واجہ کال کُت کہ موبایل ما زرتگ بلے تئی برات کسرناز ءَ نہ ایں
واجہ.. شما انگت ءَ موبایل نہ زرتگ چوشین دروگ مہ بند اِت ءُ مپتین بھانہ مہ کن اِت
منی دماگ ءِ واشر ترّ ات انت
من گوشت ترا ھزار شاباش انت شما وت انچوشین کار بازکتگ دگرانیِ سر ءَ اوست نہ کن اِت
من گوشت بیا تارک ءَ گپ جن مئے دروگ ءِ بُن انّی ٹُنگ بیت
من کاونٹر ءَ تارک گپ پر مات
تارک ءَ گوشت ناکو اتکگ تئی برات ءِ جُست ءَ انت
موبایلے گون انت ئے
تارک ءَ من ءَ گوشت واجکار ءَ گپ کن

من واجہ گوشت تئی موبایل من تارک ءِ ھوالہ داتگ
دومی گپ ءَ شر گوش دار
مرچیگ ءَ پَد ترا اگان زانگ ھست
من ءَ پہ کار ءِ واست ءَ دوبارگ کال نہ کن ئے
مرچیگ ءَ پد تو جواب ئے
تئی بے باوری ءِ ھدّ ھم تمام انت
وام کن ھور ءُ ھرّگ مچار
چیز ءَ سر کن
انگت ءَ ترا باور نہ بیت
ءُ مردم دروگ بند کن ئے
مردم ءَ وت لجّ کنت
تو وت ءَ بچار ترا ھمے گپّانی جنگ کموک
ھم لجّ نہ بیت
کار ءِ ھوالہ ءَ منی تئی آھری کال انت
بلے بے تامیں مردم مر ایت
وتی ھیلان یل نہ کنت

چار روچ ءَپَد دوبارگ کال کُت ئے
لالو کیٹ ءَ دروازگ والا گورا
منی اے کار ءَ بہ کن
من گوشت تو ھما مرد نہ ئے
ترا من ھما روچ ءَ وتی گپ جتگ
من کال بند کُت
دیر نہ گوست چار آن کہ سیپی ءِ کال اتک
ناکو پمّنیگی واجھے کار ءَ بہ کن
من گوشت سیپی ترا وتی سنگتی ءِ رگّ بُرّگی انت
گڑا تچک ءَ بہ گوش
من واجکار ءِ کاران نہ کن آں ترا واجکار ءَ جواب انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:50:45 AM

یاتانی دپتر !

بھر 27

" گلام جان "

مھاجر کیمپ ءَ ناسرآبادی باز اتک ءُ شُت
یکے چہ ھمایان گلام جان اَت
گیشتر گوں ما نند ءُ نھادی کُت
کیچ ءَ کہ توپان اتک
پہ اشانی کمک ءَ
ما لھتے سنگتان شور کُت ءُ کیمپ جت
دومی روچ ءَ کساس ھپت
پیکپ ءُ شھزور ءِ سامان تیار بیت
ما سامان زرت انت ءُ پہ بھر بانگ ءَ شُت ایں
من گوں وت دوگاڑی زرت سامان ناسرآباد ءَ بھر کُت انت
من جھد کُت کہ کجام جاہ ءَ زلورت مند گیشتر انت
ھمود ءَ سامانان بھر بہ کن ایں
سامان ما بھر کنگ ءَ پر مات انت
من دیمترءَ شُت آں لھتے ڈک داتگین کُڈانی دپ ءَ داشت
پرریچوکائی بندات بیت
من سامانی ترتیب دیگ ءَ گاڑی سر ءَ اوشتاگ اِت آں
منی چم گلام جان ءَ کپت انت کُڈگ ءِ تہ ءَ نشتگ
ننوک ءَ گشّا دپ ءَ داتگ ءُ شاڑینگ انت ئے
گمانی آزمان سرء کپتگ ئے
من ءَ جاہ آرگ ءَ نہ انت

تواری پر دات واجہ ملا
مارا دو روچ ءِ راشن ھست پریچوکان یل کن کہ مارا سھبی کپّڑے سامان وردنی یک مسلمانی ءَ داتگ
آ آ دستی شھار دات
وانگجاہ ءَ برو اِت
آ مردمان ھچ کس ءَ دنیگ ءَ ھچ سامان نہ داتگ
من ھم مُردنی نہ زان آں کہ آھانی ھال چی نت
.آ موجر انت
آھان چو مئے پیما ڈن در آھگ لجّ کنت
پچ گپت نہ کن انت
آگان وتی ھستی وھد ءَ آرت ءُ شکر مردمان داتگ
جنینان کوکار کُت
گلامک ترا مرگ بات
مئے دست ءِ سامانان ھود ءَ روان دے ئے

من اے جاورانی تہ ءَ گلام جان ءِ دومی ھمساھگ ءِ پگر
سروٹ کُت .کہ دیمی گرچگ گمانی ھساب نہ بنت
دیم تھار انت
بلے مردم گری .ھمساھگی.راجی .
ھم میتگی ھوشی بروبر انت
من دل ءَ جیڑ اِت کہ ھر وھد ء
بزان وشّی ءُ گِرانی ءِ ساھت ءَ
بلوچ
یہ پگر ءِ واھوند بہ بیت
جھان ءِ ھچ تاکت
بلوچ ءِ بلوچ گیری ءَ
نُکسان دات نہ کنت
ھمے پگر مئے
کینگان سوھان کنت
ءُ مارا تپاک کنت
بلوچ کہ تپاک بیت
گڑا گلام نہ بیت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 10:51:34 AM

یاتانی دپتر !

بھر 28

"مُشوکی واجہ "

سپر ءَ مردم باز در بارت من سپرانی تہ ءَ باز چیز در برتگ
من ءُ واجہے شال ءِ سپر ءَ ھمراہ اِت انت
ما دایم ایوک ءَ پہ وت کمرہ گیپت پرچا کہ سپر ءَ لھتے سنگت سگگ نہ بیت آئی شیڈول ترا نیگوم کن انت
یا تئی دزگٹّی آئی ءَ
من ءَ واجہ ءَ ادار یازدہ ءَ پَد گوشت ناکو شپ ءَ بے وھد ءَ مھمانےپیداگ انت اُجّی کُتگ من شمئے گورا کا آں
امیت انت آئی مئے واب ءَ ھراب کنت
من گوشت تو من ءَ پیسر تر ھال بہ دات ایں من پہ
وت کمرہے بندوبست کُتگ اَت
مھمان ءَ جھل واپینگ ھم شرّ نہ انت
من جھل ءَ بہ وپس آں مھمان باریں چونین ئے پہ آپ
دست ءَ برو ءُ بئیت آئی اے روگ ءُ آھگان منی واب ءِ
ستیا ناس بیت
شپ ءِ چار ءَ مھمان اتک
مھمان کماشی اَت آ ھم موشوکی کماش ئے
گپ منی بیت من واب اِت آں
من توار اش کُت آ تووو
بزان نیکبھت ءَ وتی لوگ کُتگ ات ءُ
موشوکی تُکّے جت ئے
من کہ جھل ءَ وپتگ اِت آں
تُکّ پدءَ موشوکی من ءَ لگّ اِت انت
مرد کماش پدء مھمان ھچ گوشگ نہ بیت

نی من ءَ کُج ءَ واب کیت
من پاد اتک آں جان شُشت پریش بیت آں

سھب ءَ من گوشت واجکار من شُت آں پہ
وت دگہ کمرہے گر آں

سپر ءَ لھتے مردم دگہ کمرہ پہ وت گیپت
بازین سنگت بد بارت یا بد بر انت
بلے مردم شر سرپد بہ بنت کہ بازینانی وتی
لھتے ھیل انت آ گوں دومیگ ھمراھی ءَ بیت
نہ کن انت ایشی ءَ کس دلگران مہ بیت
گُرّگ وابو پاد آھگی لائیٹ اون کنگ
ءُ دگہ ھزاراں

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:18:30 PM

یاتانی دپتر!

بھر 29

" چٹّیگ "

ما تربت ءَ اِت ایں شور کُت پنجگور ءَ روئیں
دیر انت کہ سنگت نہ دیستگ انت .
روگ ءِ شور بوھگ ات یکے ءَ گوشت من ھم گوں
شما کاھاں گوں
دیر انت کہ من پنجگور نہ دیستگ
من گوشت واجکار کلاکے پیسر ءَ تو گوشتگ ات
کہ من مند ءَ رواں
واجکار.شما سنگت روگ ءَ اِت سپر وش بیت
گاڑی ءَ سیٹ ھم ھالیگیں ھست
گوں یہ گپ ءَ منی ءُ سیپی ءُ انکلابی سپر ءِ موشن
ڈاؤں بیت
پرچا کہ یہ انچین کوشے کہ پاد ءَ ھچ پٹ ھم نہ بیت
چد پیسر شپ یازدہ ءَ ملاپازل چوک ءَ زھر کتگ ات ئے
کہ من بے ھلواہ ءَ مند ءَ نہ رواں
وھدے کہ پسیل ءَ شُت ما شور کُت کہ
واجکار ڈاج دئیگی ایں انچیں ڈاج کہ سری توار بہ کنت
دیمتر ءَ مئے جان ھم چہ ایشی ءَ چُٹّ ایت
پلان جوڑ بیت
پرچا کہ چٹّیگ بے دردین سر ءَ درد دنت
آئی چُک مزاجی ءُ بے سرین بازار گردگ
ءُ دومی گپ گپ ءِ تہ ءَ دور کنگ
ءُ چار سنگت ءَ یک منٹ ءَ ایوک یل نہ دئیگ
چٹّیگ ءِ مزنین ائیب اِت انت
کہ ما دیستگ ات انت
ما کہ شپ ءَ دیوان کن ایں سھب ءَ ملاء بانگ دنت
مئے گپ ھلاس نہ بنت
بلے دو روچ بیت چٹّیگ ءَ مارا پونزءَ رس اینتگ ات
مئے دیوان ھم نہ بیتگ ات
ھیر سھبءَ ما ارزبند کُت
تربت بازار ءَ شُت ایں
پلان ءُ شور ءِ متابک من سیپی ء
ُ انکلابی چوک سرء ایر کُت انت
کہ ما گاڑی ءَ کمو سٹ کن ایں
شما وتی کاران گیش ایں ات
کمو دیمتر ءَگاڑی تیل مان کُت
من یک جاھے داشت
واجکار تو پکوڑا سموسہ بزیر
کہ سپرءَ مردم شودیگ بیت
واجکار. آرن بجن بچک کار ایت ئے
من گوشت تو کمو ایر بیا برو پکوڑا ءُ سمسوران بزیر
من روان تاں سیپی ءُ انکلابی ءَ کار آں
سپر دیر انت مارا دیر مہ بیت
پہ ھزار مسیبت واجکار ایر اتک
من سیپی ءُ انکلابی زُرت انت
شُت کنے برو

جھان ءَ چٹّیگ باز انت
چٹّیگان وت ءَ کار ءُ دند ءَ نیست
دگرانی دلسیاہ کنگ ءَ ابیت
چٹّیگ زانت ءِ ھوالہ ءَ نزور انت
آ گپ ءَ دل ھم کن انت
بلے وت ءَ دلریش کنگ ءَ سپر ءَ ناوش کنگ ءَ
بھتر انت کہ
چٹّیگ ڈاج دیگ بہ بنت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:19:32 PM

یاتانی دپتر!

بھر 30

" زند ءِ وشترین واب "

امریکہ ءَ اپگانستان ءِ سر ءَ اُروش کُتگ ات
9جون2000 مئے پارٹی ءَ جار جت کہ زھرشانی بہ کن ات بازار ءُ کار ءُ بار بند کنگی انت .جے ٹی آئی سنگت لوٹائینگ بیت انت
ما چار ٹولی ءَ بھر ءُ بانگ بیت ایں سجین روچ ٹائر مُچ کُت لھتے ٹاٰیر چم ءِ چیر ءَ کُت انت
شپ ءَ سوزکی یے گپت ءُ ساجد ایوبی تلال کچکی ءُ گبول گوش انت پلان پلان جاہ ءَ اشان بر ات
من ءُ سیپی ءَ ھم ٹایر کیچ کور ءِ پُل نیمگ ءَ
سے جاہ بھر کُت انت ءُ چیر دات انت واتری ءَ
کازی ایسّی ءِ پرپٹ پچ گیپت شپ ءِ چار ءَ مدرسہ یَ سر بیت ایں
پنچ دہ ءَ پاد اتک انت ءُ دیم پہ جوسک ءَ
وھدے کہ
ما جوسک ءَ سر بیت ایں پلیس گاڑی روگ ات
ما لھتے سنگ پیسرءَ رود بند کنگ ءِ واست ءَ
ایرکتگ ات ءُ لھتے لنش ءُ پتار
اے سجین پلیس ءَ دیر کتگ ات انت
ءُ پلیس ھمے سرپد بیتگ ات
کہ ھرتال والا آں کہ اے کتگ انت آ شتگ انت
ما کہ نماز ونت ءُ شُت ایں سنگ ایر کنگ ءَ لگ ات ایں
پولیس والا یے کار ءَ روگ ات
سیپی ءَ گوشت کہ ایلّت کن کہ یہ روت ھال دنت
ما اشتاپ اشتاپ ءَ ریگلین ءِ ٹائیر دو جاہ ءَ تیل جت انت ءُبُن دات انت
کیچ ءِ پول ءَ پلیس گاڑی پیداگ ات
گاڑی مئے دیم ء جت ئے
شما کج ءَ پیداگ ات مسیت ءَ
شماآس روک کتگ انت
من .نان ما سھی نہ ایں
پلیس والا گوشی شما روک کتگ
من گوشت بیار پلیس والا ءَ
ڈی ایس پی سوار اش کن ات
مارا سوار اش کُت برت اش تھانہ ءَ
مھرر نجیب ءَ مئے کیسگ پٹ ات انت
سیپی کیسگ ءَ باکس مان ات ءُ ھمے تیلانی اسپیتین نشان ھم زاھر ات انت
بلے نجیب مارا پجروکی ھست ات
آئی گوشت
سر کچھ بھی نھیں
ڈی ایس پی بند کرو حوالات میں
ھیر ما ھیروئینی ءِ گورا بند کنگ بیت ایں ءُ کمبلے ھست ات سکّ ءَ بو کُت ئے
من اے نہ زرت وتی چبّو سر ءِ چیر ءَ کُت انت ءُ واب کپت آں
اے زندء وشترین وابان چہ یکی ات
یازدہ نیم ءَ یکے ءَ مارا ناولّ ات پادا ات شمارا لوٹگ ءَ انت
ما دیست مپتی مکران انت
بزان مئے گرگ ءِ ھال یکے ءَ مپتی ءَ دات
مپتی ءَ بازار ءُ دمکان مان ترّ ات لھتے گونڈو
سد سد کلدار دات انت ٹولی بناین انت
کہ آکوتان ءُ کچرایان بُن بدے انت
چار بازار ءِ آکوت کہ بن دیگ بیت انت
تربت دووتان لاڑور کُت
ڈنّ ءِ گاڑیان چم جت بازار بن انت
پلیس ھم پریشان ملک بن انت
موبایل نیست دور نہ ات
پلیس ءَ مپتی رھوت کُت
مپتی ءَ گوشت تو دو مزنین ملا گپتگ
اشانی مرید ءُ منوگر تربت ءَ بن مدے انت شرّ انت
ڈی ایس پی من نزانتگ سوری
واجہ گڑا بیا واجھان بر
ھمش ات کہ مپتی مٰے برگ ءَ اتکگ ات
مئے در آھگ ءَ پد ھال اتک ڈاکٹر ازمایل گرگ بیتگ

ناکو مُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:20:18 PM

یاتانی دپتر!

بھر 31

" کسانی ءِ ھیل "

لھتے چُک کسانی ءَ لوگ ءَ لھتے ھیل زیر انت
مزن بنت بلے یہ ھیل اش گون انت ئے
مارا سنگتے ھست انت
یک روچے مئے دیوان گرم ات گپ ءُ رپ ات
گپ گپ ءَ سنگتی ءَ ھمے سنگت مشکرائی ءَ گپّے گوشت
واجکار پاد اتک چیزّ کورّات انت ئے
چاے ترماس دیوال ءَ جت ئے
آپی گلاس دروازگ ءِ نیمگ ءَ شانک دات انت ئے
چاھی کوپ شنگ ءُ شانگ کُت انت ئے
تاک ءُ دروازگ لگت ءُ ٹونسان مانی بست انت
پورو جنّ ءَ گپت
نوکین دو مھمان نشتگ ات انت آھانی ساہ شُت
ترس ءَ گپّی نہ بیت انت
بزان یہ ھیل ءُ آدت واجکار ءَ لوگ ءَ چہ کسانی ءَ گون انت
چاہ دیر ءَ رس اتگ ئے ترماسی پروشتگ انت ئے
ھیر یک شپے من ھشت چوک ءَ کُنّت کُت
لٹّی زورت پہ منی جنگ ءَ
من گیلری ءَ شُت آں دروزاگ پشت ءَ کَنڈّی کُت
کنڈّی گنگ ءَ پد آئی ء موہ نہ رس ات
من ءَ بہ جنت
بلے آئی ءَ چار کلاک من ءَ گیلری ءَ بند کُت
مزاکرات کت دروازگ ءَ پچ نہ کنت
انکلاپی ءَ مزنین منّت کُت ھرامین گپ بہ کنت
من جیڑ ات کہ لٹّ تپنگ ھر کسی دست ءَ بیت
آ مزاکرات باز کم کن انت
یہ تاکت انت کہ مردم ءَ مگرور کنت
آھر چم ءُ دو چمّ ءَ انکلابی ءَ دروازگ پچ کُت
ءُ واجکار لٹّی پچ گپت
تاں من سر بیت آں
من ءُ انکلابی ءَ الکاپین ردے لٹ گیپت
توبہ دپ ءَ دات
کوکروو کُت ئے نی ما یل دات

ھما سنگت انت کہ آئی ترماس پروشگ
گپ گپ سر ءَ گرم بوھگ یل داتگ یہ ھیل
شُتگ ءُ ھلاس بیتگ ئے
من گوشت کاش کہ ترا اے ریچکارین
لٹ تئی کماش ءَ کسانی ءَ بہ گپت ایں
تو سیدا بیتگ ات ئے
اینچو ترماس ھم تو نہ پروشتگ ات
ءُ تئی اے مزاج ءَ ھم ترا لھتے نوکیں مردمانی
دیم ءَ کسان نہ کتگ ات ءُ
تئی اے کد ءُ بالاد کسان نہ بیتگ اَت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:21:20 PM


یاتانی دپتر!بھر 32

" نھیم .مکبول کوچانی ڈرائیور "

پنجگور ءَ ما ٹکٹ کُت دیم پہ شال
من ءُ ھاپز ازم ھمراہ ات ایں
دیمتر ءَ ابد الھمید سوار بیت
ابد الھمید ءِ دو ھیل ات انت باز ھبری کہ سنگتان
نام جرّو کُتگ ات دومی سگریٹ ءِ سر ءَ سگریٹ
گشّگ
وھدے کہ مئے کوچ ءِ ڈرائیور ءَ دیست کہ النھیم
کوچ مارا رس اینگ ءَ انت
ڈرائیور ءَ پاد ریس ءِ گُٹّ ءَ دات نی ڈرائیور ءَ کے
دار ایت برے اے کوچ ءُ برے آ کوچ
دیم ءَ اِنت
جرّو ءَ دپ پچ لکُوشت کہ چوش مہ کن اِت
بلّ یے کہ آ روت
بلے ڈرائیور گوشگ ءَ لگّ اِت نان چوش نہ بیت
امّے ڈرائیوری سر ءَ لنکُوک چست بیت
ھمے وھد ءَ یک گونڈوے پِت ءَ گوں اَت واجکار گاڑی ء
َ بہ دار کہ چُک کسانین پیشاپے کنت
ڈرائیور ءَ گوشت گاڑی سوراب ءَ ابّا دار ایت چِد پیش داروکائی نیست
کلینڈران گونڈو دوئیں دست گپت انت ءُ داشت
دروازگ ڈرائیور ءَ پچ کُت
پت ءَ گوشت بچک ٹینکی ءَ ھالیگ کن
کہ واجہ ءِ پوست پُرّ انت بریک نہ جنت
بزگ ءَ پہ تُرس پیشاپ اوشتوکائی کُت
ھمید جرّو ءَ من ءَ گوشت
نھیم کوچ ءُ مکبول کوچ یک دومیگ ءِ گوزوکائی مکابلہ
من ءَ پگری ءَ دور دات
اشان وتی ڈرائیوری نام زندگ کنگی انت
اشان پسینجرانی پگر نیست
آھانی ھال چے انت لھتے ترس ءَ ساہ کشگ ءَ نہ انت
لھتے وسیایا کنگ ایں نادراھان درد ءُ دور بیھال کتگ انت
دلش لاپ ءَ نہ انت
ھُدا مہ کنت اگاں بس کلٹی بہ بیت اشان ھچ پروا نیست نکسان مالک ءَ بیت
پسینجران بیت
اشانی مکابلہ من ءَ ھاپز ءُ واجہ ءِ سیاسی مکابلہ
ترانگان گیج ایت
مکبول کوچ ھاپز ازم انت
نھیم کوچ ملا رھمت اللہ انت
اے دوئیں واجھان وتی نام دیم ء آرگی انت
برے اے امیر انت برے آ امیر انت
اشانی امیری چکر ءَ کارکن سران ھولّ انت
راہ اش گار انت ءُ گار اش کُتگ
انچوش کہ یہ پسینجر دیمتر ءَ پیسلہ کت نہ کن انت
کہ کجام گاڑی ءَ دوبارگ سپر بہ کن ایں

من گوشت راست گوش ئے واجہ جرّو ساب
ھر گل ءَ
ھر جنز ءَ
ھر پاٹی ءَ
کہ سروک دو بہ بنت
اشانی بسات ھمے کوچانی مکابلہ انت
آھان وتی نامے پگر انت
ادء پسینجرانی زند ءِ سوال انت
گلانی
.جنزانی
.پاٹیانی
تہ ءَ راج ءِ باندات ءِ سوال انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:22:12 PM

یاتانی دپتر!

بھر33

" جھاو ھوٹل "

ما کراچی ءَ وانگ ات ایں چکاس بیتگ اِت انت
مدرسہ ءِ چُٹّی اِت انت من سیپی ءُ انکلابی ءَ ٹکٹ کُت
دیم پہ ملک ءَ
انکلابی ءَ گوادر روگی ات بلے کشک ھمش ات
بزان بیلہ جھاو آواران ڈنڈار گیشکور کیچ پدءَ گوادر
کوچ ادار دو ءَ چہ گریب شاہ ءَ در اتک
شام ما بیلہ ءَ کُت
ھور ءُ ارّگاں راہ ھراب کتگ اِت انت
جھاو کور ھار ات
کوچ ءَ داشت کہ آپ زانگ نہ بیت
سھب ءَ کسمتے بیت گاڑی ءَ دور دے آں
سھب ءَ نماز کہ ونت ما ھوٹل والا توار جت
کہ ارزبند کنگی انت چی ھست
من گوشت جست نہ لوٹ ایت
ھیک ءُ چولا ءَ ابید دگہ ھچ جھاو ءَ نہ بیت
من گوشت پمّن ھیک آپ پرائی کن ءُ بیار
انکلابی ءَ گوشت جھاو ءُ آپ پرائی نیکبھت
ادء کوھل گراد بہ گوش تاب ءُ ناکام ءَ
سیپی گوشگ ءَ لگّ ات ناکو ءَ زور ماں
ھچ مہ گوش ات
سومار جان ءَ گوشت لالا یہ جھاو انت
النور ھوٹل نہ انت تو آپ پرائی انڈا گُٹالا آڈر دیگ ءَ ئے
من کمو پشل بیت آں کہ سجینان تپنگ منی سرء سکّ داتگ ات
من گوشت سومار جان
دوماہ پیسر مئے سر ھمدءَ تئی ھمے ھوٹل ءَ کپتگ ات
ما شام جُست کُت
تو گوشت اسپیشل کڑائی ھست
دال پرائی ھست
من دیست تو مرگانی کبس ءَ پنجرہ کرّء شُت ئے
مرگ شوریں انت ءُ کرو کرو پرمات انت
کہ مساپر بہ زانت تو مرگ ءَ نوک ھلار کنگ ءَ ئے
پدءَ تو
سھبیبگین ناروشت گرم دات انت
مردمان کڑائی ھساب ءَ زرّ گیپت
آ وھدء کڑائی ھست ات ءُ دال پرائی
مرچی تو گوش ئے النور ھوٹل نہ انت
کہ ادء آپ پرائی ءُ کُٹالہ بہ بیت
سومار سر ترّ اِت نہ زانت ئے کہ چی جواب بہ دے آں
شُت ارزبند آرگ ءَ
من دیم انکلابی ءُ سیپی ءَ کُت
من گوشت کہ من ھم زان آں
جھاو ءَ آپ پرائی نیست
بلے ھوٹل والا کموک مئے آڈر ءَ شرتر تر کنت
من چار ات سومار ءَ ارزبند گون انت ءُ اتک
انکلابی ءَ گوشت ناکو
ٹئی تیر نشانگ ءَ لگّ اتگ
کشے مردک چولہ دوشگین انت
مئے تازہ ڈبّہ پچ کتگ ءُ بناینتگ ئے
سیپی ءَ گوشت ناکو ترا کمال.انت
کہ تو سومار ءِ زبان ءَ ھم زان ئے

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:23:51 PM

یاتانی دپتر !

بھر 34

" آزمانک "

کماش زھر گپتگ ات بچک تو وانگ ءَ نہ رو ئے پونشی تئی وانگ اِنت
من ٹکٹ کُت .ادار سے ءَ کوچ چہ مند ءَ در اتک
منی ھمراہ ءَ گوشت ناکو من ءَ ترا شومّی ءَ گپت
کہ گپور گیشکوری گاڑی مئے ونڈ ءَ اتکگ
من تو اولی گاڑی ءَ نہ شُت ایں گوں
من گوشت گپ چے انت
گوشت ئے ناکو آواران اولی سر ءَ ھوٹل ئے ھست
ایشی گاڑی ءَ دایم ھمے جاہ ءَ ویلے گیپت
لھتے گوشی ادء جنّ ءُ ملائکہ ئے ھست
.گاڑی مالک ءَ مزنین بند ءُ تائید گپتگ
ناں ملا اشتگ ناں میاہ
ھیرات ءَ ھم دم بُرتگ ئے
مرچاں کہ کوچان سوار بہ ئے
مٹھائی بھر بیت یہ بھربانگ ءِ بُنکی سوب ھمے ویل انت
شپ ءَ کہ ما آواران ھمے جاہ ءَ کہ ویل جاہ انت
جن و ملائکہ جاہ انت
سر بیت ایں
گاڑی مسینگ کنگ ءَ لگّ اِت
گپور کلینڈرانی سر ءَ زھر گپت
کُران گاڑی ءَ بہ جنت
بچکان شما ھیرات کُتگ
پلان مسیت ءِ ڈبّہ ءَ سدین کلدار مان کُت انت
مارا گاڑی ءَ کُشت من سیٹ گوشتگ کہ اے کوچ ءَ
بھا کن
بیت کنت کسے ءَ نزر کُتگ
بلے مالک ھم گوش نہ سُرین ایت
بچک پانا مانایان بیار
تان دیر ءَ گاڑی ءَ سر پُٹ بیت انت
گاڑی اسٹارٹ نہ بیت
گپورء گوشت ھر چہ بیت
سھب ءَ مستری یے ءَ پیش دار ایں
من وتی سیٹ ءَ تچک بیت آں
ڈرائیور ءِ پُشت ءِ سیٹ ءَ
سھب ءَ بامگواہ ءَ شور شار بیت
گپور اتک سیٹ ءِ سر ءَ نیشت
بسم اللہ کُت ئے سلپ جت ئے
گاڑی اسٹارٹ بیت
گپور نرونڈگ ءَ لگ ات
کُران گاڑی ءَ بہ گیپت
ھمدء شوم ھر وھد ءَ مارا چار
کلاک رولّ ایں ایت
زلیل کنت
جنّ یے ملایکہ یے پری یے چے بلاہے یہ
گاڑی ءَ گوں
یہ ویل ءَ مارا بنّام کتگ
مالک ھم ھمت نہ کنت
بلے گپور ءِ سیٹّ ءِ نندگ ءَ گوں
لکسین سابون ءِ بوو
ءُ گپور ءِ میدانی ترّی ءَ

ڈرائیور ءُ بچکان ابید
من ھم سرپد بیت آں
گاڑی ءَ ویل پرچا اے جاہ ءَ گیپت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:25:23 PM


یاتانی دپتر !

بھر 35

" جوکہ "

یک سنگتے ءَ من ءَ گوانکو کُت کہ ناکو
تو لپ ٹاپ کارمرز کتگ پمّن شرّین لپ ٹاپے شوھاز کن
من زرّان روان دے آں
بہ زیر ئے ءُ پلانی ءَ بدے ئے
دو گپ گوش دار
یکے اش انت کہ لپ ٹاپ
کامرزکتگین یے بہ بیت
دومی کیمت ھم کم بہ بیتّ ئے
من گوشت واجکار تو وتی گپ جت انت
اولی گپ شرّین یے بہ بیت
دومی کیمت کم بہ بیتّ ئے
سیمی یوزے بہ بیت
جُست اِش انت
ایشی ءَ پہ وت زور ئے
یا دگر یے ءَ بکشگی انت
سنگت ءَ پسّو دات .گجر یے ءَ لوٹ اتگ
من گوشت .وھدے کہ گجر یے ءَ لوٹ اِتگ
آھانی مزاج ھمیش انت کہ چیز نوک بہ بیت
آئی لوٹگ مول
مُدل بالا
نوک ءَ چہ نوک تر "

تو گوشے بہ بیت شرّین ئے
پدءَ گران کیمتے مہ بیت
سیمی یوزے بہ بیت
تئی چیز ءَ گجر نہ زیر ایت مپت ءَ زرّان زوال مہ کن
دومی روچ ءَ گوانکو کت ئے
من پانزدہ ھزار کلدار روان داتگ
پلانی گورا انت دست اِش گِر
منی چیز ءَ لازم بہ زیر

من گوشت یا ھُدا ءِ مھربان
تو پرچا سرپد نہ بہ ئے
گلک ءَ لگّ اِت
من لاچار بیت آں
من سودا ءَ پیسر لھتے
ماڈلانی اکس روان دات انت
یکے
من ءَ اوکے دات ئے
کہ ھمیشی ءَ بزیر

من گوشت مردک گوشی سے روچ تک
بچار اِت ئے اگاں شمارا دوست نہ بیت بیار ات ئے
وتی زرّان بر اِت
آئی ءَ پد من مارکیٹ کیمت ءَ ریٹ کنان

سجین گپّان ءُ اکسانی پیشدارگ ءَ
پد من زُرت ءُ روان دات
دو ھپتگ پد گوشی گجر ءَ دوست نہ بیتگ
من پلانی گوم ءَ گون کتگ سھبی تئی گورا
کار ایت ئے
مردک کرّء
برے بہ گوش تئی سامان مُدل بالا یے نہ بیتگ
وتی چیز ءَ زیر ءُ منی زرّان بہ دئے
من گوشت مردک ءَ سے روچ گپ جتگ
وتساپ ءَ منی کلوہ ھم ھست انت

سنگت ءَ گوشت تو اجیبین مردم ئے
مردم ءَ چیز دوست نہ بیت
واپس کنت ئے
من دگہ گپّ نہ زان آں
..من ءَ کار نیست
تئی جوکہ انت

من گوشت شرّ واجہ
لھتے مردم یک روچی کار کنت

دومی روچ ءَ

من واجکار لپ ٹاپ دکاندار ءِ کرّ ءَ بُرت
دکاندار ءَ گوشت منی ءُ
تئی گپ سے روچ کرار تک بیتگ
تو گوش ئے
من مارکیٹ ءَ ریٹ کنائین آں
پد ءَ گپ کن ایں
ترا سُجّ ایت من چاردہ ھزار ء
َ زیران ئے
من گوشت بلے من تئی گورا ھژدہ ھزار ءَ
زرتگ بیتگ سے ھزار وتی کیسگ ءَ چہ
داتگ بیتگ
دکاندار تئی مرزی داتی کن ئے
من تئی زرّان دے آں

من زرّ زرت انت
دگہ ھزاریگی ئے
پر کُت ءُ واجکار ءِ مردم ءَ
دات انت

تان روچ مرچی منی سر پر نہ بیت
کہ من واجہ ءِ کار گشاد کتگ
بلے منی میار چے انت
کہ منی سر ءَ "جوکہ" کنگ بیت ؟

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:26:34 PM

یاتانی دپتر!

بھر 36

" بزگین باسک "

باسکانی ھال ھر پاٹی ءُ گلانی
تہ ءَ بد ھال انت
بزّگ وتی جوانی ءَ پاٹی ءُ
گلانی تہ ء گوازین انت
کربانی دے انت وھدے کہ
وتی مسترینانی
گوم ءَ اکتلاپ کن انت
آ در آمد پاٹی ءِ گدّار لیکگ بنت
ھر کار ءَ مُز ّھست دزمُزّ گرگ بیت
مسترینان اے بابت ءَ گپ کن ئے
من بے روزگار آں
منی زند سک ھراب گوزگ انت
مستر پسّو دے انت
پہ ھدائی کار کن اِت
پہ کوم واست ءَ کار کن اِت
بزگین باسکان لاپ زانان پر نیست
واجہ ھُدا ھر کار ے کہ پر مائیت
آئی مُزّی پیسرءَ گیش انتگ انت ئے
بلے مئے مستر پہ ھُدائی کار کنگ ءِ سکین دے انت

97گپ انت کہ ما آئین شریھت کانپرنس اشتھاران
جنگ ءَ اِیں منی سنگت ءَ دست اشتھار
ءَ ڈوک بند ات انت
میھ) کیل آئی ءَ دپ ءَ کتگ اِت انت
انگت ءَ کولگّی ءَ گپت کیلاّ یے لاپ ءَ شُت ئے
سنگت پریشان بیت ڈاکٹر ءَ بُرت
ڈاکٹر ءِ شور ءِ متابک
واجہ ھُدا ءَ رھم کُت
نی ھمے سنگت ءِ ریش اسپیت انت
چُک ءُ چلانگی باز انت
بیروزگار انت
پاٹی ءَ درآمد انت .
کہ واجہ ءُ مسترے گپّانی گوم ءَ شوری دیوان ء
َ تپاکی نہ کُتگ ئے

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:30:14 PM

یاتانی دپتر !بھر37

" اِلم ءُ زانت "

وانگ ءُ زانگ رُژنائی یے ئے مئے ھلک ءَ یہ رُژنائی گیشتر مُجان گپتگ
یا پہ زُور اندیم کنگ بیتگ .وانکجاھانی باروا ھر کس سرپد انت
ءُ وانینوکانی ھال ھم مئے شمئے دیم انت آ کہ پگار گر انت ءُ نہ وانین انت آھانی کسّہ کنگ نہ بیت
بزان یہ رُژنانی ءِ تالان کنگ ءَ ھم ھزار نیمّون ھر کس کنت ھمے چیزانی بابت ءَ ما چار سنگت گپ ءَ اِت ایں
ءُ آھانی زانت ءِ بالاد ءِ سر ءَ ھم گپ بیت یک سنگت ءَ گوشت
چکاس پہ ٹِکّی ءُ نکل پاس بہ بنت وانگ جاھان استاد دارگ پہ سپارش
تو چہ اشان کجام امیت بہ دار ئے من گوشت یہ نزوری ھست انت
بلے تجربگ انسان ءِ زانت ءَ گیش کنت سال جان زھر گپت
ھاک گیش نہ کنت مئے میتگ ءَ گلام نبی ءَ ھژدہ سال انت
چُک وانین ایت یک روچے من ءَ ءُ آئی ءَ شال ءَ روگی ات
من گوشت کہ ماسٹر ساب تو ٹکٹ کن من گارڈن ءَ لگّان ءُ کا آں
ماسٹر .شر واجہ من واتر کُت ءُ جُست کُت ٹکٹ کُتگ
ماسٹر جی ھو کجام کوچ ءَ
ماسٹر ..الھکومت کوچ ءَ من گوشت الھکومت نوکین کوچ ئے
ماسٹر ناں سارگین ئے وھدے کہ ما شُت ایں
من دیست الھکومت نہ انت الھکمت کوچ انت
من ھبّکہ ءُ ھیران بیت آں کہ ماسٹر انگت ءَ الھکومۃ
ءُ الھکمت کوچ ءِ وانگ ءَ نہ زانت ءُ ھجّی کنت

گڑا نودربران چوں وانین ایت ءُ پکّا نودربرانی زند برباد انت

ناکومُراد


Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:31:35 PM

یاتانی دپتر! بھر 38


" بدین ھیل "

مزن نامین واجھے مئے ھلک ء
َ اتکگ ات
واجہ ءَ وتی شاگرد گوشتگ اِت انت
من ءَ وتی ھلک ءِ وانگجاھان بر اِت
ءُ پیش دار اِت
من ھم واجہ ءِ گورا کنز ونتگ ات
منی جاہ ءَ ھم اتک واجہ ءَ نیک دوائی پمّن کُت.
شپ ءَ مراگشے ءَ واز ات دومہی روچ ءَ سبارگ یک
واجھی ءَ کُتگ اَت
سبارگ ءِ وھد ءَ پرزونگ ءُ سُپرہ کہ پچ بیت
من دیست کہ نان آروک پرزونگ ءِ سر ءَ اتک
پرزونگ ءَ لگت کنگ انت ءُ پادانی ھاک ءِ نشان
ھم زاھر انت
منی چمّ واجہ ءَ کپت انت
من دیست واجہ ءِ دیم ءِ
تاسر دگہ پیم انت ناتاھیری زاھر انت
واجہ مھمان انت ھچ گوشت ھم نہ کنت
بلے میزبان ءُ مھمان جلّ ءِ گورا شاید
اے یک ھیل ئے
آ اے چیز ءَ ھچ کمار ھم کنگ ءَ نہ انت
نان وَا دل ءَ نہ کپت انت
ورگ کہ ھلاس بیت
مھمان جلّ ءَ دگہ سین پاٹ ءِ کُت
گلاسے آپ زُرت ءُ ءُ ھمے پیلیٹ ءُ کاسگ ءَ دست شُشت انت ئے
ءُ نا انساپ ءَ گُلگُل ھم جت
اے اَمل ءَ من ءُ مھمان نزیک ات
کہ بشان انت

من آ روچ ءَ پد جھد کتگ کہ اے واجہ لوگ ءَ
ورگ وھد ءَ نہ جلّ اتگ آں ءُ جھلگ وھد ءَ
جھد کتگ نان نہ وارتگ
من ھمے کسّہ سندھے دوست ءِ گورا کُت
آ یک رندے واجہ گورا سبارگ ءَ گون کپتگ ات
آئی ءَ سبارگ نہ وارت کہ منی تبیت سٹ نہ انت

پرزونگ ءُ سپرھانی لگت دیگ ءُ نان بھر کنگ
شکایت من باز جاہ اش کتگ ءُ باز جاہ ءَ دیستگ
ءُ پلیٹ ءِ تہ ءِ دست شودگ
اے ھیل منی ءُ تئی کد ءُ بالاد ءِ واست ءَ شرّ نہ انت
انچو کہ ما چہ واجہ ءِ لوگ ءَ در اتک ایں .
مزنین واجہ ءَ گوشت
آلم ءُ زانتکار کہ الم ءُ زانت ءِ
واھوند انت آ کہ چوش بہ کنت
آ کُج ءَ الم ءُ زانت ءَ تالان کُت کنت
نی من مارگ ءَ آں
مھلوک پرچا گوں شما ھمگرنچ نہ انت

ناکومُراد


Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:33:03 PM

یاتانی دپتر! بھر 39

" اباس الی زیمی "

نود چار ءَ  من مھاجرکیمپ ءَ کیپی گورا اِت آں۔ ھمک شپ ءَ مئے دیوان گوں موسی بلوچ. آدم.اَلِی.اباس زیمی گوم ءَ اَت
وھدے کہ لبزانک ءُ شیر ءُ شایری گپ بیت من بُور بیت آں پوٹبال مئے نزیکی سوب اَت ورلڈ کپ پوٹبال موسم سر ءَ اتکگ ات اَنت
دومی نیمگ ءَ وانگجاہ ءَ چکاس ھم بوھگ ءَ اِت انت منی دوستگین ٹیم اٹلی اَت رابرتوباجیو منی دوستگین لیبی ات اباس زیمی برازیل ءَ سپورٹ کنگ ءَ ات مئے چکاس بندات بیت انت لیبانی شون دیگ ءِ وھد شپ ءِ ادار دو ءُ چار ءَ اِت انت یک نیمگے ءَ چکاسانی گَم
دومی نیمگ ءَ لیب ءِ شوک من چکاس ءُ لیب دوئین یل نہ دات انت ھمے وھد ءَ ھورانی موسم ات ھور گوارگ ءَ ات پاینل ءَ برازیل ءُ اٹلی اتکگ اِت انت
اباس ءَ اَلی گوشت جنریٹرے انتزام ءَ کنلیب ھر وڑ ءَ چارگی انت لاینان ھچ بیسہ نیست شپ ء یکَ دکانیءَ جنریٍر ایر کُت دومی دُکان
ءَ ٹی وی لیب چاروکان کرسی ڈنّ ءَ گلی ءَ جت انت ءُ لیب چار اِت
لیب پلنٹی کِک ءَ اتک باجیو ءِ کِک گول نہ بیت ھالتاکان ھیڈلائین جت
یک کِکے ءَ ھیرو زیرو کُت من ءَ واجہ اباس زیمی یک شیر ے ھما وھدء سک دوست بیتگ اَت
"پہ ترپیشوکی ءَ آھن بہ تپ ایت چوش نہ بیت "
من مرچی اپسوزیگ آں پرچا من وتی لبزانکی سپرءُ زبان ءِ باروا نزیکی چہ ھما روچان نہ کُت
تاں مرچی باز در بُرتگ اَت
من نہ کردم شما حضر بہ کنی

ناکومُراد


Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:38:02 PM

یاتانی دپتر!

بھر 40

" پگر پہ زور زورگ نہ بنت "

مرچاں شما ھر وانگ جاہ ءَ برو اِت
آئی ترا ھما وھد ءَ وتی پگر ءِ زورگ ءِ واست ءَ زور کنت
اول ترا پہ وانگ ءَ نہ زور ایت اگاں ترا داھلہ رس اِت بزاں آ ترا دیمتر ءَ چہ امیت کش ایت
آ مدرسہ بہ بنت یا سکول
لھتے دیوبندی ءُ لھتے بریلوی ءُ لھتے اھلھدیسے مکتب ءِ پگر مدرسہ انت

من ءُ ابوالھسن ءَ 96 ابوبکریہ گلشن اگبال ءَ داھلہ زُرت
من یک سالے وانگ ءَ پد یل دات ءُ دارلھلوم کورنگی شُت آں
الدررالبھیہ چکاس ءَ من جُست ءِ پسّو ءَ ھنپی مسلک ءِ متابک ءَ دات انت
واجہ پاروک کسوری ءَ من ءَ کلاس ءَ جُست کُت
من گوشت من تچکتر ءُ راست تر ھمے پسّو ءَ سرپد بیتگ آں
گوشتے تو نہ زانے کُج ءَ وانگ ءَ ئے
من گوشت بلے
بلے پگر پہ زور سر ءَ دیگ نہ بنت
یک روچے ابوالھسن ھم واجہ ءَ گوشت تو پرچا مئے مسلک ءَ نہ زور ئے
ابوالھسن ءَ گوشت واجہ پرچا بہ زیر آں ؟
واجہ پرچا کہ تو مئے گورا وانگ ءَ ئے
ابوالھسن من الم ءُ زانت ءُ اربی دربرگ ءَ اتکگ آں
باندات من ءَ پارسی یات گرگ ءِ زلورت بہ بیت
تئی جُست ءُ پسّو ردا من شیا بہ بہ آں
پونشی من ءَ انگلش زلورت بہ کپ ایت
من کرسچن ءُ ایسیائی بہ بہ آں

واجہ ءَ دگہ پرے ھچ نہ گوشت
ما ھمودءَ چہ ارادو کُت
پگر ءُ راستی شوھازگ لوٹ انت
ھر کس کم سے کم کد ءِ اُشتر ءِ اگل ءِ واھوند بہ بیت
اُشتر وش مھار انت ھر کسی گوم ءَ روت گوں
بلے چات ءِ برگ ءِ وھد ءَ سر ءَ چنڈ ایت ءُ زانت کہ کورچات ئے
ھمے پیما مردم سیاسی وراجی گلان ھمے چمّاں بہ چار ایت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:52:16 PM

یاتانی دپتر!

بھر 41

" بی ایس او ءُ الم ءُ زانت "

بی ایس او بلوچ نودربرانی یک مزنین گَلِے ات آئی ءَ شھور ءُ زانت ءِ پڑ ءَ وتی وھد ءَ مزنین ھزمتے کُتگ بیتگ
رَند ءَ بی ایس او پُرشاں بیت
پروشت ءَ پروش ءَ چو درچگیگ ءَ شاہ کش ات ئے
یا وت رودیں کاہ ءِ وڑ ءَ ھمک نیمگ ءَ رُست
من کساں ات آں مند سورو بازار ءَ وھدیکہ گشت آں
مھیری ھوٹل ات اسٹاپ ءِ سر ءَ
آپ ءُ چاہ ءُ دم ءِ بالاد کنگ ءَ نودربر ھمے ھوٹل ءَ یا سلیمان ماھیگی گورا اتک انت
نودربراں وتی استاد دیر ءَ دیست انت
دیم ءَ پاد اتک انت ئے . سگریٹی کشوکائی نیست ات استادءَ ھم نودربرانی گورا نہ نشت ءُ سگریٹ نہ گش اِت
وھدے کہ یہ بیم ءُ تُرس یا نودربرانی وانگ ءُ زانگ ءں شھور ءِ ھوالہ گپ بیت مارا ھمے گوشگ بیت کہ یہ بی ایس او ءِ سنگتانی سوج انت
ھما وھد ءَ کراچی ءِ وارسے بالیچہ ءَ بیتگ ات ءُ مئے لوگ ءَ اتک ھیراں ات
گوشت ئے ناکو من پلانی لوگ ءَ داشتگ ھما بیٹگ ءَ ماسٹر ءُ ڈاکٹر ءِ ھم ھست ات
وپسگانی وھد ءَ مئے نپاد ءُ پشانگ جنگ بیت انت
من ءَ ڈاکٹر ءَ گوشت بریں مچانی تہ ءَ آپ دستے کن ایں
من ءَ سگریٹ ئے کشگی ایں
من ءَ سک ترس ات بلے ھمراہ ئے بیت آں
من ڈاکٹر گوشت ھمام ھست ھمدء چے ء سگریٹ (چرس,سگریٹ) ءََ نہ کش ئے
ڈاکٹر ءَ گوشت اگاں میتگ مردم یے ءَ من ءَ دیست کس الاج ءَ نہ ات ءُ من ءَ چہ میتگ ءَ کش انت
یہ تُرس بہ بیت یا شھور
منی نزّء َ یہ پہ بلوچ راج ءَ بی ایس او ءِ مستریں ھزمتاں چہ یک ئے
مرچاں بلوچ ایکشن کمیٹی .کونسل جوڑ بیتگ انت
یا نزوریں بی ایس او ھم دنیگت ءَ ساہ ئے ماں انت
بلوچ راج ءَ اے وھد ءَ ھما بیم ءُ تُرس
، زانت ءُ شھور ءِ گوستانک لوٹ ایت
من ھمک جاہ گوں کونسل. ایکشن کمیٹی. بی ایس او ھمے سنگتاں دوچار کپ آں
من ءَ گوش انت ناکو تئی وانگجاہ اینکس ءَ نودربر وانگ انت
آھاں کجام ڈگری رس ایت کہ زندءَ پہ وت نوکری ءِ شوھاز کُت بہ کن انت
من دایم وتی برات آں ھمے پسّو داتگ
کہ منی وانگجاہ ءِ سے سدیں نودربر شمارا
گِندگ پیداگ انت
بلے منی میتگ ءَ دگہ چارسد گونڈو کہ آھاں ٹیر یا ھر ءُ
ُ ھشتراں گوں لیب ءَ انت
یا کہ پوچانی چیر ءَ نشتگ نشہ کنگ ءَ انت ءُ نشہ آماچ انت
شما منی دوسدیں گونڈوانی واست ءَ پگر مند ات
بلے چارسدیں گونڈو شمئے لسٹ ءَ ھم نہ انت
من اگاں شریں وانندہ گونڈواں جوڑ کرت نہ کن آں
من منّ آں
بلے من آھاں چہ نشہ ءَ رکینگ ءِ جُھد ءَ کنگ آں
منی جنگ دینی ءُ دنیا زانت گوم ءَ کم نشہ ءَ گیش ایں
من اگاں بیست سال ءَ سد گونڈو چہ نشہ آ رکینت
بزاں کہ من سوبیں بیت. آں

ناکو مُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:53:29 PM

یاتانی دپتر !

بھر 42

" ھدایہ "

مھلوک گوشگ ھمیش ایں کہ چاگرد ءَ ما مُلا دایم جنگ پیداگ کن ایں
اگاں اِیرت اِیرت ءَ بہ چار ئے گپ ءَ وزن ھم ھست
من یک دو رَند ءَ وتی سنگتانی دیوان ءُ مجلسان گوشتگ
کہ نوک پاگ بندوکیں آلم کہ وتی ھنکین ءَ کا انت
مسیت ءُ مدرسہ ءُ مھراب ءِ آھانی ھوالہ کنگ بنت
آ یکے چاگرد ءَ آئی تب ءَ شر شرّ سرپد نہ انت
آھاں شھران ونتگ آ ھما تب ءَ وتی ملائی ءَ کن انت
چاگرد سرپد بوھگ المّی انت
من وتی واجھانی دیم ءَ ھم گوشتگ
کہ نودربرے ڈاکٹری ونت وانگ ءَ پد چار پنچ سال مزنین ڈاکٹر ءِ دست چیر ءَ
مزنین نادراہ جاہاں ءَ کار کنت چیزے در بارت
نی کیت میتگ ءَ ھلک ءَ کسانین کلینکے بوج ایت
چوش نہ انت کہ وانگ ھلاس
بہ بیت ءُ دومی ماہ ءَ کلینک بہ بوج ایت
پرچا کہ جان ءِ سودا اِنت کہ انچو پھریزی بوھگ انت
ھمے پیما انجرئینگ وانوک
بس ما ملاھاں کہ ونت پاگ بست میتگ ءَ چاگرد ءَ کہ اتک ایں دنز کن ایں
جنگ جیڑہ مسئلہ
کلاہ سر ءَ نہ بیت شرین مردماں بے شرپ کنگ
اولی سرپ ءَ در کنگ
آدینگ ءَ آس روک کن ایں
جنازہ ءُ ائیداں
یہ سجیں چیز بُندر ءَ چاگرد ءَ سرپد نہ بوھگ ءِ سوب ءَ پیش کا انت
دومی مستریں واجھانی دست ءِ چیر ءَ کار نہ کنگ
ءُ آھانی شور ءُ سلاھاں مان نیارگ ءِ سوب ءَ دیما انت
مھلوک جنگ لوٹ ایت سیل چارگ ھرکس ءَ وش بیت

من ءَ یات انت من تربت ءَ شُت آں من وتی میزبان ءِ گورا ھدایہ کتابِ دیست
من گوشت ھیر انت
گوشت ئے ھو دوشی من ءَ واجہ اُمر ءَ ترابی بیست ءُ ھشت رُکات سرءَ چیلنج داتگ
من گوشت اپسوز تو ھم کروس جنگی کنے
تو وتی بالاد ءَ بچار ءُ واجہ اُمرے کہ آ ھامی ئے
اد ءَ کس وتی کشک ءَ یل نہ کنت
بیت کنت کہ بازینے
شما ترابیانی چہ زبھر بہ کن ات
من ھما روچ ءَ مار ات
کہ ما کراچی ءَ ونتگ
ملک ءَ کہ کا ایں مارا آدینگ نماز کہ وانینگ پرماھگ بیت
ما گُجّ ءُ گپ بہ ایں
دومی بلوچی ءَ واز کُت نہ کن ایں کہ مارا زبان ءَ
بازیں نزیکی نہ بیتگ
ھلک ءُ میتگ ءَ مئے دماگ آزمان ءَ ڈُکّ اتگ کہ وانگ
جاہ ءَ ما پوزیشن گپتگ
منی زانت ءِ بالاد میتگ ءِ ملا ھیراللہ زانت ءَ گیش ایں
ھیراللہ پنچ کتاب ونتگ ءُ کنز
بلے ما اے سرپد نہ ایں کہ ملا ھیرالللہ ءَ مود اسپیت کتگ انت آئی تجربگ .چاگرد ءِ تب زانتی منی تئی سجین سالانی مھنت ءَ گیش ایں

لاحکیم الا ذوتجربہ

ھکمت ھکیمی تجربگ بنیات انت
تجربگ ءِ زانت چہ ھر زانت ءَ آئی بستار مستر انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 12:54:20 PM

یاتانی دپتر!

بھر 43

" زانت جاہ "

چوناھی ءَ یہ گپ ءَ ھر کس سرپدی دار ایت کہ زانت جاہ دو انت
مات ءِ گُٹّ ءُ وانگجاہ
بلے ابید چہ اشان وھد.چاگرد.ھلک.میتگ.ترّ ءُ گرد.سوسائٹی.جاور
زند ءِ بُرز ءُ جھلی سرجم ءَ زانت جاہ گوشگ بنت
بس زانت ءُ سوجے زیروک بہ بیت
مئے ھلک ءَ بازینے وتی چُکان پہ وانگ ءَ
یا ترّ ءُ گرد ءَ شھراں روان دے انت
من چار اتگ کسانی لھتے مئے ھلک ءُ میتگانی سنگت کراچی ء
یا کہ َ شال ءَ شُتگ انت پہ وانگ ءَ
بِندات ءَ اتکگ انت ھما یکبندی چپّو یا چوٹ پاد ءَ بیتگ ئے چادر گوں بیتگ ئے
وتی ھلک ءِ اھتبار ءَ شرّیں گُد ءُ پوچ بیتگ انت
اسٹائلے ھم شرّ بیتگ
چار ءُ پنچ ماہ ءَ کہ شھراں بیتگ انت آھانی دروشم ءِ تہ ءَ اسٹائلے تہ ءَ زانت ءِ تہ ءَ مزنین بدلی ئے اتکگ
یہ بدلی یہ زانت سوسائٹی .شھری رسم ءُ رواج ءِ زانت ءِ سوب ءَ اتکگ انت
من ءَ شّرّی سر ءَ یات انت مئے سنگتے ءَ کراچی ءَ ھپت سال ونت
یک روچے ڈی سی گورا کارے ھست ات ئے آئی ءَ پاٹی سروکے گوشت من ءَ ڈی سی گورا بر
ھیر آئی ءَ ڈی سی دپتر ءِ برگ ءَ ھمراہ کُت
دپتر ءِ روگ ءَ ساری ھمے سنگت گوشت ئے تو کمو ھمدءَ ودار کن
ءُ اُوشت من کا آں تھسیلدار ءِ گورا من ءَ جُستے ھست
وھدے کہ واجکار سروک واتر بیت ءُ اتک دیست ئے
سنگت ھما جاہ ءَ پرپٹ ءِ گورا روچ ءِ سر ءَ گرماکی روچاں اُوشتاتگ
ھیداں اُشناگ کنگ انت
واجکار ءَ گوشت سنگت تو پرے ھال ءَ ئے
سنگت .تو وت نہ گوشت کہ ھمدء ودار کن ءُ اُوشت
واجکار..من ترا ودار کنگ گوشتگ
بلے من نہ گوشتگ کہ روچ ءِ سر ءَ اوشت
ساھگ تئی گورا ھست انت
واجکار ءَ دپ پچ لکوشت یار تو ھپت سال کراچی ءَ وانگجاھان گوازینتگ
مردم کراچی ءِ روڈ ءُ کشکان مٹر گشت بہ جنت
آئی باز چیز در بارت
بلے تو پہ بُن نہ بیت ئے
یہ واجکار گپ من ءَ سک دوست بیت انت
بلے در برگ .زانت پھمگ ءُ زورگ مردمے وتی سر ءَ انت
زانت جاہ کجام بہ بنت آ انسان جوڑ کن انت .بلے پہ انسان جوڑ بوھگ
دربرگ ءُ زانگ ءِ تلب مردمے وتی تہ ءَ بہ بیت
ھمے پنتانی ءُ سوج دیوک
واجہ ھُدا ءَ مزنین سیاسی اُگدہے دات کساس بیست سال
آئی ءَ پارلیمنٹ دیست آئی باسک جوڑ بیت
بلے سیاسی رُدوم من ھچ آئی تہ ءَ نہ گِندگ ءَ آں
بیت کنگ ھما سنگت ءِ ھکّاں گپتگ

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 05:13:35 PM

یاتانی دپتر

بھر 44

" تپاکی ءِ جار ءُ مئے کرد"

یہ 2001 گپ انت کہ بودیگ ءَ ما شپ ءَ پکنک ء شُت ایں سنگت سلاہ الدین سلپی ءَ لیکچرار نیاز ناتک مند ءَ پہ ترّ ءُ گردیے ءَ آورتگ ات
دیوان تاں شپ نیم پاسے ءَ شُت
نیاز ناتک ءَ تپاکی گپ جت گوشت ئے جھد کن ات کہ شما ھر وھد ءَ انچو یکجا بہ بی ات کہ تپاکی ءِ پروش دیگ ءَ دژمن بازیں پندل ساز انت بلے پہ کسانین گپّے ءَ وتی ہکمشتی ءَ یکجائی ءَ مہ پروش ات
من ھما روچ ءَ کہ آئی ءَ کسھہ یے پہ درورءَ آورت من جھد کتگ کہ کسانین گپّانی سر ءَ وتی نیم شلانگیں یکجائی ءَ تاوان مہ دے ایں
آ راجی تپاکی بہ بیت یا نیکراھی ئے
کسھہ چُوش ات کہ یک باگے ءَ لھتے دُزّ دُزّ ات
باگ واجہ دُزّانی دُزّی ءَ سک پریشان ات
یک شپے باگ واجہ وتی باگ ءَ چیر بیت کہ دُزّ گِرگی انت
تاں دیر ءَ باگ واجہ ءَ سما کُت کہ لھتے پاد برمش انت
وھدے کہ دُزّ نزیک بیت انت
باگ واجہ ءَ دیست انت کہ چہ آھاں یک دُزّے شے مھمود انت
دومی مسیت ملا ھیرداد سیمی دھکان شمبے انت
باگ واجہ ءَ پندل ساز ات
وتی پندل ءَ کامیات بیت
باگ واجہ: واجہ شے
من ءُ باگ ءُ منی ھستی تاں ھپت پُشت ءَ تئی وتی مال انت
واجہ ملا تو مئے پیش امام ئے تئی ھک منی مالان ھست
بژن گپ اش انت
دھکان میار چُک شمبے ءَ کُجام گوہ بھر بیتگ کہ منی باگ ءَ دُزّی بہ کنت
شے مھمود راست انت تئی ھبر
دھکان مرچان مال وار بیتگ انت ما در اتک ایں گوشتے من ھم کا آں گوں
ملا ھیرداد راست گوشے شے ءَ ءُ من ءَ واجہ باگ ءَ ھک ھست بلے دھکان تو کدی مالواری ءُ دُزّی بندات کتگ
باگ واجہ ءَ دھکان شمبے چہ شے ءُ ملا ءَ سست اشانی تپاکی پروش دات ءُ لگ ات ئے مانی بست پہ لگت جنگ ءَ
دھکان جت ءُ بست ئے
دھکان ءِ جنگ ءَ پد دیمی ملا ءَ کُت شے مئے پت ءُ پیروکی واجہ انت بلے تو چہ دشت اتکگ ئے مئے مالان ورئے
ترا من ھمک ماہ دوھزار کلدار دیگ ءَ آں تئی شُد ھلاس نہ بیت
شے مھمود راست گوش ئے ملا ءَ چہ دشت ءَ مان بستگ اتکگ ھمد ءَ دُزّی ءَ ردے لٹّ ترا ملا ماں
باگ واجہ بے پگر بیت کہ شے ءُ ملا من سست انت
ملا لگتانی چیر ءَ کُت ئے ملا تُست ۔تُسگ ءَ پد
دست ءُ پادی بست انت
نی دیم پہ شے مھمود ءَ کُت ئے
شے شما ھجبر سیر نہ بہ ات نی سر پہ دُزّی داتگ
تئی پت ءُ پیروکاں ما دست ماں دست ءَ داتگ کہ آھاں کرامات مان بیتگ
تئی مال دُزّی انت ترا کشکول زرّ ءُ پس بس نہ انت سر کش اتگ پہ دُزّی
شے مھمود لٹ ءُ لگتانی چیر ءَ کُت ءُ توسیں انت ئے
باگ واجہ زانت کہ اشان من یکجا جت نہ کن آں تاں سست ءُ سیدیے مہ کن آں
اشانی سرءَ اگاں یکجائی ءَ اُروش کُت ایں ئے باگ ءِ واجہ وت جنگ بیتگ ات
بلے پندل ءَ کار کُت
من دیریں سوشل میڈیا ءَ ھمے درگت ءَ لھتے جیڑہ گندگ ءَ آں
ما چو شے ءُ ملا پیما دگرانی ردی ءُ ویک پوائنٹاں دُژمنان سرپدی دیگ ءَ ایں دل ءَ وش ایں کہ پلان گل ءَ پلانی ءَ
ما تچک کن ایں گوں من چوش کنت نزانت کہ من کے آں
یہ مئے براتی ءُ راجی یکمشتی واست ءَ چینچو تاوان بیت
اشی سما مارا نیست ھما وھد ءَ بیت کہ وھد گوستگ
راج ءِ مزنین بھر ئے ملا انت
بازین سنگت ءَ وتی تپنگ ملاھانی نیمگ ءَ کُتگ
ھر جاہ کہ شگانی یا نزوری گپّے کیت مئے زبان دارگ نہ بیت
ءُ ناں مئے ند دارگ بیت
اشانی پسّو مئے ملاھانی گورا ھست
ملا ناں گونگ انت ناں آھانی ند ءِ سیاھی ھُشک انت
گپ بس اش انت تپاکی ءِ پروش دیوک ما مہ بہ ایں ما یہ زھریں گُدرّ ءَ ورگ ءَ ایں
بژن اش انت کہ سرپدیں سنگت یہ ناسرپدی ءَ گیشتر کنگ ءَ انت ءُ وتا وھدءِ اپلاتون سرپد بنت
یہ گپ تہ ءَ ھم راستی ھست کہ نزوری باز انت بلے آ نزوریانی شون دیگ کہ تپاکی بوجیگ ءَ بہ بُڈین ایت
یہ راست گوشی یہ نزوریانی شون دیگ راج دوستی
یکمشتی واست ءَ چینچو سیت انت آئی ءَ وانوک بہ گیشیں انت

ناکو مُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 05:14:45 PM

یاتانی دپتر

بھر 45

" نیول پلیس ھزار ریال '

کراچی پلیس ءَ توبہ کن آ ترا انچوش پُل ایت کہ ترا سما ھم نہ بیت ۔بلے جھان ءَ مزن مزنین لُٹّ ءُ پُل کنوک ءُ بیر گریوک کپتگ ۔پلیس دایم تلک پہ دگراں جنت برے وت ھم شکار بیت ۔بلوچ اگاں پہ بیر گری ءَ بئیت کسی پروا ءَ ھم نہ کنت
کسھہ چوش انت

وھدے کہ بسانی ٹرانسپورٹ چہ گریب شاہ ءَ بدل کنگ بیت ءُ ٹرمینل ءَ برگ بیت
پلیس پاٹی ءِ موج بیت
رپیک یک رندے چہ گوادر ءَ کیت آئی رکشہ کنت کہ من ءَ من ء گولیمار ءَ بر
رپیک ءَ ھچ گوں نہ بیت کیسگ ءَ بیست ھزار کلدار بنڈلےبیت
پلیس نیول ءَ رکشہ ءَ دست دنت
رپیک وتی پجّار ء کنت رپیک کیسگ پٹگ بنت
کلدار ءِ بنڈل کہ پلیسان دیست
زانت اِش کہ شکار دست ء اتکگ
رپیک ءِ زرّ اش ھساب کُت ءُ دانت ئے
گوشت ئے ترا ما تکلیپ کتگ پھل کن
رپیک گلا بال بیت چوشین نیکین پلیس من زند وت نہ دیستگ کہ زرّان ھساب بہ کنت ءُ بہ دنت
کمو دیمتر ءَ رو انت رکشہ والا ءَ گوشت کہ زرّاں ھساب کن
رپیک :ھساب نہ لوٹ انت مردک ءَ ھساب کُتگ انت
ءُ داتگ انت من وت ھواری ء ھم ھساب کتگ انت گوں
رکشہ والا : ماما تو پرچا ھبر نہ زیر ئے
ھساب اش کن
رپیک لاچار بیت زرّاں کہ ھساب کنت
بیست جاہ ء ھژدہ انت بزان پلیس ء وتی کار کُتگ
رکشہ والا گوشی واتر کن ایں
رپیک گوش ایت یل کن ئے
بلوچ بیر تاں دو سد سال ءَ
رپیک دو سے روچ ءَ پد روت دیم پہ گوادر
گوادر ءَ نہ نند ایت ءُ چہ گوادر دوبارگ ٹکٹ کنت ءُ کیت
ھمے جاہاں کہ پُلگ بیتگ ءَ پدء پلیس رکشہ ءَ دست دے اَنت
رپیک پٹگ بیت آئی کیسگ ءَ سدی تومن لھتے در کیت آئی سرء ھزار ریال نبشتگ
پلیس والا گوش انت ترا تھانہ ء بریں
ترا درملکی کرنسی ریال گوں
رپیک منت ءُ سماجت کنت ئے
کہ ریالاں بہ زیر ات من ءَ یل کن ات
منی مال ءُ متاہ ھمیش انت
من یہ زرّ پہ ناکو الاج ء گوں انت
آھر کار رپیک یل کنگ بیت ھمے شرت ءَ کہ کس ءَ ھال نہ دے ئے باندات مئے سر ءَ کیس نہ کن ئے
رپیک گوش ایت من ءَ زرّ ھچ گوں نیست پنچ ھزار ریال انت ریال ءِ 26کلدار انت لک ءَ بُرز انت
شما من ءَ بیست ھزار بہ دے ات
من نادراہ جاہ ءِ ھساب ء کن آں
پلیس والایان منی چینجر والاے ءَ گپ دارینگ بنت
ریال ریٹ چُست گرگ بیت آ گوشگ بیت انت
25.75پیسہ من شمئے ریالاں زیراں
پلیس والان وت ماں وت شور کُت
وتی دوشگیں سجین جما کتگیں زرّ سیزدہ ءُ چیزے انت
رپیک ء دات انت
رپیک ءَ مرگ کتگ بیست ء کم من نہ زیر آں کہ نادراہ جاہ ءِ ھساب دیگ لوٹ ایت
آھر پلیس والاھاں کشے دکانے ءَ دو ھزار پچ گپت پانزدہ ھزار رپیک ء دات ئے
گوشت ئے زیرے بہ زیر ئے اگاں ناں تئی ھیر نہ انت
رپیک ء زرّ زرت انت نیم راہ ء رکشہ بدل کُت بلکین لمبر پلیسان نوٹ کتگ
منی دمب ءَ مہ کپ انت
گوشی من دیم ملیر ءَ باون شاہ ءَ دات
من گوشت من رپیک ءَ آں پدء دشتیاری گورگیجی آں

رپیک گوش ایت من تاں دو سال پد ء رکشہ ءَ سوار نہ بیت آں دایم کوچ ءَ سوار بیت آں کہ چُوش مہ بیت من اشان ڈیک بدے آں
یہ گوں من ھما کار ءَ کن انت کہ اَلِی ءَ گوں کاپراں نہ کتگ

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 05:15:42 PM

یاتانی دپتر

بھر 46

" کماشانی تب "

کماش بہ بنت ءُ بی بی سی ءَ گوش مہ دار اَنت بیت نہ کنت بی بی سی گوش دارگ یک کسمےنشہ ئے
پد ءَ لھتے انچین کماش است کہ اردو پارسی گپ کُت نہ کن انت بلے بی بی سی اھوالاں گوش دار انت
سرپد بنت سیاست کن انت تجزیہ کن انت
من ءَ سنگتے ھست ات منی سنگت ءُ چاکر ءُ من
دگہ دو مردم کراچی ءَ ات ایں
من دیست کہ منی سنگت ءُ چاکر ءِ تالّوک چو دو روچ پیسریگیں وڑ ءَ نہ انت ۔سنگت گپ جنت چاکر مانی بند
ایت چاکر انچُش منی سنگت ءِ سر ءَ جُشگ انت
پورو منی سنگت ءَ ھونے کُتگ
من آ دگر مردم جُست کُت انت پلانی ءُ چاکر پرچا
زھر ءُ پون زھر انت
سنگت دیوان ءِ نندگ ءَ چاکر
وش نہ انت ءُ چاکر
لپٹ ءُ رائٹ پیسرگیں وڑ ءَ نہ کنت ئے
اِشان گوشت ما سھی نہ ایں
من وڑے ناں وڑے گپ کش اِت
بزاں چاکر چہ ملک ءَ در اتکگ
آئی ءَ وتی ریڈوو بی بی سی سر ءَ کُتگ
آئی ءَ زانتگ کہ شھرانی تہ ءَ بی بی سی گرگ گراں انت
وھدے چاکر چہ بازار ءَ اتکگ ریڈو شوھاز ئے کُتگ
دیستگ ئے ریڈوو وتی جاہ ءَ نہ انت
ھمے سنگت ءَ گوں انت
ایپ ایم گوش دارگ انت
چاکر ءَ ریڈو پچ گپتگ بلے وسی کُتگ
بی بی سی گرگ نہ بیتگ
سنگت ءَ داتگ ئے
آئی ءَ مزنین جھدے کُتگ گرگ نہ بیتگ
تاں بی بی سی وھد گوستگ
کماشاں بی بی سی گوش نہ داشت
آھانی اُوپار جواب دنت ۔
بُرّے ھبر سنگت ءَ داتگ ئے
ھما انت کہ سنگت ءِ لمبر کم بیتگ انت
جھندم لمبر ءَ موڑ ھم نہ دنت ئے
ءُ آئی نندگ ءَ ھم وش نہ انت
ھر دو منٹ ءَ سنگت ءَ گپ گپ ءَ بُرّے ھبر دنت
ءُ گوش ایت پلانی نابود ئے
نوکی پانزدہ سال گوستگ نی ھبر کنت ئے گوں

کماشانی وتی یک تب ئے تب دارگ گراں انت
من سنگت دلبڈی دات کہ چُش بیت دل ءَ میار
سنگت ءَ گوشت راست انت منی کماش ھم
انچوش انت من دل ءَ نیارتگ بلے اینچو ھبر
ورگ ھم گراں انت
گوشت ئے منی کماش ءَ
لوگ ءِ دپ ءَ پلُّکے ھست چم چارگ ءَ دل نہ بیت ئے
یک روچے ھماسگے مزنین ائید روچاں بامگواہ
ءَ اتکگ من دراہ ءُ دراہ بات کتگ
ءُگوشتگ واجہ ھیر انت
ھمساھگ جی ھو گپ اِش انت تئی کماش ءَ
منی ائیدی ءِ لٹّک چہ بُن ءَ بُرّ اتگ
سنگت گپ کنت من ھمساھگ تسلہ داتگ ھیر بیت
وھدے من وتی
کماش جُست کُتگ ابّا تو پرچا چوش کتگ مردم
ھمساھگاں وش کنت تو چوش کتگ
گوشتگے ھو من بُرّ اتگ
پرچا وتی پس نہ بستگ ئے
منی پلُّک ءَ اتکگ
من کماش کمو گپ جتگ ءُ دومی روچ ءَ
مردک ائیدی زرتگ ءُ داتگ

کماش لوگ ءِ براہ انت
ھیالداری کنگ لوٹ انت
ھاس تب ءِ ھیالداری
کماشیءِ کنڈگ دیمتر ءَ مارا ءُ شمارا ھم بُرّگی انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 05:16:40 PM

یاتانی دپتر

بھر 47

" ابوداود "

بازیں باوست لھتے مردم ءِ زانت چہ برز انت
وھدے کہ مردم آ باوستاں لس مھلوک دیم ءَ کنت
آھانی آسر ھراب در کیت
چوش کہ من لس مردمے آں
من ءَ گوں سیاست ءَ ھچ کار نیست من پہ شوھاز ءِ
چارگ ءَ شُتگ آں شوھاز ءُ آئی سنگت وتی پاٹی ءِ
سر ءَ نشتگ دیوان کنگ ءَ انت دیوان نگدی دیواں ئے
دیوان ءَ نشتگ گوں باسکاں نگد کنگ ءَ اِنت
اگاں شوھاز اے نگداں منی دیم ءَ بہ کنت
من ءَ سیاسی زانت ءُ سرپدی اینچُک وا نیست
من ھمے سرپد بہ آں بلوچ وت ماں وت جیگ پہ
جیگ انت
ھمے پیما نیکراھی باوست بہ بنت
یا کھول ءُ ٹکّے ئے
اگاں کھول ءُ ٹکّ ءِ ردی درآمدے کرّء گوشگ بہ بنت
کہ آئی سر شمئے لوگ کپتگ
گڑا درآمد ترا بازاریگ کنت
پلان زئی من گوشتگ یک مُشت انت
سکّی ءُ سوری ءَ یک جاہ انت
بلے چوش نہ انت
اے مردم ھما کار زوالی ءُ پلینڈی کنت
ءُ ھبر ءَ مزن کنت
کہ وھداں کسھانی تہ ءَ ما اش کتگ
لھتے بلُّک انچین لوگ سوچ بیتگ

من ءَ یات انت 1999 واجہ شمس الھک مارا ابوداود
وانینگ ءَ ات واجہ ءِ چم یک نودربر ءَ کپت انت
واجہ ءَ گوشت۔۔تو گندگ ءَ نوکیں نودربر ئے
آئی برات ءَ گوشت واجہ
منی برات انت ملک ءَ چہ اتکگ
واجہ شمس الھک وانگ انت یا چیزے ونتگ ئے
برات ناں
واجہ گڑا وتی برات ءَ ڈنّ ءَ بر
ھزمتی کن
ڈنّ ءَ نند ایں ئے
بزان کینٹن ءَ
ابراھیم شُت ءُ اتک
واجہ دیم گوں نودربراں کُت ءُ گوشت ۔نودربراں
شر گوش بہ دار ات
شما وتی مھمانان کہ کلاس ءَکار اِت
آ مھمان کہ نہ ونتگ اِش وھدے کہ دینی جُستانی
توک ءَ ھنپی ءُ مالکی
نگد ءُ پسّواں اش کن انت
گڑا آھانی دینی زانت اے کساس نہ انت
کہ گپ ءَ سرپد بوت بہ کن انت
پہ درور
دستانی بندگ لھتے ناپگ سر ءَ گوش ایت
لھتے ناپگ ءَ چھل
لھتے نہ بندگ ءِ منوگر انت
نماز وا ھر وڑ ءَ کہ بیواں ئے بیت
بلے لس مھلوک ھمے سرپد بیت
کہ ملا وت ماں وت مڑ اتگ انت
باز جاہ ءَ انچین جنگاں بازیں ملاھاں وتی چاگرد ءَ
نیکراھی نپرت لس مھلوک تہ ءَ گیش کتگ
ھالانکہ اے جیڑہ نہ انت زانشتی باوست انت
ما وتی مسلکی جیڑہ کتگ انت

مھماں وھدے کہ وتی ھلک ءَ روت باوست
کہ اش کتگ ئے
دو گپ گیش کنت ءُ مردم میڑیں ایت

وھدے کہ ما ایرت ایرت ءَ وتی چاگرد ءَ چار ایں
بازیں لوگ
بازیں میتگ
بازیں گَل
بازیں جُنز
ھاس کر نیکراھی کار
ھمے در آمد ءُ لس مھلوک ءِ دیم ءَ اے باوستانی
ھبر کنگ ءَ پُرشتگ انت یا آھانی بنّامی بیتگ
یا نپرت ءُ مھالپت ءِ توپان ءِ اتکگ
ما توپان ءَ پد
تاں دنی وھد ءَ بُود نہ کُتگ
نیکراھی مردم بہ بنت یا پاٹیانی مردم
تاں
اے وھد ءَ انگت ءَ بے ھوش انت
اے ردیاں ءَ مارگ نہ انت
باریں تاں کدی !

ناکومُراد


Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on August 25, 2017, 05:17:36 PM

یاتانی دپتر

بھر 48

" مئے ملاھانی دُوا "

ھر زلورت مند وتی زلورتانی پورو کنگ ءِ ھاترا لوٹ ایت
لھتے دست ءَ مردمانی نیمگ ءَ شھار دنت ءُ لوٹ ایت
لھتے وتی کس ءُ وارسانی گورا
لھتے چہ واجہ ھُدا لوٹ ایت ءُ دستاں چست کنت ءُ
پریات کنت
لھتے روت وتی مسیت ءِ ملاءِ گورا دوا کنائیں ایت
گیشتر آدینگ ءُ ائید ءَ
ڈکال ھم بنت ھور ءِ نماز وان انت ءُ دُوا لوٹ انت
یک سالے رمدان ءَ من ءُ ھاجی کیوم سھودی شُت ایں
ما ازیزیہ داشت واجہ موسی ارجمندی واجہ بھشتی
کنات ھمائی گورا ات ایں
ما بیگاہ ءَ ادار 3 ءَ دایم بیت اللہ ءَ شُت ایں
شپ ءَ واتر کُت
وھدے کہ ما ھرم ءَ سر بیت ایں
ھاجی ءُ ارجمندی شُت انت تواپ کنگ ءَ
منی پادانی رگ ءِ مسئلہ ات من شُت ءُ
تلاوت کُت
ھاجی کیوم گوش ایت واجہ ارجمندی دگہ وڑیں
گپ جنت
من گوشت چے گوشتگ ئے
گوشی زی واجہ ءَ گوشتگ
ھرم ءِ ملاھانی دوا کبول بنت کہ اشاں دگہ گم
پر نیست
مئے ملاھانی دُوا کبول نہ بنت
مئے ملا کہ وھدے دستاں چست کن انت
کہ دُوا بہ لوٹ انت
آ ٹوٹل جن انت
کہ مرچی پگار رس ایت
سے ھزار آرتی وام انت ھزار پیڑول ئے
دو ھزار گوشت والائے
آدگہ وام چار ھزار انت
چکانی وانگ ءُ دست ھرچیاں ھساب مہ کن
منی پگار شش ھزار انت
شھداد ءَ ھپتگے بیت گار انت دوھزار ھمائی دنت

اے ٹوٹلانی توک ءَ ملا دُوائیگ نہ بیت
ھور دوا کج ءَ کبول بنت
ادے ملا چُرت نہ جن انت
جیمس ءَ سوار انت
گاٹ پریٹ انت
دوا کن انت ٹوٹل نہ جن انت
لوٹوک دلجم بیت گڑا آئی گپ گوش دارگ بیت

ھاجی گوش ایت مرچی واجہ ارجمندی گوشگ انت
مئے ملاھانی دوا شرتر کبول بنت
پریات ءُ زاری مردم ھما وھد ءَ کنت
کہ آ لاچار بہ بیت
مئے ملا بزگ انت

من ھاجی گوشت بیا کسھہ ءَ گوش دار

ھجاج ایسپ وھدے کہ ھمے ھرم ءَ اتک
دیستے کورے دوا لوٹگ انت
واجہ ھدا منی چمّاں وش کن
ھجاج ءَ دست کورے کُوپگاں ایر کُت ءُ گوشت ئے
یااعمی اے کور
چیزے سال انت من ترا ھمدء ھمے جاہ ءَ ھمے دوا
لوٹگ ءَ گندگ ءَ آں
من تواپ کن آں ءَ کا آں
اگاں تئی چم وش نہ بیت انت
من تئی گردن ءَ بُرّ آں
کور ڈڈّین مردے ئے
تو کئے یے کہ گردں بُرّ ئے
ھجاج ۔من ھجاج ایسوپ آں
کور۔واجھھھھھہ پھل کن
ھجاج ء تواپ ھلاس کُت ءُ اتک
کور دیم ءَ در اتک ئے
ھجاج ءَ گوشت او کور یہ سدک دل ءِ دُوا
تو پیسرء لوٹ اِت انت تئی چم دیر انت کہ
وش بیتگ ات انت بلے رسمی دُوا
دستانی چم ءُ دیم مُشگ ءَ ھچ نہ بیت

من گوشت ھاجی بچار مردم مردمے گورا
روت چیزے لوٹگ ءَ دیوان ءَ تَنَک تر کنت
مرد ءَ یک سیڑ ءَ کش ایت
گپان رد بند کنت نی وتی ارز ءَ پیش کنت
مئے دوا ھم ھمے وڑ بہ بنت
ھُدا بادشاہ انت
مارا دست ھالیگ راہ نہ دنت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:15:45 AM
یاتانی دپتر

بھر 49

" ھوش ءُ گوش بہ بی اِت "

لھتے سنگت چیزے کہ گند ایت اَجُست ءَ آ گپ ءَ مزن
کن انت ءُ دگہ رنگے دے انت ئے ءُ مردم میڑیں انت
بازیں نیکراھی جنگ ءُ بازین کھولی جنگ ءُ چوپ ءَ
کہ بیتگ انت سوب ھمے بیتگ بُندر ءَ گپ چوش نہ بیتگ بلے ما آورتگ ءُ
مسترینانی گورا دیگے پیم ءَ پیش کُتگ ایشی ءَ مردم نادانی نام بہ دنت
یا پندل گوشگ ھچ نہ بیت ۔لوگ بُن گپتگ انت کھولانی لاش کپ انت
نیکرائی جنگ ءِ آس آزمان ءَ ڈُکّ اتگ

وھدے کہ مارا بُندری گپ مالوم بیتگ
یک ناشر کار ءَ یا نابزانت ءَ اے گپ
مزن کُتگ دوئیں نیمگاں ڈیل جتگ ءُ آس روک کتگ
چیزے ماہ پیسر مئے ملاھاں لانک بستگ ات کہ بازار ءَ بند کن ایں
کہ پلاں مسیت پلان کمیونیٹی ءَ .. ۔۔۔۔۔ بُن داتگ
من گوشت یہ ھال کے ءَ پہ شما سر کتگ گوشت اش شپانک یے ءَ
من گوشت شپانک ءَ نزیکین میتگ ءِ مردم ھال نہ
داتگ انت ءُ تربت ءَ ملاھانی ھال دیگ چہ مانا دار ایت؟
سنگت لاجواب بیت انت من گوشت گوش دار اِت کہ
من مند ءَ ملاھانی سروک ات آں من ءَ گوشگ بیت مند ءَ ایسایی (کرسچن)کار ءَ انت
من گوشت ھو لٹیچر من وت گپتگ انت گوشت اش ناں کتابانی گپ ءَ بل ءُ یک کرّ کن
اشاں پسیل یے ءَ چرچ ھم جوڑ کُتگ من ھیراں بیت آں
دگہ سے نشتگیں ملا ءَ کارچ کش ات نی جھاد ءِ وھد انت
شھادت مئے لوگ ءِ دپ ءَ اتکگ
پشت مہ کپ ایں من گوشت اُپار کن ات
یکے برے گپ جند ءِ پدّری بہ بیت دومی اگاں اے کار ھم بوھگ ایں
ایشی ھلّ زھم ءَ دست ءَ کن ءُ مردم
کُش چوش نہ انت من ھمے گپ آروکیں سنگت گوشت انت
اے کاراں کے کنگ انت ؟ آھاں منی گورا نام گپت انت
گوشت ئے ترا باور نہ کنت
بیا روئیں چرچ ءِ دیوال ءُ پسیل ءَ چار ایں
ما مگرب ءَ شُت ایں
دیوال گیٹ من ءَ پیش داشت ئے
بچار مین گیٹ ءَ دوئیں داروکیں آسن ءِ سر ءَ سلیب ءِ نشان انت
گندگ ءَ واکی نشان انت من گوشت ھدا ءِ بندگ اے سلیب ءِ
نشان نہ انت اے آسن ءَ ٹُکّر جن انت
اشاں کبزہ گوش انت
یہ کبزہ انت کہ سیمنٹ ءِ تہ ءَ بنت
کہ گیٹ مزنین گوات یے ءَ مہ سُر ایت
ءُ در مئیت
من جیڑ اِت ءُ لنکُک دپ ءَ کُت کہ
چوشیں نابزانتیانی سوب ءَ بے سریں
جنگ باز مئے سر ءَ کپتگ

من گوشت انت شما نہ ونتگ
کہ اول گپ ءَ بہ کن پکّا ءَ
تجسس بہ کن پدّری بہ کن
نی گپ بہ جن اِت
بلوچ گوش انت ھبر ءَ بہ کن پکّا
پدءَ مجن چکّ ءَ
من ھمے سرپد بہ آں
اے نابزانتی ءَ مزنین کارزوالی کُتگ
انگت ءَ گلانی۔پاٹیانی۔راجانی۔نیکرائی ءِ پٹ ءِ
تہ ءَ اے نادراھی گندگ بوھگ انت
ھزار کارھرابی ءَ باوجود
ابرت
انگت ءَ ما نہ گر ایں

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:29:06 AM
یاتانی دپتر

بھر 50

" نپسیاتی نادراہ ءُ شھمات "

نپسیاتی نادراہ دو تھر ءَ بھر بانگ انت
یکے ھمیش انت کہ پگری ھوالہ ءَ نپسیاتی نادراہ انت
دومی جسمانی کہ گولیانی سر ءَ انت
پگری نادراہ ءِ الاج ءِ امیت کنگ نہ بیت
جسمانی نادراہ کرنٹ ءُ درمان ءَ شرّ بنت
پگری نادراہ بہ بیت یا جسمانی
اول اشانی ھمراہ مہ بی
وھدے کہ ترا دوچار کپت انت
گڑا اھانی ردی در گوز کنگ لوٹ انت
اُوپار کشگ لوٹ ایت
ھر وھد ءَ ترا اے نادراھانی نیمگ ءَ تکلیپ رس ایت
اوپار کش شر بزاں پھلی نادراہ وت نہ لوٹ انت
آھانی پھلی لوٹوک آھانی ھمراہ بنت
پگری نادراہ ءِ پھلی لوٹوک آئی گل ءُ پاٹی سنگت بنت
سنگت باید چوشیں نادراہ ءَ وتی پالیسانی ءُ پاٹی
ایشوزانی سر ءَ گستا بہ کنت
لھتے مردم نادراہ ءِ لیکہ ءَ تئی ھلاپ ءَ کارمرز کنت
یا پھلی ءَ پد شریں سنگت اچ تو سند ءُ سید بیت
ھمے پیما جسمانی نادراہ
باید دیوان ءَ آرگ ءُ نادینگ مہ بنت
آھانی یک ردے یے مستریں مردماں شرمندگ کنت
مستر سر چست کُت نہ کن انت
اگاں دیم ءِ مردم سرپدیں یے بہ بیت
گڑا گپ بُرز نہ روت ب
لے پد ءَ ھم مستریں ھجالت بنت

یک روچے من النور ھوٹل ءَ نشتگ ات آں
دلمراد اتک بیا پارود ءِ پلاں واجہ اتکگ
من تئی نام گپتگ
گوشتگ ئے منی واجہ ءِ نماسگ ءَ بیار
پارودی کماش منی پیروک مھمد رزا ءِ
دوستگیں سنگتے ات
من شُت آں
الجمیل ھوٹل ءَ داشتگ ات ئے
دراہ ءُ درھباتی بیت
دیوان بز بیت
کماش وتی ءَ منی واجہ ءِ
کسھاں آرگ ءَ لگّ ات
چاہ ءُ آپ بیت
من گوشت واجہ شما ھیر انت
واجہ ھو منی چُک وش وش نہ انت
اشارگ کُت ئے دماگی شر نہ انت
نپسیاتی نادراہ ئے
من اسگر ءُ کراچی نپسیاتی نادراھجاہ ءَ برتگ
پد ءَ لبجَگ انت سٹ سٹ نہ انت
چُک چو کوپچیں
وت ءَ لیڈروکے کنت
گوں من گپّ ءَ ات
تاں دیر ءَ گوں من گپّ ءَ ات
من دیست بچک سلامت انت
ھُدائے سلامت بہ کنت
اناگت ءَ ایشی ءِ وجّّیں شھمات ءِ شت
کشّ ات
منی دیم ترّ ات
چو امریش پوری تامرانی پیما دیوان تُکّ ءُ
نُکّ بیت
من پشل بیت آں بلے بچکندگ ءَ لگّ ات آں
پیروکے دوست ھجالت مہ بیت
من دیست کماش پُوڑے بیت
من اٹیشن پلیز بیت آں
کہ دگے شھماتُکے گوش ءِ بُن ءَ مہ لگّ ایت
اولیگ ءِ سوچگ انگت ءَ ھست
بچک گند ءَ لگّ ات ءُ جُست ءَ لگّ ات
کلپٹن ءَ کدی من ءَ بر ئے ءُ تُرّے دے ئے
کماش ءَ دیم من ءَ کُت واجہ پھل کن
من کماش ءِ دست گپت انت
واجہ تو منی پت ئے من ءَ شرمندگ مہ کن
دگہ کلاکے من نشت آں
بلے کماش سک پریشان ات
من اجازت گپت انت
کماش ڈنّ ءَ در اتک من ءَ گلائیش کُت ءُ پھلی ل
وٹ ات ئے
من تسلہ دات بلے کماش ءَ دل ءَ آورتگ ات
من پہ مکل ءَ کماش رازیگ کُت
بلے کماشے بے تاھیری ءُ ھجالتی من دیست
من جیڑ ات کماشاں وتی ازت شرپ دوست بیت
اے ردی یک نادراہ ءُ نیم سر ءُ نپسیاتی چُکّے ءَ کُتگ
ات
کماش ءِ زند تھلی کُت

بلے ھما سرپدیں چُک کہ آ کھول۔کماشانی ازت ۔شرپ
ءَ دیم ءَ نیار انت
وتی کماش ءُ کھول ءَ گپچلے ءَ دور دے انت
باریں کماش چوں زندگ بنت
منی پیروک ءَ من ء گوشتگ ات
منی چُک اگاں پہ ما وژنامی سوب بیت نہ کن ئے
گڑا مارا بنّام ھم مہ کن ات

سنگتاں مارا شمارا کماش ھست شرین پجّار ھست
بے سری ءُ بے رھبندی مہ کن ات
مئے شمئے ردی
مئے شمئے کھول ءُ کماشانی شرپ ءِ سر ءَ ۔آھانی
تربیت ءِ سر ءَ لنکُک چست کنت

وھدے کہ کماشے مارا سنگتانی دیم ءَ ھبر بہ دنت
ھما دمان ءَ لوگ ءَ مات ءِ گورا ما شکایت کن ایں
من ءَ ردے لٹ لوگ ءَ بہ جنت بلے سنگتانی گورا
بے ازت مہ کنت. من سُبک بہ آں

اووو منی برات ءُ سنگت
ترا وتی ازت ءِ ھیال انت چار سنگتانی دیم ءِ ھبر
تو مات ءِ گورا سر کُت

گڑا سر ءَ چست کن تئی کماشان چاگرد ءَ زند گوازینتگ
آیا آئی شرپ. ازت منی تئی شرپ نہ انت ؟؟؟؟

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:34:38 AM
یاتانی دپتر

بھر51

" بے وابی "

بے وابی دایم سر ءَ پہ گنوکی کش ایت
لھتے چُرت جنت واب نہ کپ ایت
آھر نادراہ بیت
اشک ءِ گنوکانی مستریں سوب ھمیش انت
آشک پہ مھناز ءُ لالی ءَ جیڑ ایت جیڑگ ءِ تہ ءَ واب نہ کپ انت
بے وابی وت یک نادراھی ئے
بے وابی ءَ گپ رد ءُ بند نہ بنت
ریلکیس مردم نہ بیت
بے ریلکس یے ءِ سوب ءَ مردم گنوکانی پیما ھبر کنت
مھلوک گوش ایت پلانی اشک ءَ کنوک کتگ
اشک یے کنوک نام کپ ایت
پرچا کہ اشک واب ءَ جور کنت
البت ءَ اشک ءَ وتی پیمیں نادراھی ھم گوں انت
زلوری ھم نہ انت سوب بس بے وابی بہ بیت
بلے بے وابی مستریں سوباں چہ یکے زکور ھست انت

دیرگیں گپے من یک روچے
کراچی ءَ تیار بیت آں رو آں
بازار ءَ سودا یے ءِ کن آں
النور ھوٹل ءَ من کہ پاد ایر کُت دیست
سنگتے نشتگ شش اکبار زُرتگ ئے
وانگ انت
من درھبات کُت ءُ نشت آں
ارزبند کُت
سنگت ھچ گپ نہ جنت
من پیسر ءَ سنگت ءِ دیوان کہ گپتگ انت
برے برے سنگءِ بازیں گپّاں پُکّی گوشاں کُتگ
مرچی سنگت تُک ءُ نُکّ انت
من گوشت سنگت ھیر انت
سنگت ھو
من گوشت بازار ءَ روگ ءَ آں
کایے گوں
گوشت ئے بسم اللہ
من ءُ آ بولڈن ءَ شُت ایں سامان زُرت
رکشہ ءِ ودار ءَ اُشتات ایں
منی چم کپت انت سنگت اُوشتوکائی واب انت
من دست کپت ءُ رکشہ ءَ سوار بیت ایں
پد ءَ ھوٹل ءَ اتک ایں
سنگت پد ءَ گپ نہ کنگ انت
من گوشت
سنگت اے بے گپّی ءِ سوب سے بنت
بہ گوش من تئی راز دار ءُ ھیر واہ یے آں

اشک
بے زرّی
مُشکل ءُ نادراھی

سنگت گپ نہ جنت
من گوشت زرّ ءِ زلورت انت بہ گوش پنچ
ھزار من ءَ گوں ترا دے آں
اشک ءِ نادراھی ءَ گور جتگ
مردم راھوکے شوھاز کنت
مُشکل ءُ نادراہ یے ھست من ءَ بہ گوش
منی دست ءَ ھرچے بیت کنت من ھازر آں
دو کلاک گوست سنگت ءَ ھبر نہ کُت
من اجازت کُت آئی وارسے توار جت
کلاکے ءَ پد من ءَ ھال سر بیت
کہ سنگت اسگر نادراہ جاہ ءَ برگ بیتگ
ٹیسٹ کنگ بیتگ انت
ھمے مالوم بیتگ کہ بے وابی ءَ
چوش بیتگ ءُ سر نادراھی ءَ کش اتگ ئے
کرنٹ ءُ ڈرپ کنگ ءَ پد سنگت تاں شش
ماہ گولیانی سر ءَ بیت
پد ءَ سنگت ءَ وت گوشتگ من کہ وھدے
ناکو ءَڈیک وارتگ بیتگ
اے سیمی روچ بیتگ
من نیم کلاک ھم نہ وپتگ بیتگ آں

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:36:51 AM
یاتانی دپتر

بھر 52

" بلوچی پوشاک "

پوچ ءُ پوشاکانی بابت ءَ سنگت دایم گپ جن انت
کہ کومانی تہ ءَ کجام کوم ءِ پوشاگ جلوناک تر انت
ءُ پردگ ءُ ستر ءِ بابت ءَ ھم تراں بیتگ
بلوچ ءِ گُشاں گھتر انت یا بُرکہ
بلوچ ءِ گُشاں ءُ چادرگرد پردگ ءِ ھساب ءَ پُرش ایت
یا ناں
لھتے سنگت ءَ سوشل میڈیا ءَ بُرکہ ءِ سر ءَ کارچ کشّ
اتگ ءُ لھتے سنگت منوگر ات ئے
ھمے وھد ءَ زاکر نائیگ جُست کنگ بیتگ ات کجام کوم
ءِ پوشاک ستر ءُ پردگ ءِ ھساب ءَ پروش ایت
زاکر نائیک ءَ پسّو داتگ ات
بلوچ کوم ءِ پوشاک اے وھد ءَ درستاں چہ گیش
ستر تر انت
یک روچے من ءُ مپتی اھتشام الھک آسیابادی شھید
ھمراہ ات انت گپ اتک ءُ برکہ ءُ پوشاک ئے
من ءَ گوشت ئے وھدے کہ زبیدہ جلال وزیر ات
من ءَ واجہ سلیم اللہ ھاں ءَ گوانکو کُت
تو مدرسھانی
بورڈ (وفاق المدارس العربیہ ) باسکے ئے
ءُ دومی تو بلوچے ئے
سیمی وزیر زبیدہ جلال تئی ھلک ءِ مردم ئے
پلاں روچ ءَ بورڈ ءِ باسک گوں وزیر ءَ ھم دیوان بنت
مدرسھانی ایشوھانی سر ءَ تئی آھگ المّی انت
من گوشت منی آھگ مشکل انت من کمو دزگٹّ آں
دومی من سٹّ ھم نہ آں
شما برو ات منی زلورت یے بیت
من ءَ کال کن ات
ءُ من آئی ءَ ملک ءَ ھم دوچار کپت کن آں
اگاں ھاسیں گپّے بیت آئی لوگ ءَ رو آں
بلوچانی گور ءَ پتّر لگت دیگ ءُ میڑ ءَ مزنین
بستارے ھست
البت یک سوجے شمارا دے آں
وھدے کہ بانک ءَ ھم دیوان بیت ئے
وت ماں وتی گپّے بیت
اربی مہ کن ات کہ بانک اربی ءَ بلد انت
ھیر واجہ سلیم اللہ ءُ بورڈ ءِ باسکانی
دیوان گوں زبیدہ جلال ءُ آئی وزرات ءِ
باسکاں بیتگ
شپ ءَ واجہ سلیم اللہ ھان ءَ مپتی
ساب ھال داتگ کہ مئے میٹینگ ءُ دیوان
شرّ بیتگ
گپّے بہ گوش آں

بانک مکمل ستری جنین آدم ئے
بلوچ ءِ پوشاک پردگ انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:38:21 AM
یاتانی دپتر

بھر 53

" کم نھادیں ٹکٹ "

ارزانیں چیز ھر کس ءَ دوست بیت ھر کس جُھد کنت
کہ آ زر کم ھرچ بہ کنت
ساماں آئی ءَ ارزان ءَ بہ رس ایت
ارزانی چیز زورگ ءَ دست ءُ دل ھم گیشتر گِر انت
بلے رندے پشومانی ءَ ھچ پایدگ نیست
ءُ لھتے نھاد ءَ گِرانتر کنت ءُ سامان زور ایت
ناں ارزانی چیزانی سر ءَ مردم پھر بہ بند ایت
ناں کہ ھُشکین گراں نھادی شر انت گراں نھادی ءِ
وھد ءَ کوالٹی المّی انت ھمے چیز کہ مردم مولانی
تہ ءَ زیر ایت ئے
ھمے چیز دگے بازاراں ارزان تر انت
سپر ءَ مردم ءِ جھد ھمیش انت
کہ بالی ءِ ٹکٹ آئی ءَ
ارزاں تر ءَ بہ رس ایت

من ءَ شرّ یات انت کہ منی وارسے ءَ وزٹ
ویزا ءَ دُبی ءَروگی ات
ھوٹل ءَ داشتگ ات ئے
من ءَ گوشت ئے سھب ءَ بیا روئیں
پمّن ارزان کیمتیں ٹکٹے شوھاز کن ایں
من سھب ءَ بُرت ٹکٹ ءِ نھاد جُست کُت
من ٹکٹ والا گوشت شرّین نھاد ے ءَ
ٹکٹے واجکار ءَ
شوھاز کن ءُ بہ دے
مردک ءَ گوشت شپ ءَ ترا ٹکٹ 18600کپ ایت
پونشگیں ٹکٹ 17000ھزار ءَ تر ءَ کپیت
من گوشت گڑا شپ ءِ ٹکٹ گھتر انت
واجکار ءَ چم کش ات انت
تو من ءَ پُولگ ءُ ورگ لوٹ ئے
پونشگیں ٹکٹ 1600کلدار کمتر ءَ کپگ انت
من ھمینچو ھم نزان آں
ترا میار پر نیست تو کراچی آپ وارتگ
شما سیاد وارسی نہ چار ات
مردک زھر ءَ ات گپ گوش دارگی نہ انت
من گپ ءَ لگّ ات آں کہ مردک گپ گوش
دارگی نہ ات
منی گپ گوش نہ داشت ئے
مرد ءَ ٹکٹ پونشگیں کُت
من بُرت ھوٹل ءَ کلاک دو کلاک ءَ پد
مردک سارت بیت
من گوشت من پہ تئی پایدگ ءَ گوشتگ
بلے تو منی گپ گوش نہ داشتگ
گپ اش انت تو دگہ سے روچ ھمد ءَ ئے
800کلدار کمرہ ءِ باڑہ انت سے روچ ءِ
ھساب ءَ 2400کلدار بنت
روچے ھزار کلدار تو ھرچ کن ئے
کل 5400کلدار ترا پہ پونشگین
ارزانیں ٹکٹ ءِ ودار ءَ ھرچ بیت
1600کلدار کش
تئی ھساب ءَ تو ٹکٹ ارزان کیمت ءَ
گپتگ تو زرّ بچّینتگ
بلے ترا 3800کلدار نکسان بیتگ
اے ارزان نھادی ءَ ھر کس
ھساب ءَ کار ایت
بلے ودار ءِ ٹوٹل ءَ نہ جنت
من دیست مردک انگت ءَ وتی جاھلی ءَ کنگ انت
دبی ءَ کہ شُت منی زبگ جت ئے
دبی پُرّی کتگ ناکو ھم مرچاں پراڑ کنت
آھر کراچی آپ وارتگ ئے
مپت ءَ من ءُ کراچی آپ بنّام انت
کے اشاں سرپد بہ کنت
کراچی ءَ اگاں دو ناسرپد ءَ ردی کتگ
بلے ھزار شمئے کاراں راہ گیج ایت
تاں روچ مرچی
اے ویل دنیگت ءَ گندگ پیداگ انت
مپت ءَ ناکو بنّام انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:39:17 AM
یاتانی دپتر

بھر 54

" ناکو ءُ ٹوتھ بُرش "

من " نظم اللالی فی الامثال " کتاب ءِ تہ ءَ ونتگ ات
سے چیز ءِ شریداری ءَ پھریز کن ات
کہ نادراھی ءِ سوب بنت
کئے کجام نادراھی ءَ گورجتگ زانگ نہ بیت
جراسیم یک دومیگ ءِ جسم ءَ ھمے چیزانی کارمرز
کنگ ءَ دومیگ ءَ گور جنت
میڈیکلی گپ ھم ھمیش انت
آ سئیں چیز مزواک ٹوتھ بُرش ۔ٹوال۔شک سر رند
سر رند ءَ من انگت ءَ سمجھوتہ کُت کن آں
بلے ٹوال ءُ ٹوتھ بُرش ءَ من ءَ ھلار کن
نہ بیت
لھتے نیگھبت ءُ ناسرپد ٹوال ءَ زور انت چوٹھاں ۔کوشاں
ھم ساپ کن انت
من ھاپز اتا ءِ اے پوسٹ دیست من ءَ کسھے یات ات
من ءُ سنگتے ءَ جاپان ھوٹل شال ءَ داشتگ
ات
سنگت ءِ جاہ آروکے ھمک روچ مئے گورا اتک۔
جاہ آروک ءِ گاڑی بند ات
ھمائی چست ءُ ایر ءَ بزگ منی سنگت ءِ گورا
اتک ءُ شُت
من کہ جان ءِ شودگ ءَ شُتگ ءَ آں
من وتی سابون ءُ بُرش ءُ ٹوال
جتا کتگ انت
بلے سنگت ءِ بُرش دایم جان شود ءَ پسیل ءَ
ایر بوتگ من دایم مکن کتگ چوش مہ کن بلے
سنگت ءَ منی گپ نہ زرتگ
بے تھمبلی بیتگ یا کہ اوست یے بیتگ اے زمانگ
زانت ءِ زمانگ انت کس کسی چیز ءَ دست
نہ جنت
من ھمے مردمانی روگ ءُ آھگ ءَ پد سنگت
گوشتگ تئی برش کارمرز بوھگ انت
شپ ءَ بگر تاں سھب برش ھُشک بیت
بلے سنگت منّگ ءَ تیار نہ بیتگ
ھمے جاہ آروک ءِ ناکو بزان جنین ءِ پت
ھمک روچ جان ھمد ءَ شود ایت
من ھمے ناکو ءِ سر ءَ بیت آں
ناکو ءَ جان شُشت ءُ در اتک
من آپ دست ءِ بھانہ ءَ توک ءَ شُت آں
دیست کہ برش،وتی جاہ ءَ نہ انت
ھما ایر کنگ ءِ
جاہ کہ دوشی ما ایر کتگ ٹگل اتگ
دومی ترّ انت
سیمی پیسٹ لگّوک انت ئے
من سنگت چمُک جت اشارگ کُت
برو ناکو کار اں بچار کہ تئی بُرش ناکو
ءَ پہ وت کشّ اتگ

سنگت ءَ چار ات
من ءَ گوشت ئے ناکو ترا کمال انت
من گوشت لھتے چیز من ونتگ
لھتے منی دیم ءَ گوستگ
ھشکیں کاٹن ءُ کاٹار بوھگ
زانت ءِ نشانی نہ انت
زانت شھور دگہ چیز ئے

لھتے چیز ڈبگّ لوٹ انت

شپ ءَ رزان ءُ ایراں
لوھیگ دپ ۔مٹّے دپ ۔پریج ءُ سلّا جو
دان ءِ گونی ۔آرتانی گونی
روگن ءِ ڈبّہ ۔مشکے دپ مُھر بندگ
بلے مرچاں گیشین زرّانی بازی ءَ ما ھچ
پروا نہ دار ایں
اے سوج من رسول اللہ ءِ گشتانکاں ونتگ انت
ءُ یات گپتگ انت

ما اگاں گشتانک نہ ونتگ انت
بلے میڈیکلی سرپدی ھست
انگت ءَ
پروا نہ دار ایں
مزنین نادراھیانی آماچ بہ ایں

ناکو مُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:40:10 AM
یاتانی دپتر

بھر 55

" نادراہ ءِ نادراھی "

دود انسانیت بہ بنت یا اسلامی
بلوچیگ بہ بنت یا در کوم ئے
دودانی تہ ءَ یکے اش انت کہ میتگے ءُ بازارے ءَ
مردمے نادراہ بیت سیاد وارس میتگ ءِ مردم
ھمساھگ نادراہ ءِ چارگ ءَ رو انت
اے دود مرچاں نزور ترّ اتگ
تُشے کہ پشت کپتگ آ پہ امیت یا کہ دومی رسم
پلانی منی چارگ ءَ اتکگ من آئی کماش ءِ چارگ ءَ
رواں بزاں رسمانی بندوک انت
دین ءَ نادراہ ءِ گندوک ءُ دیداربینی چہ پنچ ھکّ ءَ
یک ھکّے گوشتگ (عیادۃ المریض) نادراہ ءِ چارگ
دومی ھساب ءِ روچ ءَ ھم واجہ ھدا چہ بندگ ءَ گلگ
کنت تو منی چارگ ءَ گندُک ءَ پرچا نیاتکگ ئے
بندگ گوش ایت واجہ ھدا من چوں تئی گندگ ءَ
نیاتکگ آں
واجہ ھدا پلانی تئی میتگءَ نادراہ بیتگ
تو چارگانی بیاتکیں ئے من ھمود ءَ ات آں
تو من ءَ دیستگ ات
ھمے چارگ ءُ گندگ ءِ تہ ءَ لھتے بدیں رسم
جوڑ بیتگ
اشاں پھریز کنگ لوٹ ایت
انسانیت ءُ اسلام ءِ رھبندانی ھلاپ انت
نادراہ ءِ چارگ ءَ بازینے روت کمرزانی بند ایت
نادراہ نشت نہ کنت
تکانسر بیت
بزگ میار کنت مھمان نشتگ انت
آ دراج بہ کش ایت ءُ تچک بہ بیت
اے پمّن ائیب ئے

دومی بزگیں نادراہ ءَ دوا ءُ درمان پہ وام بدل کنگ انت
کمرزانی جنوک چلیم چاہ ءُ شربت لھتے نان ءَ ھم نند
ایت
مگربی بلوچستان ءَ من شُت آں گوش گپت انت
انچو ھرچ نادراہ ءِ نادراھی ءِ سر ءَ ھررچ نہ بیت
اینچو کہ چاروکانی ھزمت ءَ لگّ ایت ءُ ھرچ بیت

نادراہ ءِ چارگءِ مستریں مول آئی واستءَ دراھی ءِ
دُوا انت دلبڈی انت تو زوت وش بہ ئے
نادراہ ءِ دل ڈڈ بیت آ زوت وش بیت
مرچاں گیشتر چاروک دلبڈی،کار نہ کن انت
ھمے نادراھی ءِ کسھاں کار انت
پلانی اےنادراھیءَ گور جت شھران اش بُرت
پشتنہ کپت
اے نادراھی ءَ کزا یکے پشت بہ کپ ایت
نادراہ کہ گپّاں اشکنت آ دلءَ کپ ایت
کم کم موشن ڈون بیت نادراھی گیش بوھاں بیت ئے

من ءَ شر یات انت سندھ ءِ وارسے ءَ من ءَ کال کُت
تو کجا ئے من گوشت لوگ ءَ
گوشت ئے تو بیا منی برات زتک نادراہ انت
من پلان نادراہ جاہ ءَ آں سے روچ بیت
من شُت آں نادراہ چار ات
من دیست وارس ءِ گپ چو جنینو انت
نادراہ ءِ کرّءَ ھر چاروکے کیت
آ کسھہ کنت پلانی پلانی نادراہ بیتگ انت
نادراھی ھمے بیتگ پشت نہ کپتگ انت
پلانی ھم گوشتگ مپتین زرّ ھرچ مہ کن ات
پلانی چوش گوشتگ
من نادراہ ءِ چھرگ ءِ تاسراتاں چارگ ءَ آں
من دیست چاردہ سالیں کسانین بچک دل ءَ
کپتگ ءُ کپگ انت موت ءَ چم وت گندگ انت
ءُ ناکو موت ءَ پیش ئے دارگ انت ئے
کلاکے ءَ من ھمد ءَ ات آں
منی تبیت ھمے بانپان ءِ گپّاں ھراب کتگ ات
من ڈنّ ءَ بُرت گوں ڈنّ ءِ برگ ءَ نادراہ ءِ پت
ءُ دومی ناکو رس ات انت
من دراھبات کُت انت
من گوشت پلانی ترا دگہ مردم نہ رس اتگ
یا ترا وتی چُک کُشگی انت
گوشت ئے واجہ گپ چے انت
من گپ جت انت نادراہ ءِ چارگ ءَ روچے ھپتاد
مردم کیت اے تئی شر نُگلیں برات بانپان
کسھہ کنت چوشیں نادراہ پشت نہ کپ انت
تئی چُک کہ ھبراں اش کنت
وت وش نہ بیت دل ءَ کپ ایت
شاباش کن ایشے ءَ ٹیکسی کن ملک ءَ رواں دے
چُک ءَ اد ءَ کش دگہ نادراہ جاھے ءَ بر

پتءَ منی گپ زُرت
دومی شپ ءَ من ءَ کال کُت ئے
واجہ چُک گھتر انت
من چارک ءَ کس ءَ نیلگ ءَ آں
ڈاکٹر ءَ گوشتگ دو روچ ءَ پد چُک ءَ بر لوگ ءَ
چارمی روچ ءَ من گوں نادراہ ءَ ھم گپ جت
نادراہ سھی بیتگ ات من اے کار کتگ انت
منتی گپت
واجہ تئی باز منت
من گوش سلامت بات ئے

ناکو مُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:46:50 AM
یاتانی دپتر

بھر 56

" ناکو ءِ بیرانی "

گنی یے اے کمنٹ ءَ من ءَ ترانگے ءَ پرّ انت
وھدے کہ
منی ناکو بیراں بیت من کراچی ءَ ات آں
من شُت آں ملک ءَ لوگ ءَ نہ داشت دیم
پہ مگربی بلوچستاں ءَ مردمانی چارگ ءَ
مرز ء زامات اتکگ ات
مردینانی دیوان جاہ ءِ روگ ء پد
من شُت آں بلُّک ءَ تسلہ دے آں
من کہ لوگ ءَ پاد ایر کُت
بلُّک منی مات ءُ ترو نشتگ ات انت
بلُّک ء دستانی گرگ ءَ گوں
مات ءُ منی تری گریوگ ء لگّ ات انت
من گریوگ ء نشت انت
اے ساھت ء گریوگ المّی انت
ستم مردم سنگ دل بہ بیت
ارس در کا انت
منی زامات سجین چیزاں چارگ ءَ ات

من کلاکے ء پد در اتک آں
من زامات گوشت من ء بر
ناکو ء کبر ء چار آں
روگ ءِ وھد ء زامات
پونشگ ء ات من ءَ گوشت ئے
تو زالم ئے پٹّے ارس بہ ریچ
ترا ناکو ءِ بیرانی نہ تور ایت


درد کول گنی ئیگ ء درستاں پر انت
لھتے نار ایت ءُ آدگرانی درد ءَ مار اِت
نہ کنت آ ھمے سرپد بیت آ مئے دردانی
شریدار نہ انت

من زامات واتری ء گوشت تو من ء زالم
بے رھمے سرپد بیتگ ئے
گپ اش انت منی بلُّک نادراہ انت
گمانی آزمان سر ء کپتگ ئے
منی دو تری کہ نشتگ ات انت
ھر دوئیں تروھانی دو دو چک
بچکے ءُ جنکو ئے پلج انت
آھاں لوگ ء درآھگ ء موہ نیست
بزگ وتی گماں گار انت
من ملاّ یے آں
ملاھانی کرد چارگ بیت
من کہ وتی درد ء زااھر بہ کن آں
درشان بہ کن آں بہ گریواں
بلُک دلپٹ دلترک بیت
تری ءُ مات ھال چے بیت
من پمیشک ء درد زاھر نہ کتگ انت
زامات گوش ایت ھو انچوش انت
لھتے مردم
چارگ ء کیت انت جنین گریونت
تئی بلُّک ءُ تری تُس انت

مرگ بیرانی زلم سک تورناک ءُ دردناک انت
آ کہ دلے واھوند انت ستم سنگ دل بہ بیت
درد ء مار ایت
میتگ۔بازار۔راج۔کھول۔لوگانی تہ ء اے
چیز گندگ بنت
لھتے وت ء داشت کنت لھتے بانرگ جنت
وتء داشت نہ کنت
لھتے چورہ ءِ سر ء دست مُش ایت
جھان ءِ مستریں درد ماروک ھما انت
کہ چورھانی سر ءَدست مُش انت
آھانی ھیال ھمک وھد دار انت
رسمی مردم نہ انت آ
مستریں گم وار لیکگ بنت

ھما چورہ کہ من تو آھانی پتانی
مرگ ءَ بانریتگ ءُ گریتگ
سوشل میڈیا ءَ گوں دگراں گورجیگ
ماں گورجیگ بیتگ ایں
انگت ء پہ رسم ءِ جھان من تو آھانی
سالروچ دار ایں

اسل درد پی ڈپی نہ انت
اسل چورھانی بزگی مارگی انت
وشیانی روچ ءَ آھانی ھیال
گور کنگی انت ھشکیں مارگ کار نہ دنت
اگاں ناں ھشکیں ھمدردی ءُانسانیت ء گپ
بلوچیت ء سیادی۔وارسی۔میتگی۔
ھم کومی ءِ گپاں ھچ بستار نیست
اے پرس ءِ پتّر تک ھست انت

انسانیت ءُ راجی درد واراں

یہ تو لفظ ھیں لفظوں سے کھیں بھوک مٹی ھے
تقریر مساوات نھیں چاھئیے ھمکو
مخلص ھو تو تقسیم کرو زر کو ابھی سے
یہ وعدوں کی سیاہ رات نھیں چاھئیے ھمکو

ناکو مُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:47:58 AM
یاتانی دپتر

بھر 57

" زبان "

وھدے کہ زبان ءِ گپ کیت ھر کس وتی ماتی
زبان ءِ سر ءَ پھر بند ایت
بلے ھیرت چاری ءَ مردم کہ چار ایت
چوش نہ انت وھدے کہ زبان گپ کیت
ھر کس وتی زبان ءَ ساڑا اِیت ءُ
دومی نیمگ ءَ اے گوشگ بیت کہ زبان ءِ دیمروی واست ءَ المّی انت کہ ادارہ بہ بیت زبان در برگ بہ بیت
من ءَ شر یات انت وھدے کہ ما کراچی ءَ وانگ ءَ
شُت ایں من دیست نودربرانی زور انگلش ءُ
اردو در برگ ءِ واست ءَ اِنت
وانندہ تبکہ انگلش ءَ در برگ لوٹ انت کہ انگلش در برگ دیمروی ءِ اولی پدانک انت
مئے گدرنگ ءَ دو پٹان ءُ مھاجر ھست ات
ءُ ما دو بلوچ ات ایں
مئے دیوان ءُ مجلس کہ بیت انت
ماتی زبان ءَ گپ جنگ مکن ات
کسے ءَ بے ترانگی ءَ گپ جت
مُشتانی دیمپان ات ایں
گپ اش ات کہ اردو شر بزاں ایں
ءُ اردو ءَ در بہ بر ایں
اردو کتابانی وانگ ءِ شیرکنی مئے نُک ءَ
بیست ھپت سال ءَ ھست ات
آ وھد ءَ بلوچی زبان ءِتاکانی وانگ ءَ منی
سر ءَ درد کُت
اے سھت ءَ من مزن ھور ءِ ملکے ءَ اِت آں
اد ءَ کہ من ءَ چیزے گندگ پیداگ انت
من ءَ وتی نودربری ءِ ترانگاں گیج ایت
اد ءَ ھم بلوچ ھست
من گوں واجھے ءَ آدینگ ءِ نماز ءَ شُت آں
واجہ ءَ وتی نماسگ زُرت گوں
راہ ءَ ما گپ جناں بیت ایں
واتری ءَ نماسگ ءَ وتی پیرُک گوشت
بابا کلم بالعربیہ اربی ءَ تران کن
ھمراہ ءَ گوشت نماسگ ءَ یل کن
نماسگ
اُسکت
ھاموش بہ بئے
من دیست اد ءَ ھما پگر کہ مارا گوں بیتگ
کہ ما اردو یات بہ گر ایں
اد ءِ چُک اربی برگ ءَ دیمروی سرپد بنت
وتی ماتی زبان ءِ بستار ءَ زانگ ءَ نہ انت
وھدے کہ من اے نماسگ ءِ گپ سنگتے دیم ءَ جت انت
آئی ءَ گوشت بیا کہ
اد ءَ من شیکے لوگ ءَ آں
چُکان انگلش ءُ پرانسی گیشتر گپ جن انت
مات مراھیگ انت کہ چُک اربی گپ بہ جن انت
چکان اربی گپ ءِ واست ءَ ٹیکّی دے انت
کہ منی چُک تو گپ بہ جن
ترا من پلاں چیز ءَ دے آں

وھدے کہ ما وتی مجلسان نند ایں ءُ گپ جن ایں
مئے گوشگ ھمش انت ارب وتی زبان ءَ سک
مُکلس انت آئی دیمروی ءِ واست ءَ باز کار کنگ ءَ انت
بلے دیمروی نادراھی ءَ ارب ھم گور
جتگ انت آکبت اد ءَ زبان ءِ اے دگہ
ادراہ کار ءَ انت وسیلگ اش ھست
بلوچ ءَ ادراہ نیست
بلے نوکیں زرمبش کہ جوانانی تہ ءَ وتی ماتی زبانیگ کہ چست بیتگ ات
من امیت دار آں
کہ اے ھار ءِ دیم ءَ نی کس بند بست نہ کنت
کسے کہ ھار ءِ دیم ءَ بند بندگ ءِ
جھد ءَ بہ کنت سوبین نہ بیت
کمویں جیڑہ کہ سیاھگی کہ ھست انت
اے گیش ءُ گیوار بہ بنت
بلوچی زبان ان شاء اللہ زوت مزنین
زبانانی لڑ ءَ ھوار بیت

ناکو مُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:48:40 AM
یاتانی دپتر

بھر 58

" سرباز "

1991 ءَ ما وانگ ءَ کراچی ءَ شُت ایں
مئے وانگ جاہ ءَ سرباز کبلھی بلوچستان ءِ نودر بر
باز وانگ ءَ ات
سرباز الم ءُ زانت ءِ ھوالہ ءَ سک مشھور ات
مئے نودربرانی وھدے کہ دیوان بیت مارا ھمے
سرپدی رس ات کہ سرباز بلوچستان ءَ
بالاکوٹ سرھد ءَ ھما زمین انت تھم بہ کپ ایت
آپ مہ رس ایت نمب ء ھم تج جنت ءُ رود ایت
گوستانک ءَ ھم چمشانک دے ئے
سرباز ءَ نام داریں واجہ ءُ آلم در اتکگ
کبلھی بلوچستان ءَ گیشترین دینی رھشون ءُ آلم
سرباز ئیگ انت
ھچ چوشین لوگے پشت نہ کپتگ کہ آ لوگ ءَ آلم ءُ
ھاپز
یا نیم کنداکین ءُ وانگ نیم بُند کنوکیں نودربر نیست
کسانی ءَ ھر کس ءَ جُز مالابد منہ۔ کنز ءُ کدوری نہ ونتگ

گپ اش انت سرباز ءِ دینی ھوالہ ءَ گپ باز اش کتگ
بیتگ منی گوش پتک انت سربازی نودربراں
ھو اڑے سرباز تو وتی مٹ وت ئے
من ء دو سنگت بیتگ
ابداللہ ءُ مھمد اشاں مارا جگرو کُتگ
من گوستگیں دو سال پیش سیاد ءُ وارسانی گندُکاں
کبلہ ءَ شُتگ ات آں
واجہ موسی ارجمندی جُست من کُت
کہ نادراہ ات ھال ء گر ئے من ء ھال دے
روئیں چار ایں ئے
ابراھیم ءَ گوشت بیا کہ واجہ سک نادراہ
بیتگ ھمیش ایں من ء واجہ زامات ء گوانکو
کتگ کہ واجہ بیران بیتگ جنازہ شپ ءَ بیت ئے
من لھتے ھمراہ زرت نماز جنازہ ء شُت آں
جنازہ ءِ سرپ کہ اوشتاینگ بیت انت
سپ کہ راست اش کت انت
ھمک نیمگ ءَ توار چست بیت
نیت ءَ بہ گوش ات
ھنزہ مدرسہ ءِ واجہ ءَ توار پر دات
کہ ھاموش بہ بہ ات
نیت ء گوش دار ات
دو سے رند ء نیت گوشگ بیت
من وتی کش ءِ مردم دو سے آلم ات
انت گوشت انت
ماشاء اللہ سرباز ءَ دینی الم ءُ زانت ءَ
سک دیمروئی کُتگ
انچوش کہ شما91 ءَ بہ گر تاں 97
مئے گوش کرّ کُتگ انت
دوا انت کہ مئے ملک ھم انچو دیمروئی
بہ کن انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:49:35 AM
یاتانی دپتر

بھر 59

" مُشک "

لھتے کار مردم کنت آ وھد ءَ شاید دماگ کار مہ کنت
بلے اے المی انت کہ گیشتر اشتاپیں پیسلھانی آسر
وش در نئیت
العجلۃ من الشیطان
اشتاپ کاری چہ شیتان ءِ نیمگ انت
باز وھد ءَ ترا موہ دیگ نہ بیت باید پیسلہ کنگ ءَ
اشتاپ بہ کن آ جاورانی نگیگی وھد انت
چو کہ گوش انت ھار یا پار
رکّ ئے یا تاوان بار بہ ئے
ھر کسی زند ءَ چوشین چیز دیم ء کیت
بلے تجرگ بوھگ ءَ پد
ڈنگ وارتگ ءُ پد ء بیسلہ کنگ
لٹّے وتی سر ءَ جنگ انت

من ءَ یات انت کہ یک دو روچ ساری ما شپے
ھمے سنگت ءِ گورا داشتگ ات واجہ ء کہ مارا
اے لوگ ء واپینتگ ات مُشکاں من ء شپ ءَ دو بر
من ءَ گٹ پاتکگ ات
ما اھتجاج کُت
آیندگاں نہ واپینگ ءِ تسلا مارا دیگ بیت
من گوں ھمے سنگت ءَ پاٹی شور ءُ مجلس ءُ دیوان ءَ
کہ پاد اتک انت
شپ ءِ ھشت ات من ءَ لوگ ء روگی ات
جاور وش انت
من سنگت گوشت ترا من لوگ ء ایر کن آں
من شپ ء دارگ ء لوگ ء مند ءَ رو آں
سنگت ء ھو کُت
بزان کہ سنگت ء نیت ھراب ات
من واھرچ ھوالہ لوگ ء رواں
بلے ناکو ء روگ ء نیل آں
من سنگت ءِ گورا دارگ ءِ ھکّ ءَ پمیشکا نہ ات آں
کہ مشکانی ھال ءَ سھی ات آں
وھدے کہ من سنگت ءِ ھنکین ءَ رس ات آں
سنگت ءَ مرگ کُت کہ ترا روگ ءَ نیل آں
بے وھد انت
من ھم نہ روگ ءِ پیسلہ پمیشکا کُت
کہ دو روچ ساری تپسیر ءَ
اکلہ الذھب گرکی وارت
ءِ پال گپ ونتگ انت
یکین وا نیست ات کہ مردمے ستک نزور بیت
گپ نوک ات کہ من ونتگ ات
گھنگاریں بندگ ستک ھم نزور
بیت
من روگ ءِ شور کوتاہ کُت
من سنگت گوشت من تئی گورا ھما شرت ءَ
جلّ آں ءُ شپ گوازیں آں
مُشکی بان ءَ من نہ وپس آں
سنگت ء گوشت تو یکین کن من درماں جتگ
مُشک زات نیست ناں مشک گوائیت
من گوشت واجکار تو لوگ ء رو ئے
اگاں مُشکاں من ءَ واب ءَ نشت
من شپ ءَ شپ لوگ ءَ رو آں
من تچک بیت آں شپ ءِ نیم ءَ مشُکے ءَ من ءَ گٹ پاتک
واب ءَ گُڑ ات آں
من کمبل پتات دومی گٹّ ءِ پاچگ ءَ من پشک
گورا کُت گاڑی سلپ جت در اتک آں
من اول ءَ دیم لوگ ءَ دات
شپ ءِ پاسے گوستگ ات
من پد ءَ دیم ترّینت
دیم پہ تربت
شے تگر ءِ گورا گاڑی پنچر بیت
ترس ءَ من ھچگی نہ آں
اسپیر در کُت
کُچگانی کلونزگاں من نٹ بست انت
جیک جھل کُت ٹائر ءِ گوات کم انت
کمو دیمتر ءَ شُت آں
اے ٹایر ھم پنچر بیت
ٹایم چار ات چار ءُ نیم انت
شپ سرد ات زمستان ات
من شپّاں کُت
تاں تربت سر بیت آں
ٹایر کار ءَ شُتگ ات

اد ءَ سھب ءَ سنگت ءَ میتگ ءَ
گوانکو کُت موبایلانی زمانگ نہ ات
میتگ ءِ مردم پریشان بیت انت تربت ءَ
من ھم سنگتے گورا اتک وپت آں
کس ھال ھم نہ داتگ ات

منی شپ دارگ ءِ پیسلہ یک ھسابے ءَ
شر ات کہ بے وھد ات
بلے مشکانی کسھہ دو سے شپ پیسر
پیش اتکگ ات
پد ء ھمے جاہ ءَ دارگ
لایلدغ المومن من جحر مرتین
مومن یکین ھونڈ ءَ دو رند ڈنگ جنگ نہ بیت
رد ءَ رد ات
پد ءَ گٹّ پاچگ ءَ پد در آھگ
گاڑی پنچری ءُ دگہ ھالتانی رد ءَ
اشتاپین پیسلہ یے ات
من مہ کُت ایں بلے بیت
بلوچی زھرگ انت
ھیر من ءَ مزنین نکسانے نہ بیت
بلے اے وڑیں اشتاپیں پیسلہ
نباید مردم بہ کنت
من کُتگ شما مہ کن ات

من نہ کردم شما حذر بہ کنید
من نہ پھریز اِتگ شما بہ پھریز ات

اشتاپیں پیسلھانی آسر وش در
نیا انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:50:27 AM
یاتانی دپتر

بھر 60

" زانت ءِ پیش دارگ "

باز مردم در ملک ءَ یاکہ مزن شھرے ءَ روت
آئی گپ بدل بنت ءُ گالوار بدل بنت ئے لھتے چیز ابرمی بیت کہ چاگرد ءِ لھتے لوٹ انت ترا ھما ھلک ءُ شھر ءِ بازین نندگ بدل کنت بلے لھتے زور وت ءَ زانتکارانی ردءَ ھوار کنگ ءِ ھاتر ءَ وتی زبان ءَ یل کنت ھواریں گپ جنت
مئے ھلک ءِ بازین مردم کہ کراچی ءُ مزن شھراں شُتگ انت یا رو انت
باز ءَ وتی گالوار بدل کُتگ
یا کہ پہ پیش دارگ ءِ ھاتر ءَ اردو ءُ انگلش گال کارمرز اش کُتگ
تا کہ گوش داروک ءِ گور ءَ آئی ءِ زانت ءِ بالاد پدّر بہ بیت
ءُ باز ءَ وتی زبان گیشتر یل داتگ یا کہ شموشتگ ئے
یا کہ زوریں نیمون کُتگ ئے
بزاں من اردو ءَ بلد ءَ آں یا کہ انگلش من یات گپتگ
بازینے ءَ ھند ءُ ھلک ءِ گالوار ءَ گپ در برتگ اے در برگ چاگرد ءِ ماھول ءِ برکت بیتگ
یا دگہ ھدا بزانت بلے باز بر ءَ مردم اے
در برگاں زوریں رنگ ءَ زور ایت
برے چاگرد ءِ داد ھساب ءَ پروش ایت ئے ھدا بہ زانت
ھمے پیما لھتے مردم مزن ھوراں شُتگ انت
ءُ اتکگ انت گپ گپ ءِ سر ءَ اربی گال کارمرز کن انت
اے چیز باز وھد ءَ مئے دیم ءَ اتکگ انت
ءُ پیش کا انت بلے ما بازیں توجہ نہ داتگ انت
من ء یات انت مئے وانگ جاہ ءِ چکاس ھلاس بیت انت
مارا دہ روچ ءِ چُٹّی رس ات
گریب شاہ ءَ ما ٹکٹ کُت
ادار دو ءَ بس رھادگ بیت
من دیست نزوہ مند ءِ جھمنند ئے
چہ درملک دبی ءَ پیداگ انت ءُ
دبی والا آ وھد ءَ نشان ات انت
سھریں دزمال ءُ سانو ٹیپ
مئے کوچ ءَ سوار ات
شپ گوست ءُ سھب ءَ مالار ءِ ھوٹل ءَ
بس ءَ داشت
نماز ءَ پد ما ارزبند وارت ءُ چاہ لوتائینت
ھمے دبی والا
ھوٹل ءِ تگرد ءَ دگہ پیم ءَ چارگ ءَ ات
ءُ بچک توار جت ئے
دگہ ساپین جاہ نندگ ءَ نیست
ھوٹل والا بچگ واجہ ساپ تر کن ءُ نند
مردک ءَ چادر چیر ءَ پچ کُت ءُ نشت ءُ نرونڈگ ءَ لگّ ات
بلوچ ھچ دیمروئی نہ کن انت
ھچ زانگ اش نیست
وت ءُ چوٹّان تگرد ءِ سر ءَ نند انت
واجہ ءِ نرونڈگاں مئے گوش کرّ کتگ ات انت
ھوٹل والا توار جت ئے ءُ گوشت ئے
شریں چاھے بیار
بچک ءَ چاہ دیم ءَ دات
چاہ ءِ ورگ ءَ پد
بچک توار جت ئے
زرّ چینچُک انت
ھوٹل والا دہ کلدار انت
مردک دہ چوں
بچک شش کلدار چاہ ئے
چار کلدار ءِ بسکوٹ
مردک ءِ دیم تھار بیت
واحد شای ستّ روبیہ
بھت ظلم ھے چاھوں کہ اوپر

یک چاھے شش کلدار
سک زلم انت چاھانی سر ءَ

ھمراہ شیتان ات انت
ناکو تو تالیم یاپتہ ئے
اشاں توتچک بہ کن ئے
ما ھر رند ءَ جنگ ایں
بلے مارا کمار نہ کنت
مرچی ھوٹل والا ءِ
سر مٹ ءَ کپتگ
ناکو پگلوکاں چست بیت
من دیست کہ
ناکو مست ءُ کھیر انت
کہ من گپ ءَ بلد آں
نزانت ئے کہ بچک آئی اربی ءُ
اردوانی سر ء ریشکند کنگ ء انت
دو روچ ءَ درملک ءَ روگ ءُ وتی زبان ءَ لگتمال کن ءُ
شو پیش دارگ ءِ متلب چے انت
ھمے ھم شگر ات کہ چو پلانیگ ءَ مردے گالوار یکدریں بدل نہ بوتگ انت
ءُ بدیں گال مان یے نہ ات
کہ پلانی سیدھا بئے بہ بئے اگاں ناں ترا چوش پلاں
۔۔۔۔۔!

ناکومراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on January 23, 2018, 08:52:28 AM
یاتانی دپتر

بھر 60

" سنگتانی شگاں "

جھان ءَ ھچ چوشیں چیزے نیست کہ بے نپ بہ بیت
ھر چیزے ءَ یک کیمت ءُ ارزشتے ھست
بس ارزشت ءِ واست ءَ پجّاروکیں
چمّ لوٹ ایت کہ آئی ء بزانت
مئے ھلک ء بازیں چیز ھست انت
کہ آھاں ما کار آمد سرپد نہ بہ ایں
بان ء یک کرّ ءَ دور اش دے ایں
پرچا کہ مئے گور ءَ آھانی زیروک نیست
اشانی ارزشت ءِ زانوگر نیست
بلے ھمے چیزان کراچی پیمین شھراں زیروک ھست کیمت اش ھست
ھچ چیز بے کیمت نہ انت
ھر چیز ءَ گراک ھست ءُ زوروک ھم
بس کیمتانی پرک زانوک بہ بیت
ء اربی گوش انت ھر کپتگیں
چیز ء چنوکے ھست

لکلّ ساقطۃ لاقطہ

پروشتگین دروازگ ءَ کراچی ءَ بہ بیت مٹ ءُبدل ھم بیت ءُ زوروک ھم
مئے ھلک ء سوچنت ئے
ترّین ء کن انت ئے
یا چات ءِ دپ ء دئینت ئے
لس مھلوک گوش ایت نی اے کارآمد نہ انت
بلے مزنین شھر ءَ پہ زورگ ءَ گراک تئی لوگ ءِ دپ ءَ کا انت
منی سنگتانی لڑ ءَ یک دو سنگت من ءَ ھست انت
چوشین روچے نہ گوز ایت مئے مجلس
ءُ دیواناں اے سنگت بنگپ نہ بنت ءُ ایر جنگ نہ بنت
ءُ من ء شگاں نہ لگّ ایت کہ ناکو تو پہ
سنگت زندگ ئے
من سنگتانی شگانانی وھد ءُ وتا کرّ کُتگ
بچکندے جتگ ءُ گوشتگ
کہ ھر پُلّ ءِ وتی بووے ئے
ھر سنگت ءَ منی دل ءَ جاھے ھست
اھترامے ھست
اے سنگتاں کہ شما اِش
ایر جن ات شما
سنگتاں باز گپّی ءُ بٹاکانی بنیات ء
ایر جن ات شمئے چم بس بٹاکانی سر ءَ
سکّ انت
شمارا سنگتانی بٹاک ءُ مزن گپّی
دوست نہ بنت
گپ ءَ تہ اندر ءَ ھم چارگ لوٹ ایت
دومیگ سنگتانی گریبی انت
بلے منی سنگت انت
منی دل ءَ اشاں مزنیں بستار ء کیمتے ھست
بس شما وتی چمّان اش چار ات ءُ چلّے ءِ ریٹ ءَ کیمت اش جن ات
چوش نہ انت

کسھہ چوش انت منی مردمے کراچی ء بیگواہ کنگ بیت ءُ بے ترانگی ء کُشت اش
لاش اش دور دات
جنوک زانگ بیت انت
ھمے سنگت کہ شمئے چمّاں چلّ ءِ
ریٹ اش نیست
ھمشاں چہ یکّے منی گورا اتکگ
شما بازین سنگت ءَ من ءَ گوانکو ھم نہ کتگ
ناکو ھال کن
من گوشت ھال ھیرے انت
کسھہ چوش انت
من ء گوشگ ء لگّ اِتگ
وتاس منی گورءَ ھست
پرپٹ پلانی ءَ ھات
تو مئے ھمراہ بو
من ءَ شون دے ئے
ما وت مردے کار ءَ کن ایں
ھیر من تسلا داتگ کہ اشتاپ نہ انت
ھمے بے کیمتین سنگت کہ سنگتان
ھمک مجلس ء دیوان ءَ بنگپ کتگ انت
کہ ایشی سنگت کنگ ءَ
ناکو تو بے سنگت بیت ایں ئے
ھمے بے کیمتیں سنگت ءِ اے سلاہ ءُ ڈڈّی ءَ من ھجبر بے ھیال نہ بہ آں
تا مرگ پراموش کنگ نہ بیت
ھزار شگاں ءُ پگّاں ھمشی
ھمے گپ ءِ واست ءَ کُربان انت
من آ وھد ءَ سنگتاں نہ گوشتگ

بلے سنگت کہ وان انت ئے
کہ ھچ کس جھان ءَ بے کیمت
نہ انت ھشکین بودناکیں ھزار سنگت
پہ اے وڑیں سنگت ءِ دو دانکاں
کُربان کنگ کرز انت

سنگت ء پجّار

سنگت ھما انت کہ نیگومیں جاورانی تہ ء سنگت ء دست ءَ بہ گیپت

ناکو مُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on April 04, 2018, 08:54:22 AM
یاتانی دپتر

بھر 61

" بلاہ "

من ءَ شر یات انت دایم کہ مئے وانگ ھلاس بیت کماش ءَ من ءَچُٹّیاں مند ءَ آورت
پیسر ءَ مئے دوار ھُدار باپتان اِت اَنت
مند ءِ نام ءُ مند ءِ ترانگ ءَ پورو من ءَ تاھیرے رس ات
من ءَ مند ءِ کھیر ۔
شرّو ءُ دودپانی ساھگ ۔
مشکانی آپ ءَ
ابید گیشتر شپ ءَ بلُّک ءِ کسھاں پہ زھیر کُت
آ وھد ءَ تو جاھے شُت ئے
رسم ات پہ ٹکّی ءَ چیزے برگ
من چن ء لانچ بندات کُت

مگرب ء پد شام
ماھکانی شپ ءَ تھتانی سر ءَ
شپ ءِ وپسگ مردم ءَ گیر کا انت
آ زمانگ ءَ مئے بازارءَ کہ تو تمبو ءَ رس ات ئے
واجہ شھداد ءِ دَرتگیں مشک ءِ آپ دیست انت تو زانت مئے میتگ رس اتگ
سھب ءَ کہ روچ در اتک تو دیست
پسانی سر دیگ ءُ شپانک ء رس اینگ
یک ڈیوٹی یی ات
وھدے کہ مئے چُٹّی بیت انت
ما مند اتک ایں
شپ ءَ دو کسھہ دو گپ آ زمانگ ءَ سک نامدار انت
منی تری زاتک ءَ ھامد ءَدایم جنگانی کسھہ آورت انت
پکیر مھمد آزم دُرّا نالی آھانی جنگانی کسھہ شپے شم دات ءُ دومی شپ
المّی ھمے کسھی آورت انت ئے
ما کسانیں ات ایں
برے برے بیمّے مئے جان ء کپت
بلّک ءَ اھمدُک کسھہ کہ لوگاں سوچ ات پُران ھرید انت
دومی جن جاتوک کوہ کاپ پری ءُ ممّ بلاھانی کسھہ آورت انت

مرچی من مارگ ء آں کہ بلّک ءِ اے کسھانی تہ ءَ مزنین پُشدرے ءُ سوجے بیتگ
کہ مئے دیم ءَ آورتگ انت ئے
بس دگری اش انت
آ وھدے رستر ءُ بلا ممّ دگے شگل ءُ دروشمے بیتگ انت
مرچگیں دگہ شگلے ءَ

گوستگیں روچان من لوگ ء ات آں
منی مات منی چکّان گوشگ ات
کہ جلدی کن ات بہ وپس ات
شپ ءِ پاسے گوستگ
جاور وش نہ انت
دُز شمارا بر انت
بلاہ ء رستر یلہ انت

من بلُک ءِ کسھانی ترانگ ءَ گپت آں
ءُ تری زتککیگ
کہ بلوچ ءِ گوستانک ءَ
ممّ بلاہ ۔رستر ءِ کسھہ کہ ھست انت
ھلاس نبیتگ انت
بس دروشم اش بدل بیتگ انت
پیسر ءَ جناور ءِ شگلا دیم ءَ اتگ انت
نی انسان انت
کار پد اش جناوریی انت

باریں کدی کیت کہ مئے باندات چہ کُل
بلاہ ء رستران بہ رکّ ایت
گوست ءَ مئے دل لاپ ء نبیتگ
مرچی باندات ءِ دل لاپ ء نہ انت
گوست ء چوشیں پریشانی بے
ایمنی نہ بیتگ
مرچی دیمروئی اے زمانگ ءَ نان گُٹّ ءَ
ایر نہ روت کہ چُک لوگ ءَ سر بیت
مرچگیں رستر چو زیمّ انت
ھرچے ءَ ڈنگ جن انت
رستراں دپ جنگ ھیل کُتگ
ناں کہ پہ ما دود اِش پشت گپتگ
ناں پہ ما ھلک ء دوار
بس ریسینگ ءُ کا انت
بلوچ ءِ گوست ءُ باندات
جون ایر انت
ھر کسی دست رسگ انت
آ ریسنگّ ءُ ورگ انت

ھدا تو وت مھربانیں زاتے ئے
مئے ایمان انت
تلک الایام نداولھا بین الناس

اے روچ انت گوز انت
وھد باز ءَ پدّر کنت
کے ء سودا کُتگ
کے ءَ گریتگ
کے ء ریسینتگ
ءُ کے ءَ دوتل ء دوپوستی کُتگ

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on April 04, 2018, 08:55:20 AM
یاتانی دپتر

بھر 62

" وژنامی "

لھتے مردم لبّ ءُ ملام ءَ چہ دگراں گیپت
ءُ وژنامی ءَ وتی نام ءَ کنت
گیشتر اے چیز میتگ ء بازارانی سروک ءُ میر
کن انت اے سروک وژنام انت نامدار انت
کہ ھرچ درچ کش انت نان دے انت
بلے گیشتریں چیزاں وتی میتگ ءِ مردماں گر انت
ءُ وشنامی ءَ پ وت کٹّ انت ء کشّ انت
بازیں ھست کہ آھاں بود مان انت
باید کہ ھمے سروک اے گپّ ء بہ منّ انت اے دادانی
ءُ ھرچ ء درچ ء مئے میتگ کل مردم ھمکوپگ انت
چہ ایشی ءَ تپاکی ءِ بند مُور تر بیت
دوستی ءُ یکدستی ءُ مھر ء تپاکی گیش بیت

من کہ وانگ ءِ ھلاس کی ءَ پَد وتی ھند ء اتک آں
مارا سیاسی ء نیکراھی ءِ دو سروک ھست ات
کہ آھاں چہ مئے سنگتان لب ء ملام گپت
ھمے چیز بُرزی واجھانی گورا کیش کُت انت
من یکبرے اسلام آباد شُتگ اِت آں
من الم ء زانت کُڈک ءَ(ایجوکیشن ڈپارٹمنٹ) ءَ امتیاز ء گور ءَ نشتگ ات آں
آئی ء من ء سوج دات بانک زبیدہ جلال تئی ھلک ء مردم انت
تو پہ وتی مدرسھانی واست ء لھتے کمپیوٹرے
ء بہ گوش ئے
شمئے ھلک ء پلان واجہ ء ما ھشت کمپوٹر داتگ
ما آ وھد ء لھتے مدرسھے نام لوٹ اتگ
واجہ مارا گوشتگ کہ دگے ھاسیں مدرسہ نیست
چو کہ تئی گپ انت مدرسہ وا باز انت
ھیر من بانک ء دہ مدرسہ نام دات
لھتے مدرسہ ء کمپیوٹر دیگ بیت

یک روچے ڈاکٹر ھنیپ ءِ کال اتک ما پیداگ ایں
ھمے کمپیوٹران یے کہ داتگ انت
آھانی چارگ ءَ کہ شما زرتگ انت
یا لاپ کُتگ انت
دو روچ پد داتگیں وھد ء ڈاکٹر ھنیپ اتک
ھمراہاں یکے ھما واجہ انت
ڈاکٹر ھنیپ وتی چاروکی کار کُت انت
من بلوچی دود ء متابک کاٹون ء پستگ
ءُ سرپ سابون ءُ انناسے زُرت ءُ گاڑی ءَ
کُت انت
من دیست کہ واجہ منی زُرتگیں چیزاں وتی
نام ءَ کیش کنگ انت ئے
نان ءَ پد ڈاکٹر کہ پاد اتک ءُ رھادگ بیت
کہ ما روئیں
من دیست کہ ھمے چیزان کہ ما دیَگ ء ایں ئے
واجہ وتی نمبران گیش کنگ انت
اگاں ھمے واجہ ءَ
آ وھد ءَ مئے مدرسہ نام دیگ ءِ
گُنگ مہ بیت انت
من ھچ نہ گوشتگ ات وھدے کہ واجہ
مئے دیمروئی ء وش نہ بیتگ
پہ مئے واست ء ھچ گپّ نہ کُتگ ئے
گڑا وژنامی ءَ پرچا کیش بہ کنت
ءُ بزیر ایت
من ڈاکٹر گلائیش کُت
گوں نرمیں اندازے ءَ گوشت
پھل کن شما انچیں وھدے ءَ اتکگ ئے
ما شمئے ھزمت ءِ ھک پورو نہ کُتگ
کماش ءَ پہ شمئے ھاترا یک پستگ۔
سرپ سابون ءُ انناسے کارٹونے زُرتگ
اشاں دیگ ء مارا لج کنت
بلے ھالیگ دست روگ مئے دود نہ انت
اے گپّ کہ واجہ اِش کُت انت
جان ء آس کپت ئے
سجین پلان ءِ ڈراپ سین بیت
دیم تھار بیت ئے

ڈاکٹر ء گوشت منتوار
کہ شما باز پہ ما کُتگ
واجہ ھدا کبول اش بہ کنت

اللہ ءِ باھوٹ ئے

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on April 04, 2018, 08:58:03 AM
یاتانی دپتر

بھر 63

" کار شرّ نہ کنت "

چاگرد ءَ مردم زند گوازیں ایت
برے برے اڑ ءُ جنجال گر انت ءُ برے مردم ءِ
سر ءَ سکّی ءُ سوری کیت
ھمے وھد ءَ مردم وت وست ء دژمن زانت کئے
کارگُشادیں مردم ئے
ءُ کئے ترا دل بڈّی دنت
چوناہ ء مردم ءِ دل دائم ڈڈ انت کہ واجہ ھدا ء
مئے راجءَ سروک داتگ وانندہ انت
میتگ ءَ میر ھست
بازار ءَ مستر ھست بے واھوند نہ انت
پہ بدل ءُ وام ءَ واجہ ھدا ء مارا لایکیں برات داتگ

اے چیز گیشتر مردم ءَ رد دے انت
تاں تنے وھد ءَ ما رد ورگ ءَ ایں
اے مپتین اوست انت
دل ڈڈ انت کہ میتگ ءَ میر کینگی ء نام پہ
کارگشادی ءُ راہ پرینگ جسکیتگ
جمادار ولیداد وشنامی دگہ ھلکے ء سر انت
راجی مستر باھوٹ ءِ کسھہ نہ بنت
ھمے دلپھکی انت کہ مئے کار ھچ دیم ءَ
نہ گنز انت ءُ راہ نہ کپ انت
میر جمادار ءُ لیڈر سے ئیں میتگ ءِ براہ انت
بلے میتگ ءَ ھمک روچ اڑ جنجال ءُ دُزّی گیش
بوھاں انت

من ء شر یات انت سیپی کماش ءَ تنگ کُتگ ات
بابُل تو ھبر نہ گر ئے گوشگ ء من دم بُرتگ
تو یک روچے کَشّ ءُ برو واجہ پلانی گورءَ
واجہ
من ءَ مشکلے ھست ءُ اڑ ءُ جنجالے ء گپتگ
مئے واجہ تو ئے منی اڑ ء گیش ء گیوار
کن
سیپی ء پسّو دات شرّ ابّا
دو سے روچ ء پد
پد ء کماش ء گوشت
بابل تو واجہ ءِ گور ءَ شُت ئے
گپ جت انت

سیپی ءَ دیم منی نیمگ ء کُت
تو کماش ء گپ بجن گوں
من کماش ء ھچ گوشت نہ کناں
کماش ءَ ارزبند ءِ وھد ءَ پد ءَ
گپ سُرینت
سیپی ء گوشت
مارا واجہ کہ بہ بیت ایں
جیڑہ اد ء سر نہ بیتگ ات
ابّا واجہ کار شرّ نہ کنت
ھراب کنت

من ء کار ھراب کنگی نہ انت
من چارگ ء آں کہ
مئے گیشتریں سروک ۔میر۔جمادار ء کھدا
کہ نام دار انت اے پہ زور کار شرّ نہ کن انت
لھتے مردم ءِ کار ء کہ لاچار بنت
یا دیم ء مردم ءَ امیتوکے ماں
گڑا کار ء راہ ءَ پرّئیں انت
اگاں ھمک مردمے کار شر کنگ بہ بیت
گڑا کے واجہ ء میر کھدا جمادار لیڈر لیک ایت
میر ء کھدا ء سروک ءُ راجی واجھانی مُچّی ءُ
بازی انت
کہ میتگاں رستر یلہ انت
اگاں کسے ءَ بود ماں باید وت دیم ء بہ کنز انت
پہ واجھانی امیت ء زندگ بوھگ
واب ئے

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on April 04, 2018, 09:07:01 AM
یاتانی دپتر

بھر 65

"نامداری "

نام ءُ مزنی ھر کسی دل ء واھشت انت
پہ نام ء در آرگ ءَ تاوان کشگ المّی انت
ءُ نان دیگ
آ مردم کہ نان مہ دنت پرزونگ پراہ ءُ
شاھگاں مہ بیت ئے
آ نام در آورت نہ کنت
پہ رسانکدرانی دو بیان ءُ پوسٹاں کس میر نہ بیت
ناں کہ نام ء دیم ءَ میر نبشتگ کنگ ءَ
نامداری ء میر بوھگ ءِ واست ءَ دوئیں چیز المّی انت
ھمے پیم ءَ تو کہ ھلکے ءَ نشتگ ئے تئی واھگ ھمش انت
من گیچین کاری ءَ سوبین بہ بہ آں
چاروک ءُ
اُوٹ دیوک ھم ھمے چیزاں چار انت

واجہ گلام رسول ویدی کسھہ کنت
من ء گوشت ئے من ء تئی پیروک
واجہ مھم رزا ھمّل ءِ
اے گپّ ھجبر پراموش نہ بیت
کہ پلان سنہ ءَ من تئی پیروک واجہ
مرھوم ماسٹر لتیپ ء دکان ءِ دیم ء ڈیک دات
من جُست کت واجہ پلانی ء پلانی گیچین کاری ءَ
اُوشتاتگ انت تئی ھیال ءَ کے کٹّ ایت
پسّو اے پیم ءَ دات ئے
منی سر ھمے چیزان در نروت
بلے پلانی کٹّ ایت
من گوشت واجہ من ء شر شرّ ءَ
سر کچ بہ دے

من ء پسّو دات ئے پلانی پلانی چک ءُ
پلانی نماسگ انت
آ چہ پت ء پیروکاں نان دے ء تاوان کش بیتگ انت

دومی واجکار ءِ نان دئی گپ من تاں
روچ مروچی نش کتگ
ناں میتگ ء بازار ء کسے شاھدی دنت
گیچین کاری رزلٹ اتک
گپ تئی پیروکے بیت
نان دے ء تاوان کش ء باج بُرت

دگہ سنگتے کسھہ کنت
من بلیدہ ءَ پاٹی میٹینگے ءَ
شُتگ آں
سیاسی دیوانے بیتگ
کساس ما بیست سنگت بیتگ ایں
من ءَ کشے نندوکین واجہ ءَ سُٹُکے
جت ءَ گوشتے کمو گوشاں بیار
ءُ نزیک بوو سُک سُکے کن ایں
من گوش واجہ ء دپ ء گور ءَ برت انت
کش ء نندوکیں واجہ ء گوشتگ
تئی پارٹی سروک اتکگ من سیٹ
کٹّ آں
وزیر بہ آں
ملک ء میر ءُ مستر بہ آں

اُوٹ وتی جاہ ءَ اے واجہ دنیگت ءَ
سرجاہ ءُ بالشتاں گوں۔۔۔۔۔۔۔۔ برابری کُت
نہ کنت
اتکگ من سیٹ کٹ آں
ءُ میر بہ آں
من سُٹُک جتگ
سرجاہ ء بالشتان یل کن
کمو واجہ ء نیمگ ء بچار
دو موز ء سروپے واجہ ء
دیم ء داتگ ئے
آ دگہ سنگت ندارگ چارگ ء انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on April 04, 2018, 09:07:54 AM
یاتانی دپتر

بھر 66

" سنگت "

زند ءِ تہ ءَ مردم کہ ترّ ءُ تاب کنت
مزن بیت وانگ ءَ مزنین شھران روت
آئی بازین مردم ءَ دوچار کپ ایت لھتے مردم
کم کم ءَ دل ءَ جاہ کنت آ سنگت گوشگ بنت
چوناہ ء مرچاں ھر دوا ء دروت والا پجّا آروک
مردماں سنگتانی لڑ ءَ جاہ داتگ انت
بلے سنگتی ءِ شایم ءَ آھانی تورگ نا انساپی بیت
لھتے در کسانی سنگت مردم ءَ بیت
بلے بیا کن لھتے سنگت انچین ھست
کہ دومی سنگت ءِ سنگت بیتگ سنگتانی دیوان
ءُ مجلس ء پاٹیاں گوں نند ء نھادے کتگ
ءُ ھمے بازیں رو ءُ آ ءَ سنگت ءِ سنگت جوڑ بیتگ
یا تئی سنگت جوڑ بیتگ
ھمے سنگت کہ دومی سنگت ءِ پجّار کنوک بیتگ
ءُ آئیء سوببء دومی ءِ سنگت جوڑ بیتگ
اے سنگت ءِ زند زیادہ تھل بیت
پرچا کہ زند دایم یک وڑ نہ گوز ایت
جھل ء برز بیت
ردی بنت ڈوبارگ ھمے سنگت بیت

من ءَ چار ء پنچ سنگت ھست
کہ من یک دومیگ ءِ پجّار کنوک بیتگ آں
بازین نند ء نھاد ءُ ھم مجلس بوھگ ءَ
آ ھم کلوز بوھاں بیتگ انت اے وھد ء
یک دومیگ ء سنگت انت
بزاں سنگتانی یک ٹولی ئے
بلے تیر ء تپرانی دیمپاں من آں
وھدے کہ تیوکی ء موہ رس ات
یا یک سنگتے ءَ ردی یے کُت
دومی سنگت من ء ڈوبار ایت
ناکو تئی سنگت مردمے نہ انت

پد ء ھمے دومی سنگت من ء کال کنت
من نزانتگ تئی سنگت انسانے نہ انت

وت ماں وت ءَ سنگت انت
دیم پہ دیم بنت ٹاکانی توار ھپتمی
منزل ءَ رونت
بلے ھبرانی دیمپان ناکو انت

دو سنگت چہ ھمش آں وت ماں وت ءَ
شور اش کُت زرّ اِش یکجاہ کت ءُ کاربار اش
بندات کُت
ھر یکے دو روچ ءِ سر ءَ من ء کال کنت
ناکو ترا سنگت نہ بیت
دومی کال کنت تو سنگت ء بابت ءَ پیل ئے
یا ھداے مھربان ناکو ءِ گناہ چے انت
ناکو پیل انت تو گڑا ھم ھمے کورچات ء
دور جتگ

یک روچے من گوم کت گوش انت
ناکو جنتر ءِ دوئیں سنگانی تہ ء انت
ھمک روچ ء دُروشگ ءَ گھتر انت
کہ یک زد کن ات
پشلی ء یک دومیگ ءَ چارگ ء لگ ات انت
ناں ناں تاں گپ گار بہ بیت
بلے پشلین مردم ءِ لونس گپ جن انت

ناکو ءِ اوپار سوب اے بیتگ سنگتی ءِ رگ
سک نازرک انت سنگت ریڑیانی سر ء بھا
زورگ نہ بنت ھچ انسانے نیست کہ کامل
بہ بیت شرّی ءُ نزوری ھر سنگت ء تہ ء
ھست بیست سال ءِ سنگتی بند ءِ سندگ
پہ دو ردی ءِ ھاتر ءَ پد ء ردی انچین کہ
کہ آھانی کشگ گرانین ھبرے نہ انت
اوپار وت یک الاج ئے
ناکو ءِ سنگتی ءِ بند وھدے دو سنگت ءَ
سند ء سید ءَ مَیل ایت
گڑا ترپشین ء سوچاکیں ھبران اوپار ءَ کش
تاں سنگتانی
اے ٹولی پُرشت ء پروش مہ بیت
ھدا زانت کہ اے ٹولی ء پُروشگ ءَ زرّ ھم
ھرچ کنگ بیتگ ۔ ردپھمی ھم پیداگ کنگ بیتگ
پندل مزنین سازگ بیتگ
پندل ساز ء زر دیوک وتی چات ء کپتگ
انت ۔ٹولی وتی جاہ ء برجاہ انت
البت ءَ نی نمب ء جتگ ءُ زنگ گراں انت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on April 04, 2018, 09:08:47 AM
یاتانی دپتر

بھر 67

" پَپُک "

باز بر ءَ مستریں مردم کہ مردم ءَ کار بند انت
کارکنوک کار ءَ پہ ترس کن انت یا بیدلیں وڑ ءَ کار
ءَ کن انت تاں ھبر مہ ور انت
وت دل ء مردم ھمے سرپد بیت کہ کماش سھی
نہ بنت بلے کماشانی تجربگ ء دیدگ سجین چیزاں
گندگ ء انت ما نزیک چاری کنگ ایں
کماش دیرچاری کنگ ءَ انت
کسانی ءَ کہ من اودار باپتان ء بیتگ آں
دو کار ھُجّت بیتگ کہ میتگ ء چُک اے کاراں بہ
کن انت
پسانی کاھاں چہ ڈگار ء آرگ
دومی پَپُک چنگ مچاں کہ آورتگ گونڈو
باید برو انت شھر ءَ
مچّ ءِ بن ءِ کپتگیں پپُکاں
بہ چن انت
مستروکیں چُکاں دگے دوکار ھم سر ء بیتگ
کلمپوگ چنگ ءُ دار چنگ

من ء یات انت کہ ما کسان بیتگ ایں
پپُک چنگ مئے سر ءَ یک ڈیوٹی یے بیتگ
وانگ جاہ ء کہ واتر کُتگ
بٹ ءُ بُنسوچ یا ماش بٹّے وارتگ
دیم پہ شھر ءَ
بندات ما گورم ء جان شودگ ء کتگ
پد ء اشتاپ اشتاپ ءَ شُتگ ءُ پپُک چتگ
مئے درپ رنگی ڈبّہے بیتگ
یا پنچ کیلو روگنی ڈبہ
بایدیں اے ڈبّہ پُرّ کنگ بہ بیت
اگاں ناں سوچاکین شھمات ایر بیتگ انت
اے وھد ء کہ ما شتگ ایں برے برے پپُک
پیشیگاں چتگ انت ھدائی گیشتر مردم ء تمبل
ھم نہ بیتگ
ترس ء زور ءَ زور ماں بیتگ بلے
اے کار سکیں گرانین کارے بیتگ

چو کہ منی کماش مزن ھور ء بیتگ
منی سر ء کڈنّ نہ بیتگ کہ پپُک بہ چناں
بلے ناکو ء بیمّ ھمینچو بیتگ کہ مردم ترس ءَ
گار بیتگ
من برے برے بے تمبلی ءَ ٹگّی کُتک
درپ ءِ نیم کسانین سنگ ءَ پُرّ کتگ ءُ
برز ء پپُک کتگ انت گندگ ء درپ پرّ بیتگ
برے برے ناکو ء پیشدارگ ء وھد ء سر کوٹّ
کتگ یک دو کپتگ

ناکو. ءَ مئے ٹگّی زانتگ بلے ھچ نہ گوشتگ ئے

نی من سما کن آں کہ ناکو ءِ مول ء مکسد
پپُک نہ بیتگ آئی ءَ من ء اے کار بندگ بیتگ
اے کار کہ پرماتگ انت ئے
تاں کہ ما ٹپّور ءُ جان دُزّ مہ بہ ایں
کسانی کارانی بندگ یا دو سے برات ءِ توک ءَ
یک برات ء کار بندگ ءِ مستریں سوب
چک ءِ در آرگ انت کہ چک کسانی ء جان
دُزّے مبیت ٹپّورے مبیت
آئی ءَ زند گوازینگی انت
زند ء وشھالی ءُ آسودگی واست ء کار
لوٹ ایت کار انسان ء گوشت ء آپ کنت

مئے ٹگّی ءُ جان دُزّیانی سر ء کماش ء
مسترانی ھاموش بوھگ ءُ آھانی سر ءَ
ھچ نہ گوشگ کماشانی پھک دلی نہ انت
ناں کہ ما وتی ھُژّاریے توسیپ ء بہ کن ایں
کماش دور چار انت سک دور چار انت

ناکو مُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on April 04, 2018, 09:09:39 AM
یاتانی دپتر

بھر 68

" سومارجان "

انسان رد مہ وارت اے بیت نہ کنت
ھر ملک ءُ ھلک ءِ رد دیگ ءِ وتی وڑ ءُ پیم انت
شرین ءُ زانتکاریں مردم ھم رد ور انت
مئے ھلک ء مردم کہ کراچی ء کا انت رد دیگ بنت
کراچی ء مھلوک ءِ سر مئے ھلک ء کپ ایت
آھاں مئے ھلک ءِ مردم ٹگیں انت
لھتے چیز منی چم دید انت ءُ سرگوست انت
من ء یات انت ھر وھد ءَ کہ من آدینگ ءِ
روچ ءَ چُٹّی کُتگ
مئے نند ء نھاد گیشتر النور ھوٹل ءَ بیتگ
بیان نبشتہ کتگ وھد تیلی واست ء رھیم دھانی سلپی
ء آدگہ سنگت ما مُچ بیتگ ایں
من ء وارسے بیتگ ءُ دگہ سنگت ئے
آھاں ھم ٹیبلے دست گپتگ ء نشتگ ء چاہ ء چن ور کتگ
نوکین مردمے کہ دیستگ ئے آھاں چاہ ء آڈر داتگ
ورگ وارتگ دست اش شُشتگ ءُ مھمان اش گوشتگ تو
کمو نند ما نماز وانین کائیں
دلپھک نشتگ ءُ واجکاران پشت ماں داتگ ء برو
کہ نہ روئے
سلاہ ءُ چاھے نہ بیت زرّ پُرّ کتگ انت

یکبرے ما ٹکٹ کت دیم پہ ملک
جھاو ءَ کہ رس ات ایں کوچ اُوشتاگ انت
مارا گوشگ بیت راہ نیست کور ء ھار کتگ
شپ ات ھوٹل والا سنگتاں توار جت
بچک نان ھست
پسّو دات ئے واجہ ھوٹلے اسپیشل کڑاھی ھست
کمو ودار کن ات سومارجان مرگے کُش ایت
من سنگت گوشت انت من روان آپ دستے کن آں
منی سر ھما نیمگ ء کپت کہ مرگانی کبس اَت
من دیست دو مردم ھلوت کنگ انت
تو برو مرگانی نیمگ ء ناروشت پیسرگیں ھست
گرم اش کن ایں
من دیست مردکے مرگانی کبسے نیمگ ء اتک
مرگ ء گردن گپت ئے تواری پرماینگ ءَ لگ ات
توک ء یکے ء توار پر دات
سومارجان مرگاں دو کن
سومارجان ء مرگ گپتگ انت کُور ءُ کار پرمایگ انت
مھلوک تگردانی سر ء نشتگ
لھتے کندگ انت
ء لھتے روگ ء ٹوٹل جنگ انت
تاں کلاکے ء پد بچک ء ناروشت گوں انت ء بھر کناں انت
من وتی سنگت ھال داتگ ات انت
مئے آڈر آرگ بیت من گوشت کہ مئے دل نہ کش ایت
رندتر ءَ ترا توار جن ایں
من پک ات آں کہ سھبگیں ناروشت کُٹ انت
ءُ ھلاس بنت
پد ء سومارجان مر ایت کہ کارچ ء مرگ ء گُٹّ ءَ دنت

من گوش گپت انت کہ دانا ء
زانتکاریں مردم ھم رد کپ انت
وھدے کہ جھاو ء سومارجان کہ اشاں رد دنت
سیاسی سروک وا مارا بھا کن انت
ما سھی ھم نہ بہ ایں
اے وھد ء منڈی وا انچو لگ اتگ
کسے کہ رد وارت پریشان مہ بی ات
رد ورگ ما ھیل کتگ
کس یک دومیگ ء میاریگ مہ کنت
رد دیوک مارا رد دنت تاں کدی
ھدا بزانت

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on April 04, 2018, 02:17:39 PM
یاتانی دپتر

بھر 69

" تُنّیگ "

لھتے مردم گپ نہ سگّ ایت یا وت دل ء ھبر زانتے بیت
کہ ھر گپ ءِ تہ ءَ دور جنگ ءُ وتی گپ ءَ توک ءَ دور دیگ ھیل کُتگ ئے ۔باز،مردم چہ ھمشان انچین ھم ھست کہ گپ
سرپد نہ بنت ناں مردم چار انت ناں دیوان
توک ء دور کن انت وتی دوئیں گپّاں جن انت
اے نزان انت کہ اے گپ ءَ کہ من کنگ ء آں
دانشوری گپ نہ انت
ناں کہ اے گپ اے جاہ ءَ پٹ بنت
چوش کہ واجہ ء ھیل کتگ ءُ دیوان ءُ مجلسانی
تہ ءَ گپ دور دیگ ءِ نادراہی واجھان یی تہ ھست انت
اشان ھزار بر سوج بدے یا
یکیں دیوان ء چار برء گپ ءَ بہ گوش ئے
واجہ وتی گپ ء جنت
واجہ گپ ءَ شریّ ءَ گوش ھم بہ دار ایت ءُ
گپ ءَ تُریں
واجہ دلجمی ءَ اشھم بکنت
بلے پینگ الم ء کش ایت ئے
پرچا کہ آدت ء مجبور انت
مارا لھتے سنگت ھست آ ما نام داتگ انت
" تونیگ گروپ "
اشان ستم تو گپ کن
بزان نش کُن انت
کسھہ چوش انت کہ مزنین تُنّیگ یک ورکشاپے ءَ
1998 ماں ماڈل سکول تربت ءَ کہ برجم دارگ بوتگ
ات گوں ات ڈاکٹر امتیاز ءَ من ءَ مانیٹر کتگ ات
آھری روچ ءَ ڈاکٹر ءَ گوشت
ناکو تو ھمد ء بہ بئے
من رواں بالی پٹ ءَ مھمان ءَ کار آں
آئی ءِ ھمراھی ءَ واجہ مولانا رھمت اللہ پنجگور
والا ھم گوں انت
کلاس ء سنگت ءُ بھر زوروکاں بہ گوش
کہ کسے ء دست آپ کنگی انت
وت ء گر ءُ گیش کن ات
وھدے کہ مھمان کا انت
کس چہ کلاس ء پاد مئیت

من سنگت سر ء سوج کت انت
مھمان کہ کا انت چہ آھانی آھگ ءَ پیش
سنگت وت ءَ بہ گیش انت
کسے آپ وارت
دیم شود ایت
برگر ء شرگرے وارت
یا بٹ ء چولاے
کساس یازدہ ء سجین سنگت
بیا انت ءُ وت ءَ سر بہ کن انت
من وتی گپ کہ ھلاس کت انت
سیپی ھم پاد اتک
ءُ لھتے گپ جنگ ءَ لگّ ات
سیپی ء ھمے گپ کسے آپ وارت
بیوارت میامجی ء کہ مھمان تران ءَ بنت
ھچ کس پاد مئیت
ھمے گپ سیپی ء دو سے چکر لیس پلّیس دات
ءُ جت
مزنین تُنّیگ پاد اتک اے نی چے گپّے
مردم تُنّیگ بیت پاد کیت آپ وارت
تریں ھر کس تران ءَ بہ بیت
ما وتارا تُنّ ء کُشت نہ کن ایں
سیپی تُک ء نُک بیت
ءُ مزنین تُنّیگ ء وتی کار کُت انت

ڈن ء کہ من در اتک آں
من سیپی گوشت
تئی دوا ھمیش انت
تو وا زاں ئے
کہ تُنّیگ ڈھولی ءِ پت انت
ترا یات نہ ات
تو دہ بر ء گوشت بلے مرد ء ھما
کُت کہ آئی ءِ زانت ات

ناکومُراد
Title: Re: ناکو مراد ءِ یاتانی دپتر ندر پہ باسک ءِ وانوکاں
Post by: Zahida Raees Raji on April 07, 2018, 12:03:04 PM
یاتانی دپتر

بھر 70

" امیت ءَ زور ماں "

زند یک روچی نامے نہ انت۔ زند گوں انسان ء لیب کنت
زند انسان ء انسان جوڑ کنت
زند انسان ءَ در کار ایت زند ءِ ھر گام انسان
شرّی ء ھرابی ءَ پدّر کنت
زند انسان ء آپ ء گواز کنت
زند چاگرد ء پیش دار ایت کہ واجکار کجام کد ء مردم انت
زند دوتل ء دوپوست ء شون دنت
زند ءِ دریا انسان ء گند ء شرّی
دوستی ءُ نادوستی
راست پگری ءُ سسّا ءَ
لیپگ کنت
زند باز شون دنت بلے زند ءِ شایم وھد انت
وھد ء واست ءَ ودار کنگ
ءُ
اوپار ء سبر انسان ء تہ ء بہ بیت

کسھہ چوش انت من ء دو دوستگیں سنگت ھست
کہ مئے سنگتی ء کساس بیست سال انت
من سنگت وھد ءِ شایم ءَ تور اِتگ انت
وھد ءَ سنگت تور اتگ انت
مرچی ھما سنگت کہ یک دومیگ ء باروا
بدیں لیکھہ داشتگ ات جی ء جان انت
سوب چے انت زند ءَ پدّر کتگ انت
من یکبرے ھمے سنگتان چہ یک سنگتے جُست کُت
تو گوں پلانی ءَ ڈیک دے ئے
شمئے دوچار کپگ کہ سالے ء پد بیت
مھر ءُ دوستی ءِ لوٹاں پالو کنگ ء نہ انت
من ء گوشگ ء لگّ ات
راستی اِش انت پلانی ءَ من بگل ءَ نہ کناں
کہ دایم ھِید ء بوو ءَ کنت
ھچ سپایی نہ کنت

دوئیں سنگت ھما انت کہ مرچی وت ماں وت
دست ماں دست انت سیل ء سپاٹے انت
سپائی ھساب ء بروتانی مید دماگ ء روت انت
بس یک چیزے کہ بدل بوتگ
کہ واجہ ء گورا کمو زرّ اتکگ
زرّ وا ابدال ء واجہ کنت
من یکروچے واجہ گوشاں گوشت
مرچاں پلانی مسک ء زباد بوو کنت
کہ شما دست ماں دست ات
گوشگ ء لگّ ات آ گپّاں یل کن
من گوشت
بلوچان راست گوشتگ ات
کہ امیت ء زور ماں

پد ء ھما سنگت کہ آپ ءُ لاپ بوھاں ات
من دو بر ء دیستگ کہ وتی دو کارباریی شریک
بدوا داتگ انت ئے
آ ھم دست چپّی کتگ ء بد دوا داتگ انت ئے
ھمے دستانی چپ کنگ ء دوا من ھورانی دوا ءِ
وھد ءَ کہ دیستگ
آئی ءَ پد ھمے سنگت
ھم دیستگ کہ دستاں چپ کنت ء بدوا دنت
من آئی بدواھاں دیم آرگ نہ لوٹ آں
بلے من ء گوشتگ ئے ناکو منی چمّانی
پُشت دگہ پرے اشاں مہ گندات
من گوشت جھان ھند نہ انت
اوپار کن دایم انسان چوش نہ بنت
بزگانی جاور نگیگ انت
کمو نگوم انت دست اش دپ ء رسگ ء نہ انت
بلوچان گوشتگ کہ گور کُٹّ ایت دپتر پٹّ ایت
اشانی اے ھساب ء کتاب گرگ
آھانی کُٹّگ ء نشانی انت
من ء گوشتے اے باب ء بند کن
ناکو تو بس بچار

وھد ءَ وتی رنگ پیش داشت
یکے چہ شریکان اُگدھے رس ات
ء دومی ء دکان پچ کُت
یک روچے ھمے سنگت من ء گوش ایت
ناکو تیار بوو پلانی ءِ داوت انت
منی دیم ء دستانی چپّی ءِ بدوا ء پلم چلگ ء لگّ ات
واجہ پس کُشت ء دات
سواری گاڑی کُت

دومی دکانداریں شریک بے اے سنگت چاہ ھم نہ وارت

منی گپ ھما انت جھان ء اُمر کسان نہ انت
پہ دو ناتپیں گپّاں سیادی ء سنگتی ء رگ ءَ
مہ سند ات
زند رنگ بدل کنت امیت ءُ وشھالی کجام
وھد ءَ دروازگ ءَ ٹُکّ ایت کس نزانت
پد ءَ ھمگرنچی ء نزیکی دلانی تہ ءَ آ
پیم ء اونڈال نہ جن انت کہ دل بہ لوٹ ایت
اگاں مھر ء درچک تاک بہ کنت
زرد ء ملامت کج ء کن ئے

کسے کہ زرد ءَ یک کرّ کنت آئی امیت ءِ
روچ گورچک انت
آ مردمے ھساب ء نہ انت

ناکو مُراد