Baask- Home of Balochi Language, Literature & Culture

Balochi Literature بلوچی ادب => بلوچستان Balochistan/Balooshistan => Topic started by: Adabi Hakim ادبی ھکیم on February 13, 2019, 02:13:35 AM

Title: بـلـوچـسـتـان یَـک مـلـکـے بـوُتـگ
Post by: Adabi Hakim ادبی ھکیم on February 13, 2019, 02:13:35 AM
بـلـوچـسـتـان یَـک مُـلـکـے بـوُتـگ
رجـانـک : ادَبـی هَـکـیـم
---------------------------------
بـلـوچـسـتـان یَـک مُـلـکـے بـوُتـگ یَـک بَـهـرے ایـران ءَ گـوں وَتـی مُـلـک هَـوار جـتـگ هَـمـے داب ءَ ایـران ءَ اَهـواز ءِ مُـلـک هَـم هَـوار جـتـگ وَهـدے کـہ مُـلایـاں اُرُش کـُـرت ءُ ایـران ءِ مُـلـک اِش مـاں وَتـی دَسـتـاں کـُـرت آیـان ءَ ایـران ءِ پـیـسَـریـگـیـں بـادشـاهـانـی رَدی پَـهـک نـہ کـُـرت اَنـت چـونـاهـی مُـلّا آتـکـگ اِت اَنـت کـہ آ اِسـلامـی شَـریَـت ءِ سـرءَ کـار بـہ کـن اَنـت ءُ گـَـریـب ءُ نـیـزگـاراں چـہ زالِـمـانـی زُلـم ءَ بـہ رَکـیـن اَنـت بـلـے چـو نـہ بـوُت آ گـیـشـتِـر زُلـم کـنَـگ ءَ لَـگّ اِت اَنـت بـلـوچـسـتـان ءِ گـَـنـجـانـی روپَـگ ءُ بَـرَگ ءَ لَـگّ اِت اَنـت بـلـوچـانـی پَـجّـار ءِ گـار کـنـگ ءَ لَـگّ اِت اَنـت هَـمـے داب ءَ مـاں اَهـواز ءُ کـُـردسـتـان ءَ هَـم هَـنـچـو کـنَـگ بـوُت زوراک زوراک اِنـت آئـی ءِ اَگـل ءُ هَـوش بَـدَل نـہ بَـنـت آ وَهـد ءُ زَمـانَـگ ءُ دُنـیـا ءِ جـاوَرءَ هَـمـے داب ءَ مَـدَت کـُـرتـگ اَنـت جُـگـراپـی هُـسـاب ءَ بـلـوچـسـتـان ایـران ءِ روایـرنِـشـتـی ءُ نَـبـیـگـان ءِ نـیـمَـگءَاِنـت چـہ یَـک نـیـمَـگـے پـاکـسـتـان ءُ اوگـانـسـتـان گـوں بـلـوچـسـتـان هَـمـدَپ ءَ هَـمـکـَـپ اَنـت ءُ زِرءِ آدیـم ءَ مَـشـکـَـت ءُ اِمـارات گـوں بـلـوچـسـتـان ءَ دیـم پـہ دیـم اَنـت مَـروچـی بـلـوچـسـتـان ایـران ءُ پـاکـسـتـان ءُ اوگـانـسـتـان ءِ تـوکءَاِنـت بـلـوچـسـتـان یَـک مَـزَنـیـں ءُ آبـادیـں سَـرزُمـیـنـے چـہ بـاب السـلام ( هُـرمُـز) بـہ گِـر تـاں کـَـراچـی 780 هَـزار کـیـلـومـتـر " مـربـع " اِنـت بـلـوچـسـتـان ءِ زِربـار چـہ هُـرمُـز بـہ گِـر تـاں کـراچـی 1600 کـیـلـومـتـر ءِ دراجـی اِنـت بـلـوچـسـتـان ءَ 200 لَـکّ بـلـوچ مـان اَنـت ءُ بـاز چـہ بـلـوچـاں مـاں دَرمُـلـکـاں دَرپَـدَر کـنـگ بـوُتـگ اَنـت لَـهـتـے راجـدَپـتَـر نـبـیـسّ گـوَش اَنـت کـہ بـلـوچ 2300 سـال ءَ پـیـش چـہ الـیَـمـن ءَ مـاں بـلـوچـسـتـان ءَ آتـکـگ اَنـت ءُ رَنـدا گـوں هِـنـدُسـتـانـی ءُ گـَـجَـر ءُ اوگـانـاں هُـور تـور بـوُتـگ اَنـت "خـلـیـفـه مُـسـلـمـیـن حـضـرت عـمـر بـن خـطـاب رضـی الله عـنـه " ءِ زَمـانَـگ ءَ کـہ بـلـوچـسـتـان اَرَبـانـی دَسـت ءَ کـپـتـگ رَنـدا بـلـوچ مـسـلـمـان بـوُتـگ اَنـت ءُ تـاں اُمَـوی زَمـانَـگ ءَ اَرَبـاں هـاکـُـمـی کـُـرتـگ بـلـوچ اَهـل سُـنّـت ءِ مـسـلـمـان اَنـت پَـمـش ءَ ایـران بـلـوچـانـی سـرءَ گـیـشـتـر زُلـم کـنَـگءَاِنـت بـلـوچ بـلـوچـی زبـان ءَ گـَـپ جَـن اَنـت ءُ دگـہ زبـان هَـم مـاں بـلـوچـسـتـان ءِ تـہ ءَ هَـسـت اَنـت اِنـگـریـزءَ مـاں 1839 ءِ مـیـلادی سـال بـلـوچـسـتـان ءِ سـرءَ اُرُش کـُـرتـگ ءُ مـکـران مـاں وَتـی دَسـت ءَ کـُـرتـگ رَنـدا ایـران ءَ مـاں 1928 ءِ مـیـلادی سـال ءَ روایـرنِـشـتـی بـلـوچـسـتـان کـہ 347 هـزار کـیـلـومـتـر "مـربـع " اِنـت زورگـیـری کـُـرتـگ ءُ مـاں وَتـی دَسـت ءَ کـُـرتـگ آئـی ءَ بـلـوچ مـاں 3 هَـنـد ءَ بَـهـر کـُـرتـگ اَنـت : سـیـسـتـان ءُ بـلـوچـسـتـان ءُ هُـرمُـزَگـان ءُ کِـرمـان ، پـہ هَـمـے هـاتـرءَ کـہ بـلـوچ نِـزورءُ نـابـوُد کـنـگ بـہ بَـنـت آیـانـی تـپـاکـی پـروشـگ بـہ بـیـت هَـمـے داب ءَ ایـران ءَ اَهـواز ءِ مـردُم 3 جـاه ءَ بَـهـر کـُـرتـگ اَنـت ءُ کـُـردسـتـان ءِ مـردُم پـہ 4 جـاه ءَ بَـهـر کـُـرتـگ اَنـت روایـرنـشـتـی بـلـوچـسـتـان ءِ تـوک ءَ هَـنـچـو کـہ زوراک وَت گـوَشـگءَاَنـت 30 لَـکّ بـلـوچ هَـسـت مَـسـتـریـں شَـهـر دُزّآپ ( زاهـدان " اِنـت زابُـل دومـی مَـزَنـیـں شَـهـراِنـت ایـران ءِ تـوک ءَ بـلـوچ ءُ اَرَب ءُ کـُـرد ءُ تُـرکـمـان گـَـجَـر(فـارسـی) نـہ اَنـت پَـمـش ءَ گـَـجَـر آیـانـی سَـرءَ گـیـشـتِـر زُلـم کـَـنـگءَاِنـت بـلـوچـسـتـان ءِ سَـرءَ زورگـیـری کـنَـگ ءِ سَـوَب اِے بـوُتـگ اَنـت کـہ : 1- بـلـوچـسـتـان یَـک اسـتـراتـیـجـیـک مُـلـکـے 2- آ یَـک مَـزَنـیـں گـَـنـجـهـاتـیـں مُـلـکـے .
وَهـدے کـہ روُس گـَـرمـیـں مُـلـکـانـی نـیـمَـگ ءَ آیَـگ ءَ بـوُتـگ گـڑا اِنـگـریـز دَرمـیـان ءَ آتـکـگ ءُ اوشـتـاتـگ آئـی ءَ ایـران ءَ پـہ بـلـوچـسـتـان ءِ زورگـیـری کـنـگ ءَ بـاز مَـدَت کـُـرتـگ زوراکـیـں رَزا شـاه ءَ بـلـوچـسـتـان مـاں 5/1/1928 ءِ مـیـلادی سـال ءَ زورگـیـری کـُـرتـگ ءُ بـلـوچ راج ءِ جَـتـگ ءُ کــشـتَـگ رَنـدا کـہ مـیـر دوسـت مـحـمـد خـان ءَ گـَـجَـرانـی زوراکـی نـہ مَـنّ اِتـگ آئـی اِش گـپـتـگ ءُ پـاهـو داتـگ ، تَـنـیـگـا بـلـوچـسـتـان زوراکـانـی دَسـتءَاِنـت .
[/b]