Poetry by STONER

[STONER]

Na janey kiun


Na jane kiun kese jiye ja rahey hain
bas itna pata hai jiye ja rahey hain

Khudi pe hain nadm kiun zinda hain ab tak
koi jurm jaise kiye jaa rahey hain

Ho ashk-e-nadamat ya pyala ho meh ka
zamana hua hum piye ja rahey hain

Nahi unki ruswai hum ko gawara
so honton ko apne siye jaa rahey hain

Suna hai mohabbat lahoo maangti hai
so khoon-e-jigar hum diye jaa rahey hain

Jameel unko badnaamiyon se bacha kar
har ilzaam khud pe liye ja rahey hain...

[Zahida Raees Raji]

Azeezi brother Jameel:
Aadaab-o-tasleemat,

Aap kee ghazal bohat khoob hai. Har she’r hee apnee jaga mukamal mazmoon liye hoove hai.  jis ke liye special daad

hasb-e-a'adat meiN har she’r par apnii aaraa likh rahi hooN jis se agar ittifaaq ho tu qubool kar leejiye verna koi mashala naheN

Na janey kiun




Na jane kiun kese jiye ja rahey hain
bas itna pata hai jiye ja rahey hain

matla’a bohat acha hai lekin agar zara lafzooN ka radd-o-badal kar daiN tu…?

najaane kiyoN aise jiye jaa rahe heN
bas itnee khabar hai jiye jaa rahe heN

Khudi pe hain nadm kiun zinda hain ab tak
koi jurm jaise kiye jaa rahey hain

pahle misreh meN kuch ibhaam maujood hai lekin choNke iss kee doosree shakl mujhe sujahii naheiN dee hai iss liye ise isee form meN hee rakhiye ho sakta hai ke koi aur kauna-mashq aur ustaad iss baare meN koi aara de deN. Veise she’r bohat khoob hai ke ek talkhi-e-Hayaat kee aamezish hai iss meN.

Ho ashk-e-nadamat ya pyala ho meh ka
zamana hua hum piye ja rahey hain

agar aap piyala-e-meh ko piyala-e-gham se tabdeel kar deN tu shayed mafhoom meN aur jaan aa jaye?

Ho ashk-e-nadamat ya pyala ho gham ka
zamana hua hum piye jaa rahey hain





naheN unki ruswai hum ko gawara
so honTon ko apne siye jaa rahey hain
bohat acha she’r hai

Suna hai mohabbat lahoo maangti hai
so khoon-e-jigar hum diye jaa rahey hain
bohat hee a’alaa

Jameel unko badnaamiyon se bacha kar
har ilzaam khud pe liye ja rahey hain....

maqta tu bohat hee laa-jawab hai. meree janib se dilee daaad aur mubarakbaad qubool keejiye.

Aur haaN shairee andar ke ghubaar ko release karne ka bhi naam hai.

Allah-e-maayre

Dua go
Raji

[STONER]

Sis Raji thank you for corrections .. I'm agree with you.

[STONER]

Ik husn-e-la zawal hain ye aankhein aap ki
qudrat ka ik kamal hain ye aankhein aap ki

hooron ne ki duaein ya rab hamein bhi dey
jannat ka wo jamal hain ye aankhein aap ki

masti, nasha o bekhudi sab aik he jaga
nagin ki mast chaal hain ye aankhein aap ki

ronaq jahan ki hain ye noor-e-qainaat
tohfa e zul jalal hain ye aankhein aap ki

mil na saka ho jinka ab tak kahein jawab
pecheeda wo sawaal hain ye aankhein aap ki

khoya hua tha jinka tasawur liye jameel
wo he haseen khayal hain ye aankhein aap ki.

[Zahida Raees Raji]

Ik husn-e-la zawal hain ye aankhein aap ki
qudrat ka ik kamal hain ye aankhein aap ki

hooron ne ki duaein ya rab hamein bhi dey
jannat ka wo jamal hain ye aankhein aap ki

masti, nasha o bekhudi sab aik he jaga
nagin ki mast chaal hain ye aankhein aap ki

ronaq jahan ki hain ye noor-e-qainaat
tohfa e zul jalal hain ye aankhein aap ki

mil na saka ho jinka ab tak kahein jawab
pecheeda wo sawaal hain ye aankhein aap ki

khoya hua tha jinka tasawur liye jameel
wo he haseen khayal hain ye aankhein aap ki.

Dear brother

aap kee yeh ghazal meiN pahle bhi paRh chukii hooN aur aaj bhi iss meN vohii khooBsoortee hai jo pahlee baar paRhne meN thee.

khuda kare zor-e-qalam aur ziyada

khush rahiye

khair andesh

Zahida Raees :Raji: