Author Topic: بلوچستانءِ راجی روچ National Identity  (Read 2621 times)

0 Members and 1 Guest are viewing this topic.

Offline Miskan

  • Balochi Zaantkaar
  • ***
  • Posts: 3
  • Karma: 1
بلوچستانءِ راجی روچ National Identity
« on: October 24, 2008, 05:55:16 PM »
بلوچستانءِ راجی روچ

 

آزاتیں ملک و راجءِ مردم ھر سال وتی راجی روچ ، آزاتیءِ روچ و دگہ ھنچیں روچاں جشن گر انت و شادہ کننت و اے دابا وتی راجی پجّارءَ پہ جھانءَ شون دینت و درانگاز کننت ۔

 

بلوچستان و بلوچ راجءِ وت مستری و آجویی پہ زور پچ گرگ بیتگ ۔ زوراکیں واکدار پہ بلوچءِ راجی حیثیتءِ بیگواھیءَ وڑ وڑءَ کار کنگءَ انت ۔

چہ وتی تاریخءَ زانتکار بیگ ، دود و ربیدگءِ زندگ دارگ و دیمروی دیگ ، وتی راجی حیثیتءِ برجاہ دارگ انت ۔ بلوچ راجی حیثیتءِ برجاہ دارگ و پہ جھانءِ راجاں پجّار کنگءِ یک وسیلہ اے "راجی روچ"ءِ جشن گرگ انت۔

پمیشا منی ھیالءَ پہ مئے وڑیں ایردستیں راجاں سکّ ضروری انت کہ پہ وت یک روچے ، "راجی روچ"ءِ نامءَ گچین بکننت و ھر سال آ روچءَ جشن بگر انت ۔

 

چہ گوستگیں دو سالاں من گوں بازیں بلوچ زانتکار ، سیاسی سروک ، قلمکار و شاعراں گپ کتگ ۔ درستاں مَنّ اتگ کہ راجی روچے ببیت بلے آ روچ کجام ببیت ، انگت یک دلجمیں پسّوے منءَ نہ رستگ ۔ لھتے گشنت کہ اے روچ یازدہ اگست ببیت کہ اے روچءَ بزاں یازدہ اگست 1947ءَ چہ انگریزانی دراجیں ایردستیءَ رند ، بلوچستانءِ آزاتیءِ منّگءِ جار شنگ بیتگ ۔ دگہ لھتے گشنت کہ 27 دسمبر ببیت ۔ اے روچءَ سال 1932ءَ ماں بلوچءِ نوکیں سیاسی تاریخءَ اولی برءَ ، "انجمن اتحاد بلوچان"ءِ کوششءَ یک مزنیں دیوانے " بلوچستان و آل انڈیا بلوچ کانفرنس"ءِ نامءَ ماں جیکب آباد ( خانگھڑ )ءَ برجم بیت ۔ ماں اے دیوانءَ بازیں قرارداد پاس بیت انت ۔ لھتے اھمیں قرارداد ایش انت :

 

-        بلوچ متحد کنگ ببنت تا کہ بلوچستانءِ درستیں دمگ و سرزمین یکجاہ ببیت ۔

-        ماں بلوچستانءَ بن رھبندیں قانونی حکومت برجاہ کنگ ببیت ۔

-        ماں بلوچستانءَ کالج و اعلی تعلیمءِ وانگجاہ جوڑ کنگ و بنگیج ببیت ۔

-        بلوچستانءَ کارجاہ و صنعت جوڑ کنگ و دیمروی دیگ ببیت ۔

-        دیوانءَ مغربی بلوچستانءِ سرا ، ایرانی ارش و قبضہ کنگ محکوم کت و چہ بلوچستانءَ ایرانءِ فوجءِ در بیگءِ لوٹ کت۔ ٭

 

ابید چہ اے روچاں ، اگاں بلوچ زانتکار و پٹ و پولکارانی ھیالءَ دگہ ھنچیں روچ ھست کہ بلوچستانءِ راجی روچ بیت کننت ، مھربانی بکننت وتی پیش کتگیں روچ و آییءِ بابتءَ وتی خاصیں دلیلاں نبشتہ بکننت تا کہ گوں ھمشوریءَ یک روچے پہ بلوچستانءِ راجی روچءَ منّگ ببیت و سرجمیں بلوچ ھر جا کہ ھست انت آ روچءَ وتی راج و ملکءِ "راجی روچ"ءِ حیثیتءَ جشن بہ گر انت و پہ وتی بلوچ بیگءَ پھر بہ بند انت ۔

 

٭ پہ گیشترین زانتکاریءَ بچار ات :

Taj Mohammad Breseeg , Baloch Nationalism its origin and development, p 215

 

 

اسماعیل امیری

اکتوبر 2008

 

amiriism@googlemail.com


Offline Zahida Raees Raji

  • Administrator
  • *****
  • Posts: 7059
  • Karma: 356
    • Baask-Home of Baluchi Language, Literature & Culture
Re: بلوچستانءِ راجی روچ National Identity
« Reply #1 on: October 26, 2008, 08:58:39 PM »
maRadaaren' wajah اسماعیل امیری
Salam o drout,

 washatk2

Man chah dil e johlaankiyan chey shome minnavaran keh shoma pah diwan e baaskan' wati wahad kashet o edaa atke.
pah mae waRen' nazaantkaaranii cham pachiyaa chushen' nebeshtaank post kanag a shoma sak baaz sita karzet.

goun shoma dazbandient keh har kojaam paema durah karne Baloch yak rouch e sara mutaffiq beban' ey diwan a allama haal bedae.

shome degaa nebeshtaankani wadareegen'

wassalam
Zahida Raeesi

Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line