Author Topic: " Balochi Syahage Raast Nibissag" (By SaYad Zahoor Shah Hashmii)  (Read 22961 times)

0 Members and 1 Guest are viewing this topic.

Offline Naguman

  • Baluchi Nadkaar بلوچی ندکار
  • ***
  • Posts: 38
  • Karma: 12
Re: " Balochi Syahage Raast Nibissag" (By SaYad Zahoor Shah Hashmii)
« Reply #15 on: December 16, 2014, 10:27:55 AM »
نچو کہ واجہ سید ھاشمی ءَ گشتگ کہ بلوچی ءِ نبشتہ رَھبند ءِ جیڑہ ءُ جنجال رومن ءَ کمتر بنت بلے اگاں نادَری ءَ اَربی رَھبند ءَ زیریں گُڑا آئی ءِ تہءَ چیزے بدلی آرگ لوٹِیت دانکہ گوں بلوچی ءِ  لوٹاں ھَمدپ بہ بیت.
سید رَھبند بلوچی ءِ سْیاھَگ دْرستاں جْوان تِریں رَھبند اِنت البت ایشی ءِ تہءَ اگاں یک ءُ دو جاہ ءَ بدلی آرگ بہ بیت تہ سید رَھبندءِ وانگ ءُ نِبیسّگ آسان تِر بیت. چوکہ کُمک کارگالانی ( اَنت، اِنت، اِیت )  "اَلِپ" لَھتے جاہ ءَ دَور دیگ بہ بیت تہ  واناک تِر بیت چوکہ:

آ منی لوگ ءِ دار  اَنت. (نامگال: دار)

آ منی لوگ ءَ دارَنت (کارگال: دارگ)

یاکہ

تو مرد ءِ جَن ئے؟ (نامگال: جَن)

تو مرد ءَ جَنئے؟ (کارگال: جَنگ)

ایشی ءَ اَبید چو ھم بیت کنت کہ گْونڈیں کارگالانی دیم ءِ کُمک کارگالانی "اَلِپ" دَور دیگ بہ بیت ءُ گال ھورءَ نِبیسّگ بہ بیت. چو کہ:
("من وَپساں ءُ ما وَپسیں" ءِ داب ءَ اگاں "تو وَپسئے / آ وَپسِیت / آ وَپسَنت ) بہ بیت تہ ھراب نہ اِنت. البت "شُما وَپس اِت"  ھمے پیم شَرّ اِنت..