کریم بلوچ ۔ تھل ءِ شئر ءُ پربند

[Zahida Raees Raji]

دَســــــــتــــــــــونـــــــــک

شهیدیں سنگتاں واجه حبیب جالب و مولابکش دشتی ءِ نام ءَ !

سـر ءِ لـیـب و دل ءِ لیب بـیـت گـوں تیراں
رَدیــں راه ءَ که زور انــت چـــو امــیــــــراں

مــنــا ســــر گاری ءِ بــیــم ءَ دئــے چـــون
جـــلــیــں تــئــی واهــگانی چو وا بــیــراں

سـرے بـیـت انـت « فدا» و بیت «جالب»
نه مَــنّ انــت زُلـــم ءِ شـــاهــی باجگیراں

سَـــداں نوشـر وا آتــکگ گوئست ، رَپتنت
تَــنــنــگت سـَــؤل نـازیــنــــنــــت هِــیــراں

جـــهـــان ءِ زیـــب ســــاه انــــت مردمانی
یلیں سـاهـانی دارئـــے چــــون نـــیــــراں

نه کــس بـکـشـاتگ انت هــون و مــراداں
نه سـســا داشـت بَنت بَـنـد ، گُـٹـگـیـراں

کســـے تِـنـگـیـت و ریـچـیـت هـــون راج ءِ
نه وارتـــگ نــے کـَدیں وتی مات ءِ شیراں

نه انت پیرے که راهی کُشت و هون بیت
گــنـــوکـــیــں وت گَــلا بــیــت آس زیـــراں

سَتَر تو زور و « تَهـل » ئے ، لیک بزان چو
نـــه بُــرّئــے راه ءَ چــوٹــیــں تــو تا دیــراں

کریم بلوچ _ تـَهـل
18/07/2010

[Zahida Raees Raji]

هـَــم سَــپَــر  و هــَـم راه



زمانگ ءِ مَستریں بُـلـُـک ءَ من اوشتاتگ اوں
آزمان ءِ برزتریں پدانک
استار و پَـؤر ءَ گپ جناناں من
            راج دپتر گشان
                            سَــڑتگ ،
                      نا امیتی ءِ ماں جابواں انت  چیر بَـیَـاں


شیری راه ءَ چه
                سرکپاں
                      پریشتگانی ارس گوارگ انت ماں آزمان
دل پُــرُشتگ اش
          زمین ءِ نا هدائیں چه هدائیاں ،
                      ریشیں دلانی چه دپـتــان_ تفتان _ ایں جاوراں
بے پگریں مَلپدانی چه آشوب انت هار گراں
سر مَستیانی نازینک و مودگاں
            لـَجانی چه پادمال بوتگ و ایر موش بیتگاں
زوراکیانی شرم پروشیں وَتسَراں
زانت گارانی چه جنگاں و شدّتاں
               هدای ءِ هاک ءَ ، نا سیر بیتگیں کساں ...           


آزمان ءِ شیری راه ءِ
                   بُرزتریں استار ءَ جَـک ات من !

هون ، دوت ،
رَستری وا کُشت و کوش انت اے ڈگار  .
تین ءِ داب ءَ ،
              تَپسیت اے جهان ءِ گلزمین ،
آسیں روچ ،
            زمین ءِ جَل و گرمی چه سُچاں
و امیتاں ،
دیر انت ره گار انت بے آباتیں نشان .


تو منی پَـجّـی ءَ دمے دَر کـَـپ
             منی دستاں تو برانزے بئے
                        من ءَ دوریں امیتان ءَ گوں همراه بئے
تو دَمے مهرانی هنکین ءَ منی گوں بیا
            منی دل ءِ جهلانکیاں ایر کپ منی همبل
منی ایر مرتگیں دل ءِ ڈیوای ءَ دمانے بَـکش
چه راج دَپتر ءِ تاکاں ٹیلے کـَـش
دل ءِ ڈیوا منی بالیں ،
وتی باندات ءِ راه ءَ په .

منی دل ءِ رژن ءِ چه ڈیوای ءَ
          امیتے دئے ، بهار ءِ رژن ءِ رنگان ءَ
ماں میتاپیں ڈگار ءَ ، زند ءَ شاهگانیں
بیا !
بچنکند ، وَشّی ، سُهل ، آزاتی و یکوئی ءِ گالاں
ما کِشاراں سَبز و رودین ایں
بیا هوناں و ارسانی بدل ءِ جوّاں _ جوگاں _ ،
دل ءَ مهر ءِ ما شیر ءِ  جوّاں رمبینیں ...


بیا گوں من ،
بیا گوں من دمے سَرکـَـپ ،
             زمانگ ءِ مَستریں بُـلـُک
                      آزمان ءِ بُرزتریں پَدانک
بیا مهر ءِ ما سُهر پُــلّـے
جهان ءِ پریشتگاں بَـکشوں
بیــــا !
ما «مه شیریں» پَریانی ماں لـُنـٹــاں
                رژن و بچکند ءِ کشاراں سَبز و سبزین ایں


بیا گوں من ،
دمے بیلی تو  همراه بئے ... !

                                 
                                           کریم بلوچ _ تهل
                                               29/05/09

[Thangi Baloch تنگی بلوچ]

ملافاضل ءِ زبانزانتی و راجدوستی ءِ نام ءَ
 
  بهار ءِ ما وداریــــگ اوں ، نه مَـــنّ اوں ڈکـّـی ءِ زور ءَ
 
  کـنـوں وَش آتـک مراداں په ، ما هر تَهلیں گَم و دوْر ءَ
 
  امـــیـــت ءِ آزمــــان بـُرز انت وسے پــولاں جهد ءِ راه
 
  دل ءَ‌ روک انت برانزے و به گندیت ئی نه زانت لـْور ءَ
 
  دئـے پاتـــرپ چـیـا ما را ، تو زنـد ءِ کوهـیــں جنجالاں
 
  نه گِندئے که نـه مَــرّیـنـیـت ، پیل ءِ هچ نه زند مور ءَ
 
  بٹاک انت بندگی ملا ، تئی جـول که بهشت انت چو
 
  هُـدا ءِ نام کدیں گِـپـتـگ ، پشُک هم چو مُشک کور ءَ
 
  زهءِ شهدءَ زهاں جُست کن که آبات انت جهان چه آ
 
  تو زرد ءِ چـــون مــــرادان ءَ کـُـتـگ بــیــگواه و درگور ءَ
 
  نه«تهل»انت بیت مرادے، راج ءِ نیکیں واهگءِ میتاپ
 
  بـهار ءِ نیکیں گامگیج ءَ‌ ، مـــهــــر و رژن ءَ بنت هور ءَ
 
  سماءَ«فاضل»زانتگ چش جهانءَ هستیءِ ساه انت
 
  وتـــی راج ءِ مـــریـدی چه ، نه بیت کسے په ٹاکور ءَ
 
                                                                  کریم
  بلوچ _ تَهل
                                                                      31/05/10

[Thangi Baloch تنگی بلوچ]

آزاتی ءِ ره ءَ نیں ، زرتگ بلوچ سگار !
 
  حق لـوٹـی ءِ تـوار کَـد ، بمباں نه بـیـت گار
 
  مردم کشی ءِ راه ءَ ، هچ وهد نه رَؤت هُژار
 
  چیر و سر انت راجے ، چیر و سر انت مُلک
 
  قاتل ءَ نه مـَنـّگ انت چو، ٹوپانی بیت توار !
 
  مـادن بـلـوچ ءِ مُـلک انت ، مـادن بـلـوچ ءِ زر
 
  تو ٹیل و نپت و گیس په،راجے کنئے شکار
 
  پـنـڈوگـر انت پـنـڈگ بـمــب ءِ زراب ءَ گوں !
 
  جرنیل که هـست وت چو ، ڈنّــی ءِ پـــازوار
 
  ویٹنام ءَ داشت نکت زور،کیوبای ءَ یا کویتءَ
 
  نین داشت کدیں و چون بیت بلوچ ءِ ملگزار
 
  آس ءِ زراب روک انــت ، ڈیــوا هــــزار  دلاں
 
  زاناں که رژن شـانـتـگ ، اسـتـار ءَ بامـسـار
 
  کیت انت هزار«نصیر»و کیت انت هزار«نواب»
 
  یوسف عزیز انت زندگ ، بلوچ ءِ گین و سار
 
  «تَهل»انت بَد ءِ دَپ و دیم رُژن ءِ بلیت چراگ
 
  آزاتــــی ءِ ره ءَ نیں ، زُرتـگ بـلـوچ ســــگار !
 
                                 کریم بلوچ _ تَهل
                                     23/10/10

[Thangi Baloch تنگی بلوچ]

مــــــراد « ساحــر » ءِ نام ءَ
 
 هــزاراں لــچــّهــانی گال و دَر شـُت
 
 بــلــوچی زیــمــلانی سر هـُنر شت
 
 شُتگ جُهد ءِ براه،وَش مَلّ« ساحر»
 
 مراد ات ، نـامراد گـر بـے ظـفـر شُت
 
 زبــانـزانـتـانی دیــوان لِـلّ و چُپّ انت
 
 بــلــوچی شــائــرانی دُرّ گُـهــر شُت
 
 نه شُت دوریں رهے ،استارے آزمان
 
 بـَلـیـت ڈیـوا دلاں ، ٹـِکّـیـں هبر شُت
 
 وَت ات مَٹ« نصیر»،وَت مَٹ« سیّد»
 
 «عطا»و«فاضل»ات،شهدیں شکر شُـت
 
 زمــانــگ روشـنیں گال ئی برشکنت
 
 هــزاراں مـیـتـگانی جُـهـد ءِ بَـر شُـت
 
 « زهیر »ات گــوں زهیراں،زَهم گالے
 
 بــلــوچی کاروان ءِ سَؤت و سَر شُت
 
 چو «تَهل»انت دیدگانی روک ءِ گاری
 
 هم«آزات»و«ندوی» ءِ هم سَپر شُت
 
                                   کریم بلوچ _ تـَهـل

[Zahida Raees Raji]

مهر و دوستی ءِ رنگ و تام ئے تو
زندمان ءِ بـــراه و زنــد ءِ نام ئے تو

قــــدح ءِ حـُسن ءِ و زه مَـــلارانی
شکلیں مارشت،مسک دام ئے تو

ره نشان ئے تو ،و زند ءِ همبراه تو
مئے دل ءِ هر رنگ ءِ سهب و شامئے تو

نـــوهلیں پـُل و تئی بدن یک انت
تو شراب ئے وت ، زند ءِ جام ئے تو

تو مرادانی بیرک ئے دوســـتیں
ٹـهل ئے تو دلبند،دال-لام ئے تو

دل که نا ساچ بیت،ساچی مهتوس انت
ساچ ئے ساچان ءَ،"رام"ءِ رام ئے تو
کریم بلوچ _ تهل
01/05/1993
ماری _ ترکمنستان
٭ - رام : Ram : هندوانی مَسترین هدا ی ءِ نام .

[Zahida Raees Raji]

گنوکیں دل ، سر ءَ گار کت کجام بے آسریں پـَـٹ ءَ
کـُـجـا مــا بان بـــے تاهیر ، کجا بے درور ءِ مــَــٹ ءَ

بهشت ءِ همت ات دوست انت،بنازیں تو بهشتیگاں
که بے مهر راه ءَ بارت کس نه ، نه زانوگر نه که جٹءَ

زمـــانــگ ڈک و نیمونـے ، په جان دزاں و ڈکـــیگاں
هما کس باج بارت دَؤرءَ،مه کش ایت پد وتی هَـٹءَ

په ما سمو انت مهر ءِ داد ، په ما هانی گلیں دپتر
نه چاکر تام بَریں زالم ، نه هون ریچانی دپ چٹ ءَ

کئی نام انت گلیں دَؤر و ، کے ءَ ایر جنت هم باریگ
کے انت بژنانی دَزموش و ،کے انت برتگ گل ءِ کٹ ءَ

کـَــهورے بــان بــاریں من ، بـــے آپیں دَر و دشت ءَ
یا شــیدا بان دران ڈیــهیں ، مــــرید دردانگ ءِ وَٹ ءَ

کســے بے بَر درچکـے بیت ،" تهل" و کنٹک و ڈنگر
کسے آبات و پربار بیت ، و هم وارت ڈوک و سد لٹ ءَ

کریم بلوچ - تــَـهـــل
19/12/08

* - ڈکّیگ : D"akkeig : ڈکّ کنوک . ڈکّی.
** - هَـٹّ : Hat"t : گام . بُنیات ءَ هَٹ ، دو پادءِ پاچ کنئگ ءِ پراهی گوئشنت که" هٹی جتگ" ءِ داب ءَ کارمرز بیت .

[Zahida Raees Raji]

واجہ کریم بلوچ تھل ءِ پربند وتن ندر پہ باسکاں
‫وطــــــــــــــــــــــن

جــهــان ءِ گِــهــتــریــں ســاز ئــے وطــن تـَـو

دلانـــی مـُـهـــرتِــریــں راز ئـــے وطــــن تـــَـو

زبــاد ئــے تـَـو و هـــم هـــســتــی ءِ دل تــَـو

سَری مِــهــر ، سَـرتِـریـں نـاز ئـے وطــن تـَـو

جــهــان ءِ چــو بـَـهــاراں که پـُـلّ به شـاننت


دلانـــی پـُـلـّـیــں امـــبـــاز ئــے وطـــن تــــَـو

شـَـل ئــے هَسـتـی ءَ تـَـو مـارشت ءِ گوناپ

مــئــی دلـــــکــَـشــیــں آواز ئــے وطــن تـَـو

تـَـوَئے بـُود ئــے و هــم نــام ئــے و هـم دل

بـَهـشـتــاں سَـرتِـریـں گـواز ئــے وطــن تـَـو

مــئــی چـمانی هاک ، تئی براه ءِ سُرمَـگ

جـهــان ءِ سَــک تِـریـں داز ئــے وطــن تـَـو

هـَـزار پـَهـر انـت چـه تـَـو دنــیــای ءِ دیـمـا

نه«تـَهل»بـَئے شـَرتِریں ناز ئے وطــن تـَـو

کریم بلوچ _ تـَـهــل

29/11/09‬

[Zahida Raees Raji]

    10:08pm Oct 25
‫هـون ءِ هـار انت ماں بـلـوچ ءِ مـَلپد ءَ

*************************

سُهر و ساهانی شکار ءِ وهد شـُت *

چون بـلـوچ ءِ وهـد و باریگ بیت هُدا ؟

هـر که جــلاد انــت وَتــا دیـنــدار زانت

یا چــه ربـالـو ءِ پـَئـــوج انت بـُـنــپــد ءَ

هـوڈیں گــَـپ و پـَندلـے په زُلم ءَ دین

کِـرد ءِ گـَپ انـت نـے بـَٹــاکاں بَد بَد ءَ

ساهءِسِندگ چون ثواب انت کے بزانت

هون چوشی ،تام دین انت مئے ادا ؟

مَلکموت ءِ دست اِش بـَستگ ناشراں

هـون ءِ هـار انت ماں بـلـوچ ءِ مـَلپد ءَ

چو نه مَنّ اوں مردمی ءِ لَد سُچ ایت

تا که مـانـیــت زَنــڈ درچکے چه لـَـد ءَ

آ که نــَدریـگ انت په مُلک و راج وتی

داں ابــــد بـَنــت زنــدگانی هـــمــرد ءَ

زِرد گارانی هُدا ســیــت انـت و بـس

«تَهل»وکُچّل ما را دِرَنج انت سَدسَدءَ

بــِیـــڑ بـلـوچ ءِ دلــجـمـاں چــو لـیڑه ءِ

کَـد نه بـیـتـگ گار و بـیـگواه بے پَد ءَ

سوبــمـنـدی بیـــت هــُـژاریں مـردماں

روچـــے یار انـــت زنــدمان ءِ رنگ پدا

هر که بالیت زُلم ءِ آس ءَ وَت سُچیت

بـیـت جرنیل ، یا که مُـلا ، شاه ،گدا

کریم بلوچ _ تَهل
15/05/11

*- سُهر پوست و سیه پوستانی بے ننگیں کُشگ ، که سَهدار ءِ داب ءَ گوں
پَهر ءَ آهانی شکار ءَ اورنگ و پَرنگاں هوار اتنت . عیسایی ءِ 1500 تاں
1900 ءِ سالاں .

*********************‬

[Zahida Raees Raji]

گورناک

( پٹے ارس گورناک ءِ لپاشتگیں کَلگ ءِ نام ءَ )
سالاں جَکِت ئے ماں گوات و لوڑ
سالاں کوه بُناں تو داشتگ اَت
نهال جَتَگ
سالاں گئوش و « گونو»انی شاهدی تئے
گوریچ ساه سوچیں سَد شُتَگ چه تئی گوئرا
آهاڑ ؛ هزار لوار

               
هزار ایلگرانی سوبناک بیتگ ئے !
« گورناک » زندگ ئے
جاتیگ ءِ هُپ و گوات
تئی دیم ءِ براه ءَ گار کتگ .
دست ءِ دِرنهاں به زور
دست ءِ درنهاں به تِنگ
مردانی همت اِت پدا کلات بنت
آپتاپ و ماه ءِ روژنایی ءَ
باندات تئی په شادهاں توار کناں ...
گورناک !
بمبانی ساه سوچیں کَڈ و کَل ءَ چو مچار
گورناک !
ٹِینکاں و هستی سوچیں آسن و تَلار
شیطان و مهدی ءِ گوں لشکر انت هوار
تو دل ءَ بدار !
اے ژَند و ژَکلی چه بنت بے توار
آپتاپ انت تئی دِرتگیں ٹپ و کَڈ ءِ لیسگ په دوا
تَرهَؤر ءَ چه ؛ دیرگواز تریں زِراں
ترا په کنت و بیت توار
گورناک چو مه گوار !
گورناک !
ملا کمال ءِ همت ءَ
چو بلوچ ءِ مَچ ؛ سَؤل و کوه ءَ تو بچار
بُرز بُرز اِستال ءِ گوں هبر کن انت
گورناک !
جلات سَد شُتَگ چه تئی سرا ؛
نه سوب بُرتگ اِش کدی ترا
سمین هزار کیت تئی په شادهاں
مَهکان ؛
هزار تئی ندارگ ءَ په هست زروک
گورناک ! ...
ارساں دل ءَ مه یار
هوناں بس انت گیش و گیش تو مه گوار

( ۲ )

گورناک !
زند ءِ ڈوبرانی ساه ءِ تنکی انت
روچ ؛ چم ءِ برانزاں گار کتگ
« ملا کمال »
تئی سَؤل ؛ مَچ و کوه ءَ بُرز شُتگ
کوه بُن ءَ مَزار و « کَمبَر »ی توار ئی اِشکتگ
آپتاپ ءِ نیمگ ءَ شُتگ
رُژن و مهکان ءِ چمگانی بُرگ ءَ تاں بیت رَهبلد
جُواں به بنت رُژن ءَ پُر
« گورناک » زندگ انت !
گورناک رُژن ءِ نشانی ءِ هدوک
بازیں بهار ءَ وشیانی شادهاں توار کنت
« ملا کمال »
استاراں مردم ءِ مهمانی ءَ په گوانک جنت
« ملا کمال »
آجویی ءِ برانز ءِ وشیں زیملانی شاده انت ...
کریم بلوچ ـ تهل
ماسکو

[Zahida Raees Raji]

زِنـــــْــــــد

آزمان
وَهد ءِ وا گوات هاک انت جـُــزان .

نِــیــر ؛
دِلتـَـپــَرکــه ،
زَرد
لــَرزوکیں دِل ءِ تــُرساں شُـتـَـگ .
مـَــوت ،
مـَــوت ءِ مَوج و مَست‍یِ ءِ زِراب ایر مـُرتگ انت
زندمان ءَ په گــُـلیں دلمانگ انت .
زِنــد
اُمیت ءِ کوپـَـگاں زور ایت رَنگ

رود ،
گوں زَنک و بـَر و گوں واهگاں همــکوپگ انت .

ما ،
وتی وَرّودیں مارشتاں گـَلاں .
تیر
نئیکه زند ءِ شـَـهگان و گـُلیں مئی واهگاں گـُٹـگیر بکنت
نئ گـُلاب ءِ زند ساریں
مَوج زباداں گار ءَ کنت
نے هزار گـَنجیں بهاراں ،
رَنگ و رَنگاں دیر ءَ کـَنت
نے که مهرانی وا بــِچکـَند ءَ لپاشت و بیر ءَ کنت
نے بهار ءِ رَنگ و براهاں
سِست ءَ کنت زَمزیر ءَ کـَنت !

زند
بهارے کـَلکَشاناں
گوں زباداں رَنگ بازیں
مَوج و جـُهـداں پیر ءَ کـَنت

چــِست ءَ بیت گوں ساوَڑی مـَـوج
گوں سمیناں تـَـلـْـوَسیت ...


زند
بهار ءِ کوپگاں اوشتاتگ و
اُمیت ءِ گوں نوداں رُدیت
نے که جـَـلاتے بدار ایت واهگانی آزمان
نـَـے جــَـلِـشکے وَشنیاتکیں
زند ءِ مانداریت نشان

زند
جهان و کلکشانانی ابدمانیں جَلِشک و چـِـیـدَگ انت
زند مدامیں هستیانی هَستی ءِ اوبادَگ انت ...

کریم بلوچ _ تــَـهــل

[Zahida Raees Raji]

شهید

تهاری ءَ بَلینت ڈیوا دلان مان

اُمیت ءِ رُژن بالینت سیه شپان مان

نهال ءَ کِشتگ ئی دنیای ءِ چاگرد

که انسان بات وتی واجه جهان مان

کریم بلوچ ـ تهل

[Zahida Raees Raji]

Sarbaz
*********

منی بـَـچ ئے ،
منی هـَمبل
منی تو يار و همساهگ ،
منی باندات ءِ
ماتانی اميتان ئے
پتانی تو
په پَدنام ئے ،
تو ،منی چمروك !

***

ترا مهراں په رهچار انت
په باندات ءَ سَريں ورنا
ترا نے نام من زاناں
ترا نے لـَـبـز ،
من ءَ دوست ئے
وتی چو ديدگيں مهراں .

***
تئی چماں ،
برانزاں من ، په بانداتاں هزار گنداں
توئے باندات ءِ پـَـدريچ ءِ بُن و هشت ئے
توئے ورنا
توئے گوں چَندنيں بواں
ترا نازينك ، ماتانی هزار گوں انت
ترا واركانی
مهرواريں دو ديد رهچار
ترا نوكيں
تئی پُشترند هلاهوش انت ...

***
چو زاناں من
من ءَ ترسۓ
ترا ترساں ، منی مهمان
منی پرزونگ انت هوناں
تئی دستانی ، هتيار ءِ چه داداں ....!

***
توئے ،
باندات چه بيهوش ئے
و پگر ات ساهگاں گار انت
و دل ،
ناراستيں چه زا و گپاں ؛ لوگ ءَ منی ترس ايت !
منی نام ءَ
تَر اش گوئشت : دُز
و تئی نام اش كتگ : دُژمن ،
دوئيں ما يك پت ءِ بَچ ايں ،
دوئيں زُلمانی آوار ايں
و نا راستيں بلاهانی، ما اير موشيں !

توئے مهمان منی لوگ ءَ
سلاماں هم تئی گار انت
منی وش آتك
منی ترس انت
منی پَرزونگ انت بے رنگ
منی بيلی منی هستی تباه كت جنگ
نه كـَس كرتگ منی واهگ و مراداں سَـنگ ...

***
بيا تو ژند ،
چه بيريں مَلـْـكموت ءِ تُرس
ترا زاناں ؛
مناں هم ژَند ، وتی دوريں اميتاں چه
ترا هتيار مں دست انت
من ءَ ريشيں دل و پَرزونگے بے رنگ
بيا يك دم به نند اوں ما دمے بيلی
بيا تو نند منی كـُـٹ ءَ
دمے بے جنگ
په سُـهل ءَ ما زهير وار اوں ... !

***
بيا باندات ترا مهمان كناں بے نام
وتی لوگ ءَ
وتی هـَـنكين كه آبات بيت ،
ترا من زيملے واناں
وتی باندات ءِ روچاں ما
ترا بچكند ءِ پلاں گوں
دل ءَ لوٹـــاں
ترا پَرزونگے بيلی
جهان ءِ هستياں كاراں
وتی مهرانی پُلانی كلاتاں چه ،
په تو من گواڑگاں ساراں
ترا دل وشی ءِ نياداں كناں مهمان

***
ترا بيلی ،
منی تو بچ ،
مرادانی هزار باندات ،
هزار سالی كـَـلات ئے تو !
وتی هيرتيں مرادانی مناں بنديگ ...
منی گپاں
نه دَر گـُـوَز كـَـن ... !

كريم بلوچ _ تهل
28/05/09

[Zahida Raees Raji]

دَســـــــــــــتـــــــــــونـــــك

بـُــڈيت چــو روچ زُلم ءِ ، رِيـــز انت بــَــد ءِ سـَـــگاراں

ســاجــــو په راج دوستاں ، آجــــو ءَ بيت بـَــهــــاراں

بيا بيا اُمــيــت ءِ نــُــوْداں كاينت په شِـــــنــزَگ ءَ دِل

ڈكــّال ءِ دَؤر ءَ كــُٹــيــت ، سـَبـز انت دِرَچك و داراں

بـَركـَـت ترا مراد انت ، بـَركـَــت پـــه مـــــن وا دادے

بيا بيا كه مِـهــر ءِ دِروشُم ، پـُليں جهان انت چاراں

بالاد په شـَتـْـكِين تو بـُرت ، سَرجـم جهان ءِ زندے

بيا بيا تــا مــا را دور انت دَرد و گــَــمــانی هـــاراں

تِنگ اِت شَرابی چَم مئے،نـُزهَند ءَ تئيگ ءَ جامے

سار ءَ سَر ءِ من كـُت گار ،راهان ءَ چون به ماراں

گِـيـدی ءِ چــَــــمّ هــَـيــران ، نـازيں تـرا په رَكـّــاں

تـَئی چـَمّ ءِ ٹــَهل ءِ كنجل ، لـْوپ كـُرتگنت مَزاراں

شَهرانی سوز و ساز ءَ ، گـَم كُرتگ و دل ءَ ژَنـــد

ڈكـّی ءِ « تَهل » تر روچ ، بـُرتگ چه ما وا ساراں

كريم بلوچ _ تـَـهل
05/10/09

[Zahida Raees Raji]

زیــمــلانی مَــؤج و چـاڑئے هـتـلـّی مـــاه ءِ بدل


زیــمــران ءَ ایــردیاں بیا ، زرد و هم ساه ءِ بدل


کنـدگانی دلکشیں ساز ، چم ءِ سرمستیں کُله


چــم اوں گِـهـتـگ مـن تـرا په ، بات ترا راه ءِ بدل


زنــد ءِ مهرآپ ءِ ندارگ ، تــئـی انارکاں چـون گناه


کے میاریگ کے په سار انت گوئش منا شاه ءِبدل


بــیــڑ ءِ تـیـجـار چــون رُستگ ، نوهلیں بالاچءِ دل


کـوش دودای ءِ نــه دودے ، آس بــیـــت آه ءِ بدل


بــیــا مـنـی مـهـرانی مهـکان گوں سمینی لزتاں


تو دمے گوں ما به اوشت ئے،مئی بهارگاه ءِ بدل


آسیں زنــد ءِ مـَنـّئگ ءِ توجیل ءَ بلّ ئی باز کننت


چـو نگند انت کوهاں بُرّ انت، هم کننت راهءِ بدل


راست بیت « تهل »ماں بٹاکانی جهان ءِ باوراں


بـیـم دلانی واجه انت چو ، زانت و نیکراه ءِ بدل


کریم بلوچ ـ تــَــهـــل


23.03.15


هارکپ. یو