دریگتین من
مه دیستین گُل! مه دیستین!دریگتین من
به دیستین جَورین مَرکے بے گَتین من
ترا دروه اِیت نه زانتگ اَلّمیءَ
بهارگه اَنگرءُ آسان جَتین من
بگپتین اَنت شَپین تامورےءَ چَمّ
مه دیستین درداِنت هانل گَم جَتین من
په دیمءَ واهگءِپَشتین کِشارءِ
چتورین مَهلیین وامے کُتین من
گُڑینتگ هَمبلان دُژمن مَزارین
که لوٹان وامءُهونان بُن شُتین من
مه شِنگینتین اگان دردان دو دیمی
هَزاری زِند چو پَژمءَ شِتین من
پدءَ پادآتکین یک رَندے گِهین بَهت
گُلءِ گُوناب گون بُوسان تَتین من
سید!شاتون نه بیت کِیگد اَگان نه
په کشّءُ هُرجنگ زِردون زِتین من
سیدهاشمی
گوں عبدالوھاب ایرانژاد ءِ منہ واری ءَ
