Baaskani Diwan
 
Home Forum Sitemap Help Search Calendar Login Register
*
Welcome, Guest. Please login or register. September 07, 2010, 07:10:17 AM


Login with username, password and session length


Pages: [1] 2   Go Down
« previous next »
  Print  
Author Topic: "sayad nimdi-labzaank, syasat, draan Dhehii" by Zahid Abdullah  (Read 773 times)
0 Members and 1 Guest are viewing this topic.
Zahida Raees Raji
Administrator
*****

Karma: 344
Offline Offline

Posts: 3740



WWW
« on: June 29, 2010, 11:55:15 AM »

نوشتانک: زاہد عبداللہ
 سید نِمدی : لبزانک ، سیاست ، درّانڈ یھی
Sayad e Nimdi
Sayad e Nimdi
 
باز رند ءَ شھلچھکار ءُ نگدکارانی مزنیں کار آوانی کسانیں کاراں گار کن انت۔
 باز رند ءَ وتی زمانگ ءِ اے کسانیں کار دگے زمانگے ءِ بے دروریں کاراں چہ یکے بنت۔
 ھمے بد بھتی سیّد نِمدی ءِ بھر ءَ کپتگ کہ سیّد ھاشمی ءِ مستریں کاراں ایشی ءَ پاد ایر موش کتگ۔
وتی زمانگے ءِ اے گاریں کار سیّد ءِ مستریں کاراں چہ یکے ۔
 سیّد نِمدی نہ ایوک ءَ سیّد ءِ جند ءِ سرگوست انت بلکہ ھما زمانگ ءِ بلوچی زبان ءِ راجدپتر انت۔
سیّد ھمروچ کاگد نبشتہ کنت ءُ ھمروچ نوکیں لبزانکی جاورانی سرءَ تران کنت ءُ وتی ھیالاں تالان کنت۔آ مدام سیاسی جاوراں چکاسیتءُ بیلاں سر ءُ سوج کنت۔
سیّد نِمدی اگاں سیّدءِ سرجمیں زند ءِ سر گوست نہ انت بلے کساس دھ سال بزاں
نوزدھ سد ءُ پنجاہ ءُ نو ءَبگر  دان نوزدہ سد ءُ شست ءُ نو ءَ آئ زند ءِ سرگوست ءُ لبزانکی ءُ سیاسی جیڈگانی کتاب انت کہ دگے ھچ جاہ ءَ دسترس نہ انت۔ نِمدیانی وانگ ءَ چہ رند ما زان انت کہ سیّد کجا انت، چے کنگ ءَ انت ، چے جیڈگ انت۔

 ” من کجایاں؟ مردگ کجاانت؟ اگاں مردگ ءِ جاگہ مانش انت نادراہ ءِ جاگہ
 نادرھجاہ انت۔۔۔۔ھو من نادرھاں کہ نادرھجاہ ءَ یان؟“
  ( مپتاھی 9جون 1962بھرن)
 
Logged
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line
Zahida Raees Raji
Administrator
*****

Karma: 344
Offline Offline

Posts: 3740



WWW
« Reply #1 on: June 29, 2010, 11:56:59 AM »


Logged
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line
Zahid Abdullahزاہدعبدااﷲ
Semi Seniour Baask
***

Karma: 7
Offline Offline

Posts: 128
« Reply #2 on: June 29, 2010, 01:01:06 PM »
patto poll e naent ey nawshtank ey. book review type.

mennatwar baask o raji ey.
Logged
Zahida Raees Raji
Administrator
*****

Karma: 344
Offline Offline

Posts: 3740



WWW
« Reply #3 on: June 29, 2010, 01:50:32 PM »
Quote from: Zahid Abdullahزاہدعبدااﷲ on June 29, 2010, 01:01:06 PM
patto poll e naent ey nawshtank ey. book review type.

mennatwar baask o raji ey.

wajah bahed tao mention bukoten' keh ey chey chizzen'? BOOK REVIEW a baluchi e taha chey gwashant?

Logged
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line
Zahid Abdullahزاہدعبدااﷲ
Semi Seniour Baask
***

Karma: 7
Offline Offline

Posts: 128
« Reply #4 on: June 29, 2010, 02:44:16 PM »
hao bayad at k man tra bogoshtentbaley noo aga shar bee guda bekaney.
parcha k syed namdi yak kitab o man hamey kitab e sara liketag.

book review man nazana balochi a che gusha.

aga yak baask zaantey guda mara ham zantkaar bekant
Logged
yahya. याहया
Seniour Baask
****

Karma: 32
Offline Offline

Posts: 438


याहया-बास्क


WWW
« Reply #5 on: June 29, 2010, 04:00:08 PM »
Review
ریویو۔ اِے مئے فرض اِنت کہ ما ریویو ءِ بلوچی لبز ءَ را بُگشیں ۔ ریویوءَ بلوچیءِ تہا نگدکاری گُشنت۔
ھوھو اِیشیءِ باز فائدہ است انت۔ یکے مئے ادب باز دیمروی کنت ۔اگاں ما گُشیں رد نہ بیئں بے چریشیءَ ھچ ادب ترقی نہ کنت۔ بِچار تاں کہ ادیباں تُندءُ تُرشپ مہ گُشیں گڑا اے ادیب ھاک ادبءِ ھزمتءَ کن اَنت؟
ریویوءِ دُومی فائدہ اِشنت کہ چریشیءَ آ دیگے ادیباں ءُ وانوکاں وڑ وڑیں موہ رسیت  اَنچو ادیباں اِے موہ رسیت کہ آ لِکگّ ءَ ویل کن اَنت
ءُ دیگے کارے شروع کن اَنت ءُ یا مردماں کندینگے وستہ نویسگ شُروع کن اَنت ۔ باز ریویو کنوک شریں شریں ادیباں دقیقاتانی تھا دار دپءَ دینت ۔چشیں 
چشیں وھداں مئے وڑیں مردم سک وش بنت۔ ءُ پدا آ بے چارگیں ادیب ءِ کہ آئءِ سرا ریویو بیتگ آئءِ نبشتانکاں پدا کس نہ وانیت
سیمی نف اِش اِنت کہ نوکیں نبشتاکار پہ نبشتہ کنگءَ تلوسگاینت اے آ دومیگے سرا تنقیدءَ نگدءَ گنداَنت پدا نبشتارکاریءَ چیں توبہ کن اَنت۔
اِے ریویو اُصول اِنت کہ ادیب ھما جوڑ بوت کنت کہ ریویو سگّیت۔ نگد سگّیت
ھیر اِدا اِے گپانی گُشگے جاہ نہ بلے من جتاں پریشیءَ منا گوں دلءِ جھلانکیاں پھل کن ۔ دنیگا من اے نبشتانک نہ ونتگ اِے تہنا من ریویو توصیف کت
باز منّت باراں
 
Logged

And Satan said:
I had no power over you
except that I called you
and you obeyed me.
So do not blame me
but blame your selves.
Al Qur ' an
Zahid Abdullahزاہدعبدااﷲ
Semi Seniour Baask
***

Karma: 7
Offline Offline

Posts: 128
« Reply #6 on: June 29, 2010, 06:19:06 PM »
YAHA JAN MEENATWAR PA REVIEW E MANNA DYAGEY... BALEY MAN GUMAN NAKANA K REVIEW E MANA NAGDKARI ANT.

O TAI NAWSHTANK E SARA CHAKASS E INTEZAR ANT....
Logged
Hafeez Abdullha
New Baask
*

Karma: 0
Offline Offline

Posts: 7
« Reply #7 on: June 30, 2010, 02:20:34 AM »
weldone Zhaid. nice work carryon
@YAHA man tai comment ancho wanth man gosht tao zana ae nabshtank wantgh baleeeeeeeeeeeeeeeee
Logged
betawaar
Balochi Group
*

Karma: 89
Offline Offline

Posts: 413
« Reply #8 on: June 30, 2010, 07:14:59 AM »
اے نوشتانک ستا کرزیت۔
Logged
Zahid Abdullahزاہدعبدااﷲ
Semi Seniour Baask
***

Karma: 7
Offline Offline

Posts: 128
« Reply #9 on: June 30, 2010, 12:02:12 PM »
mennawar hafeez o betawar
Logged
Mazaar
Baloch Doust
***

Karma: 48
Offline Offline

Posts: 142


Rouche Braanzan Man Dazgerag Loutaan
« Reply #10 on: June 30, 2010, 05:07:37 PM »
منی شکر ورنا ءُ بْرات گونَگیں ھمبل زاہد جان دْروتانی گْواچیاں دَزگِر!
   سیدنِمدی ءِ سر ءَ تئی چمشانک ءِ گِندگ ءَ گوں منی زِرد ءَ من سکّ باز میار بار کُرت کہ “مزار تو سکّیں نادَریں مردمے ئے کہ سید نِمدی ءِ وانَگ ءُ تھنا وتی ارسانی گُلگلینَگ ءَ ابید تو ھچ جْوانیں کارے نہ کُت کہ کسے ءِ دردءَ بْوارت۔ زاہد چہ تو اے باج بُرت چی ءَ کہ زاہد وتی باسکانی میار اِنت ءُ تو بے سوب بوت ئے چی ءَ کہ تو نِندگ ءُ چمداری ءِ ھیل وتی کتگ۔” سید گْوش اِیت۔۔۔۔
            باسکانی  میار باج  براں  سوب  گِران اَنت
            بے کاری ءِ بے سوبیں بتل کاسگ ءُ چمدار
   بلَے پد ءَ جیڑاِتوں کہ “شَرکاری ءَ تُری ھرکس بہ کنت آئی ءَ شَر بگْوش ءُ آئی دلبڈّی ءَ ھمگام بہ بَے۔” پمیشکا من ترا چہ وتی دل ءِ جُھلانکیاں مُرابات گْوشاں کہ  شَرکاری ءُ راجکاری ءِ اے مِیری پاگ تو وتی سر ءَ کُت ءُ بلوچی زبان ءِ مِھتر سید ھاشمی ءِ وانگی “سیدنِمدی”ءِ سر ءَ بے مَٹّیں چمشانکے دات ئے۔
   زاہد جان من اِدءَ پھک بَھ ءُ بَکّڑاں کہ چے بکناں۔ سیدنمدی ءِ سر ءَ تْران بکناں اگہ نا تئی چمشانک ءِ سر ءَ دگہ چمشانکے بدیاں؟ ھردُکیں کار پہ من چو مُردگ ءِ زِندگ کنگ ءَ گْران اَنت۔ من وت ءَ لبزانکی چُشیں بُرزکدّ ءُ بالادیے نہ لیکاں کہ سیدءِ ڈولیں شھزانتے ءِ اِزم ءُ جُھدانی سر ءَ ھبر کُت بہ کناں۔ بلَے یک کارے کُت کناں ءُ آ ایش اِنت کہ تئی چمشانک ءِ وانگ ءَ رَند ھرچی کہ من ءَ دوست ءُ نا دوست بوتگ ھمایانی سر ءَ وتی ھیالاں درشاناں۔
   “سیدنِمدی” ءِ سر ءَ تئی چمشانک تئی سیددوستی ءِ پدّرائیں دروریے کہ ترا داد ءُ ستا ءِ لائک جوڑ کنت۔ راج مھترانی دوستی راج ءِ ھمک کس ءِ سر ءَ چو وردن ءَ الّمی اِنت، ءُ سید ءِ ڈولیں پھکدلیں مھترانی کدْر گیشتر کنگ لوٹ اِیت کہ آئی جُھداں بلوچی لبزانک یک گْومبیں پونزے دیم ءَ داتگ۔
   اے چمشانک ءِ دگہ یک جْوانیں کاریے ایش بُوت کنت کہ اے وانوکاں سید ءِ زند ءُ جُھدانی بابت ءَ گیشیں سرپدی دنت ءُ آیاں ناچار کنت کہ آ سید نِمدی ءُ سید ءِ ایدگہ وانگیاں بْوان اَنت  ءُ چہ سید ءِ پگر ءُ “فلسفہ” ءَ زانتکار بہ بنت۔ انچوش کہ تو وتی چمشانک ءِ تہ ءَ نبشتہ کتگ کہ سید نمدی ءِ وانگ ءَ رند اے ھبر زانگ بیت کہ بلوچی ءِ بازیں جیڑہ ءُ جنجال انگت ھما اَنت کہ ساری ءَ بوتگ اَنت ءُ ایشانی تہ ءَ مستریں جیڑہ بلوچی نبشتہ رھبندءِ جیڑہ اِنت۔ اے جیڑھانی گیشینگ ءِ یکّیں راہ سید ءِ سرپدی اِنت ءُ بسّ۔
   منی وتی ھیال ءُ لیکہ ھمیش اِنت کہ دانکہ ما سید ءِ پگر ءُ “فلسفہ” ءَ چہ زانتکار مہ بیں ءُ آئی شون داتگیں رھبندانی سر ءَ تپاک مہ بیں بلوچی ءِ ھچ جیڑہ نہ گِیش اَنت بلکیں گیشتتریں اَڑانی آماچ بنت۔ پہ بلوچی ءِ جیڑھانی گیشینگ ءِ واست ءَ اے الّمی اِنت کہ سید ءِ پگر ءُ فلسفہ مئے رھدربر بہ بنت۔ اے ھما وھداں بوتنی ھبرے بیت  کہ ما سید ءَ بْوانیں ءُ سرپد بہ بیں ءُ پہ سید ءِ وانگ ءُ پھمگ ءَ تئی چمشانک یک گامگیجے یا کہ سکینے بوت کنت۔
   ما ھروھد وتی لبزانت ءُ ندکاراں ھمے زنگ جنگ ءَ اِشکنیں کہ بلوچی لبزانک ابید چہ لچّہ کاری ءَ ایدگہ دْراھیں تکاں سکّ پُشت ءَ پشت کپتگ بلَے چہ ھُشکیں زنگ جنی ءَ ابید ما نہ دیستگ کہ یکّے وت گامگیجے بُزوراِیت ءُ لبزانک ءِ ایدگہ تکانی نیمگ ءَ دلگوش گْور بہ کنت۔ تئی اے چمشانک پہ ایدگہ ندکاراں سکینے ھم بوت کنت کہ آ لچّہ کاری ءِ نمبیں ڈگار ءِ شوم جنگ ءِ بدل ءَ لبزانک ءِ ھما تک ءُ پھناتانی نیمگ ءَ دلگوش گْور بکن اَنت کہ انگت باز دست جنگ نہ بوتگ اَنت۔ اِدءَ منی مُول رم نویسی اِنت۔ منی ھیال ءَ منی پُوتاری سکّ باز بُوت اَنت ءُ منی ھبراں وتی سر دُوریں دمگے ءَ کشّ اِت۔
   نی من تئی چمشانک ءِ ھما پھناتاں چمشانکے دیاں کہ منی نِزّ ءَ نزور اَنت۔(اے تھنا منی جندءِ لیکہ اَنت ءُ اے الّمی نہ اِنت کہ منی لیکہ سد در سد راست بہ بنت۔ اگاں کسے گوں منی لیکھاں تپاک نہ کنت اے آئی ءِ بُنکّی ھکّ اِنت ءُ وت ءَ چہ وتی بُنُکّی ھکّ ءَ زبھر مہ کنت)
   304 تاکدیم کتاب ءِ سر ءَ تھنا چار گپ کنگ منی ھیال ءَ گوں سید نمدی ءَ مزنیں ناھکّی یے۔ سید نمدی ءِ گیشتریں نِمدی لبزانکی تْران ءُ جیڑھانی سر ءَ اَنت بلَے تئی چمشانک ءِ تہ ءَ لبزانکی پھنات سکّ باز ڈلگ چار کنگ بُوتگ۔ سید ءِ مالی جاورانی نگیگی، بدواھانی کارچیں ٹاکور ءُ شگان ءُ آئی نادْراھی ءِ نہ کُٹوکیں کسّہ ءِ بے تْرانی منی نِزّءَ چمشانک ءَ کمّے نزور کنگ ءَ اِنت۔ چی ءَ کہ اے ھما کِسّہ اَنت کہ وانوکاں پہ سید ءَ گیشتر مِھریگ ءُ دردوار جوڑ کن اَنت۔ بگندئے وھدءِ کمّی یا کہ چمشانکءِ سکّ باز دْراج بوگ ءَ تئی دست کمّے داشتگ اَنت۔ بلَے وانگیانی سر ءَ چمشانک دیگ ءِ وھد ءَ اے ھبر ءِ ھیال گْور کنگی اِنت کہ چمشانک ھنچوش نبشتہ کنگ بہ بیت کہ اگاں وانوک ءَ آ وانگی نہ ونتگ گُڑا ناچار بہ بیت کہ ھمے وانگی ءَ ھرچ وڑ بْوان اِیت۔ بلے تئی چمشانک چہ اے جْوانی ءَ زبھر اِنت۔ وھدے کہ من سید نمدی ءَ واناں ءُ سید ءِ مالی جاورانی نگیگی، نادْراھی ءُ دُژمنانی مُپتء ناھُودگیں تژن ءُ ٹاکور چہ منی دیم ءَ گْوز اَنت گُڑا منی چم چہ ارساں پُر بنت ءُ منی دل ءَ پہ سید ءَ گیشتر مھر ءُ واھگ ودی بیت کہ یک مردمے چُشیں واری ءُ نادْراھیانی آماچ بہ بیت ءُ انگت آئی واب ءُ واھگ بلوچ ءُ بلوچی بہ بنت گُڑا چُشیں مردم ءَ زبان ءِ ربّالو(پیغمبر) نہ لیکگ زنڈیں گُناھے زانگ بیت بلَے تئی چمشانک چہ اے سجّھیں چیزاں ھورک ءُ ھالیگ اِنت۔
   سید کہ آئی ءَ وتی زند ءُ مرگ پہ بلوچی ءَ ندْر کت اَنت ءُ آئی زند ءِ مستریں واھگ ھمیش بوتگ کہ بلوچی زبان ءَ یک تچک ءُ پلگاریں نبشتہ رھبندیے بہ بیت ءُ پہ اے کار ءِ ھاتر ءَ آ مُلک پہ مُلک ءُ ھَند پہ ھَند بُوتگ۔ اگاں نادْراھجاہ ءَ تھت ءِ باھوٹ بوتگ ھم آئی ھیال ءُ گمان چہ بلوچی نبشتہ رھبند ءَ در نہ بوتگ اَنت۔ اگاں آئی ءَ وتی وانگی پہ چاپگ ءَ روان داتگ اَنت گُڑا آئی جند وت ھمے وانگیانی پد ءُ رنداں گوں بوتگ کہ اے وانگی ردیں رھبندیے ءَ نبشتہ مہ بنت ءُ آیوکیں پدریچ ءُ اوبادگ چہ گاری ءُ گُمساریاں بہ رکّ اَنت گُڑا چُشیں سُتکہ دل ءُ زباندوستیں مھترے ءِ وانگی ءِ سر ءَ چمشانک دیگ ءِ وھد ءَ تو اے ھیال الّم گْور بہ کتیں کہ تئی چمشانک ھما مھتر ءِ جند ءِ شون داتگیں نبشتہ رھبند ءَ نبشتہ بہ بیت دانکہ مانش ءَ سید ءِ پاد پہ الکاپی تچک بہ بنت کہ آئی نبشتہ رھبند آئی اوبادگاں نہ شمُشتگ۔ اے ھبر ءَ تو وت شرّی ءَ سرپد ئے کہ مَچ مَچّ ءَگِند اِیت رنگ زُوراِیت ءُ اگاں ما دْرستیں بلوچ ھمے یکّیں کار ءَ بہ کنیں بِزاں کہ سید ءِ شون داتگیں سچکانیں نبشتہ رھبند ءَ بُزورایں ءُ دیم ءَ بہ جُنزیں گُڑا مئے لبزانک وتی راہ ءَ تچک کنت ءُ آئی مستریں جیڑہ گیش اِیت ءُ بلوچ راج چہ گاریاں رکّ اِیت۔ گُڈ سر ءَ یکرندے من پد ءَ تئی چہ دل ءِ جُھلانکیاں منّہ واراں کہ تو سید نمدی ءِ سر ءَ وتی ھیال درشانت اَنت ءُ اے اُمیت ءَ داراں کہ تئی ڈولیں بْرات گونَگیں زانتکار پہ بلوچی زبان ءُ لبزانک ءَ ھونَکّیں ساھگے بنت۔ اگاں منی ھرچ ھبریے ترا وش نہ بوتگ گُڑا من ءَ وتی کستریں برات بہ لیک ءُ دربہ گْوز۔
   برات یحییٰ، تو چو اِشتاپی مہ کُرتیں ءُ بے پٹّ ءُ پول ءَ “ری ویو” نگدکاری ءِ پوشاک گْور ءَ مہ داتیں۔  ری ویو ءِ بلوچی ءَ دو مانا اَنت۔ یکّے دْوارچاری اِنت ءُ دومی چمشانک اِنت۔
   گُھار زاہدہ تو رومن ءَ نَمدی نبشتہ کتگ بلَے اے نَمدی نہ اِنت بلکیں “نِمدی” اِنت۔ نِمدی سید ءِ جوڑ کتگیں گالے ءُ اے چہ دو گال ءَ جوڑ بوتگ۔ نیم ءُ دیدار، بِزاں کہ نیم دیدار=نِمدی۔۔۔۔۔۔
شُمے کُلّانی کستر
مزار 
Logged
((A clock that does not work is right twice a day))
yahya. याहया
Seniour Baask
****

Karma: 32
Offline Offline

Posts: 438


याहया-बास्क


WWW
« Reply #11 on: June 30, 2010, 06:24:25 PM »
وشتریں گپ ایشنت  ریویو یا چمشانک دو تھرءِ دیگ بیت شریں چمشانک یا نگد یا تنقید
من اِدا فقط نگدءِ تعریف کتگ
گپءِ مطلب صاف اِنت
Logged

And Satan said:
I had no power over you
except that I called you
and you obeyed me.
So do not blame me
but blame your selves.
Al Qur ' an
Zahid Abdullahزاہدعبدااﷲ
Semi Seniour Baask
***

Karma: 7
Offline Offline

Posts: 128
« Reply #12 on: June 30, 2010, 08:55:49 PM »
Mazar tai gapp raast ant ... syed nemdi a sara ya kassanen nebshtank goun kitab a na haqqi ant.. syed e sara bell , man gusha aga syed nemdi sara ham yak kitab e degay be naweset ham syed nemdi haq adda na bant. man syed nemdi kitab kassas 10 rand a want baley dil angat gushee pada bewaney.
syed a bageer balochi labzank anchosh ant k nawab kahir bux marri a bageer baloch e zrombisht.
mennatwar'an
Logged
Mazaar
Baloch Doust
***

Karma: 48
Offline Offline

Posts: 142


Rouche Braanzan Man Dazgerag Loutaan
« Reply #13 on: July 01, 2010, 06:49:47 PM »
Quote from: yahya. याहया on June 30, 2010, 06:24:25 PM
وشتریں گپ ایشنت  ریویو یا چمشانک دو تھرءِ دیگ بیت شریں چمشانک یا نگد یا تنقید
من اِدا فقط نگدءِ تعریف کتگ
گپءِ مطلب صاف اِنت
بْرات یحییٰ، دو رَدی ھور بہ بنت بلَے انگت یک راستی یے ٹاھینت کُت نہ کن اَنت۔
Logged
((A clock that does not work is right twice a day))
Sorouz
Semi Seniour Baask
***

Karma: 9
Offline Offline

Posts: 118


Shap pa estaal wash ant, o gayaabaan pa....Baloch.
« Reply #14 on: July 02, 2010, 08:35:48 PM »

      salam-o-drout!

   Baaz jwaan nabeesetag o satha karzit shomy johd maan BALOCHI labzaank a!

       Modaam anchoush nabeesat et o wati dastan madaar et pa labzaank e dymrawi a.

                Shome-kaster
                       Sorouz Baloch
Logged
Pages: [1] 2   Go Up
  Print  
« previous next »
 
Jump to:  


Powered by MySQL Powered by PHP Powered by SMF 1.1.11 | SMF © 2006-2009, Simple Machines LLC
SimplePortal 2.3.2 © 2008-2010, SimplePortal

Valid XHTML 1.0! Valid CSS! Dilber MC Theme by HarzeM