Author Topic: گُنگیں ارواح GongeyN Arwaah  (Read 2532 times)

0 Members and 1 Guest are viewing this topic.

Offline yahya. याहया

  • Baask's Asset
  • ***
  • Posts: 468
  • Karma: 42
  • याहया-बास्क
    • بلوچی دگنیا BALUCHI DUNYA
گُنگیں ارواح GongeyN Arwaah
« on: October 10, 2010, 11:38:19 AM »
مروچی بلوچستانءِ آجوئی شستُمی60 سالروچ اِنت ۔

بلوچاں ھمے آجوئیءِ اوّلی روچءَ بلوچستانءِ نام بدل کتگ ءُ “ بلوشتان ” کتگ ءُ بلوچ “ بلوک ” بلوچی “ بلوکی ”

ءُ بلوکی ” باروءَ  گشاں کہ بلوکی ءِ تہا ھشتاد درسد اِنگلش لبزدیگے دہ درسد اُردو  ءُ دہ درسد پارسی گال اَنت

مروچی شست سالءَ رند آ سرجمیں کوھنیں دود ءُربیدگ ءُ نام ءُ زبان شمشتگ اَنت اِش ، پرچی کہ اِیشان آجوئی ءِ اوّلی

روچءَ سوگند اِش وارتگ کہ  کس آ گوستگیں زبانءُ دودءُ نامءَ یات مہ کنت کہ پیسریگیں دودمانءُ زبانءَ مارا ھچ نہ

داتگ بائد پھک یل کنگ بہ بنت ،

نی  کہ ھر چکّے مات لاپءَ درکیت گپّ شروع کنت گڑا آ بلوچی نہ کنت بلکیں آ “ بلوکی ” کنت ،

بلے خیر مروچی “ بلوشتان ” ءِ جشن ءُ سُور اِنت  “ چون سُور مہ بیت !

شھیداں وتی ھوناں گوں مئے بانوریں بلوشتان ” رجینتگ ۔

مرچی دُگنیاءِ کُنڈ کُنجءِ ملکانی مُراد باتی کاگد ءُ گوانک پیداگ اَنت کہ “ بلوکاں ” بلوشتان ءُ بلوکی ” شھدیں زبان  مراد بات َ۔۔۔۔

یک گپّے اِدا گُشگ کرز اِیت کہ بلوکانی تہا لھتے مردم انگت درکیت کہ آ وتارا “ بلوچ ” گُش اَنت  وتی ملکءَ “ بلوچستان ” گُش اَنت ءُ وتی زبانءَ “ بلوچی ” گش اَنت ،

بلے اِیشاں وتی “ بلوچی ” سک سک شمُشتگ اِیوکا نام اِش یات اِنت “ سوگند ” بلائیں چزے !

اِے بھتاورانی تہا من ھوں گوناں کہ “ بلوکی ” ءِ کوھنیں ءُ بندری نام “ بلوچی ” بوتگ ءُ نی بدل اِش ءُ بے خیال اِش کرتگ ۔۔۔

ھنچو مروچیگیں روچ ما وشی ءُ شاتکامی ءُ یک ءُ دومی ءِ مراد باتی دیگءَ گواز اِینت ۔

جوانیءَ بگر تاں انیّ منی پیریءَ من یک ھیلے مھرکم داشتگ کہ شپءِ شامءَ رند پہ نیم ساعتءِ وستہ ڈنّ درکایاں

ترّاں پاد جناں ! ھمے سوب اِنت کپ من تاں ھما روچیءَ بگر تنجری جان سلامتاں منی سُدءُ سما ھوں سک خراب نہ اَنت ۔

منی لوگ “ چیدگی ” ( مندءِ کوھےءِ نام اِنت) کوہءِ پُشتہ بودیگءِ ( بودیگ ” مندءَ کوہ کورے ) نّزیک اِنت”

بلے آجوئی ءَ رند ھم بازیں کوہ پُروشگ بوتگ اَنت ءُ باز مزنیں کوہ تاں اِنگت مِک اَنت  کوھانی پُروشگءِ اصلی سوب

مئے آبادیءِ ودّگ  ‘ مئے شمار زانتانی قول اِنت کہ مئے آبادی ھندوستانءِ آبادیءِ حدّ ءَ سر اِنت ۔

چزے سالءَ رند ھندوستانءِ آبادیءَ گوں ھمسر بیت اِنت ۔

مرچی ھنچو وتی ھرروچی ھیلءِ زورءَ ڈنّ ءَ دراتکاں ؛ مرچی اِرادہ اوں کرت کہ مرچی یک کوھی سرا رواں ءُ گوں

گواتءَ گوازی کناں ‘

“ چرتءَ کپتاں کہ تو اِے پیریءَ چطور کوہءَ سر کپ ئے ”

بلے مھرکمیں اِرادہ ءَ کس داشت نہ کنت ‘ منی اِرادہ مھرکم اَنت ۔

گڑا چیدگی کوہءِ سرا روان کت ءُ دم کنان کت تاں کوہءِ نیمءَ لکّ کپتاں”

بلے چاراں منی چم سیاھی آرگاینت منی پیری وتءَ پیش دارگااِنت ، چمانی تہاری ودّان بیت ‘ منی اِرادہ کمو نزور بوت گڑا پہ دم کشگءَ کمے نشتاں اِرادہ کرت کہ نی بُرزترا نہ رُواں ۔

اَناگہ کُچکاّنی اُلاّسگ ”ءِ توار چست بوت ۔

من کسانیءَ اِش کرتگ کہ کُچک وھدے اُلاس اَنت بزاں کہ ارواحے گندگاینت جنّاں گندگاینت ۔

ھمے چرتان تاں کہ یک اناگہءَ رُژنائی یے شھمت کہ گنداں یک مردے شالے پتاتگ ئے دراج گردنءَ  برز بالادءُ قد اِنت عینکی چمءَ اِنت سک پریشانءُ بے  تاھیرءُ ناراض اِنت منی دیمءَ اوشتاتگ

یاھدا اِے کے  بوت ؟ منءَ تُرسءَ چیں گیش اَجکہی بوت ۔

راستیںءُ چپی دستاں وانگی اَنت وانگیانی تہا یک کتابے ءِ نام گوں عربی ءُ فارسی آباں ” سید گنج “ بنشتہ ءَ اِنت

ءُ دومی دستءِکتاب ءِ نام ” بلوچی سیاھگ راست نبیسگ “ بنشتہ اِنت ۔

دلءَ خیال اَتک کہ اِے بیت  کہ بیت گڑا ” گاریں زبان ” بلوچی “ءِ کھنیں بلدکارءَ بلوچی کوھنیں رھبند جوڑ کنوکءُ سرخیل “ سیدظھور شاہ ہاشمی “ ءِ ارواح بیت

بلّے تُری منی چکّءُ نیماسگ بے خیال ا۔نت بلے من بے  ترانگ نیاں ۔

گڑا منی جُست کنگءَ چیں ساری ” سید “ ءَ وتی گپّ دیگے گنگیں زبانیءَ چو درشان کت “ آ زبان بگندے

بلوکی ءِ  کوھنیں دُروشم “ بلوچی “ بہ بیت ۔

منی نام ” سید “ اِنت من پدا وتی سوگندءَ تئی دیما نوک کناں   ۔۔

سیدءَ اِے وڑا سرجمیں مذھبانی کتابانی  نامءِ گرگ شروع کت ۔


سَوگند پہ اَزل دانکءَ سَوگند پہ اَبدگال

سَو گند   پہ   آریپں    کتابانی  نِبشتار

سَوگند پہ ندکارے کہ ھاوندءِکلم کش

سَوگند وراں پہ وتی نام گپتگیں ندکار

سوَگنِد پہ زردُشتءِ اَوَستاءِ  نمسکاں

ھرگال ئے پہ آریائیاں رھدربرءُ رھدار

سوگند پہ ” مھا بھارت “ ءُراماین “ ءُ گیتا

سَوگند پہ بُدّھاءِ ” دھمپد “ ءِ گُپتار

سَوگند پہ تورات نہ برگشتگیں اِنجیل

سوگند پہ داؤدءِ اَزل زیملیں مزِمار

سوگند پہ سُلیمانءِ شھنشاھیں کلام

سوگند پہ ایوّبءِ گوں شھزانتیءِ شُگرار

سَوگند پہ قرآن المّیءَ برجمءُ سرجم

بے جیڑہءَ آریپں کتابانی سَلھکار

سوگند پہ وھّابءِ ھُدا منّیءَ زگریں

سوگند پہ نریں اِبن سعودءِ ترسیں الگار

راجے کہ بہ بیت گنگ نہ مان اِیت نہ مان اِیت

مان اِیت پہ اَدارُکے بزاں زندگءَ مُردار


راجے کہ بہ بیت گنگ نہ مان اِیت نہ مان اِیت

مان اِیت پہ اَدارُکے بزاں زندگءَ مُردار



من اِیوکا  ” لبز “ سید “ ءُ مذھبانی کتاب ءُ ناماں سرپد بوتاں بس

بلے آئیءِ خیالاں من گنگاں منی خیالاں آ گنگ اِنت بگندے من گنگاں

چی گُشگااِنت من ھچ سرپد بوگا نیاں

من بلوکی زبانءِ تہا وسّرا گشت ‘ توچی گشگائے ؟

آ ھم سرپد نہ بوت کہ من کجام زبانءَ گپّایاں  ۔ پرچی کہ کوھنیں بلوچیءُ انوگیں بلوکیءَ باز فرق اِنت

گڑا من دست سُراِینت کہ ما اِشاراہءِ سرا  گپّ کنیں ‘

سیدءِ ارواحءَ دستءِ سُرینگ ءَ بِنا بوتءُ وتی زبانی دست داشتءُ یلہ کت  ءُ لنکُکئی منی نیمگا دراج کت

من ھمنچو سرپد بوتاں کہ بزاں وتی لِلِک ( زبان )ءَیلہ مدئے اِت ءُ شما زبان چیہ یلہ داتگ ۔

من ھمے گپّے سرپدیءِ جھدءَ تاں کہ “سید ” ارواح گار بوت ۔

منءَ اِنچو ارواح آیگءَ تُرس نئیتک  ‘ اِنچو کہ ائیءِ روگءَ اَتک گڑا ھمے سوبءَ من بے ھوش بوتءُ تُستاں ءُ لیٹ وراں جَھلادیءَ کپتاں ‘‘‘‘ رند نزاناں چی بوت ۔


من ھمیش اِنت مروچی دو روچ اِنت بود کتگ منی سر کمو ٹپیگ اِنت ءُ دستءَ چگردی کُنٹگے پُترتگ

بلے ھداءِ شگر اِنت من گھتراں ءُ   ” مند “ءِ مستریں بیمارجاہ زیرءِ علاجاں ءُ منی چکءُ نیماسگ منی چارگءَ اَتکگ اَنت ۔ منی مستریں نیماسگ ” یحٰی موشٰی “ اِیشیءَ ھر وھد وتی لپٹوپ گون اِنت ءُ ھر وھدءَ  ” باسکانی دیوان ءَ “ گُلائیش اِنت ۔

پیسرا من وت ” باسکانی دیوانءِ ممبر بوتگاں ءُ اَنُوں منی نیماسگ   ” یحٰی موسٰی “ باسکانی دیوانءِ ممبر اَنت

اِے گپّ من وتی نیماسگ ” یحٰی موسٰی “ پرماتگ کہ اِیشیءَ ٹآئپ کنءُ باسکانی دیوانءَ بدے

اُمیت اِنت شما اِیشیءِ وانگءَ رند پگر کن اِت  ءُ سید ءِ گپّاں من ھم سرپدکنائین اِت ۔

منی اصلی نام ” یحٰی کوثر سید جلال خان جلائی زی اِنت

شما حیران  مہ بئے من چو عربانی وڑا وتی نام نیماسگءَ پَر کتگ ۔


شمے نزانتکاریں : یحٰی کوثر


نبشتہ کنوک         : یحٰی موسٰی



http://baluchidunya.blogsky.com/pages/Azmank/

And Satan said:
I had no power over you
except that I called you
and you obeyed me.
So do not blame me
but blame your selves.
Al Qur ' an

Offline yahya. याहया

  • Baask's Asset
  • ***
  • Posts: 468
  • Karma: 42
  • याहया-बास्क
    • بلوچی دگنیا BALUCHI DUNYA
Re: گُنگیں ارواح GongeyN Arwaah
« Reply #1 on: October 10, 2010, 12:29:42 PM »
braat o gohaaraaN man a pahel kan et

And Satan said:
I had no power over you
except that I called you
and you obeyed me.
So do not blame me
but blame your selves.
Al Qur ' an

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: گُنگیں ارواح GongeyN Arwaah
« Reply #2 on: October 11, 2010, 01:48:17 AM »
brat yahya moosa shoma wati nobeshtanki passow asara wat nobeshtag kotag ke ei gap yak nazantkaria nobeshtagant , many hayala shomay ei nobeshtanka dege zantkarani chmshank o nagdkari e zaloorat nahent .

Offline yahya. याहया

  • Baask's Asset
  • ***
  • Posts: 468
  • Karma: 42
  • याहया-बास्क
    • بلوچی دگنیا BALUCHI DUNYA
Re: گُنگیں ارواح GongeyN Arwaah
« Reply #3 on: October 11, 2010, 09:59:11 AM »
سلام
سلامءَ رند نی گپّ اِیش اِنت کہ “ اِے  نزانتکار اِیر جنَگ بہ بنت وگاں نہ اِے نزانتکار راجءَ رُنگراھی بر اَنت ۔ اِے نزانتکار دومی سیمی دِنّ اِنت ھمے نزانتکاریءَ کنگا اِنت

And Satan said:
I had no power over you
except that I called you
and you obeyed me.
So do not blame me
but blame your selves.
Al Qur ' an

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: گُنگیں ارواح GongeyN Arwaah
« Reply #4 on: October 11, 2010, 10:37:44 PM »
salam yahya jan shoma mani gapa pa dard mabet , mani brat shoma wat watara nazantkar gowashtag o ei gapa shoma wat pa wati dastan nobeshtag o mahlook ham ara gendagant .

Offline Hameed Maoj حميد موج

  • Baluchi Nadkaar بلوچی ندکار
  • ***
  • Posts: 360
  • Karma: 12
Re: گُنگیں ارواح GongeyN Arwaah
« Reply #5 on: October 11, 2010, 11:15:03 PM »
سلام ءُ دروت منی برات گونگیں دوست یحی دراہ ءُ سلامت بات اِت
درستاں پیش من تئ اِے نبشانک ءَ چیءِ سرپد بہ باں آزمانکے ھیالے یاں کلوہ ۓ پرچا کہ من تئ اِے نبشتہ کتگیں ھرچ تھرءَ ونت منی  پگر تئ مراد ءَ نہ رست کے تو چی گُوشگ لوٹ اِت آیا تو نوکیں نسل ءَ تنز (مزاحیہ) کنگ اِت یا شما بلوچی زبان ءِ بنیاد ایر کنوک ءِ جُھدانی گار کنگءِ ادب یک ھنچیں پڈۓ کہ آ گوں مۓ وڈیں نزانتکارانی تنزءَ نہ اُشت اِیت یاں گوں منی یک نبشتانکیءَ سید ءِ نمیرانی گار بیت مۓ وڈیں مردم بائد اِے گپءَ درد بہ بیت کہ مۓ زبان گار بیگ ءَ اِنت تو چوں نزاناں کہ ترا بلوچی شات بیتگ بہ بلوکی گوشگءَ بلکیں من تئ مراد ءَ سرپد نہ بیتگاں اگاں منءَ سرپد بہ کنءِ تئ مھربانی بیت پرچا کہ راجءِ تنز کنگ ءُ زبانءِ ایر جنگءَ کس نامدار نہ بیت راجءَ آئی کمزوری گوشگ بیت ناں کہ گوں ایر جنگءَ سرپد کنگ بیت امیت کناں کہ تو منی گپاں دلءَ نہ یارءِ پرچا کہ بلوچ بلوک بیت نہ کنت ءُ بلوچی بلوکی اگاں تو تشبیہ کتگ اَنت تشبیہ بس شائری ءِ تھا ھست ناں نبشتانکانی تھا پدءَ یک رندے چہ وتی گپانی کنگءَ پھلی لوٹاں تئ جندءِ وتی برات حمید موج

Offline yahya. याहया

  • Baask's Asset
  • ***
  • Posts: 468
  • Karma: 42
  • याहया-बास्क
    • بلوچی دگنیا BALUCHI DUNYA
Re: گُنگیں ارواح GongeyN Arwaah
« Reply #6 on: October 12, 2010, 05:59:49 PM »




جگر اِے ھماھانی سرا نوبیسگ  بوتگ کہ بلوچ اَنت  ءُ بلوچی زان اَنت ءُ بلے وت ما وتءَ بلوچی گپّ نہ کن اَنت ۔ اگاں من بلوچی بلوکی مہ کرتیں گڑا منی مطلب درا نہ بوتگ اَت ۔ اگاں بلوچی بلوشی بہ کرتیں ھوں منی  مولءُ مراد پلو نہ بوتگ اَت ۔ اگاں بلوچی بلوصی بہ کرتیں گڑا منی مقصد پدّر نہ بوتگ اَت  ۔ اے  گپّ الّم اِنت کہ وتی مطلبءِ پدّر کنگءِ وستہ نامے یا گالے لوٹ اِیت پرچی تچک تچکا چزے  پدّر کنگ چو شر نہ اِنت۔ بچار تُری شاعری بہ بیت یا آزمانک ءُ نبشتانک اصلی نام یا اصلی جاگھءِ پیشدارگ یک اڑے پیداگ کنت ۔ تو اِے نبشتانکءَ ھر ھما نوک باھندیں مردم یا قومءِ وستہ کارمرد کرت کن ئے چی گُش اَنت کہ شال ءَ پوش ئے شالُکءَ مہ شموش
 واجہ انوں من اِے وھدءَ گنداگایاں کہ بلوچستانءِ آجوئی لوٹوکیں مردم اُردو زبان کاربند اَنت پرچی ؟؟؟؟
اِے گپّاں تو وتی قومءِ کرّا کنگائے گڑا اُردوءِ چی زلورت اِنت ؟؟
آ  آجوئی لوٹوک بلوچستانءِ آجوئی  لوٹ اَنت بلے غلامانی زبانءَ (اُردو) دیما بر اَنت من چہ ھمے چیں اثر مند بوتگاں ءُ اِے نبشتانکءِ اِدا دیگءَ بے وس بوتگاں ۔
تو ھر جاہ ءَ فیس بُکءِ سرا آ ءُ دیگے سائیٹانی تہا بچار ترا ھر جاہ اُردو دیما گنداگا کیت اِنت  ترا فارسی سائیٹ ءُ وبلوگ ھزارانی حساب گنداگا کیت  بلے بلوچی ترا کم چہ کم دہ گنداگءَ بئیت  اِے  باسکانی دیوان اِنت کہ کمو گھتر اِنت    باسکانی دیوان
اگان چو بہ بیت گڑا بلوچی بلوکی نہ بیت گڑا چی بیت ؟؟
تو اگاں ایشیءَ بگش ئے کہ اِے وھد حکومت ءِ کار اِنت کہ بلوچی دیما نہ بارت بلے گپّ سد در سد چو نہ اِنت اِدا مستریں بلوچانی ھم میار اِنت کہ آھاں وت بلوچی دیما برگءِ ھچ جھد نہ کرتگ ءَ دومی  سوب بلوچاں وتا مزن لیکگءِ ءُ وتءَ زانتکار لیکگءِ سوب بلوچی باز ڈالچار کرتگ ءُ آ بلوچ کہ خلیجءَ نشتگ اَنت آ وتءَ بلوچ کدی ھوں نہ گش اَنت اگاں یک بلوچے وتءَ بلوچ بُگش اِیت بلے بوت کنت بلے تئی گیشتریں بلوچ وت بلوچ نہ گُش اَنت ءُ وتی زبان بلوچی نہ گش اَنت آ وتارا تازی ءُ عربی لیک اَنت  ۔ من نزاناں عرب کدی چہ بلوچاں شرتر بوتگ اَنت بے مشک بلوچ ءَ چہ عرباں شرتر بوتگ اِنت بلے مرچاں وتی بلوچیتءَ باز کم کنان اَنت   اِے منی دیمءِ گپّ ءُ ھزار دِنّءَ چماں دیستگیں اَنت اُمیت اِنت تو سرپد بوت ئے
آھرءَ اِے گپّ ءَ ھوں کناں کہ تئی انوگیں اِے نبستگیں بلوچی تو سک رد نہ بیستگ نزاناں پرچی تو بلوچیءَ رد نبیسان ئے ؟؟؟؟؟؟؟؟؟؟
تئی کستر 


سلام ءُ دروت منی برات گونگیں دوست یحی دراہ ءُ سلامت بات اِت
درستاں پیش من تئ اِے نبشانک ءَ چیءِ سرپد بہ باں آزمانکے ھیالے یاں کلوہ ۓ پرچا کہ من تئ اِے نبشتہ کتگیں ھرچ تھرءَ ونت منی  پگر تئ مراد ءَ نہ رست کے تو چی گُوشگ لوٹ اِت آیا تو نوکیں نسل ءَ تنز (مزاحیہ) کنگ اِت یا شما بلوچی زبان ءِ بنیاد ایر کنوک ءِ جُھدانی گار کنگءِ ادب یک ھنچیں پڈۓ کہ آ گوں مۓ وڈیں نزانتکارانی تنزءَ نہ اُشت اِیت یاں گوں منی یک نبشتانکیءَ سید ءِ نمیرانی گار بیت مۓ وڈیں مردم بائد اِے گپءَ درد بہ بیت کہ مۓ زبان گار بیگ ءَ اِنت تو چوں نزاناں کہ ترا بلوچی شات بیتگ بہ بلوکی گوشگءَ بلکیں من تئ مراد ءَ سرپد نہ بیتگاں اگاں منءَ سرپد بہ کنءِ تئ مھربانی بیت پرچا کہ راجءِ تنز کنگ ءُ زبانءِ ایر جنگءَ کس نامدار نہ بیت راجءَ آئی کمزوری گوشگ بیت ناں کہ گوں ایر جنگءَ سرپد کنگ بیت امیت کناں کہ تو منی گپاں دلءَ نہ یارءِ پرچا کہ بلوچ بلوک بیت نہ کنت ءُ بلوچی بلوکی اگاں تو تشبیہ کتگ اَنت تشبیہ بس شائری ءِ تھا ھست ناں نبشتانکانی تھا پدءَ یک رندے چہ وتی گپانی کنگءَ پھلی لوٹاں تئ جندءِ وتی برات حمید موج

And Satan said:
I had no power over you
except that I called you
and you obeyed me.
So do not blame me
but blame your selves.
Al Qur ' an