Author Topic: جنیں چک جنتءِ مستاگ  (Read 9665 times)

0 Members and 1 Guest are viewing this topic.

Offline hafiz_aaskani1

  • Baask Poet
  • ***
  • Posts: 195
  • Karma: 18
جنیں چک جنتءِ مستاگ
« on: October 23, 2010, 09:50:14 AM »

بسم اللہ الرحمن الرحیم
اسلامءُ جنیں زھگ
مرچاں مئے چاگردءَ لہتے نوکیں ءُ درامدیں شیطانی سوال اَنت کہ مسلماناں وسواسی اِش کتگ کہ اسلامءَ جنیں آدمءِ حق جتگ ،یا ہمے جستءَ پہ دگہ ھنچیں رنگےءَ پیش کننت کہ سادگیں مسلمان دلءَ ھمے جیڑاَنت کہ ایا اے راستے یا؟؟؟؟؟؟؟؟
جنیں آدمءِ حال اسلامءَ پیش چے بوتہ؟
اے آیات آ احوالاں وش پدّر کنت
  وَ اِذَا بُشِّرَ اَحَدُہُمْ بِالۡاُنۡثٰی ظَلَّ وَجْہُہٗ  مُسْوَدًّا وَّہُوَ کَظِیۡمٌ ﴿ۚ۵۸﴾
  یَتَوَارٰی مِنَ الْقَوْمِ مِنۡ سُوۡٓءِ مَا بُشِّرَ بِہٖ ؕ اَیُمْسِكُہٗ عَلٰی ہُوۡنٍ اَمْ یَدُسُّہٗ فِی التُّرَابِ ؕ اَلَا سَآءَ مَا یَحْكُمُوۡنَ(النحل 59)
رجانک:وہدیکہ چہ آیاں یکےءَ جنیں زھگےءِ بشارت دیگ بیت ،دیمے سیاہ ترّیت ءُ بےوارءُ پریشاں حال بیت، چہ مہلوکءَ چیر بوانءَ گردیت پہ ہما حالءَ کہ آئیءَ رستگ،ایا اشیءَ گوں بدنامیءَ بزوریت(برودینیت)یا (زندگءَ)ماں ھاکاں کلّے بکنت، آہ :  چونیں ردیں فیصلہ کننت۔
اے وَ کسانکیں اشارہے کہ قرآن پاکے بیان کنگااِنت ،اگاں ما ھما مشہوریں قصہءِ تہا فکر بکنیں گڈا ما جوانتر ماریں کہ جنیں چکّءِ حال چنچو نہ وش بوتگ، آقصہ اے وڑ اِنت!
یک صحابیءِ آتک اللہ ءِ رسول صلی اللہ علیہ وسلمءِ گوْرا ءُ گشتے کہ اے اللہءِ رسول من یک بلاہیں گناہے کتگ ایا اللہ پاک منءَ بخشیت؟
واجہءَ جست کت کہ تو زنا کتگ ؟ آئی پسّہ دات انگہ مستریں گناہے۔ واجہءَ جست کت تو مردمے کشتگ ؟ گشتے انگتءَ مستریں ،آ ہنچیں گناہے کہ زمینءُ آسمان آئیءَ وتی تہا جاگہ دات نہ کننت،واجہءَ درّائینت کہ تو چے کتگ ؟
گشتے:منی لوگءَ کسانیں جنککے ودی بوت منی اولی چکّ اَت، منءَ سک دوست اَت ءُ منی جنینءَ ھم۔ دائمءَ منی کٹّءَ اتکءُ گوازیءِ کت ، ابو جہل سہی بوت کہ منی لوگءَ جنیں زھگے ودی بوتگ ، منءَ گشتے کہ توئے وت کل کنئے یا کہ من وتی لشکرءَ راہ بدیاں پہ اے کارءَ ، منءَ وتی لوگءِ عزّتءِ حیال گوراَت من گشت کہ اے کارءَ من وت کناں،گڈا من وتی لوگ بانکءَ گشت کہ مرچی وتی چکءَ آمادہ کن کہ ناکوءِ لوگءَ برانے،گڈا آئی اے معصوم سمبہینتءُ تیار کت،اے روچی منی جنک چہ گلءَ بال اَتءُ کنداں کندانءَ منی ہمراہ بوت،بلے وھدیکہ ما نا شناسیں راہاں رواں بوتیں گڈا منءَ گشتے کہ ابا اے وَ منی ناکوءِ لوگءِ راہ نہ اِنت ، ما کجا روگائیں؟ من ھکّلے داتءُ ھاموش کت،پدا ما یک جاگہے داشتءُ من لگّ اِتاں کلّءِ کوچگءَ،گڈا گوں وتی دامنءَ ھاکانی کشگءَ منی  کمکے کتءُ منی گدے چنڈاِتاں ءُ منی دیمے مودے ھم سپا کتاں ، وھدیکہ کل من جتءُ آمادہ کت گڈا من دؤر دات ماں آئی تہا ،آ معصومءِ پریاتءُ زاریاں الّمءَ زمینءُ آسمان ھم سوگی بوتاں بلے پتءِ دلءَ ہچ بزگی نہ اَتک،ابا منی گناہءُ میار چی اِنت منءَ چو مہ کش منءَ ھمدا یلہ بدئے من تئی لوگءَ ھجبرانی ھجبر نیایاں ھمے جنگلءِ تہا سرگردان باں ،تو آنگو بگش کہ من کشتگ ،بلے منءَ زندگءَ کل مکن، منءَ ھچ بزگ نہ بوت من کل کت زندگءَ۔پدا ھمک شپ اے معصوم آئی وابءَ اتک کہ قیامتءَ منی دست بیتءُ تئی زنچک،  پتے واب گار بوت اَنت۔
ھنچو کہ قرآن پاک گشیت۔
وَ اِذَا  الْمَوْءٗدَۃُ  سُئِلَتْ ۪ۙ﴿۸﴾
 بِاَیِّ ذَنۡۢبٍ قُتِلَتْ
وھدیکہ زندگءَ کل کتگیں ننکیں جنک جست کنگ بیت تو پہ کجام گناہءَ کشگ بوتگ ئےَ(التکویر 8۔9)

وھدیکہ واجہ صلی اللہ علیہ وسلمءَ اے قصہ اشکت واجہءِ چم ارس شنزگااِتاں ءُ کلیں نندوکیں صحابہ ہم گریوگااِتاں۔ واجہ صلی اللہ علیہ وسلمءَ درّائینت کہ ھو تئی گناہءَ زمینءُ آسمان ہم داشت نہ کننت بلے من توامیں جہانءِ واستءَ رحمتے جوڑ کنگءُ دیم دیگ بوتگاں ،نوں تو کہ توبہ کتگ پشومان ئے اللہ ترا بخشیت۔ءُ اسلام گار کنت ہر چیکہ چہ آئی ساری کنگ بوتگ ۔
اے ہم یک قصہے کہ پہ منءُ تو سراِنت آچاگردءِ تہا جنیں زھگءِ نہ گیگیں زند چوں گوستگ اشی جوانیں اندازہ جنگ چہ منیءُ تئی وسءَ المءَ دراِنت۔
نون کہ اسلام آتک گڈا مئے شمئے واجہ صلی اللہ علیہ وسلمءَ لہتے ہنچیں پیکج دات کہ جنیں زھگ پہ ماتءُ پتاں پریشانی نہ بوت اَنت بلکیں آمستاگ اِتنت پہ آیاں کہ ھمیشانی سوبءَ آجنتءَ رواَنت۔
 امام بخاریءَ وتی کتاب الادب المفردءِ تہا بیان کتگ ، بی بی عائشہ رضی اللہ عنہا گشیت کہ منی گورا یک جنینے آتک کہ وتی دو جنکے ھمراہ اِتنت، منءَ لوٹ اِتئے ءُ منی گورا ہچ نیست اَت کہ بدیانے ابید چہ یک دانگے ناہءَ، من دات گڈا آئی ھمے یکیں ناہ دوئینانی سرا بہر کتءُ شت وھدیکہ واجہ آتک من واجہ صلی اللہ علیہ وسلمءِ گورا ھمے قصہ بیان کت ، واجہءَ درّائینت ہر کسے کہ پہ جنیں چک چکّاسگ بہ بیتءُ آآیاں پہ وشی بہ رودینیت آجنیں چک پہ آئی دوزخءِ دیمءَ بند جوڑ بنت(ءُ پہ آئی اسپر بنت)۔

دگہ یک حدیثے تہا کئیت کہ واجہ صلی اللہ علیہ وسلمءَ درّائینت کہ ہر کسےءَ کہ دو جنیں چک رودینتءُ مزن کتءُ گوں آیاں نیکی ئے کتءُ تعلیمے داتنت جوانیں جاہاں سورءُسانگے دات اَنت منءُ آ جنت چش بئیں، واجہءَ وتی دوئیں لنککانی نیمگءَ اشارہ دات۔ ءُ واجہ صلی اللہ علیہ وسلمءِ وتی عملی زندگی ہم بے دروراَت گوں وتی جنیناں ءُ جنیں زھگاں،واجہءَ وتی جنیں چک سک دوست اِتنت۔اے مئے شمئے بے دروریں دین اِنت۔
اسلامءَ ساری جنیں زھگءَ ماں میراثءِ تہا بہر نیست اَت بلے اسلامءَ آ شریدار کت۔
لہتے مردمانی پگرے لگام دگرانی دستاینتءُ چہ آیاں مستریں غلام ماں جہانءَ کئے بوت کنت؟ گشنت کہ اسلامءَ جنیں زھگءَ میراثءِ تہا کم داتگ، پرچہ؟
اشی جواب ایش اِنت کہ جنیں آدم اگاں گہارے اسلام گشیت آئی برات آئی ہرچءُ درچءَ بداَنت۔ءُ اگاں جنینے گڈا آئی لوگ واجہ ھمے پئیمءَ اگاں ماتے گڈا چک، بزاں جنینءَ وتی میراث تہنا پہ وتءَ رسیت اگاں آ دگرے سرءَ ہرچ مہ کنت آئیءَ گرءُ بند نیست بلے مردءِ بوج گراں تراِنت،آئی وتی براتءُ گہار پیریں ماتءُ پت جنءُ چک کلانی ذمہ واری ھمائی سرااِنت ،نوں اگاں مردے میراثءِ باریگءَ اسلامءَ زوریت بلے آدگہ وھداں بیہال اِنت گڈا اشی میار اسلامءِ نہ اِنت ھمائی جندءِ اِنت بلے قیامتءَ آئیءَ جست بیت المءَ۔
بائد ھمیش اِنت کہ اگاں مسلمانےءِ دلءَ چشیں شیطانی وسواسے آتک آ وتی ھیالءِ لگامءَ پہکءَ ھمے پگرءِ دستءَ مہ دنت کہ گار بیت پدا پہ واترگءَ ھم راہ نہ گندیت،آ علماءِ دیناں جست بکنت کہ منی ھیالءِ مانہڑتگیں بندیکاں بگیشین،چو مہ بیت کہ وت بجنءُ وت پرْوش۔
اللہ ماراءُ شماراءُ کلیں مسلماناں اسلامءِ پہمگءُ آئی سرا عمل کنگءُ آئی تبلیغءِ توفیقءَ بداَنتءُماراءُ شمارا توحیدءِ سرا زندگ بکنت ھمیشی سرا مئے روح بال بکنت مئے شمئے گڈی ھبرءَ ،لا الہ الا اللہ محمد رسول اللہ بکنت
آمین

شمئے دعایانی چمدار
حافظ آسکانی

يا رب‏!‏ مناهماياني ردء بكن كه ترا دوست انت

Offline ملک malik

  • BALOCH
  • Junior Baask
  • **
  • Posts: 37
  • Karma: 5
Re: جنیں چک جنتءِ مستاگ
« Reply #1 on: November 04, 2010, 01:59:26 PM »
السلام علیکم ...........واجہ حافظ آسکانی .
جزاک اللہ خیر .  اﷲ ترا صحت و برکت بداَنت ....
باز جوان معلومات . جنین آدم و زالبولانی عزت واحترام ہر قوم ومذہبء تہا ہست 0

مئے بلوچنی ہم فرض اَنت کہ ما ہم  وتی بلوچ جنین آدم و زالبولانی عزت واحترام بکنت 00


 baloch-raaj-e-heyr-loutuk
 


Offline balochistan lover

  • Semi Seniour Baask
  • ***
  • Posts: 109
  • Karma: 4
Re: جنیں چک جنتءِ مستاگ
« Reply #2 on: November 06, 2010, 10:40:14 PM »
sak baz wash birt tahi kalami amencho tarif bekana kame

 washshiyaani jambar tai sara s

 tai_minnatvaar

tahi kastere gohar dowa modam tahi hamraha birt

Offline halazai

  • New Baask
  • *
  • Posts: 2
  • Karma: 0
Re: جنیں چک جنتءِ مستاگ
« Reply #3 on: November 15, 2010, 04:08:18 AM »
baaz wash lala.waqi islam a yak jowanin kanone datha jahanara paa janin chokani haqi khatira.o waqi sha islam a pisar makhloke khayal hami botha k janin chok ayani be eizatiyi sabab jod both kant, goda ayan shami ihsase wajiya ayana zindaga dafan kortha,o e yak jahiliyi alamatte,ei ihsas hanone zamanaga tha hadiya hastinth.bas hanno kammo tarikayne taha parkinth,pisara mahool hancho botha k janin chokana shayani gissa pa zabardaste chisth kanag bothaganth, bali hanon a wath pa raza sha wati logan drayagayanth, pisha ayani mato pitan eizath mulke hakim a dasta botha , bale hano janin choke jinde dastainth, maa shoma dowa bikanant k alla dronani eizathe pardaga bikanth, ameen

Offline hafiz_aaskani1

  • Baask Poet
  • ***
  • Posts: 195
  • Karma: 18
Re: جنیں چک جنتءِ مستاگ
« Reply #4 on: February 17, 2011, 03:41:08 AM »
waajahen braat malik o aala zai o banuken guhaar.
shume baaz minnat waaran k cha shum e dilbaddiyani sawabaa mana haateeg rast k ai mazmoonan hum waanok o dost daarok hast.
allah paak maara o shumara o kullen musalmanan tichken raahe sara rawag e taufeeq bidant
aameen
يا رب‏!‏ مناهماياني ردء بكن كه ترا دوست انت

Offline om.moez

  • New Baask
  • *
  • Posts: 4
  • Karma: 1
    • http://laatahzan.blogfa.com/
Re: جنیں چک جنتءِ مستاگ
« Reply #5 on: November 09, 2012, 11:05:07 PM »
للہ ماراءُ شماراءُ کلیں مسلماناں اسلامءِ پہمگءُ آئی سرا عمل کنگءُ آئی تبلیغءِ توفیقءَ بداَنتءُماراءُ شمارا توحیدءِ سرا زندگ بکنت ھمیشی سرا مئے روح بال بکنت مئے شمئے گڈی ھبرءَ ،لا الہ الا اللہ محمد رسول اللہ بکنت
آمین
______________
آمین آمین آمین . خیلی جالب نوشتت من شیگه داستانا فارسی وانتگو بلوچی هم وانتو خیلی جالبت. جزاک الله الجنه الفردوس الاعلی بله منی گوهار براتان اسلام زنینان عزت دات پیش اسلام زنینا عزت نهت الان شکر الله به ثواب اسلام زنین باز مورد احترام و تکریمه . الله ای شما و ما راضی ببوته منی برات
شکرا جزیلا