Author Topic: :: aisi meHfil se bhalaa ko'ii kahaaN uThtaa hai !! ::  (Read 4369 times)

0 Members and 1 Guest are viewing this topic.

Offline ضیا بلوچ Zia Baloch

  • Global Moderator
  • ******
  • Posts: 304
  • Karma: 19
:: aisi meHfil se bhalaa ko'ii kahaaN uThtaa hai !! ::
« on: December 19, 2010, 05:31:17 PM »
[b [dousten_baaskan]
 [pullen_salaam]


:: Urdu Version ::

:: Roman Version ::

1.

raat yooN dil meiN tiraa soz-e-nihaaN uThtaa hai
Hashr meiN jaise ko'ii shu'la-fashaaN uThtaa hai !

2.

SubH-e-ta'beer chamak uThti hai aaNkhoN meiN miree
jab bhi seene meiN ko'ii Khwaab-e-giraaN uThtaa hai !


3.

muddatoN pehle ko'ii barq si lapkii thi yahaaN
aaj tak vaadi-e-BolaaN se dhuvaaN uThtaa hai !

4.

qaabil-e-deed hai voh dil jo ba-Sad shauq-e-javaaN
teri meHfil se liye baar-e-fiGhaaN uThtaa hai !

5.

us se baRh kar ko'i maHroom-e-jahaaN kyaa hogaa ??
jo tirii bazm se ay jaan-e-jahaaN uThtaa hai !


6.

Hushn hai, saaz hai, may bhii hai javaanii bhi :Zia:
aisi meHfil se bhalaa ko'ii kahaaN uThtaa hai !!

 minnahwaar

Zia Baloch[/b]