Author Topic: وپتگیں مردءِ میش نَر کاریت. استاد اشرف سربازی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بتل گنج  (Read 2150 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7082
  • Karma: 356
    • Baask-Home of Baluchi Language, Literature & Culture


وپتگیں مردءِ میش نَر کاریت

یک شپانکے است اَت کہ سکّیں سُستءُ بے تہمبلءُ وابوئیں مردے اتءُ پدا مستریں حبر ایش اَت کہ وہدے آ رمگءِ چارینگءَ شتگ اَت گڑا آ واب کپتگ اَت۔۔۔۔۔۔۔۔۔۔۔۔۔۔۔۔۔۔۔۔۔۔ اگاں کسےءَ آئی ءِ گوشءِ بُنءَ ڈُہل ءُ سُرناہ اوں بہ جتیں، آ چہ وابءَ پادنیاتکگ اَت داں کہ سیرِ واب مہ بوتیں۔۔۔۔۔۔۔۔۔۔۔۔۔۔۔۔۔۔۔۔۔!
یک رندے آ ماں شیپےءِ تہا وتی رمگءَ چارینگءَ اَت کہ کوچنڈگءُ کوناہگءَ لگّ اِت۔ آئیءِ رمگءِ تہا یک آپُسیں میشے است اَت کہ مروچی یا باندا زِائگی اَت۔آئیءَ اے میش گوں درچکےءَ بَست کہ دُور مہ رؤت۔۔۔۔۔۔۔۔۔۔۔۔۔۔۔۔۔۔۔ وت وپت ءُ واب کپت۔
کمے دیر نہ گوست کہ میشءَ زات ءُ گورگے آؤرت۔۔۔۔۔۔۔۔۔۔۔۔۔۔۔۔۔۔۔۔!
بلئے شپانک انگت ہم وتی وشّیں وابءَ اَت۔ ہمے وہداں دگہ یک شوانگے گوں وتی رمگءَ ہمے شیپءِ تہا گْوزگءَ اَت۔۔۔۔۔۔۔۔۔۔۔۔اے شپانکءِ رمگءَ ہم یک میشے است اَت کہ کمے پیسرزاتگ اَت ءُ گٹّورے آؤرتگ اتے۔۔۔۔۔۔۔۔۔۔۔۔۔۔۔!
وہدے ہمے شوانگ، وابیں شپانکءِ نزّیکءَ رست۔۔۔۔۔۔۔۔۔۔۔۔ دیستے کہ شوانگے واب اِنت۔۔۔۔۔۔۔۔۔۔۔۔۔!
پیسرا شیزارتے ءُ پدا کِچّ کِچے کُت ۔۔۔۔۔۔۔۔۔۔۔۔۔۔۔۔۔۔۔۔۔ بلئے دیست یے کہ اے مرد انچو واب اِنت کہ ہچ سارءُ سمایے پِر نیست۔۔۔۔۔۔۔۔۔۔۔۔۔۔۔۔۔۔۔ گڑا آئی ءَ وتی بڈّءِ گٹّور وابیں شوانگءِ گورگءِ جاگہءَ زاتگیں میشءِ کشءَ ایر کتءُ آئیءِ گورگ اِش زُرت ءُ رہادگ بوت۔۔۔۔۔۔۔۔۔۔۔۔۔!

وپتگیں شپانکءَ چہ وابءِ سیرءَ پد بُست کُت۔۔۔۔۔۔۔۔۔۔۔ دیستے کہ میشءَ گّٹورے آؤرتگ۔۔۔۔۔۔۔۔۔۔۔۔۔۔۔۔!
چونائیءَ آ پہتہ ئیں ءُ زانوگریں شپانکے اَت۔وہدےآئیءَ میشءِ لیماڑ چارِات گڑا زانت یے کہ میشءِ چُک نر ، بزاں گٹّورے نہ بوتگ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بلکیں مادگیں گورگے بوتگ۔۔۔۔۔۔۔ نُرنڈگءَ لگ اِت کہ الّم آ گورگ دگرےءَ برتگءُ آئیءِ جاگہءَ
اے گٹّور ایرکتگ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نی ہردو دست اِش سرا کت اَنت گُشتے
وپتگیں مردءِ میش نَر کاریت

استاد اشرف سربازی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بتل گنج

Shengkaar  Shoaib Shadaab
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Naguman

  • Baluchi Nadkaar بلوچی ندکار
  • ***
  • Posts: 38
  • Karma: 12


waja sarbazi e aaortagen kisso e taha yak jagahey  "maadagen gwarg" nibishta en... may damaga maadagen gwaraga "pulaaT" gushant.


ispeypas (ispet pas) o aahi e kahoul chosh en:

naren ispepas :             "guraanD"

maadagen ispepas:        "mesh"

mesh e chukka:             "gwarag"

naren gwarag:               " gattour"

maadagen gwarag:        "pulaaT"


Offline MirAskaniBaluch

  • بلوچی باز جوانیں بتل
  • Balochi Group
  • *
  • Posts: 278
  • Karma: 15
  • Love Is My Life Style
    • آسکانی وبتاک بلوچستان
واجہ ناگمان  سربازی دمگا ھوں ھمے وڑایش گؤش انت: بلہ ندکار یا بیحال بوتگ یا کہ جنرال الفاظ ئی کار و مرر کرتگ تاں سجہین کونڈانی بلوچ سرپد بہ بنت.
مرد کہ بے براتٰ شان کنت میری
جن کہ بے جودا سنبہ ایت سیری
عاقبت  یک روچۓ  ردۓ زیر ایت