Author Topic: فرانسوا ولتر۔ کریم بلوچ تھل ءِ نبشتانک ندر پہ باسکاں  (Read 1210 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7058
  • Karma: 356
    • Baask-Home of Baluchi Language, Literature & Culture
فرانسوا ولتر نبشتگ : گپ و هبر مِــر انت و زیان بنت ؛ بلے نبشتانک پَشت کپنت و نمیران بنت . اگں اے بنیات ءَ مئی نوکیں دؤر چارگ به بیت ، تاں پیشی سَدی ءِ هَپتمی دهی (1970 ) ءَ ، بلوچی ادب و لبزانک ءَ کمتر جنینانی نام گندگ ءَ بیت و اگں هم جاهے جاهے گندگ بیت کس نزانت که اے پکا بلوچ زالبول انت که نَد اِش زرتگ و نبیسان انت یا کجام مردینے بلوچ زالبولے ءِ نام ءَ چیزے نبشتگ تاں که جنینان ءَ گوں اے کار دلبڈی به دنت که چیزے نه چیزے به نبیس انت .
پر چا که هما نام گوں یک و دو نیشتانک ءَ گار و بیگواه بوتگ انت . بلے هما دهی ءَ بانل دشتیاری گوں وتی شئیر و پربنداں ، بلوچی لبزانک ءَ نوکیں تام و تبے کاریت و بلوچی لبزانک ءِ کاروان ءِ همراه دار بیت که چه آئیا دهانی جوانیں پربند و نبشتانک تاں هنون شنگ بیتگ انت . اے راستیں گپے که بلوچی لبزانک ءِ آزمان ، چو که دگه دنیای ءِ زندگیں زبانانی داب ءَ پراه و روشن نه انت ، بلے اے المیں گپے که بلوچی لبزانک ءِ همے هنیگیں هستی هم تاں یک کچے ءَ گوں بانل دشتیاری ءِ جهداں همگرنچ انت و بلکین استا صبا دشتیاری ءِ چه گهتریں سکیناں بیتگ انت . بانل دشتیاری ءَ چه رند بانک زینت ثنا هم چیزے وهد ءَ بلوچی لبزانک ءَ بور تاچان ات و مرچاں هر چنت که کمتر آئی ءِ نبشتانک شنگ بیگ انت ، بلے پدا هم بلوچستان شهدربرجاه ءَ ، بلوچ وانندهیں بلوچاں وانینگ و سرسوج کنان انت .آهان ءَ چه رند چیزے بلوچ زالبول کدی کدی چیزے نبیسگ انت یا اردو ، پارسی و دگه زباناں چیزے نبیسگ انت که آهانی گپ جتا انت . بلے اے المین گپے انت هنیگیں دهی ءَ اگں بچاراں ، بلوچ زالبولانی دو درپشوکیں نام و اِستار هست انت که تاں دیر مئی راجدپتر آهانی سرا پهر کنت . یکے بانک سیما سردارزیی گوں وتی بے مٹیں نداره کشیان انت که جهانی گالری و نمایشگاهاں آئی ءِ نداره کشیاں ، هیران کنت و دومی نام هزار نازیں بانک زاهده جان رئیسی انت ! زاهده جانی بالاد ءِ براه تهنا اے نه انت که شائری کنگ انت یا آزمانک نبیسی ءِ پجاه آرتگیں نامے ، نه زاهده جان ءِ مَستریں جوانی ایش انت که وتی چاگرد ءِ زانوگریں شرگدار و نقدکارے انت و زاهده جان ءِ ستا یگی کار تهنا اے نه انت ، ائی ءِ کم دروریں جهد ، بلوچی لبزانک ءِ زندگ دارگ و دیمبری ، « باسک » ءِ سایت ءِ وسیله انت که بلوچانی یکجاه کتگ و یکجاه کنان انت . آئی ءِ کار ءِ پهنات ءِ باره ءَ آئی ءِ جند ءَ زانت که گوں کجام جنجالاں ، دهانی بلوچی کتابی اسکاین کتگ ، یا دهانی نبشتکار و شائر و جهدکارانی ساچشتانی سرجم و شنگ کتگ انت ، بے ایشی که کجام گپچلے ءَ وتا هوار به کنت . اے باز بژنی گپے که بلوچ زندمان گوں هزار بژنی نگیگیاں دودیم انت . نازانتی و کم زانتی بلوچانی مستریں دُژمن انت که برات ءَ برات ءِ هونیگ جوڑ کن انت و چکاں مات و پت ءِ ناشر و سرجهل کنوک ! پدا همے شومیں جاوراں ، « باسک » ءِ جهدکاراں کدیں راه ءَ چه بے راه نه کتگ و ایشی بانک زاهده جان ءِ مستریں زانتکاری ءِ برکت انت ....
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line