واجہ ادبی حکیم :۔۔۔۔۔۔۔۔۔۔۔ تو بازیں چاگردی جیڑھ وتی نبشتانکءِ تہایک رِدا باز جوان بیان کتگ اَنت ءُ یک تقابلی تنقیدی جائزیہ یے پیش کتگ۔
ایشیءِ مطلب صاف ظاہر اِنت کہ ’’ ہمارے ہاں گنگا اُلٹی بہتی ہے‘‘ بلئے کس پہ منّگءَ تیار نہ اِنت گڑا بدلی چہ کجا ءُ چے وڑ آرگ بیت۔۔۔۔۔۔۔۔۔؟
بلئے تئی جہد ستا کرزیت کہ تو راستیءِ منّگ ءُ بیان کنگءَ وتی قلمءَ ندارئے۔۔۔۔۔۔۔۔۔۔۔۔ بلئے اے راجءِ دیما میاریگ بئے کہ راستیں گپّ جنئے۔
من تئی اے بیانءَ کمّو حیران بوتاں کہ
’’ وَشّرَنگ اَنت بلے زوراکءِ بَگلءَ وَپتَگ اَنت ‘‘
نہ زاناں تو کجام حوالہءَ گپّ جنَگ لوٹ اِتگ۔۔۔۔۔۔۔۔۔۔۔۔۔۔۔۔۔۔۔۔
منءَ ہمے گپّ ءِ سرا کندگ کئیت کہ ما گشاں گوں وتی جہالتءَ ما دنیاءَ بدل کنَگ لوٹاں۔۔۔۔۔۔۔۔۔۔۔ ضرورت ہمیش اِنت کہ ما دنیاءِ علمءُ دانائیءَ بزوران ءُ وتارا بدل بہ کناں ءُ گوں دنیاءَ ہمگام بہ باں اگاں دگہ زہمے نہ جناں کم ءَ چہ کم دنیاءِ تہا زندگ وَ باں۔۔۔۔۔۔۔۔۔۔
بقولِ حضرت افلاطون ئیگا
کسی قوم پر اِس سے بڑی مصیبت اور کیا نازل ہو سکتی ہے جو علم و عقل کی مخالفت کرتا پھرے
واجَہ شعیب شاداب مَن چَہ تئی پسّوءِ دیَگءَ باز وَشّهال بوُت اوں پَمشا کہ نوں مَن زانت کہ مئے راجءِ تہءَ چُشیں وَرنا هَست کہ هَکّیں گـَپاں پسُند بہ کَنت پَرچا کہ مئے راجءِ گوشاں مُدام وَتءَ نازینَگءِ هیل کُرتَگ چَہ هَزار سالءَ گِیش اِنت کہ ایوَکءَ مئے راج وَتارا وَت نازینَگ اِنت چہ بازیں نازینَگاں آ پَهک ٹپّـُر بوُتَگ پرچا کِہ مُدام ما وَتءَ پَہ وَتی چَمّاں چارتَگ بلَے اگاں ما وَتی نُکسءَ ماں دَرآمَدے ءِ دیدوکاں بہ چارتیں گُڑا ما وَت وَتی نُکسءَ هَما وَهدءَ دَرگپت کُرتگ اَت .
(ہمارے یہاں گَنگا بہت دیر سے اُلٹی بہ رہی ہے ) بَلَے ما شَرّ نہ چارتَگ .
نوں اَبید چَہ مَنّگءُ وَتءَ بَدَل کَنَگءَ دگے هچّ راه نیست تاں کَدیں ما وَتی سرا وَت بہ کَندایں بَسّ اِنت کہ دُنیا مئے سرا کندَگ اِنت.
آ اَدیبءُ نَدکار کہ مروچی وَتی نَدءَ پَہ راستیءِ پیشدارَگ کار نَہ بندَگ اَنت تو بہ زاں کہ آ گوں زوراکءَ هوراَنت.
مَن زان اوں کہ مَنی راج مَروچی مَنءَ مَیاریگ کَنت بلَے مَن جَزم اوں کہ مَنی مرَگءَ رَند آیوکیں نَسل اے گپ ءَ مَنّ اَنت کَہ مَن آ وَهدءَ راست گوَشتَگ.
یکّ نپَرے هِچّ راجےءَ بَدَل نَہ کُرتَگ اے دگے راجاں چَہ یَکّ کسے ءِ گوَشَگءَ رَند هَرچ کَسے وَتءَ را وَت بَدَل کُرتَگ .
اودا کہ مَن گوَشتَگ کہ : وَشّرَنگ اَنت بلَے زوراکءِ بَگَلءَ وَپتَگ اَنت .
ایشیءِ بہ زانت ایش اِنت کہ مئے سَرءُ دِیم ، چَمّ ءُ پونزّ، کَدّءُ بالاد ، دَستءُ پاد باز جوان اَنت بلَے ما زوراکءِ دَستءِ چیرا ایں .
اے مئے نازانتی اِنت کہ اَگاں ما بہ لوٹ ایں دُنیاءَ گوں وَتی اے جاهلیءَ بدَل کنَگءِ جُهد بہ کن ایں.
تئی دلبڈی دَیَگ ءُ گوں مَن هَمپگر بَیَگ لَکّ ستا کَرزیت.
سوبیں باتے برات.
ادَبی هکیم
