Author Topic: لچہ " سال چوں چکران انت " اسلم قادر ءِ پربند  (Read 1897 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
لچہ " سال چوں چکران انت " اسلم قادر

سال چوں چکران انت
وھد چوں گوازان انت نوں
کسہ انت گدارانی
ساعتانی داستان انت
سال گرنچے ءَ بستگ
وھد ءِ کوپگاں ایر انت
وھد گردایت بازاراں
ساعتان بہا کنتیں
کیسگاں داں دانکے است
زند کنت ھریداری
وھد پہ وتی واھند ءَ
دولتے کہ بے مٹیں
کئے پہ سیت سودا جنت
کئے کپیت انت تاوان ءَ
عقلے ءَ گوں کارداریت
زانتے ءَ گوں سیادی کنت
جست ءَ جہل ءُ برزانی
زانت ھما کہ راہ ءَ انت
کئے نوں گواز کنت کوھاں
کئے کپان بیت کنڈاں
کئے پداں گران بیت انت
کئے پہ سیمسراں سر بیت
منزلانی کسہ انت
داستان انت گامانی
چوں گراب بال ءَ انت
جہل کئے چوں کانگاشک ءَ
بالے ءَ گوں کارداریت
بانزلانی جیڑھ انت
وھد کہ لگوشان انت
ھنیاں اوں دستانی
وھد کہ رجینان انت
ھون لنکاں دست ءِ
مقتلانی دمکے ءَ
قاتلانیں کسہ انت
داستانیں زلمے ءِ
کسہاں چپ ءُ راستیناں
بل کہ نزاناں من
انینچک سرپد ءُ زاناں
پگر یک گناہے نوں
زانت لوپے ءَ دراتکگ
زندگی سزائے پہ
بے وسیں اے انساناں
سال چوں چکران انت
وھد چوں گوزان انت نوں
کپتگ ٹالے اسپیتیں
مئے سر ءِ اوں مودان ءَ
ما پہ سوک گشتگ اے
ما گل ءَََ چہ پیر بوت انت
بے وسانی کسہ انت
بزگانی داستان انت
01-01-2015
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line