Author Topic: آذمانک: وتی واب ء قاتل انت. . .عندلیب گچکی  (Read 1164 times)

0 Members and 1 Guest are viewing this topic.

Offline Andalib-Gichki

  • Baask Poet
  • ***
  • Posts: 121
  • Karma: 12
             وتی واب ء قاتل انت
                      عندلیب
او آ یک وابے ات کہ من ھما وھد ء دیستگ ات کہ مناں ذند ء جنجالانی ھچ سما نیست ات ء من اے اوں نہ ذانت ذند چیا گشنت بلے او من وتی دیتگیں واب ذانت ء من ودارا اتاں کہ کجام وھد کیت کہ منی دیستگیں واب سرجم بیت ء وتی معنا ء دنت . . . .

 من پہ وتی اے دیتگیں واب ء واستہ داں باریں چنت سال ء ودار کت . . .
دو سال ؟ سہ سال ؟ اناں بلکن 17 سال چیا کہ آ واب ء گندگ ء وھد ا مناں 7 سال بوت. . .

روچے 11 بج ات . . .او مناں یاد انت . . .منی واب گشے اھی ء رنگ ء  تہاسرجم بوتگ ات. . .
پورا ھما وڈ کہ من دیستگ ات . . .

من گل ء چہ گشے بال اتاں . . .منی ذند ء _ تہا نوکیں رنگ ھوار بوھان اتاں. . ._

دل ء گشت بروھاں جار بجناں منی واب سرجم بوتگ . . .
من باذ وشاں. . .

من وتی سر وتی مات ء کوپگ ء ایر کت ء گشت .
اماں منی دیستگیں واب سرجم بوھگ ء انت . . .

اماں منی ذند ء مکسد پورا بوھگ ء انت. . .
اماں منی اماں . . .
باذیں وشی ء چہ من وت نزاناں من چہ گشگ ء اتاں. . .

منی ماگل اردوکیں ماگل مدام تو انچو شادان باتے . . .
منی مات منی سر ء مودا سمارگ ء ات. . . .

بلے من چے ذانت کہ من وت دست ء وت وتی وشی ء گٹ گیر کناں . . .

ء من وت وتی دیتگیں واب ء قاتل باں. . . .
باریں آ کجام جاورانی سبب ات کہ من دست ء وت وتی دیتگیں واب کشت . . . .

او وتی کسانی ء واب . . .
ھما واب کہ منی ذند ء روکیں قندیل ات. . .

آ است ات من استاتاں. . .
اے ھمے واب ات کہ منی ذند ء تھا نہنگ ء آورتگیں ھرچ ھارے ء پروش وارت . . .

او نہنگ ء اورتگیں ھارانی ھچ پرواہ من نہ کت . . .

ء من ھمے توپانانی تہا ماندات . . .

چیا کہ منی دیم ء منی واب ات . . .منی منزل ات. . . .
 
بلے مرچی چے؟ اے چون کسانیں گوات ء من ء بلاہ ء گندگ ء کیت؟ پرچا ؟
من وتی مات ء کوپگ ء وتی سر ایر کتگ . . .ء  منی چماں چہ نہنگ جہلاد انت .. . .
منی مات مناں تسلہ دیگ انت . . .

منی ماگل وت مردم کپیت درد بیت گڈا نہ گریت. . .
اماں من وت وتی واب ء قاتل انت. . .

او تو وت قاضی وت مدعی  ء وت مد عا علیہ. . . .
گڈا کیا سزا دیے؟ . . .

ھلاس