Author Topic: کہر آماچین گدان ۔۔۔ میران ءِ چمشانک  (Read 2629 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7082
  • Karma: 356
    • Baask-Home of Baluchi Language, Literature & Culture
Meeran Baloch WROTE:


کہر آماچین گدان
۔ ۔ ۔ ۔ ۔ ۔ ۔ ۔ ۔ ۔ ۔ ۔
کہر آماچیں گدان ۔۔۔ اسلم تگرانی ءِ نبشتہ کتگیں اولی ۔گدار انت کہ چہ ( آتار پبلیکیشنز کراچی ) ءِ نیمگا اگست 2011 ءَ چاپ ءُ شنگ بیتگ منا چیزے ماہ پیسر چہ سنگتے ءَ دست کپت من گدار باز کم ونتگ من چو ھم نزاناں کہ گدار ءِ لوٹ چے انت ؟ بلے منی زبان انت منی کہ گدارے دست کپتگ من ونتگ من ۔۔۔ سید ھاشمی ءِ ( نازک) من سک دیر انت ونتگ بلے من انگت ھم نزاناں کہ ۔۔۔ نازک ۔۔۔ ناولے ۔۔ یا ۔۔ انّآ ۔۔۔ بلے منا نازک دوست بیتگ پدا منا منا غںی پرواز ءِ ناولے دست کپت منی ھیال ءَ ۔۔۔۔۔ شپ جتیں راھی ۔۔۔۔۔۔ ات منا دوست نہ بوت منا ھمے واستا دوست نہ بوت کہ واناک نہ ات ھمے وڑا ۔۔۔ منیر بادینی ءِ یک و دو ناول منا دست کپتگ ات من ونتاں بلے شر سپر پد نہ بوتاں نزاناں میار منی ات گدار نویس ءِ ۔۔۔پدا منا ڈاکٹر حنیف شریف ءِ گدار ۔۔۔ چگرد پُلّ ا نت ۔۔۔۔۔دست کپت اے گدار منا دوست بوت ۔۔۔ منا ھمے گدار ءِ کسہ سک دوست بوت دومی منظر کشی منا سک دوست بوت اشی ءِ وانگ ءَ من گشے ھر جاگہ گون اتاں گوں ھئور ءِ سر بہ بیت یا کئور ءِ کش ۔۔جیل بہ بیت کوہ من ھر کجا وتا گندگا اتاں پدا من ھمے گدار ءِ تھا بلوچستان دیست ھمے ھاترا من دوست بوت
منی بن گپّ دگرے ات من دگہ دیمے سر کش ات ۔۔ من واجہ اسلم تگرانی ءِ اولی گدار ۔۔۔ کہر آ ماچین گدان ءِ گپّ ءَ اتاں ھو ۔۔۔ کہر آ اَماچیں گدان ۔۔۔ کوھستگی کسہ ایت تگران ءُ زعمران ءِ دمگ ءِ کسہ وانگ ءَ گوں گمان بیت کہ راستیں کسہ ایت یا و چیزے واقعات راستین انت ۔کسہ ءِ بازیں جاگہہ ءُ کارستانی نام ھم اسلی انت بزاں فرضی نہ انت کتاب ءِ بندات ءَ واجہ اسلم تگرانی نبشتہ کنت کہ ‘‘‘ انچیں جہدے من ھم ‘‘ شپانک ‘‘ ءِ توکا کتگ جہد چنچو سوب مند انت اشی ءِ شرہ جنوک توے وانوک ئے ۔۔۔ تاکدیم 10
ادا چہ ھمے زانگ بیت کہ ۔۔اے گدار ءِ نام چہ شپانک ءَ بدل کنگ ءُ ۔۔۔۔ کہر آماچیں گدان ۔۔۔ کنگ بیتگ کسہ ءِ بندات ءَ مسیت ءِ ذکر ءَ انت کہ مسیت ءِ کنٹ پرشتگ انت مردم شئور ءُ سلاہ کن انت کہ مسیت ءِ کنٹ بدل کنگ بہ بنت گڑا مردم رونت کنٹ بّر انت کنٹاں تل کن انت بلے دیمترا ناں مسیت ءِ ذکر ھست ناں کنٹانی ۔ مسیت ءِ کںٹ پرچا بدل کنگ نہ بنت ؟ یا و من گدار ءِ وانگ ءَ بے سوب بیتگاں یا گدار نویس چہ مسیت ءَ بے ترانگ بیتگ ۔۔۔۔ بلے کسہ منا دوست بیت بلوچی رنگے ءَ انت ھمے کسہ ءَ منا دگہ چیزے ھم سک باز دوست بوت آ اش انت کہ کسہ نویس ءِ زبان ذگریں بلوچی انت ءُ واناک انت ھم بایں جاگہاں کسہ وانوک ءَ وتی ھمراہ کنت ءُ بارت گوں ھم ۔
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line