Author Topic: ڈِگری گِروں ۔ ۔ ۔ آزمانک: ولید گربۆنی ۔ ندر پہ باسکاں  (Read 1540 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7060
  • Karma: 356
    • Baask-Home of Baluchi Language, Literature & Culture

ڈِگری گِروں
آزمانک: ولید گربۆنی
ساریا تاں ڈگریا وانـْـتوں نه کۆت؛ پرواه نیست، هنی وانوں. همنچۆک وانوں که ڈگری به گروں . ڈگری گروں پرچاکه چه ڈگریا جَهلتری وانگا مردۆم وانگ نه لێک أنت. کسێا که ڈگری نه گپتگ آئیا هچ إداره کار هم نه دات. بے ڈگریا پاکستانءِ ڈولیں دۆز ۆ إیرانءِ ڈولیں دروغبندیں ملکءِ ووٹاں مردۆم اۆمیدوار اوشتات نه کنت. مئے آزادیءِ جهدا دستگٹیں سرمچاراں به چارئے، پهکاں ڈگری گپتگ. ڈگری گروں که چه ڈگریا کمترءِ وانگ وانگے نه إنت.
زانوں که من ساریا به وانتین أت، بله نه وانتوں. نه وانگءِ سبب منی وتی نابودی نه أت. کسانیا من چه وانگا گیشتر دگه هچ کار ۆ دستگٹیا واهوک نه بیتگوں. ألبت، ڈگار مه بیت، إیوکا آپ دردا نه وارت. وانوکا وانگجاه لوٹیت. وانوک ما باز إتیں، بله وانگجاه نیست أت. ما که ڈلـَگ بیتیں، گۆڑا مدرسوے پاچ إش کۆت. إے مدرسهءِ پنچیں کلاس ما سرجم کۆت أنت. چدا پد مارا چارگے نیست أت. پدا هما پت ۆ پیرۆکی کشارکاریءِ پێشگ پشت کپتگ أت.
نزیکتریں هایی إسکول چه مئے میتگا پاداں هفت کلاکءِ راه أت. مئے میتگا گاڑیانی روگ ۆ آیگ هم نیست أت که زهگاں گاڑیانی سرا رو ۆ آ به کۆتین أت. هنییں ڈولا دنیا نه أت؛ آ دنیا پد منتگ أت. منی واهگ بس همیش أت که دیمترا به وانوں. هما اۆستاداں که منا پنچیں کلاس إش وانێنت أنت، همایانی ڈولا یک اۆستادے بیگءِ واهگ دلا هست أت. ألبت، وانگ نه بوت. رۆستوں. ۵۰ سال منی عمر إنت. هنی دنیا مٹِتگ. دیمروی ئی کۆتگ. همے عمرا وانگ بۆنگێج کنوں. وتی ڈگریا ألمّا گروں ۆ ثابت کنوں که وانگا عمرے نیست. من أگر پنجاه ۆ پنچ سالگیا ڈگری نه گپت گۆڑا منا میاریگ کن إت. بس پنچ سالءِ موه منا به دی إت. پنچ سالاں رند پدا کایوں ۆ شمئے دیما قصواں کاروں!
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Zahida Raees Raji

  • Administrator
  • *****
  • Posts: 7060
  • Karma: 356
    • Baask-Home of Baluchi Language, Literature & Culture
واجہ ولید گربُنی
سلام ءُ دروت،

شمئے گونڈیں آزمانک من ءَ سک دوست بیت۔
آزمانک ءِ تب، لہجہ ءُ کسہ سک تامدارانت۔
پہ ڈگری ءِ واھگ ءُ آئ ءِ واھگ ءِ پُژدر شریں رنگے ءَ دیم ءَ یارگ بیتہ۔

اُمیت انت دیمترا ھم شمئے آزمانک باسک ءِ وانوکانی دیما کاینت۔
شمئے کستر
زاہدہ رئیس راجی
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line