Author Topic: چم دو بلک دو۔ ۔ ۔ زاھد کریم ءِ آزمانک ندر پہ باسکاں۔ شمئے چمشانک ءِ وداریگ  (Read 974 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7060
  • Karma: 356
    • Baask-Home of Baluchi Language, Literature & Culture

‎(چَمّ دو، بَلّک يك )

{..زاهدكريم..}

یـَـک صباح ئے جَمبَرچو ماهكانءِ سياه ءُ بـَـزيں مَلگورانى پئيمءَ ماں آزمانءَ شِنگِتگ اِتاں.
(سالانى تـُـنگيں درچك ءُ دار بے آپىءَ گيمُرتگ اِتاں)
بزگيں سَمينءِ سارتـُـكيں گُوات همے اميتءَ جَمبَراں چـِـنان ءُ مُچ كنان اَت كه بَلكيں رحمَتيں هورے بگـُوار اِيت! تـُـنگيں درچك ءُ دار سيرآپ ببنت.
لهتيںجَمبَر وت مه وت جـَنگ کـَپتاں، دمان ے رَند گِروكءَ شهم کـُت، جَمبَراں گرندگ بنا کـُت، هورءَ هم وتى بهر گِپت. من تَچانءَ وتى بَلّکءِ کـَـلـَنڈيں بان(لوگ)ءَ شت ءُ وتءَ جاگءَ دات، بانءِ یـَـک کـُنڈ ےءَ مئے پير ءُ عاجزيں بَلّک وپتگ اَت ءُ نارگءَ اَت، بانءِ نيامى کـُنٹ پرشتگ اَت! په کـُمکـّءَ دارےچيرداتگ اَت كه کـُنٹ مكپ اِيت ءُ خدا مه كنت مئے بَلّکءَ چير مَترّين اِيت.
چَمّ دو، بَلّک يك!
ماشاالله بَلّكءِ چـُکـّ ءُ نماسگ ئے مابازين اِنت، گيشتر شرّيں شرّيں كارااَنت.
بَلے! کـَـلـَنڈيں بان ءُ پـُـرشتگيں کـُنٹءِ زُبان لل نه اِتنت، چـُکـّانى نه تپاكى! أو گوں ماتءَ بے مهرى پددراَت.

هور یـَـک حسابءَ گُوارگءَ اَت، چه هورءِ سارتـُـكيں ترمپانى آپاں گِيمُرتگيں درچک ءُ دارانىبَنديں چَم پـَچ بيان بيتاں، شيپ ءُ هاراں وتى سفر بندات کـُرت، مُرتگيںدرچک ءُ داركه شيپ ءُ کـؤرانى هم نياداِتاں! وش نه یـَـتكيں هارءَ په وت بُرت اَنت، باز زندگيں درچک هم شيپ ءُ هارانىآماچ بُتنت، چيزئے هارانى گُوَتكگيںبُنڈاں چير تَرّينت! چيزئےءِ هـُنڈالاں آپ وَران اَت ءُ دور ديان اَت، چونيں نه وَشيں نِدارگ ےاَت.
هما درچک كه بَلّکءَ په واهگ ےکِشتگ اِتنت، چه وتى ساهءُ جانءَ دوستر اِتنت، نه وشيں شيپ ءُ هاراں مُهكميں بَند پروشان كت اَنت ءُ بَلّکءِ زمينءِ کِشتگيںدرچک ءُ داراں یـَـک یـَـکـّءَ گُوَجان ءُ بَران اَت.
اف! چونيں زوراكي ئے شيپ ءُ هاراں گون اِنت؟

من بَلّکءِ لوگءَ نِشتگ ءُ حيران اَنت كه يا خدا تا كدينءَ اے نه وَشيں نِدارگ بنت؟ نو مناںغم ےءَ گپتگ اَت كه باريں هورءِ ترنديں ترمپ ءُ زوراكيں رگاماںمئے بَلّکءِ کـَلـَنڈيں بانءِ حال چے بيت؟
همئے چـُرتان اِتاں كه هورءِ هاكىاِيں ترمپ ئے منى چَم ءُ دِلاں کـَپت! مَن سَرچـِـست کـُرت ءُ بُرزءَ کـُنٹانى نيمگءَ چاراِت! تا گِنداں لوگ ريچَگءَ اِنت.
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line