Balochi Literature بلوچی ادب > بلوچی لبزانک، چمشانک ءُ ﺁزمانک

بلوچی دُریں گال

(1/2) > >>

Zahida Raees Raji:

ھر ساچشت بنیادم ء_ھیال ء، لیکھانی ذگریں جوڑشت بیت،کہ آئی ء- یک نبشتہ کارے زبان ء_وسیلہ ء- پہ وتی وانوکاں سرکنگ ء_ جھدء-کنت- پہ ساچشت ء_دلکش ء، زبیداریں درشان ء- المی انت کہ ساچشت کار زبان ء- بلد بہ بیت ء، آئی ء_ زبان رچوک بہ بیت- چش ھما وھد ء- بیت کنت کہ درشان ء_ زبان ساچشت کار ء_ ماتی زبان بہ بیت ، پرچا کہ ماتی زبان ھما چیز انت کہ بنیادم آئی ء- چہ مات ء_ کٹ ء- در بارت ء، آئی ء_ سکگ ء، دربرگ ء_ھاتر ء- ھچ وڑیں کتاب ء، استاد ء_ ھاجت نہ بیت ،ماتی زبان ھر مردم ء_ رگ ء، بنداں چو ھون ء_وڑا ھوار بیت-

" شرف شاد "

Zahida Raees Raji:

رم لچہ،شاعرء_ آزات ریاء_ صورت انت بزاں پر آئی ھمک وڑء- نبشتہ کنگ لازم انت.آ ھچ وڑیں شاعری کانودانی بندیگ نہ انت.ایشیء_ تہا سکین کاریء_ دست ھور انت ء چمیشیء- اثر زوریت ء وتی زہنء- آزات یل دنت.اے کار ء کردء_ تہا آ وتی گوستگیں تجربتء_ اثرء_ بازیں ھاسیں ھیالات،سکین ء سر پراں،مارشتاں،ندارگ آں گوں،چیزاں ھواری ودی کنان کنت ء دیمء- کنز ایت.رم لچہ ماں ادبء- یک پائدگ مندیں دیمروی ے بوت کنت.بلے ایشیء_ ردء- ادبء_ تہا نوکیں ء شریں ھیال ء تجربتء_ گیشی آرگ بہ بیت

(عباس علی زیمی)

Zahida Raees Raji:
کرتگیں ساچشت مئے چارگء- بہ جنت.اے سکیں زوراکی ے بیت من جے الفرڈ ء بیلا ڈوناء_ نامانی بدلء- کمبر ء بالاچء- توار پر بجناں،ء منی نہ کہ لیکہ ء مراد ایوک ھمیش انت ما ھماہانی مارشت ء تورشتانی ھسابء- لچہ کاری بہ کنیں بلکیں مارا چہ آھانی ھمے لچہ کہ آھاں زندے کسانء- چہ کسان،ء ھما تجربت کہ دنیگہ مئے شعری درشانء_ بھرے نہ بوتگ انت گون بہ کپنت،نوں ما وتی اے لچہء_ سپرء- شاھگان ء معنا گیش کرت کنیں.ما لچہانی رجانکء_ کمکء- جوانتر جیڈگء_ بودشت وتی تہء- پیداگ کرت کنیں،ما وتی زبانء_ ھما تجربت یا لبز کہ دنیگا شعری درشانء_ برزیاں سر نہ بوتگ،نوں ما اش بستارء- بزانیں،ء اگاں ما لوٹیں کہ ما ردانکی لچہء- وتی اندرء- جاہ بدئیں تہ اے زانگ لوٹیت اے تھر اے لبز بلد کہ دستونک ء لچہء- پہ یکیں ھسابء- کار مرد بیت بس بیت نہ کنت،باید انت ما یکبرے درآمدیں زبانانی کلاسیک یا نوکیں لچہانی وتی زبانء_ تہء- بہ رجینیں پہ وت نوکیں شعری درشان ودی بہ کنیں.

(اے آر داد)

بلوچی لبزانک ایف بی تاک ءِ منہ واری ءَ

Zahida Raees Raji:

‎" راز "

نامداریں فلاسفر ابن طفیل ء- یک روچے اے گپ ء_ سرء- گل ء، شاد ء، وشی درشان کت -گوں مردماں گشت ، من اے ھبرے اے راز درگیتکگ ء، زاناں کہ چرائی ء-انسان ء_چاگرد وش ء، وش دل بیت یکے ء- جست کت-
چتور . . . .؟
آئی ء- پسو دات ، اے کائنات ء_ ھر چیز دومی ء_ واستہ انت - پہ درور ء- درچک انت آ بر دنت بلے وت ۓ نہ وارت - دریا انت وتی آپ ء- وت نہ وارت - ھمے رنگ ء- اے ھور ، بھار اے درست دومی ء_ واستہ انت - اگاں زندگی ھمے رنگ ء- دومی ۓ واستہ بہ بیت آشر بیت سوب مند بیت وش نام بیت-

"سنجر صادق "

Zahida Raees Raji:

ندکار ء، وانوک ء_نیام ء- اگاں رسانک ء_سیادی آسر بہ بیت یا مانگیش ایت گڈا آئی زمہ واری ایوک ء- ندکار ء_ سرء- نیست چاگرد اوں آئی زمہ دار انت باز رند ء- من مار اتگ کہ وانوک ء، چاگرد ھر دوئیں چہ لبزانک ء- گستا بوتگنت باز رند ء- من اے گپ اوں ماراتگ کہ وانوک نبشتگ کار ء- سرپد بوگ ء_ جھد ء- نہ کنت گپ اش انت کہ ھر دوئیں نیمگ ء- ھمے وڑ انت -
ما ایوک ء- نبیسوک ء- ذمہ وار گشیں اگاں رسانک پہ شری ء- نہ بئیگ ء- انت تہ من ایشی ء- دوئیں نیمگانی ھرابی سرپد باں اے گپ المی نہ انت کہ نبیسوک ء- ھرچی نبیستگ آئی ء- ھرچ وانوک سرپد بہ بیت آ لبزانک ء- کہ درسیں مردم سرپد بہ بنت آ لبزانک ء_ تھا نوکیں تجربہ ء، نوکیں درشان بوگ انت پرائی سرپد بئیگ ء- وانوک ء- کمیں وھد لوٹ ایت -

" انتظار حسین / غین - نون -گل "

Navigation

[0] Message Index

[#] Next page