Author Topic: ‫بلوچ ءِ ھمے ابدمانیں مارشت اِنت کہ بلوچ ءِ روایتاں گوں ھمگرنچ اِنت۔ شپچراگ بلوچ  (Read 1110 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7083
  • Karma: 356
    • Baask-Home of Baluchi Language, Literature & Culture

10:38pm Feb 26
‫بلوچ ءِ ھمے ابدمانیں مارشت اِنت کہ بلوچ ءِ روایتاں گوں ھمگرنچ اِنت۔ لھتے زندگیں لبز اَنت کہ بلوچ ءَ ھمے احساسانی پژگرد ءَ وت ءَ مدام زندگ داشتگ، درآمدانی زوراکی، لُٹ ءُ پُل، بلوچ زر ءُ زمین ءِ آوار جنئگ، جنگ ءُ بجنگ، بلوچ ءِ تاریخ ءِ نھر اَنت۔ بلوچ ءَ وتی راجدپتر گوں سگارانی ھوناں نبشتہ کُتگ ءُ ھمے مارشت ءَ زندگیں نامے بخشاتگ۔ داں جہاں ھست اِنت، بلوچ ءِ اے ابدمانی ءِ مارشت زندگ اِنت،

من ھما انجیراں پتن تاکیں
بُرز ھما کوھی سر شماں رُستگ
سر منی ھچ گوات ءَ نہ چنڈینتگ
بُن منی ھچ ھار ءَ نہ ملّینتگ
جیگ منی ناز ءُ تھمتی بستگ

مرچی کہ بلوچ وتی ءُ درآمدانی زُلم ءُ زوراکیانی آماچ اِنت۔ بازیں وھداں عہد ءِ سردار ءُ نواب کہ (ایش بلوچ ءِ آستونک ءِ مار بوتگ ، ایشاں بلوچ ءِ زر ءُ زمین درآمدانی دست ءَ بھا کُت) یا دومی نیمگ ءَ درآمد بہ بنت۔ عربانی مذھب ءِ نام ءِ سرا ارش بہ بنت، درآمدانی گوات ءُ توپان، نوشیروان ءِ زوراکی، یا پیش ءَ وتی میر ءُ نوابانی زر دوستی کہ ایشاں بلوچ زِر عمانی عربانی گورا بھا کُت۔ اے زمین ءَ زُلم دیستگ، وتی بچانی ھونانی ھار دیستگ۔ بلوچ ءَ درآمدانی زوراکی ءُ وتی آنی بے وفائی دیستگ۔ ایشاں بلوچ کُشتگ ءُ کوشارینتگ، بلے بلوچ ءِ اے ابدمانیں احساس ھتم کُت نہ کُتگ کہ

من ھما انجیراں پتن تاکیں
بُرز ھما کوھی سر شماں رُستگ

مرچی بلوچ ءِ زبان پدمنتگ اِنت۔ زمین پُلگ بیتگ، بلوچ ءِ ھون ماں گُلزمین ءِ دگ ءُ شاھراھاں تالان اَنت۔ بلے اے لِٹکیں پیداگیر، دژمن ءِ ھم چلوپگیں میر ءُ سردار اے گپّ ءَ شر بزانَنت کہ آ اگاں بلوچ ءِ زند ءَ پُل اَنت۔ ھوناں ریچ اَنت۔ اے وا راست اِنت کہ آ نوشیروان ءِ بلوچ چُکّچینی راجدپتر ءَ یک رندی پدا نوک کنئگ ءَ اَنت۔ بلے آ بلوچ ءِ ھمے " بولان ءُ سائیجی ءِ سرشماں رُستگیں انجیری ءِ پتن تاکی" ءِ مارشت کدی ھتم کُت نہ کن اَنت۔ چیاکہ اے احساس بلوچ ءِ گُلزمین ءِ ابرم ءَ گوں ھمگرنچیں توار اِنت کہ پہ مرگ بیگواہ نہ بیت۔ زندگ اِنت۔ تانکہ ھمے احساس (بلوچیت) ھتم مہ بیت تہ کس بلوچ ءَ گار ءُ بیگواہ کُت نہ کن اَنت۔ بلوچ ءِ نوکیں شاعر ھمے بلوچیت ءِ نمیرانیں انجیری ءِ مارشت ءَ گوں نوکیں رنگاں گُشیت کہ

بِلّے شانیت آسمان پشکپتگیں بیراں وتی
کوھسار پھریز اَنت مدام مھنازیں انجیراں وتی

پمیشا بائد بلوچیں نام گیپتیں سنگت، چوشیں احساس ءَ دستانی وت بیگواہ مہ کن اَنت۔ بلوچی کیلو ءُ راھبنداں پادمال مہ کن اَنت ءُ بلوچیت ءِ احساس ءَ نام گیپتیں ایراد ءُ چپورتی ءِ ڈیساں مہ دینت۔ زاہ ءُ بد پہ بلوچ ءَ عیب اِنت۔

شپچراگ بلوچ،‬
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line