Author Topic: بـلـوچــســتــان ءُ بـلـوچ راج ءِ دود ءُ رُبـیـدَگءِ راجـدپــتــر  (Read 1402 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1181
  • Karma: 44
بـلـوچـسـتـان ءُ بـلـوچ راجءِ دود ءُ رُبـیـدَگءِ راجـدَپـتَــر
----------------------------------------------------------------
* - بَـلـوچـسـتـانءِ کُـوَهـنـیـں راجـدَپـتَـر، بَـلـوچءِ دود ءُ رُبـیـدَگ .
*- بَـلـوچـسـتـانءِ راجـدَپـتَـرءِ سَـرا یَـک گـوَنـڈیـں چَـمـشـانـکے دَیَـگ بـوُتَـگ.
 * نُـبـشـتـانـکـار : واجَـہ هـوشَـنـگ سَـربَـنـدی بـراهـوئـی .
 * رِجـانـکـار : ادَبـی هَـکـیـم.
گِـیـش چَـہ 4000 سـال  یـاں 9000 سـالءَ پـیـش بَـلـوچ راجءَ وَت یَـک وَت واجَـهـی یـے بـوتَـگ کِـہ آ وَت واجَـهـیءِ سَـراں پـیـشـدادیـاں زانَـگ بـوُتَـگ اَنـت دادبَـکـشـی ءُ هَـکّـرَسـی بَـلـوچـانءَ چَـہ بُـنـدَرا گـوں بـوُتَـگ پَـمـشـا بَـلـوچـاں پَـہ وَتـی راجـی نـامءِ سَـرا پَـهـر بَـسـتَـگ لَـهـتے چَـہ بُـنـدَرءِ نِـشـانـیـاں دَسـتءَ کَـپـتَـگ پـیـشـدادیـاں پَـہ زُبـانے کِـہ گـوں مَـروچـیـگـیـں بَـلـوچـی زُبـانءَ سـیـادی کَـنـت گَـپّ اِش جَـتَـگ جـاگـَهـانـی نِـشـانـی دَرگِـپـت کَـنَـگ بـوُتَـگ اَنـت کِـہ آ مـاں بَـلـوچـسـتـانءِ رَکـشـان ءُ هـاران ءُ نـیـمـروز ءُ سَـبـزوارانءِ دَمَـگـانـی تـهـا نـِنـدوک بـوُتَـگ اَنـت ءُ سُـهـتَـگ شَـهــر (شـهــر سـوخـتـہ) کِـہ مـاں نـیـمـروزءِ دَمَـگءَ اِنـت چَـہ آ مَـهـلـوُک اودءَ هَـم یَـکّ نِـشـانـی یے دَسـتءَ کَـپـتَـگ کِـہ گـوں کـوَهـنـیـں پـیـشـدادیـانـی راجـدَپـتَـرءَ هَـمـدَپ اِنـت. راجـدَپـتَـرءِ پَـٹ ءُ پـولـکـارءُ زُمـیـنـپـولانـی پَــدگِــری مـاں بـابُـل(عـراق)ءِ تَـهـا مـارا پـیـش دارَگءَاَنـت کِـہ بـابُـلـیـانـی اِزمـگَـریءُ دودءُ رُبـیـدَگ چَـہ پـیـشـدادیـانی وَهـدءِ بَـلوچاں بـوُتَـگ اَنـت کِـہ مـاں آ جـاهءَ مَـنّـَگ بـوتَـگ اَنـت پَـرچـا کِـہ لَـهـتـے چَـہ بـابُـلـیـانـی دَرکَـپـتَـگـیـں نِـشـانـیـاں ایـوَکءَ 7000 سـالءِاَنـت بَـلَے آیـانـی هَـمـرَنگـیـں نِـشـانـیـاں مـاں بَـلـوچـسـتـانءَ دَرکَـپـت اَنـت کِـہ چَـہ 7000 سـالءَ پـِیـشءِاَنـت لَـهــتـے جـاگَـه ءِ نِـشـانـی چـو کِـہ مـاں مـهـرگــر، شـال (کـوئـٹـہ) ءُ سـبّـیءِ تَـهـا چَـہ 10000سـالءَ پـیـشءِاَنـت. راجـی نِـشـانـیـانءِ شـوهـازءُ دَرگـپـت کَـنَـگ بَـلـوچـانـی دَسـتءَ نَـہ اَنـت پـارسءُ پـَـنـجـاپءِ زوراکـانءَ هَـر چـیـزّے کِـہ بَـلـوچءِ نـام آرا پـر بـوُتَـگ آ چـیـزاِش گـارءُ بـے پَـد کُـرتَـگ یـاں کـِہ پَـہ وَتـی راجـانـی نـام اِش پـربَـسـتَـگ اَنـت وَتـی راج اِش وَشّـنـام کُـرتَـگ اَنـت پَـہ هَـمـے سَـوَبءَ بَـلوچـسـتـانءِ راجـدَپـتَـرءِ شـوهـاز کَـنَـگ ءُ دَرگِـپـت کَـنَـگ گـوں زوراکـانـی سـیـاسَـتءَ هَـمـگــرِنـچ اِنـت اے مُـشـکِـلءَ وَهــدءِ اَزکـاراِنـت. چُـنـت سـالءَ پـیـش زانَـگ بـوُتـگ کِـہ بَـلـوچـسـتـانءِ راجـدَپـتَـرءَ زوراکـاں دُزّتَـگ ءُ مـاں وَتـی وانَـگـجـاهـانءُ شَـهـزانـتـجـاهاں اِیـرکُـرتَـگ آ وَتـی زَهـگـانءَ وانـیـنَـگءَاَنـت اے رازءَ راجـدَپـتَـرءِ یَـکّ نُـبـیـسّـوکے پـاشـک کُـرتَـگ مَـن آ راجـدَپـتَـر نُـبـیـسّـوکءِ جُـهـدءُ کـوشـسـتءِ شُـگـرءُ مِـنّـتءَ گِـراوں .  رَنــد چَـہ پـیـشـدادیـاں 2500 سـال بـہ گِـر تـاں 4000 سـالءَ پـیـش مـاں بَـلـوچـسـتـانءِ راجـدَپـتَـرءَ کـیـانـیـاں دیـمـا کـایَـنـت کِـہ مـاں بَـلـوچـسـتـانءِ شـال(کـوئـٹـہ) رَکـشـانءُ نـیـمـروز ءِ دَمَـگـاں نِـنـدوک بَـوُتـگ اَنـت آیـانـی واجَـهـی چَـہ مـازنـدَران بـہ گِـر تـاں زابُـلِـسـتـان بـوُتَـگ زابُـلـِسـتـان یَـک دَمَـگے مـاں پَـشـتـونِـسـتـان (افـغـانِـسـتـان) اِنـت کِـہ کَـنـدهـارءِ نَـمـّـبـیـگـانـی روچـدَراتـکءِ نـیـمَـگءَاِنـت پَـمـشـا رَضـا مـیـر پَـنـچ ءُ آئـیءِ "راجـدَپـتَـری پَـٹءُ پـولـکـارءَ " لَـهـتے چَـہ نـیـمـروزءِ دَمَـگـاں زابُـلءُ زابـلـسـتـان نـامـیـنـتَـگ اے چَـہ آئـیءِ نـازانـتـیءُ نـاسَــرپَـدی بـوُتَـگ پَـدا چَـہ هَـمـا دَمـگـانـی مَـهـلـوُکءِ تُـپـاکـیءَ  نـام بَـنـدَگ بـوُتَـگ کـیـانـیـانـی راجـدَپـتَـر پـیـسَـر چَـہ پـارسـیـانـی سَـرچَـمّـگ (فـردوسـی) نُـبـیـسّـگ بــوُتَـگ پَـہ هَـما ڈولءَ نُـبـیـسّـگ بـوُتَـگ کِـہ پـارسـیـانـی وَت واجَـهـیءَ پَـہ وَت دوســت بـوُتَـگ هَـمـا نُـبـشـتَـگـیـں تَـهـتَـگـاں پَـہ رَضـا مـیـر پَـنـچءِ هُـگـمءَ چَـہ بَـلـوچـسـتـانءِ زُمـیـنءِ چـیـرا کَـشّـگ بـوُتـگ اَنـت ءُ مـاں جَـمـشـیـدءِ کَـلاتءِ چـیـرا بُـرتَـگءُ کَـلّ اِش کُـرتَـگ اَنـت یَـکّ راجـدَپـتَـری کِـتـابـے اِش جـواں کُـرتَـگ کِـہ آئـیءِ نـام (خـدانـامہ) اِنـت مَـروچـی چَـہ آ کِـتـاب ایـوَکءَ لَـهـتے تـاک ماں هِـنـدوسَـتـانءِ کِـتـابـجـاهـیءَ پَـشـت کَـپـتَـگ اَنـت. 
پَـہ مَـنـی هَـیـالءِ بـاوَر کَـنَـگءَ اے بابَـتءَ مَـنـی پَــدگِــریءَ دَرگِـپـتَـگ کـہ (فـردوسـی) وَتـی (شـاهـنـامـہ)ءَ چَـہ (خـدانـامہ) نُـبـشـتَـگ ءُ جـوڈیـنـتَـگ پَـرچـا کِـہ هـرچـا بَـلـوچءِ نـامءَ بـوُتَـگ آئـیءَ زُرتَـگءُ پَـہ آریـائـیـان ءِ نـامءَ کُـرتَـگ اَنـت(خـدانـامہ) هَـم مـاں هَـمـا سـالاں گـار کَـنَـگ بـوُتَـگ چـو مَـہ بـیـت کِـہ (فـردوسـی)ءَ وَتـی کِـتـابءِ جـواں کَـنَـگءَ رَنــد (خـدانـامـه)ءَ بـیـگـواه کُـرت!. چَـہ لَـهـتـے وَت واهءُ جَـنـگ پـسُـنـدءُ هـون ریـچـیـں زوراکـاں هِـچ شَـکے نـیـسـت.
هَـمے بـابَـتءَ یَـک مِـسـالے چَـہ رضـا مـیـر پَـنـچءِ اِزمـاں پـیـش کَـن اوں مـاں 1927 سـالءَ کِـہ انـگـریـزءُ رَضـا مـیـرپَـنـچءِ لَـشـکَـراں بـلـوچـسـتـانءَ پـادلَـپـاش کُـرت هَـمـا وَهـد الـمـلـک قـایـنـی اسـدالله عـلـمءِ پـتءَ انـگـریـزاں گـوں وَت نـیـمروزءَ بُـرت رضـا مـیـرپَـنـچءَ آرا کـیـانـیـانءِ پَـجّـاری نـامءِ شـنـاسـنـامـہ دات چَـہ آریـائـیـاں چُـشـیـں کِـرد مـئـی گـورا بـاز هَـسـت هَـمـا وهـد کِـہ گـُـشـتـاسـب کـیـازهـیـاں( کـیـانـی خـان) بَـلـوچـانـی سَـرداراَت یَـکّے آئـیءِ دیـوانـجـاهءَ کَـیـت آئـیءِ گَـپـاں گــشـتـاسـبءَ وَشّ بَـنـت رَنـدا گـُشـتـاسَـب آئـیءَ وَتـی گـورا دارایـت.
راجـدَپـتَـرءِ پـٹءُ پـولـکـارانـی هَـیـالءَ اے دیـوانـجـاه مـاں شـال(کـوئـٹـہ)ءِ نَـزّیـکءَ بـوتَـگ رَنـد چَـہ مُـدتے هَـمے مَـرد کِـہ آئـیءِ نـام زَرتُـشـت بـوتَـگ اودءِ مَـهـلـوُک چَـہ وَتـی نـازانـتـی آئـیءِ گـپـان اِش پَسـُـنـد کُـرتَـگ ءُ نـامـداراِش کُـرتَـگ یَـکّ کـتـابے چَـہ زرتُـشـتءَ پَــشـت کَـپـتَـگ کِـہ آ کِـتـابءِ نـام آویـسـتـا اِنـت دَنـیـگـا آئـیءِ مُـریـد جـاه جـاه ءَهَـسـت اَنـت.
آسَـری سَـرداراں کـیـانـیـان ءُ آشـکـانـیـاں (آشکـزَهـیـاں) بـوُتَـگ اَنـت اے گـپ آشِـک بـوُس ءِ گـورّجـاه ( تـُرکـمـن صـحرا – گُـنـبُـد کـاووس) ءِ ڈوکـانـی سَـراں نَـکـش اَنـت ءُ آئـیءِ گـورجاه نِـشـان دَیَـگءَ اِنـت کِـہ اَشـکـانـیـانءِ زُبـان گـوں مَـروچـیـگـیـں بَـلـوچـی زُبـانءَ نَـزّیک اِنـت.
اَشـکـانـیـانءِ هَـکّ رَسـی ءُ اِنـسـاپ کَـنَـگ ، آیـانی دِلـسـَـپـائـی ءُ مَـردُم دوسـتـی مـاں گـوَسـتَـگـیـں زَمـانَـگءَ بـے مَـٹ ءُ بـےدَروَر بـوُتَـگ ماں آ زَمـانـگ آیـانءَ مُـلـکءِ جـواں کَـنَـگءُ آبـاد کَـنَـگءِ هَـیـال بـوُتَـگ سَـوداگِــری ءَ گـوں چـیـنءُ هـنـدوسـتـانءَ بـاز دیـمـا شُـتَـگ اَنـت چـیـنءُ هِـنـدُسـتـانءِ مَـهـلـوُک هَـمـا وَهـد گـوں بَـلـوچـانـی کُـمَـکءُ مَـدَتءَ آبـریـشـُمءِ کـارءُ بـارءَ دیـمـا بَـراَنـت.اَشـکـانـیـانءِ وَهـدءِ پُـچّ ءُ دَریـس چـو کـہ مَـروچـیـگـیـں بَـلـوچـانـی پُـچّءُ دَریـس بـوُتَگ اَنـت هَـمـا دوچے ءِ ڈَول ءُ ڈیـلّے کِـہ بَـلـوچـانـی پُـچّ ءُ دَریـس جـواں کَـنَگ بَـنـت گـوں آسـیـاءِ درُهـیـں مُـلکـانءِ گَـرمـیـں هَـوا زیـبـداراِنـت سَـد سـالءَ پـیـش ، هـنـد ، پَـنـجـاپ ، سـنـد ، اوگـانـسـتـان ءِ مَـهـلـوُک هَـم بَـلـوچـی دوچـاں پَـہ وَت زُرتَـگ .
راجـدَپـَـتَـرءِ پَـٹءُ پـولکـاراں بـاوَر کَـن اَنـت کِـہ ماں اشـکـانـیـانءِ زَمانَـگءَ جَـنـگءُ چـوپ نَـہ بـوُتَـگ آیـاں مـاں دِگے مُـلـکءُ مَـهـلـوکـانـی چَـراگـجـاهـاں نَـہ گـوَسـتَـگ اَنـت دِگـرانـی هَـدّان ءِ ازّت اِش کُـرتَـگ درُهـیـں هَـمـسـاهِـگـان ءَ اَشـکـانـیـانـی دود ءُ رُبـیـدَگ ءُ جَـهـمـِنِـنـدی پَـسُـنـد بـوُتَـگ آیـانـی راجـکَـمـاشـانءَ وَت مـاں وَتءَ دوسـتـیءِ پَـریـام داتَـگ بـاز چَـہ بَـلـوچـی زُبـانءِ گـالاں مـاں کـورد ءُ گـلـیـکءِ زُبـانـاں مـاں هَـمـا اَشـکـانـیـانـی زَمـانَـگءَ اَوار بـوُتَـگ اَنـت .
2500 سـال یـاں 2550 سـالءَ پـیـش تـاجـیـکـسـتـان ءُ خـراسـانءِ دَرمـیـانءَ یَـکّ راجـے گـوں وَتـی دَلـوَتـانـی رَمَـگءُ گـورُّمـاں مـاں هَـمے چـراگـجـاهـاں نِـشـتَـگ اَنـت اے راجءِ نـام آریـن بـوُتَـگ آریـنـیـاں بَـرے بَـرے پَـہ آبـریـشـُم بَـروکـیـں کـاروانـاں اُرُش کُـرتَـگ راجـدَپـتَـرءِ تَـهـا آیـانـی راجـکَـمـاشءِ نـام سَـحـاک مـاردوسـت (ضـحـاک مـاردوش) نُـبـشـتَـگ .  چـیـنءُ اَشـکـانـی بَـلـوچانـی راجـکَـمـاشـاں چَـہ ایـشـانـی کـارکِـرداں هَـیـراں بـوُتَـگ اَنـت بَـرے بَـرے وَتـی مَـهـلـوُک اِش چَـہ اِیـشـاں رَکّـیـنـتَـگ بَـلَے آریـنـیـان ءَ آ کـاروانـانـی اُرد ءُ چـیـزّانـی بَـرگءِ زَلـوُراَت بـوُتَـگ آیـاں لـوٹـتـگ کِـہ پَـہ مـال وَتـی زورءَ گِـیـش بـہ کَـن اَنـت پَـمـشـا آیـاں گـوں وَتـی هَـمـسـاهِـگـیـں مُـگُــل ءِ راجءَ دوسـتـی کَـن اَنـت چَـہ بـازیـں دوسـتـیءَ رَنـد دوئـیـں راج اَوار بَـنـت رَنـدا بـهـآغ هـون (آریـن+مُـغـل) نـام بَـنـدَگ بـوُتَـگ اَنـت.
آریـن – مُـگُـلاں گـوں گِـیـشـیـں زورءُ تـواکَـتے اُرِش کَـنَـگءَ بُـگـنـیـج کَـن اَنـت بـاز آبـادیـں دَمَـگـانـی مَـهـلـوُک وَتـی شَـهـرءُ لـوگـاں یَـلَـہ کَـن اَنـت ءُ تَـچ اَنـت بـاز لَـڈءُ بـارکَـنـت دِگے جـاگَـہءَ رواَنـت ءُ بـاز بـے لـوگ بَـنـت چُـنـت سـالءِ گـوَزَگءَ رَنـد آ سَـرپَـد بَـنـت کِـہ دِگے هَـنـد ءُ دَمَـگ پَـہ جَـنَـگءُ پُـلَـگءَ پَـشـت نَـہ کَـپـتَـگ گُـڑا دِگے یَـکّ کَـسے پَـہ آیـاں دِگے یَـکّ نـوکـیـں راهءُ رَهـبَـنـدے شـوهـازءُ دَرگِـپـت کَـنـت کِـہ نـوں آ گـوں زوراکـیـں سـامـراجـانـی راجـکَـمـاشـاں هـور بـہ بَـنـت آ شـوهـازءُ دَرگِـپـت کَـنـوکءِ نـام (هـخـا)بـوُتَـگ آ چَـہ یَـکّ نـیـمَـگے وَتـی شَـرّیـں بَـلـوچـی دودءُ رُبـیـدَگءِ تـاریـپءَ کَـنـت ءُ چَـہ یَـکّ نـیـمَـگے مَـهـلـوُکءَ چَـہ زرتُـشـتءِ بـیـمّءَ تُـرسـیـن ایـت تـاں پَـہ هَـمے وَڑءَ پَـدا مَـهـلـوُکـانءَ بـہ پـُـل اَنـت ، آریـن – مُـگُـلاں گـوں (هَـخـا) هَـمـراه بَـنـت ءُ مُـدّتے رَنـد هَـخـامَـنـشـیءِ نـامءَ نـامـدار بَـنـت.       
رَنـدا پَـہ هَـمـا جـاگَـہءَ رَسـت اَنـت کِـہ آریـن – مُـگُـلاں اِیـشـانـی کـوهـنـیں دود ءُ رُبـیـدَگ ءَ گـار بـہ کَـن اَنـت لَـهـتے چَـہ ایـشـاں چَـہ وَتـی بـیـوَسیءَ شُـتءُ (الـکـسـانـدر) اِسـکَـنـدر رومـیءِ گـوَرا شِـکـاهَـت کُـرت.
نـوں هَـخـامَـنـشـیـانءِ دَورءَ رَنـد  دیـن ، پَـلـسـَـپَـه ، سـیـاسَـت ، جَـنـگءِ کَـنَـگءَ هَـمـراهـی ءُ تُـپـاکـی دَرکَـپـت اَنـت گــڑا اِ ے پَـہ زوراکـانـی نَـپءُ سـوُتءِ دَیَـگءَ پَـہ راه کَـپـت اَنـت. 
پَـہ هَـمے سَــوَبءَ بَـلـوچـاں مـاں وَتـی مُـلـک گـوں وَتـی اَشـکـانـی دود ءُ رُبـیـدَگ ءَ پَـشـت کَـپـت اَنـت رَنـدا آ ڈنّـی مـلـکـانـی رَوَگءُ آیـگ ءَ بَـنـد کَـن اَنـت. اِسـکَـنـدَرءَ جَـنـگءِ کَـنَـگءِ هُـبّ هَـسـت اَت گـوں یَـکّ اُرُشـے آئـیءَ هَـخـامَـنـشـیـانـی سَـر کَـلَـم کُـرت اَنـت آسَـرا آئـیءِ سَـر مـاں هـنـدوسـتـانءَ شُـت ءُ کَـپـت گُـنَـهـگـار ءُ بـے گُـنـاه مـاں آئـیءِ جَـنـگـانـی آسـاں سُـتـک اَنـت  بـازیـں راجے ءَ لَـبّ دَیَـگ کَـپت.
رَنـد چَـہ اِسـکَـنـدَرءِ مِـرَگءَ آریـن – مُـگُـلاں گـوں سـاسـانـزَهـیـانـی سَـربـراهـیءَ کِـہ چَـہ آیـاں وَت اِت اَنـت یَـکـمُـچّ بـوُت اَنـت ءُ چَـہ اِسـکَـنـدرءِ جَـنـگـاں آیـاں سَـبَـکّ گِـپـتَـگ اَت نـوں گُـلائـیـش بـوُت اَنـت کِـہ پَـہ وَت هَـنـچـیـں لَـشـکَـرے جـواں بـہ کَـن اَنـت.
سـاسـانـیـاں وَتـی راجـکَـمـاشـیءِ اُمـرءَ پَـہ ٹـگـی ءُ ٹـوری گـوازیـنَـگءَ اِت اَنـت ءُ هِـچّ هَـمـسـاهِـگـیـں راجے چَـہ آیـانـی ڈنـگ جَـنَـگاں پَـہ آرام نَـہ نِـشـتَـگ اَت چُـنـت بَـر آیـانءَ بَـلـوچـسـتـانءِ سَـر اُرُش کُـرت آیـانءَ بـازیـں زالءُ بـوُلّے گـوں وَت بُـرت کِـہ تـاں مَـروچـی گـار بـوُت اَنـت.
وَهـدے کِـہ اِسـلامءَ سَـر کَـشّ ات اِسـلامءِ دیـنّ پَـہ عـرَبـاں  تُــپـاکـیءُ مُـچّـی ءُ هَـمّ سَـنّـتـی آورت آریـنـیـں ســاسـانـی مُـگُـلاں کِـہ مُـدام هَـر نِـیـمَـگءَ اُرُشءُ دَزجَـنـی کَـنَـگءَاِت اَنـت چُـنـت بَـرا عـرَبـانءَ آیـانءَ سُـهـلءُ دوسـتـیءِ پَـریـام دات اَنـت بَـلَے آریـن – مُـگُـلاں وتـی سِـلّـیـں دودءُ رُبـیـدَگءِ هِـیـل رَمـبّـیـنـت نَـہ کُـرت بـاز مُـشـکِـل اَت کِـہ بَـدیـں هِـیـلانـی واهُـنـد راسـتـیءَ پَـہ وَشّـگَـپـیءُ کُـلَـه بـہ مَـنّ اَنـت. 
هَـمـا پَـیـمـا کِـہ بَـلـوچـاںءُ درُهــیــں هَـنـدءُ دَمَـگـانـی مَـهـلـوُکّ چَـہ آریـن – مُـگُـلاں اَزابـی گِـنـدَگءَاِت اَنـت شَـهـسـَـوار بَـلـوچءَ وَتــی بَــلـوچ راجءِ دوسـتـی ءُ هَـمـسَـنّـتـیءِ کُـلُـہ پَـہ عـربـانـی خـلـیـفـه حـضـرت عـمـرءَ شـوں کُـرت.
عـرَبـانءَ چَـہ شَـهـسـوار بَـلـوچءَ لـوٹ اِت کِـہ پَـہ گـجَـرانـی( آریـن – مُـگُـلانـی )پـرُشـتءُ پـروش کَـنَـگءَ عَـرَبـانـی لَـشـکُـرانءَ کُـمَـکءُ مَـدَت بـہ کَـن اَنـت.  عَـربـانـی لَـشـکَـر چَـہ نَـمـبـیـگـانءِ نـیـمَـگءَ بَـلـوچـانـی لَـشـکَـراں چَـہ رودَراتـکءِ نِیـمَـگءَ هُـرج اِت اَنـت رَنـدا آریـنـیـن سـاسـانـی مُـگُـلانـی زوراکـی چَـہ آ هَـنـد ءُ  دَمَـگـاں وَلـگـوَج کَـنَـگ بـوُت اَنـت .
 پَـہ شُـمـا بَـلـوچـانـی سَـرپَـد کَـنَـگءَ گـوَش اوں کِـہ بَـلـوچـانءَ آریـن – مُـگُـلانءَ سَـبَـکّے ءِ دَیَـگءَ رَنـد مـاں زیـگـیـں شـام ءُ مَـروچـیـگـیـں سـوریـا ءَ جـاگـہ کُـرت ءُ نِـشـت اَنـت.
عَـرَب تـاں چُـنـت دَهـرءَ آریـن – مُـگـلانـی هَـنـدءُ دَمَـگـاں واجَـهـی کُـرت بَـلـوچـاں آ وَهـدءَ چَـہ آریـن – مُـگـلانـی اُرُشـاں آرام گِـپـت اَنـت. بَـلَے عَـربـانـی راجـکَـمـاشـی بَـرے شـرّ بـوُتَـگ بَـرے نِـزور بـوُتَـگ بَـرے زالـم بـوُتَـگ انَـت رَنـدا پَـدا مُـگُـلاں وَتـی پـیـریـں هَـخـامـا ءُ سـاسـانـیـانـیءِ پـیـشَـگ زُرت اَنـت کـہ هَـمـا اُرش کَـنَـگ ءُ هـونءِ ریـچَـگ اَت مـاں تـیـمـوری ، غـزنـوی ، افـشـاری ، گـُـرگـانـی ءُ.... راجـانءِ مُـلـکـانـی سَـرا دُزّیءُ رَهـزَنیءَ گـلائـیـش بَـنـت یَـکّے چَـہ آ شـوُمّـانـی راجـدَپـتـری پـادرَنـدءِ نِـشـان ، کــورُش ، هُـمـایـون و بـابـر مـاں هـنـدوسـتـانءَ بـوُتَـگ هُـدا بـہ زانـت کـہ تـاں چُـنـت سـالءَ اے مُـلـک ءِ شَـرپـداریـں مَـهـلـوُک اِش بَـزّگ کُـرتَـگءُ کُـشـتَـگ اَنـت.
========  آسَـــــــــر ======
[/b]