Author Topic: Malek Taughi e lachcha "Reta" nadr pah baaskan'  (Read 2907 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
Malek Taughi e lachcha "Reta" nadr pah baaskan'
« on: August 04, 2013, 09:56:57 PM »

ملک توقی

ریٹا

من گناھے کت گناھگاری منا
دیم پرے دیوانگی آرت و رسینت
واھگ و من دنب پہ دمبءَ رپتگیں
لوٹتوں چائی نمیرانی۔۔۔۔۔۔۔۔۔۔۔بلے
واھگ ءِ آسر پہ نابودی رست
باریں کئے گار بوت۔۔۔۔۔۔۔کیا سودے رست
جوڑتوں نکشے مہ واب ءَ شکّلیں
چاردہی ماھے کج و وشگونگے
من گنوک و دل گنوگ
(سبز باتیں درّک ءِ شہدیں زبان)
ھالاں شمشتوں چیّوں گوشت
من گنوک و دل گنوک
ماہ و روچ و کلکشان و رود و کور
کئے بزاں پرچے و پر کئے تلوسنت؟
زند ءِ رندا یا چرے زند ءَ تچنت؟
زند ءِ مہگونگ کُج اِنت؟
چم منی کُور و تھارنت
یا تھارنت و مُج اَنت؟
ماہ و روچ و کلکشان رود و کور
سر جناں اَنت پہ وتی ماھیں کجا
پہ وتی ماھگونگءَ کُلّنت گنوک
پہ وتی ماھیں کجا مچنت چموک
تو گنوک و من گنوک۔۔۔۔۔۔۔۔۔۔۔۔
مئے گنوکی بے تبیب و بے ھکیم
مئے گنوکی مئےتبیب و مئے ھکیم
لزت و مہر و وپائے شئر و سئوت
تو چہ من یا من چہ تو دست گپتگنت
واھگ و زانگ کسی میراث نہ ینت
(کّدہ ءَ سرریچ ۔۔۔۔۔۔۔۔۔۔گالاں پوہ بے
یا چہ وت ۔۔۔۔۔۔۔۔۔۔۔۔۔۔۔۔یا چہ منا بے موہ بے)
لزت ءِ ساھت ن میران انت گوشنت
زند بلے سھب ءِ سباہ ءِ ساھگ اِنت
وائے واھگ ۔۔۔۔۔وائے زند
وائے پہ مئے بے وسیں زرد ءِ مراد
من نبوتاں ۔۔۔۔ھچ مبات
کج مبات و مہ مبات و روچ مبات
گیدی ءَ آچے کپات و بنُگرات
زند ءِ واھند کوھی دل تئی پلُیشات
واھگ ءِ سبزیں کشارت گیمرات
من نبوتاں، ھچ مبات،ھالم سچات
۔۔۔۔۔۔۔۔۔۔۔۔۔۔ساری مئے سر پہ ریٹائی جتگ!
۔۔۔۔۔۔۔۔۔۔۔۔۔۔۔بیل منی بچکند گنت
نْدر پہ تئی بچکندگ ءَ باریں بگوش
چئے گوشے؟
اے ساری اِنت یا واری اِنت
سار و وار مئے کرن ءِ جاڑیں دتگنت
نْدر پہ ساریں واری ءَ
اُپ پہ واریں ساری ءَ
او منی بیلی ماں میانی رو درھت
تئی شگانءِ پّسو
ءَ دات نباں
زند باتنت گونڈلیں تیری شِگان
من پہ ایشان نْدر باں
تو سلامت بے ۔۔۔۔۔۔۔۔۔۔تہ ما ھم زندگیں
ساہ سلامت بی ۔۔۔۔۔۔تہ گُل بچکندگنت
نْدر ،پر تو ۔۔۔۔۔۔۔۔۔نْدر پہ ساہ ءَسروریں
نْدر ،پونزے واجہ ءَ ٹل و یلیں
مات ھپ چھری ۔۔۔۔۔گہار ھیرات بیت
نْدر ،پہ ماتاں بستگیں سر پہ شما
من نبوتاں ھچ مبات
شیرو و روچ ءِ واجہ ءِ بندر سچات
اُپ پہ واریں ساری ءَ
اُپ پہ ساریں واری ءَ

اے لچہ 1970 ءَ اُلس ءَ شنگ بیتگءُ ہما دورے لچہانی سر تاج گوشگ
بیتگ۔۔۔۔۔۔تا باز وھدءَ اے لچہ مردمانی دل ءَ نکش بیتگ
۔۔۔۔۔۔۔۔۔۔۔۔۔۔۔۔۔۔۔۔۔شوھار کار،،،،،زاھد سلیمان
[/size]
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line