Author Topic: مـیـر چـاکـرءُ مـیـر گـُـوَهرامءِ کِـسّـہ  (Read 1897 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1181
  • Karma: 44
هِــرّاں آپ هُــلُـهـتَـگ ، سـانـڈاں کـپـتَـگ ءُ پـرُشـتَـگ اَنت
مـیـر چـاکـرءُ مـیـر گـُـوَهرامءِ کِـسّـہ
رجانکـار : ادبـی هـکـیـم
-----------------------------------------------------------------
مـاں (937 قـمـری)ءِ سـالءَ (هُـمـایـون شـاه) کـہ هـنـدوسـتـانءِ گـورکـانـیـانـی دومـی بـادشـاه بـوُتـگ گـوں ( شـیـر شـاه سـوری) کـہ چـہ ( افـاغـنـہ ) ءِ ریزَگءَ بـوُتـگ جَـنـگ بـوُتـگ اَنـت مـاں آ جَـنـگءَ (هُـمـایـون) ءِ لَـشـکـر جَـنَگ بـوُتـگ رَنـدا آ وَتی پـرُشـتَـگـیـں لـشـکـرءَ زُرتـگ چـہ اودا جِـسـتـگ آ مـاں سـیـسـتـانءَ گـوَسـتـگ چـہ سـیـسـتـانءَ رَنـد مـاں ( اصـفـهـان ) ءَ بـادشـاه (طـهـمـاسـب صـفـوی ) ءِ گـورا شـتـگ مَـیـار بـوُتـگ مـاں (951 قـمـری) ءِ سـالءَ بـادشـاه (طـهـمـاسـب صـفـوی) ءَ هـُگـم داتـگ کـہ کـرمـانءِ هـاکُـم (سُـلـطـان شـاه قـُـلـی ) ءُ سـیـسـتـان ءِ هـاکـم (احـمـد خـان شـامـلـو) چـہ بـلـوچـانـی مـزنـیـں سَـرداراں مـدَت بـہ لـوٹ اَنـت چـہ بـلـوچـاں یکّ مـزنـیـں لـشـکـرے مُـچ بـہ کـن اَنـتءُ پـہ هـنـدوسـتـانءِ اُرُش کنَـگءَ شـوں بـہ کـن اَنـت اے جَـنـگءِ واهَـگ (هُـمـایـون) ءَ پـدا مـاں هـنـدوسـتـانءَ واتَـرّ کـنَـگ بـوُتـگ مـاں آ زمـانَـگءَ بـلـوچـانـی مـسـتـریـں کـُـٹـم رنـد ءُ لاشـاری بـوُتَـگ اَنـت رنـدانـی کـٹـم ءِ سَــر بـراه مـیـر چـاکـر خـان ءُ لاشـاری کـٹـمءِ سَــربـراه مـیـر گـوَهـرام خـان بـوُتَـگ کـسّــہ هَـنـچُـش گـوشـیـت کـہ مـیـرچـاکـر خـان ءِ گـُـهـار بـانُــڑی کـہ بـیـبَـگــر ءِ مـات بـوُتَـگ هَـم مـاں آ جـنـگءَ گـوں بـوُتَـگ بـانُـڑی زَهـم جَـنـیـں شـیـرزالے بـوُتَـگ مـاں اے جَـنـگءَ بـلـوچ کـامـیـات بـوُتـگ اَنـت دهـلیءِ بـادشـاه اِش گـپـت آئـیءِ تـهـت اِش ( هـمـایـون) ءِ دسـتءَ داتـگ اے زَهـمـتـانـی کـشـگءِ بَـدَلءَ هـمـایـونءَ بـازیـں زُمـیـنے چـہ سـنـدءُ پـنـجـاپءِ هــدّ ءَ پـہ اے دوئـیـں کـٹـمـانءِ سـرداراں بَـکـشـاتـگ تـاں دیـریـں مُـدّتے اے دوئـیـں کـٹـمـانءَ وتـی زنـد گـوں تـپـاکی پـہ کِـشـتءُ کِـشـار ءُ مـالـداری گـوازیـنـتـگ تـاں کـہ یـک جَـنـوزامـیـں جـنـیـنـی کـہ آئـیءِ نـام گـوهَـر بـوُتَـگ گـوهَـر مـاں لاشـاری کـٹـمءِ هــدّءَ نـنـدوک بـوُتَـگ مـیـر گـوَهـرام خـان ءَ گـوهـرءَ سـانـگ کـنَـگءِ گـواجـار داتَـگ بـلے گـوهـرءَ مـیـر گـوهـرامءِ گـواجـار نـہ زُرتَـگ رنـدا گـوهَـر چـہ مـیـرگـوَهـرامءِ هــدّءَ لَــڈ ءُ بـار کـرتَـگ مـیـر چـاکـرءِ هَــدّءَ شُـتَـگ مَـیـار بـوُتَگ گـوهـرءِ گـواجـارءِ نـہ زوُرَگءُ لَــڈءُ بـار کـنَـگ ءُ رنـدانـی گـورا رَوَگءُ مَـیـار بَـیَـگ پـہ مـیـر گـوَهـرامءَ یَـک تَـهـلـیـں شِـگـانے پَـشـت کـپـتَـگ مـاں هَـمے وَهـد مـیـر چـاکـر رنـدءِ زَهـگ ریـحـان ءُ مـیـر گـوَهـرام لاشـاریءِ زَهـگ رامـیـن ءِ بـورتـاچـیـنـیءِ وَهــد آتـکـگ ءُ سَـر بـوُتـگ اے گـوازی پـہ نـوکـیـں سـالءِ " بـورسَـوار ورنـا "ءِ گـچـیـنـی ءَ بـاج ایـر کـنَـگ بـوُتَـگ مـاں اے سـالءِ بـورتـاچـیـنـیءَ مـیـر چاکـرءِ زَهـگ ریـحـانءَ بـورسُواری ءِ بـاج چـہ رامـیـنءَ بُـرتَـگ وَهـدے کـہ رامـیـنءَ ادا باجـے نـہ بُـرتَـگ آ چـہ نـاکـامـیءِ سـوزمـانء واتَـرّ کـنَـگءِ وَهــدءَ چـہ زَهـر گـوهَـرءِ بَـگ ءُ رَمَـگءُ گـورُمـانـی سـرا اُرُش کـرتَـگ آئـیءَ بـازیـنے چـہ گـوهَـرءِ هـشـتـرءُ پـسءُ گـوکـاں کـشـتَـگ ءُ دور داتَـگ اَنـت لَـهـتے ٹـپءُ ٹـور کـرتـگءُ پـہ گـوهَـرءِ دلءِ سـوچَـگءَ یـلـہ داتَـگ اَنـت بَـگّءِ سـاربـانءَ اے هـال گـوهَـرءَ بـرتَـگ ءُ داتَـگ بـلے گـوهَـرءَ گـوں سـاربـانءَ گـوَشـتَـگ تـو اے گـپءَ تـاں اَئـیـدءِ روچءَ گـوں کـسےءَ پـاشـک مـہ کـن اَئـیـدءِ روچءِ بـیـگـاهءَ مـیـر چـاکـر گـوهَـرءِ لـوگءَ آتـکـگ هـمے وَهــدءَ گـوَهـرءِ بَـگّ چـہ چَـراگـجـاهءَ لـوگءَ واتَــرّ بـوُتَـگ اَنـاگـاهءَ چـاکـرءِ چَـمّ پَـہ هُـشـتـرانـی مـاهِـگ کـپـتَـگ اَنـت کـہ زَهـمـاں چـاکّ داتَـگ اَنـت هُـشـتـرانـی هِــرّ گـوں مـاتـاں گـوں نَـہ بـوُتـگ اَنـت نـوں مـیـرچـاکـر چـہ گـوهَرءَ جُـسـت کـرتـگ کـہ چے بـوُتَـگ گـوهَـر آ کـسّـہءَ چـیـر داتـگ گـوشـتَـگـی رَسـتـراں وارتَـگ اَنـت بـلے مـیـر چـاکـر وَت یَـک بَـگّــدارے بـوُتَـگ آ هَـمـا دَمـانءَ سـاربـان آورتـگءُ جُـسـت کـرتَـگ سـاربـان بـہ گـوَش راسـتـیـں گـپّ چـی اِنـت سـاربـانءَ رامـیـنءِ راسـتـیـں کـسّـہ آورتَـگءُ داتـگ اے دگے روچءَ مـیـر گـوَهـرام گـوں وَتـی لـشـکـرءِ 900 نـپَـرءِ هَـمـراهـیءَ مـیـر گـوَهـرامءِ بَـگّ ءُ گـورُم ءُ رَمَـگءِ سـرا اُرُش کـرتَـگ آئـیءِ سَـرجَـمـیـں دَلـوَتـان اِش کُـشـتـگ ءُ دَور داتـگ اَنـت بَـگّ ءِ سـاربـانءِ دوئـیـں دَستان اِش هَم گـُـڈتَـگ ءُ پـہ مـیـر گـوَهـرامءَ شـون کـُـرتـگ گــڑا چـہ هـمـدا اے دوئـیـں کـٹـمءِ جَـنـگ بُـنـگـیـج بـوُتَـگ اے دوئـیـں گـنـوکـیـں سَـردارانءَ وَت ماں وَتءَ سـی سـال جَـنـگ کـُـرتـگ بـرے مـیـر چـاکـر کـامـیـات بـوُتَـگ بَـرے مـیـر گـوَهـرام کـامـیـات بـوُتـگ آیـانـی نـامـدار تـریـں جَـنـگ نـلـی ءِ جَـنـگ بـوُتـگ کـہ مـاں آ جَـنـگءَ مـیـر گـوَهـرام خـانءِ تـاریـپ بـاز کـنَـگ بـوُتَـگ.