Author Topic: مـئے چَـمّ شـودَگ بـہ بَـنـت بـلـوچـسـتـان پَـہ دگے پـیـمـےءَ چـارَگ بـہ بـیـت  (Read 972 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
مـئے چَـمّ شـودَگ بـہ بَـنـت بـلـوچـسـتـان پَـہ دگے پـیـمـےءَ چـارَگ بـہ بـیـت
نُـبـشـتـانـکـار : حـبـیـب الله سَـربـازی.
رجـانـکـار : ادَبـی هَـکـیـم
--------------------------------------------------------------------
او بـلـوچـسـتـان ، او مـنـی مـات ، مـنءَ پـہ تـو سَـکّ زَهـیـر کـنـت ، مـنـی دل پـہ تـو بَـنـدیـگ اِنـت ، وَهــدے کـہ مَـنـی سـنـگـت ءُ بـیـلاں چـہ تـئـی نـیـمَـگءَ کـایَـنـت ، مَـن چـہ وَتـی دلءِ جُـهـلانـکـی آیـانءَ گـوں روژنـائـیـں دیـمے هَـمـبـاز کـنـاں ، رَنـدا آیـانءَ گـوں وَشـهـالـیـں بـچـکـنـدَگے وَشّ آتـک کـنـاں ، تـئـی جُـدائـیءُ دوری مـنـی دلءُ جَـگـر چـہ تـهـا سـوتـکـگ اَنـت ، چـہ تـئـی گـمـانـی پـاهـار مـنـی هـوش سَـرءِ تـهـا جُـشَـگءَ اِنـت ، چـہ هـر کـس تـئـی جُـسـتءَ کـنـاں ، پـدا آ زوراکـانءَ چـاراں کـہ تـئـی دردانـی سَـوَب اَنـت ، رَنـدا چـہ وَتـی بـے وَسـی یَـک کِــرّےءَ رَوانءُ نِــنداں ، هـوش کـنـاں وَتـی دلءَ جـیـڑاں ، گـرمـیـں آهے کــشّـاں ، تـئـی ڈولـداریـں دیـمءِ نِــدارَگءِ هَـیـالءَ کـَـپـاں کـہ تـئـی سَـراِش گـَـمـانـی سـیـاهـیـں چـادَرے پـر داتَـگ ءُ واپـیـنـتَـگ ، تـئـی نـازرُک ءُ زیـبـداریـں بَــدَن اِش چـیـر داتَـگ ، آ وَهــدءَ تـو نـہ زان ئَے کـہ مَـنءَ چـونـیـں دَردے گِـرایـت هَـمـا وَهــدءَ مـنـی دل پـاهـار کـنـت ، آ لـوٹ ایـت کـہ مـن هَـمے سـیـاهـیـں چـادَرءَ پـہ وَتـی اَگــلءُ هـوش گـوں وَتـی سَـرجـمـیـں زور بـہ کـشّـاں تـاں بـہ دِرایـت ، تـاں مـن تـئـی مَـهـگـونَـگـیـں دیـمءِ مَـهـتـاپءَ بـہ گـنـداں رَنـدا مَـنـی دلءَ آرام رس ایـت.
او بـلـوچـسـتـان ، او مـنـی مـات ، مـنءَ پـهـل کـن ، تـئـی اے بـے وَس ءُ دَمـبُـرتَـگـیـں زَهـگءَ سـالانـی سـال اِنـت کـہ تَــرءِ دَر رَمـبـیـنـتَـگ ، مـاں دَرانـڈیـهـی ءَ شُـتَـگءُ نـشـتَـگ ، اے زَهـگ تـئـی گـَـدّاراِنـت.
او بـلـوچـسـتـان ، او مـنـی مـات ، مـنءَ پَـهِــلّ ءُ دَرگـوَز بـہ کـن کـہ زوراکـاں هَـمُـکّ روچ تـئـی مُـرواردیـں بَـچّـاں کـہ تـئـی جـانءِ سَـهـتءُ زیـوَراَنـت ، آیـانءَ بَـرے گـوں زورداریـں سِـلاهـاں ءُ بَـرے گـوں بے مـاراِشـتـیءِ سـارتـیـں دلاں کـُـشَـگءَ اَنـت ، مـن اودا نَـیـاں تـرا بـہ گـُـوَشـاں کـہ مـنـی مـات گـم مـہ کـن مـن وَت ایـوَکءَ وَتـی سَـرجَـمـیـں زورءَ پـہ تـئـی پُـشـت واجَـهـی کـنَـگءَ کـار بَـنـداں .
او بـلـوچـسـتـان ، او مـنـی مـات ، مـنءَ پَـهـِل کـن تـو وَتـی آ گـنـجـاں کـہ دَهـرانـی دَهـر مـاں وَتـی لاپءَ پـہ وَتـی چُـکّـاں چـیـر داتَـگ اَت کـہ تـئـی چُـکّـاں آ گـنـجـانءَ مـاں هَـمـسَـنـگـیـں شـاهـیـمے وَت مـاں وَتءَ هَـمـسَـر بـهـر بـہ کـن اَنـت ، تـئـی چُـکّ چـہ آجـوئـیءِ بَـهـرءَ زبَـهــر بـوُت اَنـت ، آیـانـی هَـکّ جَـنَـگ بـوُت ، مـن لـوٹـاں کـہ تـئـی هَـمـا دردانءَ دَرمـاں بـہ کـنـاں کـہ تـو سـالانـی سـال مـاں وَتـی سـیـنَـگءَ جـاگـہ داتَـگ اَنـت .
او بـلـوچـسـتـان ، او مـنـی مـات ، مـنءَ پَـهـل کـن کـہ تـئـی چُـکّـاں پـہ وَتـی بـاهـیـنـتَـگـیـں هَـکّءَ تـلـوَسَـگ اَنـت هـمـا هـکّ کـہ سـالانـی سـال پـیـسـرا چَـہ آیـاں پـہ زور پَـچ گـرَگ بـوُتَـگ ، مـنءَ پَـهـل کـن کـہ مـروچـی تـئـی چُـکّ زوراکـانـی چـیـریـں ءُ زاهِـریـں سَـکّـیءُ سـوریءِ آمـاچ اَنـت ، بـلے مـنـی دَسـت پـہ هِـچّءَ نـہ رَسَـگءَ اِنـت ، اَبـیـد چـہ زوراکـانـی زَپـتءُ زورءِ کـسّـهـانـی کـارَگ ، اَبـيـد چـہ وَتـی شـرمـنـدَگـیـں پـیـشـانـیـگءِ هـیـدانـی پَـهـک کـنَـگ مـن پـہ تو دگے هِـچّ نـہ کُـرتَـگ.
او بـلـوچـسـتـان ، او مـنـی مـات ، مَـن زانـاں آ روچ تـو وَتءَ پـرچـا چـنـڈایـنـت ؟ مَـن زانـاں کـہ تـو چَـہ مـن ءُ مـنـی پـیـمـیـں بَـچّـاں سـکّـی کـَـشّ اِتَـگ ، دَم بُـرتَـگ ، تـو وَتءَ پَمـشـا چـنـڈایـنـت تـاں مـنـی پـگــر ءُ هـوشءَ بـہ چَـنـڈیـن ئَے ، مَـنءَ هُــژار بـہ کـن ئَے ، مـنـی چـمّـاں پَـچ بـہ کـن ئَے ، تـاں مَـن وَتـی گـَـدّاریءَ بـہ گِـنـداں ، تـو وَتءَ چَـنـڈایـنـت کـہ مـن تـئـی آ بَـچّءِ اَرسـانءَ بـہ گِـنـداں کـہ زوراکءَ آئـیءِ بـرات پـہ گـازائـیـلءِ کـَـشـگءُ بَـرَگءِ نـیـمـونءَ کـشـتَـگ اَت ، آ پـہ وتـی مُـرتَـگـیـں بـراتءِ جَـنـازَهءَ رَوَگءَ اَت بـلے زوراکءَ نَے اِشـت ، مـاں هَـمـا مُـلـکءِ تَـهـا کـہ اودا دَرامَـداں روچے لَـکّـانـی لَـکّ کـلـدارءِ گـنـجـاں روپَـگءُ بـرَگءَاَنـت بـلے کـسے اے جُـسـتءَ هـم کـرت نـہ کـنـت کـہ پـرچـا؟ تـو وَتءَ چَـنـڈایـنـت کـہ دُنـیـا بے اَیـت ءُ بـہ گـنـدایـت کـہ دَنـیـگـا مـئے وابـجـاه ، وانَـگـجـاه ءُ نـادراهـجـاه کــُـڈ ءُ کـاپـاراَنـت ، تـو وَتءَ چـنـڈایـنـت کـہ مـئے مَهـلـوُک چـہ وَپـتَـگـیـں وابءَ آگـاه بـہ بَـنـت ، بـلے کـسے آگـاه نـہ بـوُت ، دَنـیـگـا هَـمـا چـورَهـیـں چُـکّ گـریـوَگءَاَنـت ، دَنـیـگـا هَـمـا پـیـرَزالـیـں مـات زارءُ پـریـات کـنَـگءَ اَنـت ، تـو وَتءَ چـنـڈیـن ئَے بـلے چـہ تـئـی چَـنـڈگءَ ایـوَکءَ هَـمے چـورَهءُ پـیـرَزال آه کـشّ اَنـت.
او بـلـوچـسـتـان ، او مـنـی مـات ، مَـنءَ پَهـلّ کـن ، آ روچ کـہ تـو وَتءَ چـنـڈایـنـت ، دُنـیـا پـہ زوراکـاں زَهــر گـپـت ، پـہ مـئے هـالءِ جُـسـتءُ پُـرسءَ آتـک اَنـت ، بـلے زوراکـاں مـئے گـورا آیَـگءَ نے اِشـت اَنـت ، آیـاں لـوٹ اِت کـہ مـئے هـالءَ دُنـیـاءِ آدگے مَـهـلـوُکـاں سَـر بـہ کـن اَنـت ، مَـنءَ پَـهـلّ کـن کـہ مـن اودا نَے اِتـاں کـہ تـئـی نـامءَ زنـدَگ بـہ کـنـاں ، تـئـی چـوُڈءَ بُــرز بـہ کـنـاں .
او بـلـوچـسـتـان ، او مـنـی مـات ، مـنءَ پَـهِـل کـن ، زوراکـاں تـرا چُـنـڈ چُـنـڈ کـرتَـگ ، تـئـی نـام اِش بَـدَلّ کـرتَـگءُ گـوں وَت لاچـیـنـتَـگ ، تـئـی راجـدپـتـرءُ تـئـی درَگـت اِش پـہ وَتـی نـامـاں زرتَـگ ، تـئـی چُـکّ دَنـیـگـا واب اَنـت ، آ تـئے دگے یَـکّ چَـنـڈیـنَـگےءِ رَهـچـاراَنـت ، تـو وَتءَ پـدا بـہ چَـنـڈیـں ، بـلکـیـں تـئـی اے چَـنـڈیـنَـگ مـن ءَ هَـم چـہ وابءَ پـاد بـہ کـنـت کـہ مـن اے سـیـاهـیـں نـکـابءَ چـہ تـئـی گـَـدّارانـی دیـمـاں دوُر بـہ کـَـنـاں ، اے بَـرءَ مـن تَــرا پـہ دگے چَـمّےءَ چـاراں ، تَـرا پـہ دگے دلےءَ دوسـت داراں ، تَـرا چُـکّـی مهـر دَیـاں ، تـو وَتءَ بـہ چَـنـڈیـں کـہ رَنـدا مـن وَتءَ چَـنـڈیـنـاں ، پَـدا مـن زوراکـانءَ چَـنـڈیـنـاں تـئـی چُـکّـانـی هـکّءَ پَـچ گِـراں ، آجـوئـیءِ رُژنءَ مـاں آیـانـی تـهاریـں زنـدءَ کـاراں ، مـنءَ گـوں تـو کـول اِنـت ، مـنءَ تـئـی سَـرءِ سـوگـنـد اِنـت کـہ اے بـرءَ دروگ نـہ بَـنـداں .
او بـلـوچـسـتـان ، او مـنـی مـات اے بَـرءَ مـنـی بـرات ادبـی هـکـیـم گـوں مـنـی هَـمـراهـیءَ تـئـی دردءُ گـمءِ شَـریـدار اِنـت ، نـوں تـو وَتـی دلءَ وَشّ بـہ کـن آ گـُـوشـگءَ اِنـت :
او حَـبـیـب سَـولـیـں تــو وَتـــی راه ءَ وَت گِــچــیــن
شـون بـہ کـن کـارواں راهے ءَ راسـت ءُ سَـرپَـچـیـن
مَــرچــیءَ رَنــد تــو هــانُـــل ءَ زوُر ءُ دَســت بـہ گِـر
تــو اَگـاں مُــرت ئَے شَـهــمِــریــں مَــرگے ءَ بـہ مِـر
گـَـر هَـکـیـم مـان ایـت هِــمّـَــتءِ درَچـکءَ آپ دَنـت
هِــگــمَـــت ءَ زوُرایــت راجے ءِ راه ءَ ســـاپ کــنــت
او بـلـوچـسـتـان ، او مـنـی مـات ، مـنءَ پَـهِـلّ ءُ دَرگـُـوَز بـہ کـن .

============== آسَــــــــــــر ==============
[/b]