Author Topic: 'زمین چنڈءِ أثرمَند'!. چہ ولید گربنی ءَ  (Read 994 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7057
  • Karma: 356
    • Baask-Home of Baluchi Language, Literature & Culture
'زمین چنڈءِ أثرمَند'!
 
 'نه گِــــــــــــــنداں شپانکا به بندیت لانکا
 به جنت گۆرکیا گوں إے گۆرکانی پانکـا'
 وهدے جی آر مۆلاءِ شعرءِ داتگێں بند من إشکۆت، گۆڑا رسگا مغز شۆت پانکجنیءِ نێمگا که من إشکۆتگ أت 'پانک جنوک' بزاں 'حمایتی' یا 'پلانگری زیروک'. دلا آتک که چونـَکا جی آر مۆلا شپانکا گۆرکی دستا دات داں گۆرکانی پانکا به جنت؟ زانوں شپانکءِ دیما گۆرکاں حقے هست؟ بارێں شپانکءِ کار پسانی پانکجنی نه إنت؟ همے جۆست منی مغزا إیر إتنت که یکروچے یک دیوانێا جی آر مۆلاءِ حال آتـْک. من زۆبان تێز کۆت که چه جی آر مۆلاءَ شعرا سرکچ دیگءِ دستبندی کنوں، بله جی آر مۆلا پسوے دیگا ساری چه دیوانا دَرکپْت.
 گپ منی دلا أت که یک روچے دگه بلوچ دانشوَرےءِ دیما ظاهر کنگ بوت. إے دانشورءِ ندکاریءِ پڑ چوناها إنگریزی أت و کار ئی مردۆمانی دوادرمان کنگ أت، بله ثابت بوت که بلوچی هم بَلد أت که منا سرکچ ئی دات "إدا 'پانک' نامگالے حسابا کارمرز بیتگ و 'جنـْت'ءِ بزانت 'کۆشگ' إنت؛ شاعر گوشگا إنت 'شپانکا نه گندگایوں گۆرکیا به زیریت و گۆرکانی پانـْکا به جنت/به کۆشیت.'" سرپد بیتوں که همے پانکا مئے دمَگءِ مردۆم پانـْکو گوش أنت.
 إے سوجءِ إشکۆنگا رند من کمۆک پشـَل بیتوں. و دلا آتک "ولید، تو مۆفتا وتا بلوچی زوبانءِ تجربه کارێں ندکارے لێکئے، راستیا ترا باز دربرگ و هێل کنگی إنت.
 هنی که مرادءِ هنکێں آواران، غوثبخش بزنجوءِ ودی بیگءِ جاگه جائو و زمین پهاز و مزن شانێں میر عالی ڈگارءِ هنکێں کولواهءَ آتکگێں زمین چنڈءِ حالاں من بلوچی ٹلیوژن 'وش'ءَ چارگایوں، و یکــّوی إشکۆنگایوں که 'زمین چنڈءِ أثرمند'؛ منی مت کۆشگ بیتگێں ۴۰۰ ، ٹپیێں ۱۰۰۰  و دَهاں هزار بے لوگێں بلوچاں سرَگوَز کنگا إنت و گالبندءِ تچکێں کارمرزیا مانگیشتـَگ. مغزا آیگا إنت بارێں گالبند 'زمین چنڈءِ أثرمند' إدا تچک کارمرز بیگا إنت یا رد؟ پرچاکه من أگر 'أثرمند' گالا إنگریزیءَ به ترّێنوں، معنا ئی influenced دَر کێت. چه هما جی آر مۆلاءِ شعرءِ تۆرسا من وش نیوزءَ رد گوشگا واهگدار نهوں. ألبت، نه زانوں بارێں دگه کسے إدا تچکترێں گالے سوج کنت؟ به چار إت بارێں په quake affected ءِ بزانتا 'زمین چنڈءِ تاوانبار' یا بانۆک زاهده رئیسیءِ کارمرز کۆتگێں ' زمین چنڈءِ آماچ' شرترێں گالبند نه أنت؟ چوناها من ساریا إشکۆتگ که وش نیوزءِ کارنده سوج نه گر أنت. أگر نه گِر أنت، مه گر أنت، ما چاروک و گوشداروک وتی زوبانا تچکتر کۆت وا کنیں!
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line