Author Topic: مــهـــرءِ ســـوداگِـــراں  (Read 1263 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
مــهـــرءِ ســـوداگِـــراں
« on: October 11, 2013, 04:34:18 PM »
مــهـــرءِ ســـوداگِـــراں
ادَبـی هـکـیـم
------------------
جَـنـیـن چُـکّ هَـم يَـکّ زنـدَگـیـں انـسانے ، آئـیءَ هَـم مـهـرءِ اَزکـاراِنـت ، آ هَـم گـوں یَـکّےءَ مـهــر کـنـت ، آئـیءِ دِلءَ هَـم واهَـگ مـان اِنـت ، آ هَـم وَتـی آیـوکـیـں زنـدءِ هَـمـراهءِ بـارَوا وَت گـوں وَتـی دلءَ شَـورءُ سَـلاه کـنـت ، هَـمُـک روچ ایـوَکءَ نـنـدایـت وَتـی دلءَ جـیـڑیـن ایـت ، وَتـی نـوکـیـں زنـدءِ بـاروا واب گـنـدایـت ، هَـیـال گـنـدایـت ، آسَـرا یَـکّ وَرنـائےءَ پَـسُـنـد کـنـت کـہ آئـیءِ هَـمُـک چـیـزّ آئـیءَ دوسـت بَـنـت ، مـاں وَتـی دل آئـىءَ مـهــر کـَـنـت ، اگـاں مـات ءُ پـت زانـتـکـار بـہ بَـنـت چـہ آئـیءِ گـپـاں چـہ آئـیءِ چـارَگـاں چـہ آئـیءِ دلءِ سـٹـگـاں سَـرپَــد بَـنـت کـہ آئـیءَ یَـکّے چـہ درُهـا دوسـت تـراِنـت ،  بـلے بَـژنءِ گـپ ایـش اِنـت کـہ کـسے آئـیءِ واهَـگءِ نـیـمَـگءَ نـہ چـارایـت ، کـسـے آئـیءِ دلءِ هـالءَ جُـسـت نـہ کـنـت ، کـسـے آئـیءِ مـهـرءَ نـہ گـنـدایـت ،  کـسے آئـیءِ مـاراِشـتءَ سَـرپَــد نـہ بـیـت ، کـسے آئـیءَ اے جُـسـت هَـم نـہ کـنـت کـہ تـرا چـے لـوٹ ایـت ، تـرا کے لـوٹ ایـت ، تــرا هَـم وَتـی زنـد ءِ هَـمـراهءِ گـچـیـن کـنَـگءِ هَـکّ هَـسـت ، تـو وَتـی کـسـانـیـں دل کـےءَ داتَـگ ؟ تـئـی پَـسُـنـدءِ هَـمـراه کـے اِنـت ؟ مـا هَـمـا کـسءَ پـہ تـو کـارایـں کـہ تـئـی دل گـوں آئـیءَ بَـنـداِنـت ، مـا تـرا هَـمـا کـسءِ دسـتءَ دئـیـں کـہ تـئـی هـوشءُ هَـیـال هَـمـائـیءِ گـورءَاَنـت ، هـاوَنــدءَ گـوَشـتَـگ کـہ جَـنـکءِ جُـسـت کـنَـگ پَـرزاِنـت ، مَـهـتَـر(محمد) ءَ گـوَشـتـگ کـہ اگـاں جَـنِـک پـہ آ کـسءَ رَزا مـہ بـیـت آیـانی (نکـاح) نـہ بَـنـت ، بَـلے پَـدا هَـم مـا وَتـی چَـمّـانءَ چُـپـت کـنَـگءَایـں ، پـہ وَتـی نَـپءُ سـوُتءِ هـاتِـرا پـہ وَتـی نـام ءُ نَـنـگءِ بُـرز جَـنَـگءِ هـاتِـرا مـا وَتـی جَـنـِکّـانءَ پـہ زور گـوں هـنـچـیـں وَرنـایـاں سـانـگ دَیَـگءَایـں کـہ مـئے جَـنـکـانءَ آ وَرنـا دَنـیـگـا مـاں وَتـی واب نـہ دیـسـتَـگ اَنـت ، رَنـدا مـئے جَـنـِکـانءِ واهَـگ ، اَرمـان ، مـهـر ، دوسـتـی ، واب ، هَـیـال درُهـا مـاں آیـانـی کـسـانـیـں دِلاں گــورّ کـنَـگ بَـنـت ، آیـانـی زنـد پـہ تَـهـلـیءُ تـرُپـشـیءَ گـوزایـت ، پـہ تُـرسءُ درَهَـگءَ گـوزایـت ، پـہ زَهـرءُ کـیـنَـگءَ گـوزایـت ، پـہ بے پَـرواهـیءُ نـا پَـسُـنـدیءَ گـوزایـت ، پـہ بے مـهــریءُ بے دوسـتـیءَ گـوزایـت ، پـہ تـهـاری ءُ نـادراهـیءَ گـوزایـت ، رَنــدا دگے کـسےءَ هـاجَـت نـہ بـیـت ، پـرچـا کـہ کـسے دَنـیـگـا جَنِکّ ءِ دلءِ مـاراِشـتءَ سَـرپَــد نـہ بـوُتَـگ ، کـسے آئـیءِ گــمءِ سَـوَبءَ نـہ زانـت  ،رَنــدا درُهــا نِـنـداَنـت ءُ آئـیءِ سـرا مَـیـار لـڈاَنـت ، آئـیءَ جُـسـت کـن اَنـت ، کـہ پَـرچـا تـرا وَتـی مَـرد دوسـت نے اِنـت ؟ زانءَ آئـیءَ چـہ اے دگے مَـردیـنـاں چے کـمّـی هَـسـت ؟ بـلے ایـشءَ نـہ زان اَنـت کـہ آیـانـی نـازگـلـیـں جَـنـِکءَ وَتـی دل دگِـرےءَ داتَـگ اَت بَـلـے شـمـا آ کـَـسءَ چـہ آئـیءِ دسـتءَ پَـچ گـپـت ، کـسے ایـشـیءَ نـہ زانـت کـہ جَـنـکّءِ دل دَنـیـگـا گـوں هَـمـائـیءَ بَـنـداِنـت ، اے ایـوَکءَ آئـیءِ ڈڈراِنـت کـہ بـے سـاهءُ سُــدءَ ادا کـپـتَـگ ، ایـشـیءِ پـاکـیـں اَرواه شُـتَـگ آئـیءِ پـاکـیـں مـهــرءِ هَـمـراه اِنـت گـوں آئـیءِ دوسـتءَ بَـنـداَنـت ، اے هَـم بـوُت کـنـت کـہ آئـیءِ دوسـت چـہ ایـشـیءِ هـال هـچّ سَـرپَـد نے اِنـت پَـمـیـشءَ کـہ جَـنـِکّءَ دَنـیـگـا آ چـہ نـزّیـکّءَ نـہ دیـسـتَـگ جَـنِـکّءَ دَنـیـگـا گـوں آ گـپـے نـہ جَـتَـگ ، بـہ چـاراِت کـہ مـئے جَـنِـکّـانـی مـهــر چـوں پـاکّ اَنـت ، ادا مـنـی نُـبـشـتـانـکءِ بـزانـت ایـش اِنـت کـہ مـئـے بـلـوچ راجءِ تـهـا مـات ءُ پـت پَـرچـا وَتـی جَـنـیـن چُـکّءَ وَتءَ یَـکّ زنـدَگـیـں انـسـانے نـہ مـاراَنـت ؟ آئـیءِ وَتـی زنــدءِ بـاروا گـوں آ شـورءُ سَـلاهے نـہ کـن اَنـت ؟ آئـیءِ پَـسُـنـد ءُ نـا پَـسُـنـدءَ مـان نَـیـاراَنـت ؟ پــیـسَـرا پَـرچـا آئـیءَ جُـسـت نـہ کـن اَنـت؟ .